MORNING INSPIRA....✍📆_ *30.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 27 = മോശെയ്ക്ക് പിൻഗാമിയായി യോശുവ നിയമിക്കപ്പെടുന്നു.
➡ സങ്കീർത്തനങ്ങൾ (Psalms ) 104 =  ദൈവം തന്റെ സൃഷ്ടികളെ പരിപാലിക്കുന്നു.
➡ മത്തായി (Matthew) 26: 36 - 46 = യേശു ഗത്ത്ശെമന തോട്ടത്തിൽ.
➡ 1 കൊരിന്ത്യർ (1 Cor) 5: 1 - 13 = ദുർന്നടപ്പുകാരന് എതിരെയുള്ള നടപടി.

                   *🎯  ദൂരം കൊണ്ടടുത്ത്*

      യേശുവിൻ്റെ പീഡകൾ ആരംഭിച്ച സ്ഥലമാണ് ഗത്ത്ശെമന തോട്ടം. അവിടെ യേശുവും ശിഷ്യന്മാരും മൂന്ന് ദൂരങ്ങളിലായിരിക്കുന്നത് ദർശിക്കാനാകും.

     ഗത്ത്ശെമന തോട്ടത്തിൽ പ്രവേശിച്ചതോടെ യേശു  അന്ത്രെയാസ്, ഫിലിപ്പൊസ്, ബർത്തൊലൊമായി, തോമാസ്, മത്തായി, അല്ഫായുടെ മകനായ യാക്കോബ്, തദ്ദായി, ശിമോൻ എന്നിവരെ  "ഞാൻ അവിടെ പോയി പ്രാർത്ഥിച്ചു വരുവോളം ഇവിടെ ഇരിപ്പിൻ" എന്നു പറഞ്ഞു (മത്തായി 26:36) ഒരിടത്ത് ഇരുത്തിയശേഷം പത്രോസിനെയും യാക്കോബിനെയും യോഹന്നാനെയും കൂട്ടി അല്പം കൂടെ മുമ്പോട്ട് ചെന്ന് "എന്നോടുകൂടെ ഉണർന്നിരിക്കുവിൻ" എന്ന് പറഞ്ഞ് അവരെയും ഒരിടത്ത് ഇരുത്തിയശേഷം അല്പം മുമ്പോട്ടു ചെന്ന് കവിണ്ണുവീണ് പ്രാർത്ഥിക്കാൻ തുടങ്ങി.

      ഇപ്പോൾ യേശുവും ശിഷ്യന്മാരും ഒരു തോട്ടത്തിലെ മൂന്ന് സ്ഥലങ്ങളിലായാണ് ഇരിക്കുന്നത്. യേശുവിനോടുള്ള ദൂരത്തിൽ കുറവുള്ളത് പത്രോസിനും യാക്കോബിനും യോഹന്നാനും ആണ്. എന്നാൽ അവർ അടുത്തിരുന്നത് ദൂരം കൊണ്ട് മാത്രമാണ് മനസ്സുകൊണ്ടല്ല. കാരണം യേശുവിൻ്റെ ആഗ്രഹത്തിൽ നിന്നും കല്പനയിൽ നിന്നും അകന്ന് അവർ ഉറക്കത്തിലേയ്ക്ക് വഴുതി വീണിരുന്നു.

     ഇന്ന് പലരും ദൈവത്തോടുള്ള ബന്ധത്തിലും കുടുംബത്തോടുള്ള ബന്ധത്തിലും ദൂരം കൊണ്ട് മാത്രം അടുത്തവരും മനസ്സുകൊണ്ടകന്നവരുമാണ്. ഈ ലോക്ക് ഡൗൺ ദിവസങ്ങളിൽ മനസ്സുകൾ തമ്മിലുള്ള അകലം കുറയട്ടെ. ബന്ധങ്ങളെ പുനർജീവിപ്പിക്കാനും പുനരുദ്ധരിക്കാനും നമുക്ക് സാധിക്കട്ടെ.


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *29.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 26 = രണ്ടാമത്തെ ജനസംഖ്യയെടുപ്പ്.
➡ സങ്കീർത്തനങ്ങൾ (Psalms ) 103 = നന്മകൾക്കായി യഹോവയെ സ്തുതിക്കുന്നു.
➡ മത്തായി (Matthew) 26: 31 - 35 = ശിഷ്യന്മാർ ഇടറുന്നകാര്യം യേശു പ്രവചിക്കുന്നു.
➡ 1 കൊരിന്ത്യർ (1 Cor) 4: 1 - 21 = ക്രിസ്തുവിന്റെ അപ്പോസ്തലന്മാർ.       

                     *🎯 ഈ രാത്രി*

       യേശുവിൻ്റെ ശിഷ്യന്മാരിൽ യൂദാ ഈസ്കര്യോത്താവു കഴിയാഞ്ഞാൽ ഏറ്റവും കൂടുതൽ കുറ്റപ്പെടുത്തലുകൾ ലഭിച്ചിട്ടുള്ള ശിഷ്യനാണ് പത്രോസ്. യേശുവിനെ തള്ളിപ്പറഞ്ഞതാണ് അദ്ദേഹം ചെയ്ത എറ്റവും വലിയ കുറ്റം.

     പത്രോസ് യേശുവിനെ തള്ളിപ്പറഞ്ഞതിൽ സാഹചര്യങ്ങളുടെ സമ്മർദ്ധത്തിന് വലിയൊരു പങ്ക് ഉണ്ട് എന്ന് നമുക്ക് ഒരുപക്ഷേ ആ സംഭവങ്ങൾ വായിക്കുമ്പോൾ തോന്നാം. എന്നാൽ ആ സാഹചര്യങ്ങളിലേയ്ക്ക് എത്തിപ്പെടും മുമ്പ് ആ രാത്രി വളരെ പ്രധാനപ്പെട്ട രാത്രിയാണ് എന്ന തിരിച്ചറിവ് അദ്ദേഹത്തിനുണ്ടായിരുന്നു. മാത്രമല്ല ആ രാത്രി താൻ വിശ്വസ്തനായി കൂടെയിരിക്കും മരിക്കേണ്ടി വന്നാലും കർത്താവേ അങ്ങയേ പിരിയില്ല എന്ന വാഗ്ദാനവും ചെയ്തതുമാണ്.

    എന്നാൽ ആ രാത്രിയിൽ യേശു നല്കിയ മുന്നറിയിപ്പും താൻ എടുത്ത തീരുമാനവും മറന്നതാണ് പത്രോസ് യേശുവിനെ തള്ളിപ്പറയാനുള്ള കാരണം. നാമും ആയിരിക്കുന്നത് രാത്രിയിലാണ്, ഉദയനക്ഷത്രം ഉദിച്ചിട്ടുണ്ട് എങ്കിലും പകലായിട്ടില്ല. ദൈവാത്മാവ് നമ്മേ ഓർമ്മിപ്പിക്കുന്നത് "രാത്രി കഴിവാറായി പകൽ അടുത്തിരിക്കുന്നു; അതുകൊണ്ടു നാം ഇരുട്ടിന്റെ പ്രവൃത്തികളെ വെച്ചുകളഞ്ഞു വെളിച്ചത്തിന്റെ ആയുധവർഗ്ഗം ധരിച്ചുകൊൾക" (റോമർ 13:12) എന്നാണ്. നാം പാർക്കുന്ന ഈ രാത്രി പ്രധാനപ്പെട്ടതാണ്, തളരാനും തള്ളിപ്പറയാനും സാധ്യതകൾ ഉണ്ട്. മുന്നറിയിപ്പുകളെ അവഗണിക്കാതെ വെളിച്ചത്തിൻ്റെ ആയുധവർഗ്ഗം ധരിച്ച് രക്ഷ പ്രാപിച്ചപ്പോൾ എടുത്ത തീരുമാനത്തോട് പൂർണ്ണ വിശ്വസ്തത കാണിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം.*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *28.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 25 = ബാൽ- പെയോർ.
➡ സങ്കീർത്തനങ്ങൾ (Psalms ) 102 = സീയോനോടു കരുണകാണിക്കുന്ന ദൈവം.
➡ മത്തായി (Matthew) 26: 26 - 30 = കർത്തൃമേശ സ്ഥാപിക്കുന്നു.
➡ 1 കൊരിന്ത്യർ (1 Cor) 3: 16 - 23 = നാം ദൈവത്തിന്റെ മന്ദിരം.

   *🎯 പുതിയനിയമം*

       ഇന്ന് ക്രിസ്തീയ വിശ്വാസികൾക്കിടയിൽ വൈകാരികമായും ഉപദേശപരമായും വിവാദപരമായ വിഷയമാണ് കർത്തൃമേശ, പ്രത്യേകിച്ച് പാനപാത്രം. ഒരു പാനപാത്രമോ അതോ ഓരോരുത്തർക്കും ഓരോ പാനപാത്രം വീതമോ എന്ന് വാദിച്ച് തുടങ്ങി ഇന്ന് ഒന്നിച്ചു കൂടുമ്പോൾ പ്രമാണിച്ചാൽ മതിയോ അല്ലെങ്കിൽ ഓരോരോ വീടുകളിൽ പ്രമാണിക്കാമോ എന്ന ചർച്ചയിൽ എത്തി നില്ക്കുന്നു.

      യഥാർത്ഥത്തിൽ എന്താണ് കർത്തൃമേശ കൊണ്ട് ഉദ്ദേശിക്കപ്പെടുന്നത്?

      പാനപാത്രം ശിഷ്യന്മാർക്ക് കൈമാറിക്കൊണ്ട് യേശു പറഞ്ഞത് "ഇതു അനേകർക്കുവേണ്ടി പാപമോചനത്തിന്നായി ചൊരിയുന്ന പുതിയ നിയമത്തിന്നുള്ള എന്റെ രക്തം" (മത്തായി 26:28) എന്നാണ്.

    അതേ, കർത്തൃമേശ യേശുവിൻ്റെ രക്തത്താൻ സ്ഥാപിതമായ പുതിയനിയമം ഓർമ്മിക്കാനുള്ളതാണ്. പാപം നിമിത്തം ദൈവത്തിൽ നിന്നകന്ന് പിശാചിൻ്റെ അടിമകളും പാതാളത്തിന് ഓഹരിക്കാരുമായ മനുഷ്യരെ സ്വന്ത രക്തത്താൽ വിശുദ്ധീകരിച്ച് യെഹൂദൻ എന്നോ ജാതീയൻ എന്നോ വ്യത്യാസമില്ലാതെ ക്രിസ്തുവിൻ്റെ ശരീരമാകുന്ന സഭയുടെ അവയവങ്ങളാക്കി മാറ്റുന്നതാണ് പുതിയനിയമം.

   യവനൻ, യെഹൂദൻ, പരിച്ഛേദന, അഗ്രചർമ്മം, ബർബ്ബരൻ, ശകൻ, ദാസൻ, സ്വതന്ത്രൻ തുടങ്ങിയ വ്യത്യസങ്ങളില്ലാതെ ക്രിസ്തുവിൽ നമ്മൾ ഒന്നാണ് എന്ന് കർത്തൃമേശയിൽ നിന്ന് പങ്കെടുക്കുന്നതിലൂടെ നാം പ്രസ്താവിക്കുന്നു. അത് നടക്കാത്ത പക്ഷം മുറിക്കുന്നത് വെറും അപ്പവും പാനം ചെയ്യുന്നത് വെറും മുന്തിരിച്ചാറും മാത്രം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം.*
_By: Evg. Johnson Lazar Uppukunnu_
   _9400181794_

morning inspira

MORNING INSPIRA....✍📆_ *27.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 23 - 24 = ബിലെയാമിന്റെ അനുഗ്രഹങ്ങളും പ്രവചനങ്ങളും.

➡ സങ്കീർത്തനങ്ങൾ (Psalms ) 99 -101 = സ്‌തുതിയും സ്തുതിക്കാനുള്ള ആഹ്വാനവും.

➡ മത്തായി (Matthew) 26: 17 - 25 = യേശു തന്നെ ഒറ്റിക്കൊടുത്തവനാരെന്നു വ്യക്തമാക്കുന്നു.

➡ 1 കൊരിന്ത്യർ (1 Cor) 3: 1 - 15 = യേശുക്രിസ്തു എന്ന അടിസ്ഥാനം.

          *🎯 കർത്താവോ? ഗുരുവോ?*

    ഇന്നലെ നാം ചിന്തിച്ചത് യേശുവിൻ്റെ ശിഷ്യനായിരുന്ന യൂദാ ഈസ്കര്യോത്താവു യേശുവിനെ കാണിച്ചുകൊടുക്കാനായി മഹാപുരോഹിതന്മാരോടു വാക്ക് പറഞ്ഞ് പണം കൈപ്പറ്റിയതാണ്. 

    ആ നീചകൃത്യത്തിലേയ്ക്ക് അവനെ നയിച്ചത് യേശുവിനോടുള്ള അവൻ്റെ സമീപനം ആയിരുന്നു. പെസഹയുടെ രാത്രിയിൽ ശിഷ്യന്മാർക്ക് ഒപ്പം പന്തിയിയിൽ ഇരുന്ന യേശു "നിങ്ങളിൽ ഒരുവൻ എന്നെ കാണിച്ചുകൊടുക്കും" എന്ന് പറഞ്ഞപ്പോൾ യൂദാ ഒഴികെ ബാക്കി എല്ലാ ശിഷ്യന്മാരും "കര്‍ത്താവേ, അതു ഞാന്‍ അല്ലല്ലോ" എന്ന്‌ യേശുവിനോട് ചോദിക്കാന്‍ തുടങ്ങി (മത്തായി 26 : 22). എന്നാൽ യൂദാ ചോദിച്ചത് "ഗുരോ, അതു ഞാനോ?" (മത്തായി 26 : 25) എന്നാണ്.

     ആദ്യകാലങ്ങളിൽ യേശുവിനെ ശിഷ്യന്മാർ എല്ലാവരും ഗുരോ എന്നാണ് വിളിച്ചിരുന്നത്. എന്നാൽ അവിടുത്തെ അടുത്തറിഞ്ഞപ്പോൾ അവർ അവരുടെ ജീവിതത്തിൻ്റെ കർത്തൃത്വം യേശുവിന് വിട്ടുകൊടുത്തു. യൂദായാകട്ടെ യേശുവിനെ അറിഞ്ഞുമില്ല അതുകൊണ്ട് കർത്താവായി അംഗീകരിച്ചുമില്ല. കർത്താവായി അംഗീകരിക്കേണ്ടവനെ അംഗീകരിക്കാതെ ഗുരുവായി മാത്രം കണ്ടതാണ് പണത്തിനായി അവിടുത്തെ ഒറ്റിക്കൊടുക്കുന്നതിൽ നിന്ന് അവനെ തടയാതിരുന്നത്. നാം യേശുവിനെ എങ്ങനെ കാണുന്നു? അവിടുന്ന് നമുക്ക് കർത്താവോ? ഗുരുവോ?

     

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING INSPIRA....✍📆_ *26.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 22 = ബിലെയാം ബാലാക്കിനരിലേക്ക് പുറപ്പെടുന്നു.
➡ സങ്കീർത്തനങ്ങൾ (Psalms ) 95 -  98 = ന്യായാധിപനായ ദൈവവും ആവന്റെ മഹത്വവും.
➡ മത്തായി (Matthew) 26: 14 - 16 = ഈസ്ക്കര്യോത്ത യുദ യേശുവിനെ ഒറ്റിക്കൊടുക്കുന്നു.
➡ 1 കൊരിന്ത്യർ (1 Cor) 2: 9 - 16 = ദൈവത്തിന്റെ അത്മാവുള്ളവർ.

        *🎯 അടുത്താലും അകന്നാലും ലാഭം*

       ആറ് പതിറ്റാണ്ടോളം മലയാളക്കരയിൽ അടരാടിയ മികച്ച സുവിശേഷ പ്രസംഗികനാണ് "ആർ കൃഷ്ണൻകുട്ടി." അദ്ദേഹം തൻ്റെ പ്രഭാഷണങ്ങളിൽ ''ദൈവത്തോട് അടുത്താലും അകന്നാലും ലാഭം" എന്നാവർത്തിച്ചു പറയുമായിരുന്നു.

       ആദ്യം ദൈവത്തിൻ്റെ രാജ്യവും അവിടുത്തെ നീതിയും അന്വേഷിക്കുക. അതോടൊപ്പം ആഹാരം, വസ്ത്രം, പാർപ്പിടം തുടങ്ങിയ ജീവനാവശ്യങ്ങൾ നിങ്ങള്‍ക്കു ലഭിക്കും (മത്തായി 6 : 33) എന്ന് യേശു പറഞ്ഞിട്ടുള്ളതുകൊണ്ട് ദൈവത്തോട് അടുത്താൽ ലാഭം ഉണ്ടാകും എന്നതിന് സംശയമില്ല. എന്നാൽ അകന്നാൽ എങ്ങനെയാണ് ലാഭമുണ്ടാകുക?

    അകന്നാൽ എങ്ങനെ ലാഭമുണ്ടാകും എന്നതിൻ്റെ ദൃഷ്ടാന്തമാണ് നാം ഇന്ന് മത്തായി എഴുതിയ സുവിശേഷത്തിൽ വായിച്ചത്. യേശുവിൻ്റെ ശിഷ്യനായിരുന്ന യൂദാ യേശുവിനെ തകർക്കാൻ ശ്രമിക്കുന്ന ശത്രു പക്ഷത്തിനരികിൽ എത്തി ''നിങ്ങൾ എന്തു തരും? ഞാൻ യേശുവിനെ കാണിച്ചുതരാം എന്നു പറഞ്ഞു (മത്തായി 26:15). ആ വാക്കു അവന്നു മുപ്പതു വെള്ളിക്കാശ് നേടികൊടുത്തു.

    ഇന്ന് യൂദായുടെ പിൻഗാമികൾ "ഞങ്ങൾ നിങ്ങൾക്കായി യേശുവിനോട് പ്രാർത്ഥിക്കാം നിങ്ങൾ എന്ത് തരും" എന്ന് പരസ്യമായും രഹസ്യമായും നേരിട്ടും അല്ലാതെയും ചോദിച്ചുകൊണ്ടിരിക്കുന്നു. ചിലർ യേശുവിൻ്റെ കല്പനകളെ ധിക്കരിച്ച് തെറ്റായ വഴികളിലൂടെ ലാഭം ഉണ്ടാക്കുന്നു. വേറെ ചിലർ യേശുവിൻ്റെ നാമത്തിൽ കള്ളസാക്ഷ്യം പറഞ്ഞ് കോടിശ്വരന്മാരാകുന്നു.

   നമുക്ക് ലാഭം ഉണ്ടാകുന്നത് ഏതുവിധം? യേശുവിനോട് അടുത്തിട്ടോ അകന്നിട്ടോ?

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA

MORNING INSPIRA....✍📆_ *25.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 21 = യിസ്രായേൽ ജനം അരാദ്, സീഹോൻ, ഓഗ് എന്നീ രാജാക്കന്മാരെ കീഴടക്കുന്നു.

➡ സങ്കീർത്തനങ്ങൾ (Psalms ) 94 = സംരക്ഷകനും ന്യായാധിപനുമായ യഹോവ.

➡ മത്തായി (Matthew) 26: 6 - 13 = ബേഥാന്യയിൽ വെച്ച് യേശുവിനെ തൈലം പൂശുന്നു.

➡ 1 കൊരിന്ത്യർ (1 Cor) 2: 1 - 8 = പ്രസംഗം ജ്ഞാനത്താലല്ല ആത്മാവിന്റെ ശക്തിയാൽ.

      *🎯 കമ്യൂണിസം പരാജയപ്പെടും*

    ആഗോളപരമായി നിരവധി മാറ്റങ്ങൾക്ക് മാർഗ്ഗമൊരുക്കാൻ "കമ്യൂണിസം" എന്ന ആശയത്തിന് കഴിഞ്ഞിട്ടുണ്ടെങ്കിലും പരാജയത്തിൻ്റെ ചതുപ്പിലാണ് അത് ഉദയം കൊണ്ടതും ഇന്ന് നിലകൊള്ളുന്നതും. കമ്യൂണിസ്റ്റ് പാർട്ടി ഇലക്ഷനിലും ഭരണത്തിലും വിജയം കാണും എന്നതിന് എതിർവാദമേതുമില്ല, കമ്യൂണിസം എന്ന ആശയം പരാജയപ്പെടും എന്നതിന് രണ്ടുപക്ഷവുമില്ല. കാരണം, കമ്യൂണിസത്തിൽ ആരും സമ്പത്ത് കൈകാര്യം ചെയ്യാതെ എല്ലാവരും പൊതുവായ ഒരു സംസ്ഥനത്തീന്റെ ഉടമസ്ഥതയിലുള്ള നിർമ്മാണശാലകളിൽ അവരാലാകുന്നതുപോലെ തൊഴിലെടുക്കുകയും ഒരോരുത്തരുടെ തൊഴിലും പ്രതിനിധീകരണത്തിനും ആവശ്യത്തിനുമനുസരിച്ച് ലാഭം പങ്കുവക്കപ്പെടുകയുമാണ് ചെയ്യുന്നത്. ഈ ആശയം നിലവിൽ വന്നാൽ ഇവിടെ സമ്പന്നൻ ദരിദ്രൻ എന്ന വ്യത്യാസം ഇല്ലാതെ വരികയും എല്ലാവരും സാമ്പത്തിക സന്തുലിതാവസ്ഥയിൽ എത്തുകയും ചെയ്യും.

     അവതരിപ്പിക്കപ്പെട്ട ആശയങ്ങൾ എല്ലാം അക്ഷരംപ്രതി നിറവേറിയിട്ടുള്ള ബൈബിൾ പറയുന്നു "ദരിദ്രർ എല്ലായ്പോഴും ഉണ്ടു" (മത്തായി 26:11). ബൈബിൾ ആണ് സത്യം. ഇതുവരെ ബൈബിൾ പരാജയപ്പെട്ടിട്ടില്ല, ഇനി പരാജയപ്പെടുത്തുമില്ല.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

  MORNING INSPIRA....✍📆_ *24.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 20 = യഹോവ പാറയിൽ നിന്ന് വെള്ളം നല്കുന്നു.

➡ സങ്കീർത്തനങ്ങൾ (Psalms ) 91 - 93 = യഹോവയുടെ മഹത്വവും കരുതലും.

➡ മത്തായി (Matthew) 26: 1 - 5 = യേശു തന്റെ മരണം മുൻകൂട്ടി പ്രസ്താവിക്കുന്നു.

➡ 1 കൊരിന്ത്യർ (1 Cor) 1: 18 - 31 =  ക്രൂശിന്റെ വചനം.

      *🎯 വിപരീത ആവശ്യങ്ങൾ*

      "കക്ഷത്തിൽ ഇരിക്കുന്നത് പോകാനും പാടില്ല ഉത്തരത്തിൽ ഇരിക്കുന്നത് എടുക്കുകയും വേണം" എന്ന പഴഞ്ചൊല്ല് നമുക്കേവർക്കും പരിചിതമാണ്. ഇന്ന് നാം മത്തായി സുവിശേഷത്തിൽ വായിച്ച ഇസ്രായേൽ പ്രമാണിമാരുടെ കാര്യവും ഏതാണ്ട്  ഈ പഴഞ്ചൊല്ലിനോട് സമമാണ്. കാരണം അവരുടെ ആവശ്യം ജനങ്ങൾക്കിടയിൽ കലഹം ഉണ്ടാകരുത്, യേശുവിനെ കൊല്ലണം  എന്നതാണ്.

      ആരാണ് യേശു? ഇസ്രായേൽ ജനതയ്ക്കിടയിൽ കലഹം ഉണ്ടാക്കിയവനാണോ? അല്ലെങ്കിൽ യവനന്മാർക്കും ജൂതന്മാർക്കുമിടയിൽ കലഹം ഉണ്ടാക്കിയവനാണോ? അല്ല അവിടുന്ന് സമാധാനം പ്രസംഗിച്ചവനാണ്. ശമര്യർക്കും ഇസ്രായേൽ ജനതയ്ക്കുമിടയിൽ ഉണ്ടായിരുന്ന അസമാധാനത്തിൻ്റെ മതിൽകെട്ടുകളെ തകർത്ത് സമാധാനത്തിൻ്റെ പാത തെളിച്ചവനാണ്. അവിടുത്തേക്കുറിച്ചുള്ള പ്രവാചക വിശേഷണങ്ങളിൽ ഒന്ന് "സമാധാനപ്രഭു'' (യെശയ്യാവു 9:6) എന്നാണ്. അപ്പോൾ ഇസ്രായേൽ പ്രമാണിമാരുടെ ആവശ്യം വിപരീതമാണ് കാരണം അവർക്കു "സമാധാനവും വേണം സമാധാനപ്രഭു കൊല്ലപ്പെടുകയും വേണം.

     യേശുവിൻ്റെ ക്രൂശുമരണത്തിലൂടെ ദൈവത്തോട് സമാധാനം ലഭിക്കുന്നു എന്നത് വാസ്തവമെങ്കിലും യേശുവിനെ ക്രൂശിക്കാൻ എല്പ്പിച്ച ജൂതന്മാർ തുടർന്ന് അധികനാൾ സമാധാനം ആസ്വദിച്ചില്ല. അവരുടെ ആരാധനസ്ഥലം നശിപ്പിക്കപ്പെടുകയും അവർ സമാധാനമില്ലാതെ അലയുകയും അയൽരാജ്യങ്ങളെ സമാധാനത്തിനായി ആശ്രയിക്കുകയും ചെയ്തു. ഇന്നും തീരാത്ത പ്രവാസം.

  

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

 MORNING INSPIRA....✍📆_ *23.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 19 = ശുദ്ധീകരണജലം.

➡ സങ്കീർത്തനങ്ങൾ (Psalms ) 90 =  നിത്യനായ ദൈവവും നിസാരനായ മനുഷ്യനും.

➡ മത്തായി (Matthew) 25: 41 - 46 = ജാതികളുടെ ന്യായവിധി, ഇടത്തു നില്ക്കുന്നവർ.

➡ 1 കൊരിന്ത്യർ (1 Cor) 1: 10 - 17 = സഭയിലെ ഭിന്നത.

            *🎯 വിലക്കപ്പെടാത്ത കരങ്ങൾ*

    കോറോണ നിമിത്തം ഉണ്ടായിരിക്കുന്ന ഈ ലോക്ക് ഡൗൺ ആഗോളപരമായി വലിയ സാമ്പത്തിക പ്രതിസന്ധിയ്ക്ക് കാരണമായിരിക്കുന്നു. ഹസ്തദാനങ്ങൾ വിലക്കപ്പെട്ടിരിക്കുന്ന ഈ സാഹചര്യത്തിൽ വിലക്കില്ലാത്തതും നാം നിർബന്ധമായും നീട്ടേണ്ടതുമായ ഒന്നാണ് നന്മയുടെ കരം. ക്രിസ്തുവിനെയും അവിടുത്തെ സ്നേഹത്തെയും പ്രകടിപ്പിക്കാൻ ഏറ്റവും നല്ല അവസരമാണിത്.

    യഥാർത്ഥത്തിൽ ക്രിസ്തുഭക്തർക്ക് ലഭിച്ചിരിക്കുന്ന കല്പനയാണ് അവസരം കിട്ടുംപോലെ എല്ലാവർക്കും, വിശേഷാൽ സഹവിശ്വാസികൾക്കും നന്മ ചെയ്ക (ഗലാത്യർ 6:10 ) എന്നത്. "എല്ലാവരോടും എപ്പോഴും നന്മ ചെയ്തുകൊണ്ടിരിപ്പിൻ" (1. തെസ്സലൊനീക്യർ 5:15), നന്മ ചെയ്‌വാൻ പഠിപ്പിൻ; ന്യായം അന്വേഷിപ്പിൻ; പീഡിപ്പിക്കുന്നവനെ നേർവ്വഴിക്കാക്കുവിൻ; അനാഥന്നു ന്യായം നടത്തിക്കൊടുപ്പിൻ; വിധവെക്കു വേണ്ടി വ്യവഹരിപ്പിൻ (യെശയ്യാവു 1:17) എന്ന നിർദ്ദേശവും

നന്മ ചെയ്‌വാൻ നിനക്കു പ്രാപ്തിയുള്ളപ്പോൾ അതിന്നു യോഗ്യന്മാരായിരിക്കുന്നവർക്കു ചെയ്യാതിരിക്കരുതു (സദൃശവാക്യങ്ങൾ 3:27) എന്ന മുന്നറിയിപ്പും നല്കുന്നതിനൊപ്പം അന്ത്യന്യായാവിധിയിൽ നന്മ ചെയ്യാത്തവർ ശിക്ഷിക്കപ്പെടും എന്ന അപക സൂചനയും ബൈബിൾ നല്കുന്നു (മത്തായി 25:43-46). ആകയാൽ ഈ ദിവസങ്ങളെ നന്മയുടെ കരങ്ങൾ നിട്ടുന്ന ദിനങ്ങളാക്കി മാറ്റാം. അതിജീവനം അതിഗംഭീര ജീവതത്തിലേയ്ക്ക് വഴിമാറട്ടെ.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

 MORNING INSPIRA....✍📆_ *22.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 17 - 18 = അഹരോന്റെ തളിർത്ത വടിയും ലേവ്യരുടെ ചുമതലകളും.

➡ സങ്കീർത്തനങ്ങൾ (Psalms ) 89 = ദാവീദിനോടുള്ള യഹോവയുടെ ഉടമ്പടി.

➡ മത്തായി (Matthew) 25: 31 - 40 = ജാതികളുടെ ന്യായവിധി, വലത്തു നില്ക്കുന്നവർ.

➡ 1 കൊരിന്ത്യർ (1 Cor) 1: 1 - 9 = ആമുഖവും അഭിവാദ്യവും. 

               *🎯 വാക്കും പ്രവൃത്തിയും*

       ലോകത്ത് ഏറ്റവും കൂടുതൽ ആദരിക്കപ്പെടുന്ന വിശിഷ്ട വനിതയാണ് 'അഗതികളുടെ അമ്മ' എന്ന അപരനാമത്തിൽ അറിയപ്പെടുന്ന മദർ തേരേസ്സ. അവർ ഒരിക്കൽ പറഞ്ഞു: "ക്രിസ്തുവാകുന്ന പ്രകാശം നല്കാൻ കഴിയാത്ത വാക്കുകൾ അന്ധകാരം വർദ്ധിപ്പിക്കുന്നു"

        വാക്കുകളെക്കുറിച്ച് ഇത്ര കാതലായ ആശയം അവതരിപ്പിച്ച മദർ തേരേസ്സ അറിയപ്പെടുന്നത് അവർ നടത്തിയിട്ടുള്ള പ്രസംഗങ്ങളുടെ പേരിൽ അല്ല, മറിച്ച് കാരുണ്യപ്രവർത്തനങ്ങളുടെ പേരിലാണ്. 1948 മുതൽ 1997 സെപ്‌റ്റംബർ അഞ്ചിന് അന്ത്യശ്വാസം വലിക്കുന്നതുവരെയുള്ള ജീവിതം കൊണ്ട് സാധു സ്ത്രീകളെ സംരക്ഷിച്ചും പുറമ്പോക്കിൽ വലിച്ചെറിയപ്പെട്ടവർക്ക് അമ്മയായും അന്ധർക്ക് വഴികാട്ടിയായും കുഷ്‌ഠരോഗികൾക്കും അവശർക്കും പരമദരിദ്രർക്കും ആശ്വാസമായും സ്നേഹത്തിൻ്റെ പുതിയലോകം ഇന്ത്യയുടെ വിരിമാറിൽ അവർ വരച്ചിട്ടു. അധരങ്ങളിൽ നിന്ന് അടർന്ന് വീഴുന്ന ആയിരം വാക്കുകളെക്കാൾ ഉച്ചത്തിൽ ഒരു പ്രവൃത്തി സംസാരിക്കും എന്ന തിരിച്ചറിവാണ് അവരെ കാരുണ്യത്തിൻ്റെ മേഖലയിൽ ചരിത്രങ്ങൾ സൃഷ്ടിക്കാൻ പ്രാപ്തയാക്കിയത്.

     

      നമ്മുടെ വാക്കുകൾ അല്ല പ്രവർത്തികളാണ് ഉച്ചത്തിൽ സംസാരിക്കുന്നത്, അവയാണ് നമുക്ക് പ്രതിഫലങ്ങൾ നല്കിത്തരുന്നത്, യേശു പറഞ്ഞു വിശന്നവർക്ക്  ഭക്ഷണവും ദാഹിച്ചവർക്ക് വെള്ളവും നല്കി അതിഥികളെ സ്വീകരിച്ചു, നഗ്നരെ ഉടുപ്പിച്ചു, രോഗികളെയും തടവിൽ ആയിരുന്നവരെയും സന്ദർശിക്കുന്നവരാണ് നീതിമാന്മാർ (മത്തായി 25:35-36).

 

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

 MORNING INSPIRA....✍📆_ *21.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 16 = കോരഹിന്റെ മത്സരവും ദൈവത്തിന്റെ ന്യായവിധിയും.

➡ സങ്കീർത്തനങ്ങൾ (Psalms ) 87 - 88 = സീയോൻ നിവാസികളുടെ ഭാഗ്യവസ്ഥ, രക്ഷയ്ക്കുള്ള അപേക്ഷ.

➡ മത്തായി (Matthew) 25: 14 - 30 = താലന്തുകളുടെ ഉപമ.

➡ റോമർ (Romans) 16: 24 - 26 = ഉപസംഹാരം.

         *🎯 സൂക്ഷിക്കാൻ ഏല്പ്പിച്ചതോ?*

         രാജ്യത്ത് ഏറ്റവും കൂടുതൽ സാമ്പത്തിക പ്രതിസന്ധി അനുഭവിക്കുന്നത് കർഷകരാണ്. അവർ അവരുടെ ജീവിതത്തിലെ പല ആവശ്യങ്ങളും നിറവേറ്റുന്നത് അവരാൽ കഴിയും പോലെ പണം ചരതിച്ച് വെച്ചാണ്. അതിനായി അവർ തെരഞ്ഞെടുക്കുന്ന പല മാർഗ്ഗങ്ങളിൽ ഒന്ന് അയൽവാസിയുടെയോ സ്നേഹതൻ്റെയോ കൈയിൽ ആ പണം സൂക്ഷിക്കാനായി നല്കുക എന്നതാണ്. സ്വന്തം കൈയിൽ ഇരുന്നാൽ പെട്ടെന്ന് ഒരു ആവശ്യം വന്നാൽ എടുക്കും മറ്റൊരാളുടെ കൈയിലാണെങ്കിൽ ആവശ്യം എങ്ങനെയെങ്കിലും നടത്തുകയും സൂക്ഷിക്കാൻ ഏല്പ്പിച്ച പണം അങ്ങനെ തന്നെ ഇരിക്കുകയും ചെയ്യും എന്നതാണ് ഇതിൻ്റെ ഏറ്റവും വലിയ പ്രത്യേകത. സൂക്ഷിക്കാൻ ഏല്പ്പിക്കപ്പെട്ട വ്യക്തി വിശ്വസ്തനായിരിക്കും. അവനൊരു ആവശ്യം വന്നാലും ആ തുകയിൽ നിന്നവൻ ഒന്നും എടുക്കില്ല.

     യേശുവിൻ്റെ രക്തത്താൽ വീണ്ടും ജനിച്ചവരിൽ ഒരു വലിയ കൂട്ടം വിശ്വാസികളും ഇന്ന് ഈ വിശ്വസ്തരായ സ്നേഹിതനെപ്പോലെയാണ്. അവർക്ക് ലഭിച്ച താലന്തുകൾ അവർ ഉപയോഗിക്കാതെ വെറുതെ സൂക്ഷിച്ച് വെച്ചിരിക്കുന്നു.

   പ്രിയമുള്ളവരേ, താലന്തുകൾ നമുക്ക് സൂക്ഷിക്കാൻ അല്ല വ്യാപാരം ചെയ്യാനായി ലഭിച്ചവയാണ്. അത് നാം ഉപയോഗിക്കാതെ, വ്യാപാരം ചെയ്യാതെ വെറുതെ സൂക്ഷിച്ചാൽ നാം ദൈവസന്നിധിയിൽ അവിശ്വസ്തരാകും. അവ നമുക്ക് ലഭിച്ചത് സൂക്ഷിക്കാനല്ല വ്യാപരം ചെയ്യാനാണ്. സൂക്ഷിക്കേണ്ടതിനെ സൂക്ഷിച്ചും വ്യാപാരം ചെയ്യേണ്ടതിനെ വ്യാപാരം ചെയ്തും വിശ്വസ്തരാകാം.

🌹ശുഭദിനം💐

*Morning Inspira - വചനവായനക്ക് പുതിയൊരു മുഖം* 

_By: Evg Johnson Lazar Uppukunnu_

   _9400181794_

ORNING INSPIRA....✍📆_ *19.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 14 = യിസ്രായേൽ ജനത്തിന്റെ അവിശ്വാസവും മത്സരവും.
➡ സങ്കീർത്തനങ്ങൾ (Psalms ) 81 - 83 = ദൈവത്തിലുള്ള നന്മകളും ദൈവത്തോടുള്ള അപേക്ഷയും.
➡ മത്തായി (Matthew) 24: 45 - 51 = അവിശ്വസ്ത ദാസൻ.
➡ റോമർ (Romans) 16: 17 - 20 = നന്മയ്ക്കു ജ്ഞാനികൾ.

          *🎯 സപ്ലെയർ മാനിക്കപ്പെടുമ്പോൾ*

      ഒരു കാലത്ത് വലിയ ജോലികൾ ചെയ്യാൻ കഴിവില്ലാത്തവരും ബലഹീനരും ചെയ്തിരുന്ന സപ്ലെയർ ജോലിക്ക് സ്റ്റാർ ഹോട്ടലുകളുടെ കടന്നുവരവ് പുതിയ മാനങ്ങൾ സമ്മാനിച്ചു. ഇന്നിത് പഠനവിഷയവും പാരിതോഷികങ്ങൾ ലഭിക്കുന്ന പ്രവൃത്തിയുമാണ്.

      നൂറ്റാണ്ടുകൾക്ക് മുമ്പ് മനുഷ്യനായി അവതരിച്ച ദൈവപുത്രൻ സപ്ലെയർക്ക് ലഭിക്കുന്ന പാരിതോഷികത്തെക്കുറിച്ച് പറഞ്ഞു. അത്, അവരെ സകലത്തിന്മേലും യജമാനൻ ആക്കിവെക്കും എന്നതാണു (മത്തായി 24:47).

     ഇന്ന് ഹോട്ടലുകളിലെ തീൻമേശയിൽ പ്രസന്നമുഖത്തോടെ മാന്യമായി ഭക്ഷണം വിളമ്പുന്നവർക്ക് കസ്റ്റമറിൽ നിന്ന്  ടിപ്പും യജമാനനിൽ നിന്ന് അഭിനന്ദനവും ലഭിക്കുന്നതുപോലെ യേശു പറഞ്ഞ പാരിതോഷികവും ലഭിക്കുന്നത് ഭക്ഷണം വിളമ്പുന്നവർക്ക് തന്നെയാണ്. പക്ഷെ ആഹാരം ശരീരത്തിനുള്ളതല്ല ആത്മാവിനുള്ളതാണെന്ന് മാത്രം.

     ലോകത്തിന് ലോകസൃഷ്ടാവിനെ അറിയാൻ, ആത്മീയ സത്യങ്ങൾ തിരിച്ചറിയാൻ, വ്യത്യസ്ത സാഹചര്യങ്ങളിൽ കാര്യക്ഷമമായി പ്രവർത്തിക്കാൻ, പാപങ്ങളിൽ പശ്ചാതപിക്കാൻ, പ്രതീകൂലങ്ങളിൽ പ്രതീക്ഷകൾ വെച്ചുപുലർത്താൻ ആത്മീയ ആഹാരം ആവശ്യമാണ്. ദൈവത്തോടും മനുഷ്യരോടും വിശ്വസ്തത പാലിച്ച് സാഹചര്യങ്ങളെ മനസ്സിലാക്കി പാല് വേണ്ടവർക്ക് പാലും കട്ടിയായ ആഹാരം വേണ്ടവർക്ക് അതും ആവശ്യാനുസരണം ബുദ്ധിയോടെ നാം നല്കിയാൽ ദൈവം വാഗ്ദത്തം ചെയ്ത പ്രതിഫലങ്ങൾ പ്രാപിക്കാൻ കഴിയും. അനിവാര്യമായി വേണ്ടത് വിശ്വസ്തതയും ബുദ്ധിയുമാണ്. വിശ്വസ്തത കൊടുക്കേണ്ട ആഹാരം എല്ലാം കൊടുക്കുന്നതിനും ബുദ്ധി അത് കൊടുക്കേണ്ട സമയത്ത് കൊടുക്കുന്നതിനുമാണ്. നാം വിശ്വസ്തതയും ബുദ്ധിയും ഉള്ള സപ്ലെയറോ?


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം.*
_By: Evg. Johnson Lazar Uppukunnu_
   _9400181794_
19/04/2020, 8:22 am - Johnson Lazar: ഹൃദയസ്പർശിയായ ആരാധന ചിന്ത - ജീവിതം മരണം കൊണ്ടവസാനിക്കുന്നതോ? - by Evg Johnson Lazar Uppukunnu
ക്രൂശിതനായവൻ - Episode - 16

https://youtu.be/F_ILGGMsS0U
20/04/2020, 7:51 am - Johnson Lazar: _🌅  MORNING INSPIRA....✍📆_ *20.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 15 = യാഗങ്ങൾ സംബന്ധിച്ച നിയമങ്ങൾ, ശബ്ബത്ത് ലംഘിച്ചതിനുള്ള ശിക്ഷ.
➡ സങ്കീർത്തനങ്ങൾ (Psalms ) 84 - 86 = ഭക്തന്റെ ആഗ്രഹവും അപേക്ഷയും.
➡ മത്തായി (Matthew) 25: 1 - 13 = പത്ത് കന്യകമാരുടെ ഉപമ.
➡ റോമർ (Romans) 16: 21 - 23 = പൗലൊസിന്റെ സഹപ്രവൃത്തകരുടെ വന്ദനം.

        *🎯 വിളക്കുണ്ട് കത്തിക്കാനാവുന്നില്ല*

        വികസനത്തിൻ്റെ പടവുകൾ ഓരോന്നായി കീഴടക്കുമ്പോഴും നമ്മുടെ സർക്കാരിനെ പിന്നിലേയ്ക്ക് വലിച്ചിറക്കുന്ന പരാതിയാണ് വഴിവിളക്കുകൾ തെളിയുന്നില്ല എന്നത്. റോഡുകളും പാലങ്ങളും പണിയുമ്പോൾ പ്രാരംഭശൂരത്വം പോലെ നിശ്ചിത അകലത്തിൽ വഴിവിളക്കുകൾ സ്ഥാപിക്കുകയും സ്പോൺസഴേസിൻ്റെ പരസ്യങ്ങൾ അതിൽ പതിപ്പിക്കുകയും ചെയ്ത് കഴിഞ്ഞാൽ ജോലി തീർന്നു എന്ന് കരുതുന്നതും മെയിൻ്റനൻസ് ചെയ്യാത്തതുമാണ്  ഈ ദുരവസ്ഥക്ക് കാരണം.

     ക്രിസ്തീയ ജീവിതവും ഇങ്ങനെയാണ്. രക്ഷിക്കപ്പെട്ട നാളുകളുടെ ആവേശത്തിൽ ആത്മീയ കാര്യങ്ങൾക്ക് ആദ്യസ്ഥാനം നല്കിയതുകൊണ്ട് മാത്രം കാര്യമായില്ല. ഓരോ ദിവസവും വചനം വായിച്ചും ജീവിതത്തെ വിലയിരുത്തിയും നമ്മെത്തന്നെ പ്രകാശിപ്പിക്കാനുള്ള എണ്ണ കരുതണം. ഇല്ലെങ്കിൽ ആത്മമണവാളൻ വരുമ്പോൾ ബുദ്ധിയില്ലാത്ത 5 കന്യകമാർക്ക് സംഭവിച്ചതുപോലെ വിളക്കുണ്ട് പക്ഷെ കത്തിക്കാനാവാത്ത, കത്തിക്കും തോറും അണഞ്ഞ് പോകുന്ന അവസ്ഥയുണ്ടാകും. വഴിവിളക്കുകൾ തെളിയാത്ത വീഥികൾ ചന്ദ്രനും പണിമുടക്കുന്ന രാത്രി പുലർന്നെഴുന്നേല്ക്കുന്നത് മാലിന്യ കൂമ്പാരങ്ങളുമായിട്ടാണ്. ക്രിസ്തീയ ജീവിതം പ്രകാശിക്കുന്നില്ലെങ്കിൽ ആവശ്യമായ കരുതുന്നില്ലെങ്കിൽ ജീവിത അശുദ്ധിക്ക് മുഖാന്തരമാകും.


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം.*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *18.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 13 = കനാൻ ഒറ്റുനോക്കലും അവിശ്വാസവും.

➡ സങ്കീർത്തനങ്ങൾ (Psalms ) 79 - 80 = യെരുശലേമിനെ ചൊല്ലിയുള്ള വിലാപവും യഥാസ്ഥാനത്തിനായുള്ള പ്രാർത്ഥനയും.

➡ മത്തായി (Matthew) 24: 32 - 44 = ഉണർന്നും ഒരുങ്ങിയുമിരിക്കുവിൻ.

➡ റോമർ (Romans) 16: 1 - 16 = ഉപസംഹാര വന്ദനം.

*🎯 ഉറക്കം അനിവാര്യവും അപകടവും*

       മനസ്സിനും ശരീരത്തിനും ഒരുപോലെ അനുപേക്ഷണീയമായ ഒരു ജീവധർമ്മ പ്രക്രിയയാണ് ഉറക്കം. ശരീരത്തിനും മനസ്സിനും വിശ്രമം നല്കി ഉന്മേഷം നൽകുന്ന ഒരു ഉപാധി എന്ന നിലക്ക് ഉറക്കം അനിവാര്യമാണ്. എന്നാൽ ഉറക്കം അമിതമായാൽ കൊളസ്ട്രോളിൻ്റെ അളവിൽ വ്യതിയാനം ഉണ്ടാക്കുകയും പക്ഷാഘാതത്തിന് കാരണമാകുകയും ചെയ്യുന്നതിനാൽ അപകടവുമാണ്.

     ഇത് ഭൗതിക ജീവിതത്തിൻ്റെ കാര്യം, ആത്മീയ ജീവിതത്തിൻ്റെയോ? ആത്മീയ ജീവിതത്തിന് ഉറക്കം അനിവാര്യമല്ല, ഉറങ്ങേണ്ട ആവശ്യവുമില്ല. ഇനി ഉറങ്ങിയാൽ അത് വലിയ അപകടവുമാണ്. യേശു പറഞ്ഞു നിങ്ങളുടെ കർത്താവു ഏതു ദിവസത്തിൽ വരുന്നു എന്നു നിങ്ങൾ അറിയായ്കകൊണ്ടു ഉണർന്നിരിപ്പിൻ (മത്തായി 24:42).

      ശരീരത്തിന് ഉറക്കം അനിവാര്യമായതിനാൽ ആവശ്യത്തിന് ഉറങ്ങുകയും അത്മീയ ജീവിതത്തിന് ഉറക്കം അപകടമാണെന്ന് തിരിച്ചറിഞ്ഞ് ആത്മീയരായി ഉറങ്ങാതിരിക്കുകയും ചെയ്യാം.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

  MORNING INSPIRA....✍📆_ *17.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 12 = മിര്യാമിനെ ദൈവം ശിക്ഷിക്കുന്നു.
➡ സങ്കീർത്തനങ്ങൾ (Psalms ) 78 = യിസ്രായേലിനെ ദൈവം നടത്തിയ വഴികളും അവരുടെ അവിശ്വസ്തയും.
➡ മത്തായി (Matthew) 24: 15 - 31 = അന്ത്യകാല സംഭവങ്ങൾ.
➡ റോമർ (Romans) 15: 22 - 33 = റോം സന്ദർശിക്കാനുള്ള പൗലൊസിന്റെ ആഗ്രഹം.

  *🎯 തെരഞ്ഞെടുക്കപ്പെട്ടവർ തെറ്റിദ്ധരിക്കപ്പെടാം*

         യേശു തൻ്റെ ശിഷ്യന്മാർക്ക് അന്ത്യകാല സംഭവങ്ങളെ അറിയിച്ചതാണ് മത്തായി ഇരുപത്തിനാലിൻ്റെ ഇതിവൃത്തം. അന്ത്യകാലത്തിൻ്റെ ലക്ഷണങ്ങളിൽ ഒന്ന് വ്യാജന്മാർ എഴുന്നേല്ക്കുകയും അനേകരെ തെറ്റിക്കുകയും ചെയ്യും എന്നതാണ്. അത്ഭുതങ്ങളും അടയാളങ്ങളുമാണ് ജനങ്ങളെ സ്വാധീനിക്കുന്ന അവരുടെ ആയുധം. അവയുടെ പ്രത്യേകതയോ തെരഞ്ഞെടുക്കപ്പെട്ടവർ പോലും തെറ്റിദ്ധരിക്കപ്പെടും വിധം അവതരിപ്പിക്കപ്പെടും എന്നതാണ് (മത്തായി 24:24).

       അന്ത്യകാലം ആഗതമാകാൻ നമ്മുടെ ഉത്തരവാദിത്തം നിറവേറ്റണം എന്ന് നാം ഇന്നലെ കണ്ടു. ഉത്തരവാദിത്തങ്ങൾ നിറവേറ്റുന്നതിന് ഒപ്പം നാം ജാഗ്രത പാലിച്ച് സത്യവചനം പഠിക്കുകയും പഠിപ്പിക്കുകയും ചെയ്യണം. കാരണം തെരഞ്ഞെടുക്കപ്പെട്ടവർ തെറ്റിദ്ധരിക്കപ്പെടാനും തെറ്റിപ്പോകാനും സാധ്യതയുണ്ട്. 

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *16.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 11 = യഹോവ യിസ്രായേൽ ജനത്തിന് ഇറച്ചി നല്കുന്നു.
➡ സങ്കീർത്തനങ്ങൾ (Psalms ) 76 - 77 =  ദൈവത്തിന്റെ ശക്തി.
➡ മത്തായി (Matthew) 24: 1 - 14 = അന്ത്യകാല ലക്ഷണങ്ങൾ.
➡ റോമർ (Romans) 15: 7 - 21 = സുവിശേഷം അറിയിക്കുന്നതിൽ അഭിമാനം.

*🎯 അന്ത്യകാലം ആഗ്രഹിക്കുന്നുവോ?*

         എല്ലാ ക്രിസ്തുഭക്തരുടെയും ആഗ്രഹം ക്രിസ്തുയേശുവിനെ കാണണം എന്നു തന്നെയാണ്. കാലത്തിൻ്റെ ഗതിയും ബൈബിൾ പ്രവചനങ്ങളുടെ നിവർത്തിയും കണ്ട് "നാം വിശ്വസിച്ച നാളിനെക്കാൾ രക്ഷ അധികം അടുത്തിരിക്കുന്നു" എന്നവർ പ്രഖ്യാപിക്കാറുണ്ട്.

        യേശുവിൻ്റെ ആഗമനവും അന്ത്യകാലവും ആഗതമാകേണമെങ്കിൽ അനിവാര്യമായി സുവിശേഷം സകലജാതികൾക്കും സാക്ഷ്യമായി ഭൂലോകത്തിൽ ഒക്കെയും പ്രസംഗിക്കപ്പെടണം (മത്തായി 24: 14) എന്നാണ് ക്രിസ്തുവിൻ്റെ പ്രഖ്യാപനം.

     ക്രിസ്തു ഭക്തനേ, സുവിശേഷം അറിയിക്കുക എന്നത് ദൈവം നമ്മേ മാത്രം ഭരമേല്പിച്ചിരിക്കുന്ന ഉത്തരവാദിത്തം അല്ലേ? ക്രിസ്തുവിൻ്റെ വരവ് കാത്തിരിക്കുന്ന നാം ഓരോ ദിവസം അത് കൂടുതലായി ചെയ്യേണ്ടതല്ലേ? അന്ത്യകാലം ആഗ്രഹിക്കാം ആജ്ഞ നടപ്പിലാക്കാം അരുമനാഥൻ ആഗതമാകട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *15.04.20*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 10 = യിസ്രായേൽ ജനം സീനയിൽ നിന്ന് യാത്രയാരംഭിക്കുന്നു.
➡ സങ്കീർത്തനങ്ങൾ (Psalms ) 75 = ഉയർത്തുകയും താഴ്ത്തുകയും ചെയ്യുന്ന ദൈവം.
➡ മത്തായി (Matthew) 23: 37 - 39 = യെരുശലേമിനോടു ദൈവം കാണിച്ച ആർദ്രത.
➡ റോമർ (Romans) 15: 1 - 6 = ക്രിസ്തുവിൽ ഉള്ള ഏക ചിന്ത.


*🎯  തള്ളക്കോഴി*

      പരിമിതമായ ദൂരം മാത്രം പറക്കാൻ കഴിയുന്ന വളർത്തു പക്ഷിയാണ് കോഴി. ആഗോളമായി മുട്ടയ്ക്കും ഇറച്ചിക്കുമായി ഉപയോഗിക്കുന്ന ഇവ ആഹാരത്തിനു മാത്രമല്ല അനുകരിക്കാനും മതിയായതാണ്.

    കേവല ലാഭങ്ങൾക്കായി ജന്മം നല്കിയ കുഞ്ഞുങ്ങളെ കൊന്നുകളയുവാൻ മടിയില്ലാത്ത അമ്മമാർ മാധ്യമങ്ങളിൽ നിറയുമ്പോൾ 21 ദിവസം അടയിരുന്ന് മുട്ട വിരിയിച്ച് കുഞ്ഞുങ്ങളെ പുറത്തെടുത്ത് അവ തന്നെ ആഹാരം ചികഞ്ഞ് കണ്ടെത്താൻ പ്രാപതിയെത്തും വരെ നന്നായി സംരക്ഷിക്കുന്ന തള്ളക്കോഴികൾ മാതൃത്വത്തിന് മാതൃകയാകുന്നു. കരികിലകൾക്കിടയിലെ തീറ്റ തിരയുന്ന ഓരോ തള്ളക്കോഴിയും തലയ്ക്കു മീതെ വട്ടമിട്ട് പറക്കുന്ന ക്രൂരപക്ഷികളിൽ നിന്നും നാലുദിക്കിൽ നിന്നും നടന്നടുക്കുന്ന മാംസപ്രീയരായ നാല്ക്കാലികളിൽ നിന്നും കുഞ്ഞുങ്ങളെ ചിറകിനടിയിൽ സൂക്ഷിക്കുന്നതും അമ്മക്കോഴിയിൽ നിന്ന് ലഭിച്ച അപകട സൂചന മനസ്സിലാക്കി സ്വയം രക്ഷ നേടാൻ ശ്രമിക്കാതെ ആ ചിറകിനടയിലേയ്ക്ക് ഓടിയെത്തി കുഞ്ഞുങ്ങൾ അഭയം പ്രാപിക്കുന്നതും അത്ഭുതം നിറഞ്ഞ കാഴ്ചയാണ്.

    ജറുസലേം നിവാസികളോടുള്ള ബന്ധത്തിൽ ദൈവത്തിന്റെ ആർദ്രതയെ തള്ളക്കോഴിയുടെ ആർദ്രതയുമായി സാമ്യപ്പെടുത്തിയിരിക്കുന്നു. അവരോടു മാത്രമല്ല നമ്മോടും അവിടുത്തെ സ്നേഹം അങ്ങനെ തന്നെയാണ്. പക്ഷെ അരുമനാഥൻ വിരിക്കുന്ന സ്നേഹ ചിറകുകളുടെ സംരക്ഷണയിലേയ്ക്ക് ഓടിക്കയറാനും ഒതുങ്ങിയിരിക്കാനും മനസ്സുണ്ടോ? ഇസ്രായേൽ അതിനു തയാറായില്ല, അതവരുടെ നാശത്തിന് കാരണമായി.

    കോറോണ നമ്മേ വീടിന്റെ തണലിൽ ഒതുങ്ങിക്കൂടാൻ പഠിപ്പിച്ചു. ഇനിയും എന്തിന് കാത്തിരിക്കുന്നു? സർവ്വശക്തൻ നല്കുന്ന അപകട സൂചനകൾ കേൾക്കുന്നില്ലെ? വിരിച്ച ചിറകുകൾ കാണുന്നില്ലെ? മറുതലിക്കരുത്! തലയ്ക്കു മീതെ നിന്നും നാല് ദിക്കിൽ നിന്നും അപകടം സംഭവിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....#14.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 9 = പെസഹയുടെ നിയമങ്ങളും യിസ്രായേൽ ജനത്തിന്റെ യാത്രയും.
➡ സങ്കീർത്തനങ്ങൾ (Psalms ) 74 = ശത്രുക്കൾ ദേശം നശിപ്പിക്കുന്നതിനെതിരെയുള്ള പ്രാർത്ഥന.
➡ മത്തായി (Matthew) 23: 29 - 36 = പിതാക്കന്മാരുടെ പാപത്തിന് കൂട്ടാളികളാകുന്നവർ.
➡ റോമർ (Romans) 14: 1 - 23 = ഭക്ഷണവും പാനീയവും.

      *🎯 പ്രഹസനം*

       പ്രഹസനം എന്ന് പറയുന്നത് ഹാസ്യം മുഖ്യരസമാക്കി ലൗകികമായ കഥാതന്തു ഉപയോഗിച്ച് രചിക്കുന്ന ഒന്നോ രണ്ടോ രംഗങ്ങളുള്ള നാടകങ്ങൾ ആണ്. എന്നാൽ ഇന്ന് ഈ വാക്ക് ഇല്ലാത്ത കാര്യം അഭിനയിപ്പിച്ച് ഫലിപ്പിക്കാൻ ശ്രമിക്കുന്നതിനെയാണ് സൂചിപ്പിക്കുന്നത്. ഇന്ന് നാം വായിച്ചത് ശാസ്ത്രിമാരുടെയും പരീശന്മാരുടെയും പ്രഹസനത്തെയാണ്. ദൈവത്തോട് യാതൊരു ഭക്തിയും ഇല്ലാത്ത അവർ തങ്ങൾ ഭക്തരാണെന്ന് തെളിയിക്കേണ്ടതിനായി അവരുടെ പിതാക്കന്മാർ കൊന്ന പ്രവാചകന്മാരുടെയും നീതിമാന്മാരുടെയും കല്ലറളെ പണിതും അലങ്കരിച്ചും ഞങ്ങൾ പിതാക്കന്മാരെ അനുകരിക്കുന്നില്ല. അവരുടെ അനീതി പ്രവ്യത്തികളെ അനുകൂലിക്കുന്നുമില്ല എന്ന് സാക്ഷ്യം പറയുന്നു (മത്തായി 23: 29,30). പക്ഷെ സ്വന്തം പല്ലിനിടയിൽ കുത്തി നാറ്റമാണ് എന്നു പറയുന്നതുപോലുള്ള ഭോഷത്തമാണ് ഇതെന്നവർ മനസ്സിലാക്കുന്നില്ല.

    പിതാക്കന്മാരുടെ ലംഘനങ്ങളെ മൂടിവെയ്ക്കുന്നതോ അതിന് ഇല്ലാത്ത മോടി കൊടുക്കുന്നതോ അല്ല  സ്വന്തം ജീവിതത്തിന്റെ സാക്ഷ്യമാണ് നമുക്ക് ഭക്തർ എന്ന ബഹുമതി നല്കിത്തരേണ്ടത്. ദൈവം സത്യസന്തരെ  അന്വേഷിക്കുന്നു.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *13.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 8 = ലേവ്യരുടെ ശുദ്ധീകരണം.

➡ സങ്കീർത്തനങ്ങൾ (Psalms ) 73 = നീതിമാന്റെയും ദുഷ്ടന്റെയും അന്ത്യം.

➡ മത്തായി (Matthew) 23: 23 - 28 = അഭിനയിക്കുന്ന വിശുദ്ധി  കപടഭക്തിയാണ്.

➡ റോമർ (Romans) 13: 8 - 14 = സ്നേഹത്തിൽ നടക്കുക. 

*🎯 അണിയറ*

         പ്രായഭേതമെന്യേ ദൃശ്യ ആവിഷ്ക്കാരങ്ങൾ എല്ലാവരെയും സ്വാദീനിക്കാനുള്ള കാരണം അവ നയനസുഖം സമ്മാനിക്കുന്നതാണ്. തിരശീലയിലെത്തുന്ന കഥാപാത്രങ്ങൾ മനുഷ്യമനസ്സിൽ ഇടം പിടിക്കുന്നത് അത് അവതരിപ്പിച്ചവരുടെ അഭിനയ മികവു കൊണ്ട് മാത്രമല്ല കാണുന്നവർക്ക് എല്ലാം നയനസുഖം സൃഷ്ടിച്ചെടുക്കാനായി അനേകർ അണിയറയിൽ പണിയെടുത്തതിനാലാണ്. 

     ആവിഷ്ക്കരിക്കപ്പെടുന്നവയുടെ എല്ലാം നിലവാരം അണിയറയെ അടിസ്ഥാനമാക്കിയിരിക്കുന്നു. 5 മിനിറ്റ് ദൈർഘ്യമുള്ള ആകർഷകമായ വീഡിയോയ്ക്കായി 5 മണിക്കൂറിൽ അധികം അണിയറ പ്രവർത്തനങ്ങൾ നടക്കുന്നുണ്ട്.

      ക്രിസ്തീയ ജീവിതവും ശേഭയുള്ളതാകാൻ ഇത്തരം അണിയറ പ്രവർത്തനങ്ങൾ ആവശ്യമാണ്. പക്ഷെ ഇവിടെ അണിയറയിൽ നമ്മൾ മാത്രമാണുള്ളത്. ഒരു ക്രിസ്തു ഭക്തൻ അരങ്ങത്ത് അഭിനയിക്കാൻ പാടില്ല, അത് പാപമാണ്. എന്നാൽ നമ്മുടെ അണിയറയിലെ പ്രവർത്തനം അരങ്ങത്തുള്ള നമ്മേ ശോഭയുള്ളവരാക്കും. യേശു പറഞ്ഞു അകം വെടിപ്പാക്കുക (മത്തായി 23:26).

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

 MORNING INSPIRA....✍📆_ *12.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 7 = തിരുനിവാസ പ്രതിഷ്ഠയോടനുബന്ധിച്ച് അർപ്പിച്ച വഴിപാടുകൾ.
➡ സങ്കീർത്തനങ്ങൾ (Psalms ) 72 =  നീതിയുള്ള രാജാവ്.
➡ മത്തായി (Matthew) 23: 13 - 22 = സ്വർഗ്ഗരാജ്യത്തെയും സത്യത്തെയും സംബന്ധിച്ച കപടഭക്തി.
➡ റോമർ (Romans) 13: 1 - 7 = അധികാരികളെ ബഹുമാനിക്കുക.

*🎯 മതത്തിൽ ചേർന്നിട്ടും നരകയോഗ്യർ*

       ഭാരതത്തിൽ സംസ്കാരികമായും രാഷ്ട്രീയമായും വിവാദപരമായ ഒന്നാണ് മതംമാറ്റം. മതം എന്നതുകൊണ്ട് ആശയം എന്നു മാത്രമാണ് അർത്ഥമാക്കുന്നതെങ്കിൽ അത് ജീവിതത്തിൽ ഉടനീളം നടക്കേണ്ട പ്രകീയയാണ്. എന്നാൽ ഇന്ന് മതം എന്നാൽ ഏതെങ്കിലും വിശ്വാസത്തിനായി നിലകൊള്ളുന്ന സമൂഹമാണ്.

    ഞങ്ങൾ ശരി, ഞങ്ങൾ മാത്രം ശരി എന്ന അവസ്ഥയിലേയ്ക്ക് ഒരോ സമൂഹവും കൂപ്പുകുത്തിയത് വർഗ്ഗീയത മാത്രമാണ് സമ്മാനിച്ചിട്ടുള്ളത് എന്ന് കാലം തെളിയിച്ച സത്യമാണ്. മലീനസമാകാത്ത കുഞ്ഞുങ്ങളുടെ കൈകളിലേയ്ക്ക് കളിപ്പാട്ടം നല്കിയിട്ട് ഇതുമായി തൊപ്പിയുള്ളവരുമായേ കളിക്കാവു എന്നും സ്കൂളിലെ ഉച്ചഭക്ഷണം പൂണൂലിട്ടവനരികിൽ ഇരുന്നേ ഭക്ഷിക്കാവു എന്നും കൊന്തയുള്ളവനോടെ ചങ്ങാത്തം സ്ഥാപിക്കാവു എന്നും ഒരോ സമുഹവും പറഞ്ഞ് തുടങ്ങിയിരിക്കുന്നു. "കലപ്പയെ കത്തിയും ഊഞ്ഞാലിനെ കൊലക്കയറാക്കും ആക്കാൻ മാത്രം വന്ധ്യമായിരിക്കുന്ന" മതം മനുഷ്യനെന്തിനാണ്?

      സാമുഹ്യ ജീവിതത്തിനോ ആത്മസംതൃപ്തിക്കോ മോക്ഷം കിട്ടാനോ നമുക്ക് മതം ആവശ്യമില്ല. കാരണം സർവ്വേശ്വരൻ മതം നോക്കിയല്ല മനം നോക്കിയാണ് ആത്മസംതൃപ്തിയും മോക്ഷവും നല്കുന്നത്. സോഷ്യൽ സ്റ്റാറ്റസാണ് ലക്ഷ്യമെങ്കിൽ മതം വേണം. ലോകത്തിലെ പ്രബല മതങ്ങളിൽ ഒന്നാണ് ജൂതമതം. പ്രാരംഭത്തിൽ അത് മതമായിരുന്നില്ല ദൈവത്തെ പ്രസാദിപ്പിക്കാനുള്ള മാർഗ്ഗമായിരുന്നു. പക്ഷെ കാലത്തിന്റെ വളർച്ചയിൽ മതമായി മാറ്റപ്പെട്ടു. പലരും ഈ മതം സ്വീകരിക്കുകയും ചെയ്തു. പുരോഹിതവർഗ്ഗം അതിനായി പല പങ്കപ്പാടുകളും സഹിച്ചിട്ടുണ്ട്. പക്ഷേ ദൈവപ്രസാദത്തിനായി പൂർണ്ണമനസ്സോടും പൂർണ്ണഹൃദയത്തോടും പൂർണ്ണശക്തിയോടും പാലിക്കേണ്ട നിയമങ്ങളെ അവർ മതത്തിന്റെ ആചാരമായി മാത്രം പഠിപ്പിച്ചു. അതുകൊണ്ട് യേശു പറഞ്ഞു "അവർ മതത്തിൽ ചേർന്ന നരകയോഗ്യർ" പുരോഹിതവർഗ്ഗം മതം ഉള്ള നരകയോഗ്യർ (മത്തായി 23:14,15).

സ്നേഹിതാ, താങ്കൾ മതവിശ്വാസിയോ? താങ്കൾ അനുസരിക്കുന്നത് മത ആചാരങ്ങളോ? അല്ലെങ്കിൽ താങ്കൾ ചേർന്ന് നില്ക്കുന്ന സമൂഹത്തിന്റെ ഭാഗമായതുകൊണ്ട് ചെയ്യുന്ന ക്രിയകളോ? എങ്കിൽ താങ്കൾ മതം ഉള്ള നരകയോഗ്യനാണ്. അല്ലെങ്കിൽ മതത്തിൽ ചേർന്ന നരകയോഗ്യനാണ്. മത ആചാരങ്ങളുടെ പിന്നാലെ പോകാതെ മനസുഖവും മോക്ഷവും ലഭിക്കാൻ ദൈവീക പ്രമാണങ്ങളെ അനുസരിക്കുക, ദൈവം പ്രസാദിക്കട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം.*
_By: Evg. Johnson Lazar Uppukunnu_
   _9400181794_
12/04/2020, 10:07 am - Johnson Lazar: ലോകം കണ്ട ആ വലിയ വെളിച്ചം - Worship Thought by Evg Johnson Lazar Uppukunnu

https://youtu.be/nlVycspuj0Q

 MORNING INSPIRA....✍📆_ *10.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 5 = പാളയത്തിലും കുടുംബത്തിലും ഉണ്ടായിരിക്കേണ്ട ശുദ്ധി.
➡ സങ്കീർത്തനങ്ങൾ (Psalms ) 69 = ശത്രുക്കളെ ശിക്ഷിക്കേണ്ടതിനുള്ള നിലവിളി.
➡ മത്തായി (Matthew) 22: 41 - 46 = ക്രിസ്തു ആരുടെ പുത്രൻ.
➡ റോമർ (Romans) 12: 1 - 8 = കൃപാവരങ്ങൾ.

*🎯 നിങ്ങള്‍ ക്രിസ്‌തുവിനെപ്പറ്റി എന്തു വിചാരിക്കുന്നു?*

        ലോകരക്ഷിതാവ്,  ഏവർക്കും സുപരിചിതൻ,ലോകത്തിൽ ഏറ്റവും കൂടുതൽ അനുയായികൾ ഉള്ള വ്യക്തി, അനേകരുടെ ആരാധ്യൻ, ചരിത്രത്തിന്റെ കേന്ദ്ര വ്യക്തിത്വം, ലോകം കണ്ട മനുഷ്യസ്നേഹി, ശ്രേഷ്ഠഗുരു തുടങ്ങിയവയാണ് പ്രഥമദൃഷ്ടിയാൽ  ക്രിസ്തുവിനെക്കുറിച്ചുള്ള വിശേഷണങ്ങൾ.

      സുവിശേഷങ്ങളുടെ രചിതാക്കളായ മത്തായി യേശുവിനെ രാജാവായും മർക്കൊസ് ദാസനായും ലൂക്കൊസ്  മനുഷ്യപുത്രനായും യോഹന്നാൻ ദൈവപുത്രനായിട്ടുമാണ് അവതരിപ്പിച്ചത്. യോഹന്നാൻ സ്നാപകൻ സാക്ഷ്യപ്പെടുത്തിയത് അവിടുന്ന് ലോകത്തിന്റെ പാപത്തെ ചുമന്ന് നീക്കുന്ന ദൈവത്തിന്റെ കുഞ്ഞാടെന്നും പത്രോസ് പറഞ്ഞത് അവിടുന്ന് ജീവനുള്ള ദൈവത്തിന്റെ പുത്രനാണെന്നുമാണ്. പുതിയ നിയമം പരിശോധിച്ചാൽ ഇത്തരത്തിലുള്ള നിരവധി അഭിപ്രായങ്ങൾ മനസ്സിലാക്കാനാകും.

     സ്നേഹിതാ, യേശു പരീശന്മാരോട് ചോദിച്ചത് ക്രിസ്തുവിനെക്കുറിച്ച് മറ്റുള്ളവർ എന്ത് വിചാരിക്കുന്നു എന്നല്ല നിങ്ങൾക്ക് എന്ത് തോന്നുന്നു എന്നാണ് (മത്തായി 22 : 42). ഈ ചോദ്യം നമ്മോട് ആവർത്തിച്ചാൽ ഉത്തരം എന്താകും? ചിന്തിച്ചാലും! യേശു എനിക്കാര് ഞാൻ അവിടുത്തെ ആരായി അറിഞ്ഞിരിക്കുന്നു?

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *09.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 4 = കെഹാത്യരുടെയും ഗേർശോന്യരുടെയും മെരാര്യരുടെയും ചുമതലകൾ.
➡ സങ്കീർത്തനങ്ങൾ (Psalms ) 68 =  ദൈവം സീനായിമലയിലും വിശുദ്ധമന്ദിരത്തിലും.
➡ മത്തായി (Matthew) 22: 34 - 40 = ഏറ്റവും വലിയ കല്പന.
➡ റോമർ (Romans) 11: 11 - 36 = ജാതികളുടെ തിരഞ്ഞെടുപ്പ്.


*🎯 വെറും രണ്ട് കല്പനകൾ പാലിക്കാമോ?*

       പൊതുവേ കല്പനകൾ അനുസരിക്കാൻ മടിയുള്ളവനാണ് മനുഷ്യൻ. അതുകൊണ്ട് തന്നെ ഒരുപാട് നിയമങ്ങൾ നമ്മേ അരോചകപ്പെടുത്തും. എന്നാൽ പ്രിയരേ, നമുക്ക് തികഞ്ഞ ആത്മീയരാകാനും സാമൂഹിക പ്രതിബദ്ധതയോടെ ജീവിക്കാനും ഒരുപാട് കല്പനകൾ ഒന്നും പാലിക്കേണ്ടതില്ല വെറും രണ്ടെണ്ണം അനുസരിച്ചാൽ മതി. ആത്മീയരാകാൻ ദൈവമായ കർത്താവിനെ പൂർണ്ണഹൃദയത്തോടും പൂർണ്ണാത്മാവോടും പൂർണ്ണമനസ്സോടും കൂടെ സ്നേഹിക്കേണം. നല്ല സമൂഹ്യ ജീവിയാകാൻ കൂട്ടുകാരനെ നമ്മേപ്പോലെ തന്നേ സ്നേഹിക്കേണം (മത്തായി 22:37-39).

     പ്രവാചകനായ മോശെയിലൂടെ ദൈവം ജൂതന്മാർക്ക് നല്കിയ 613 കല്പനകളും സകലപ്രവാചകന്മാരും ജനത്തോട് പറഞ്ഞതും ഈ രണ്ട് കാര്യങ്ങൾ മാത്രമാണ്. ഇന്നും 66 പുസ്തകങ്ങളുള്ള ബൈബിളുലൂടെ ദൈവഭൃത്യന്മാരും ആഹ്വാനം ചെയ്യുന്നതും മറ്റൊന്നല്ല. സ്നേഹം തളിരിടട്ടെ! ഹൃദയങ്ങൾ കീഴടക്കട്ടെ! നാം തികഞ്ഞ ആത്മീകരും സാമൂഹ്യപ്രതിബദ്ധതയുള്ളവരുമാകട്ടെ!

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *07.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 2 = യിസ്രായേലിന്റെ ഗോത്രതലവന്മാരും പാളയങ്ങളും.

➡ സങ്കീർത്തനങ്ങൾ (Psalms ) 63 - 65 = ദൈവത്തിലുള്ള സംതൃപ്തി (63) വിടുതൽ (64) അനുഗ്രഹങ്ങൾ (65).

➡ മത്തായി (Matthew) 22: 15 - 22 = കൈസർക്കുള്ളതും ദൈവത്തിനുള്ളതും.

➡ റോമർ (Romans) 10: 1 - 21 = രക്ഷിക്കപ്പെടുവാൻ.

       *🎯 കൈസർക്കുള്ളതും ദൈവത്തിനുള്ളതും*

     ബൈബിൾ വായിച്ചിട്ടില്ലാത്തവർക്കുപോലും സുപരിചിതമായ വാക്കുകളാണ് "കൈസർക്കുള്ളത് കൈസർക്കും ദൈവത്തിനുള്ളത് ദൈവത്തിനും" (മത്തായി 22:21) എന്നത്. കൈസർക്കുള്ള പണം കൈസർക്കും ദൈവത്തിനുള്ള പണം ദൈവത്തിനും കൊടുക്കണം എന്ന അർത്ഥത്തിലാണ് പലരും ഈ വാചകത്തെ മനസ്സിലാക്കിയിരിക്കുന്നത്.

    എന്നാൽ സകലത്തിന്റെയും ഉടയവനായ ദൈവത്തിന് നമ്മുടെ പണം ആവശ്യമില്ലാത്തതിനാൽ പണം വീതം വയ്ക്കുന്നതിനെ അല്ല മറിച്ച് ദൈവീക അധികാരത്തെയാണ് ഇവിടെ വിവക്ഷിക്കുന്നത്.

    റോമ സാമ്രജ്യത്തിന്റെ ഭരണാധികാരി തന്റെ അധികാരത്തെ ഉറപ്പിക്കാനാണ് നാണയങ്ങളിൽ സ്വരൂപം പതിപ്പിക്കുകയും മേലെഴുത്ത് നല്കുകയും ചെയ്തിരിക്കുന്നത്. അതുപോലെ ദൈവം തന്റെ സ്വരൂപം പതിപ്പിച്ചിരിക്കുന്നതിന്റെ മേൽ ദൈവത്തിന് സമ്പൂർണ്ണ അധികാരം ഉണ്ട്.

     പ്രിയനേ, ബൈബിളിന്റെ ആദ്യ പുസ്തകം തന്നെ നമ്മോടു പറയുന്നത് നാം ദൈവത്തിന്റെ സ്വരൂപത്തിൽ സൃഷ്ടിക്കപ്പെട്ടവർ ആണെന്നാണ് (ഉല്പത്തി 1:26). അങ്ങനെയെങ്കിൽ നമ്മുടെ മേൽ നമുക്കല്ല ദൈവത്തിനാണ് അവകാശം. നഗ്നനേത്രങ്ങളാൽ കാണുവാൻ കഴിയാത്ത വൈറസുകൾ വിചാരിച്ചാൽ നമ്മുടെ സ്വാതന്ത്ര്യത്തിന് കൂച്ചുവിലങ്ങിടാൻ കഴിയും എന്നും ജീവിതം ആശങ്കയിലാക്കുമെന്നും കാലം നമ്മേ പഠിപ്പിക്കുമ്പോൾ ഞാൻ എന്ന ഭാവം വെടിയും നമ്മുടെ മേൽ അധികാരമുള്ള ദൈവത്തിങ്കലേയ്ക്ക് കണ്ണുകളെ ഉയർത്താം നമ്മേ സമ്പൂർണ്ണമായി സമർപ്പിക്കാം.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം* 

_By: Evg. Johnson Lazar Uppukunnu_

   _9400181794_

 MORNING INSPIRA....✍📆_ *06.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 1 = യിസ്രായേലിന്റെ ആദ്യത്തെ കണക്കെടുപ്പ്.

➡ സങ്കീർത്തനങ്ങൾ (Psalms ) 59 - 62 = ദൈവം നമ്മുടെ ഗോപുരവും അഭയസ്ഥാനവും.

➡ മത്തായി (Matthew) 22: 2 - 14 = കല്യാണ വിരുന്നിന്റെ ഉപമ.

➡ റോമർ (Romans) 9: 19 - 33 = തിരഞ്ഞെടുപ്പിന്റെ ഗുണങ്ങൾ.

       *🎯 കല്യാണശാല*

       

    ജാതിമത വ്യത്യാസമില്ലാതെ എല്ലാവരും വലിയ ആഘോഷമാക്കുന്ന ഒന്നാണ് വിവാഹം. ബന്ധുമിത്രാതികൾ, ചർച്ചക്കാർ, അയൽവാസികൾ, നാട്ടുകർ തുടങ്ങി നിരവധിയാളുകളാണ് ഓരോ വിവാഹങ്ങളും തങ്കളുടെ സാന്നിദ്ധ്യം കൊണ്ട് സല്ലാപപൂർണ്ണമാക്കുന്നത്. അതുകൊണ്ട് തന്നെ ഈ ദിവസങ്ങളിൽ ലോക്ക് ഡൗൺ നിമിത്തം അവർക്ക് പങ്കെടുക്കാൻ കഴിയാത്തതിനാൽ അനേക വിവാഹങ്ങൾ മാറ്റിവെച്ചു. നിയുക്ത വധുവരന്മാർക്ക് സ്വപ്നസാക്ഷാത്കാരത്തിനായി ഇനിയും ദിവസങ്ങൾ കാത്തിരുന്നേ മതിയാകു. ഇത് ഒരു ആഗോള പ്രശ്നമായതുകൊണ്ട് സാഹചര്യം മനസ്സിലാക്കാം. എന്നാൽ യാതൊരു പ്രശ്നങ്ങളുമില്ലാതെ സാഹചര്യങ്ങൾ അനുകൂലമായിരിക്കെ ക്ഷണിക്കപ്പെട്ട കല്യാണ ശാലകളിലേയ്ക്ക് വിരുന്നുകാർ വരാതിരുന്നാലുള്ള അവസ്ഥയോ?

       യേശു പറഞ്ഞ ഉപമയിലെ രാജാവിന് അത്തരം ഒരു സാഹചര്യം ഉണ്ടായി. അദ്ദേഹം അനേകരെ വിവാഹ വിരുന്നിനായി ക്ഷണിക്കുകയും അവർക്കായി വിരുന്നൊരുക്കുകയും ചെയ്തു. എന്നാൽ അവരിൽ ചിലർ വിവാഹ വിരുന്നിനെക്കാൾ  മറ്റു കാര്യങ്ങൾക്ക് പ്രാധാന്യം നല്കി അവയുടെ പിന്നിലെ പോകുകയും മറ്റുചിലർ രാജാവിനെയും അവന്റെ ഭൃത്യന്മാരെയും അപമാനിക്കുകയും ചെയ്തു. എന്നാൽ വിവാഹ വീട് വിലാപ വീടായി മാറേണ്ട ആ സാഹചര്യത്തിൽ രാജാവ് വിവേകത്തോടെ തന്റെ ഭൃത്യന്മാരെ അയച്ച് വഴിയിൽ കണുന്നവരെ എല്ലാം അവരുടെ പാരമ്പര്യമോ സ്വഭാവമോ നോക്കാതെ വിരുന്നിനായി വിളിക്കുകയും കല്യാണ വസ്ത്രം നല്കി അവരെ യോഗ്യരാക്കി തീർക്കുകയും ചെയ്തു. ഒപ്പം തന്നെ അപമാനിച്ചവരെ എല്ലാം ശിക്ഷിച്ചു.

     പ്രിയരേ, ഇതൊരു മുന്നറിയിപ്പാണ്. ദൈവം ഒരുക്കുന്ന അവസരങ്ങൾ നിരിസിച്ചാൽ ശിക്ഷിക്കപ്പെടുമെന്നും അത് മറ്റൊരാൾക്ക് ലഭിക്കുമെന്നുമുള്ള മുന്നറിയിപ്പ്.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

 MORNING INSPIRA....✍📆_ *05.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 27 =  നേർച്ചകൾ സംബന്ധിച്ച നിയമങ്ങൾ.
➡ സങ്കീർത്തനങ്ങൾ (Psalms ) 56 - 58 = ദൈവത്തിലുള്ള ആശ്രയവും പ്രാർത്ഥനയും.
➡ മത്തായി (Matthew) 21: 33 - 46 = മുന്തിരിത്തോട്ടക്കാരനും വേലക്കാരും.
➡ റോമർ. (Romans) 9: 1 - 18 =  ദൈവത്തിന്റെ തിരഞ്ഞെടുപ്പ്.

 *🎯 അപഹരിച്ചവർ അപകടത്തിൽ*

     ഉള്ളതുകൊണ്ടു തൃപ്തിപ്പെട്ടും അർഹതയില്ലാത്തവ ആഗ്രഹിക്കാതെയും ജീവിക്കണം എന്നുള്ളത് മനുഷ്യനെക്കുറിച്ചുള്ള ദൈവത്തിന്റെ ആഗ്രഹവും കല്പനയുമാണ്. ഈ കല്പനയ്ക്ക് വിരോധമായി നാം പ്രവർത്തിച്ചാൽ അത് നമ്മെ കഠിനഹൃദയരും ക്രൂരഹൃത്യങ്ങൾ ചെയ്യുന്നവരും ആക്കി തീർക്കും എന്നതാണ് ഇന്ന് നാം മത്തായി എഴുതിയ സുവിശേഷത്തിൽ വായിച്ച ഉപമ നല്കുന്ന ഗുണപാഠം.

     മുന്തിരിത്തോട്ടത്തിലെ വേല ചെയ്ത് അതിനെ കാപ്പാനായി നിയമിക്കപ്പെട്ട ആ കൂടിയാന്മാർ അവരുടെ ഉത്തരവാദിത്തം കൃത്യമായി നിറവേറ്റുകയും യജമാനന് കീഴ്പ്പെടുകയും ചെയ്തിരുന്നു എങ്കിൽ ലഭിക്കേണ്ട വേതനവും യജമാനന്റെ സന്തോഷത്തിൽ പങ്കെടുക്കാനുള്ള അവസരവും സമ്മാനങ്ങളും ലഭിക്കുമായിരുന്നു. എന്നാൽ അവരുടെ അത്യാഗ്രഹവും നിഗളവും അവരുടെ ജീവന് തന്നെ അപകടം സമ്മാനിച്ചു. യേശു പറഞ്ഞത് യജമാനൻ ആ ദുഷ്‌ടരെ നിഷ്‌ഠുരമായി നശിപ്പിക്കുകയും യഥാകാലം ഫലംകൊടുക്കുന്ന മറ്റു കൃഷിക്കാരെ മുന്തിരിത്തോട്ടം ഏല്‍പിക്കുകയും ചെയ്യും (മത്തായി 21 : 41) എന്നാണ്.

     അർഹതയില്ലാത്തവയുടെ പിന്നാലെ പോകുന്നത് അപകടത്തിലേയ്ക്കുള്ള യാത്രയാണ്. അർഹതയുള്ളവ മാത്രം ആഗ്രഹിക്കാം ഉള്ളതിൽ തൃപ്തിപ്പെടാം. ഏറ്റവും വലിയ ഇല്ലായ്മ തൃപ്തിയില്ലായ്മയാണ്.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *04.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 26 = അനുസരണത്തിനുള്ള പ്രതിഫലങ്ങളും അനുസരണക്കേടിനുള്ള ശിക്ഷയും.

➡ സങ്കീർത്തനങ്ങൾ (Psalms ) 55 =  വഞ്ചകനെ നശിപ്പിക്കാനുള്ള പ്രാർത്ഥന.

➡ മത്തായി (Matthew) 21: 28 - 32 = രണ്ട് പുത്രന്മാരുടെ ഉപമ.

➡ റോമർ. (Romans) 8: 28 - 39 = ജയാളികൾ.

*🎯 കർണ്ണസുഖം*

     

           പതിറ്റാണ്ടുകളായി പ്രകടനപത്രികയിൽ മാത്രം നില്ക്കുന്ന വാഗ്ദാനങ്ങളുമായി നമ്മെ ഭരിക്കുന്ന രാഷ്ട്രീയ നേതാക്കളുടെ വിജയരഹസ്യം കേൾവിക്കാർക്ക് കർണ്ണസുഖം ലഭിക്കുന്ന രീതിയിൽ സംസാരിക്കാനുള്ള കഴിവാണ്. 

          ഇസ്രായേൽ രാഷ്ട്രത്തിന്റെ  ഭക്തരും ദൈവത്തിന്റെ അരുളപ്പാട് അങ്ങനെതന്നെ അറിയിച്ചിരുന്ന പ്രവാചകന്മാരുമായ യെശയ്യാവ് യിരെമ്യാവ് തുടങ്ങിയവരെ ജനം അംഗീകരിക്കാതിരുന്നത് മറുവശത്ത് ജനങ്ങളുടെ പാപങ്ങളെ ചൂണ്ടിക്കാണിക്കാതെ അവരുടെ കാതുകൾക്ക് ഇമ്പം പകരുന്ന കാര്യങ്ങൾ മാത്രം സംസാരിച്ച പ്രവാചകന്മാർ ഉണ്ടായിരുന്നതിനാലാണ്. അത് അവരുടെ അധപതനത്തിനും അസ്തമനത്തിനും കാരണമായി.

        ഇന്ന് സഭകൾക്കും സംഭവിച്ചത് മറ്റൊന്നല്ല. പാപങ്ങളെ ചൂണ്ടിക്കാണിക്കാതെ കർണ്ണസുഖം പകരുന്ന പ്രസംഗങ്ങളും എഴുത്തുകളും ആത്മീയരംഗത്ത് പ്രവർത്തിക്കുന്നവർ നടത്തിയപ്പോൾ വിശ്വാസ സമൂഹം സത്യവചനം സംസാരിക്കുന്നവരെ അവഗണിക്കുകയും കാതിനു ഇമ്പമുള്ളവ പറയുന്നവർക്ക് അവസരം നല്കുകയും ചെയ്തു. അത് പാപം പെരുകുന്നതിനും ലോകം സഭയിലാകുന്നതിനും കാരണമായി.

      പ്രിയരേ, വചനത്തിലേയ്ക്ക് മടങ്ങി വരേണ്ട കാലം അതിക്രമിച്ചിരിക്കുന്നു. ഇനിയും നാമത് ചെയ്യുന്നില്ലെങ്കിൽ ഇസ്രായേലിന് സംഭവിച്ച ചരിത്രം നമ്മിലും ആവർത്തിക്കും. മുന്തിരിത്തോട്ടത്തിൽ പോയി വേല ചെയ്യുക എന്നു പറഞ്ഞപ്പോൾ അനുസരണമുള്ളവനാണ് എന്ന ഭാവത്തോടെ പോകാം എന്ന് പറയുകയും പോകതിരിക്കുകയും ചെയ്ത മകനല്ല ആദ്യം എതിർത്തെങ്കിലും പിന്നീട് അനുതപിച്ച് തോട്ടത്തിൽ പോയി വേല ചെയ്ത മകനാണ് അപ്പന്റെ ഇഷ്ടം ചെയ്തത് (മത്തായി 21:28-31). വാചകത്തിലല്ല വർക്കിലാണ് കാര്യം, കാതിന് ഇമ്പം കൊടുക്കുന്നവരാകാതെ കർമ്മത്തിലൂടെ സന്തോഷം പകരുന്നവരാകാം. 

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
 *03.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 25 = യോബേൽ സംവത്സരവും നിയമങ്ങളും.
➡ സങ്കീർത്തനങ്ങൾ (Psalms ) 52 - 54 = മനുഷ്യന്റെ ദുഷ്ടത, ഭോഷത്വം, ഭക്തന്റെ പ്രാർത്ഥന.
➡ മത്തായി (Matthew) 21: 23 - 27 = യേശു തന്റെ അധികാരം ഉറപ്പിക്കുന്നു.
➡ റോമർ. (Romans) 8: 12 - 27 = ആത്മാവിലുള്ള ഗുണങ്ങൾ.

   *🎯 നിഷ്പക്ഷരാകാൻ നിഷ്കളങ്കരാകണം*

  സത്യം തുറന്നു പറയുവാൻ അന്ധമായ വിശ്വാസങ്ങൾ തടസ്സമാകുന്നതുപോലെ അബദ്ധങ്ങളും തടസ്സമാകാറുണ്ട്. ഓരോ ദിവസവും യേശുവിന്റെ അനുഗാമികളുടെ എണ്ണത്തിൽ ഉണ്ടാകുന്ന വലിയ വർദ്ധനവ് കണ്ട യെഹൂദാ പുരോഹിതന്മാരും ജനത്തിലെ മൂപ്പന്മാരും യേശുവിന്റെ അധികാരത്തെ ചോദ്യം ചെയ്തു. ഉത്തരം പറയുന്നതിനു മുമ്പ് യേശു ഒരു മറുചോദ്യം ഉന്നയിച്ചു: യോഹന്നാന്റെ സ്നാനം എവിടെ നിന്നു? സ്വർഗ്ഗത്തിൽനിന്നോ മനുഷ്യരിൽ നിന്നോ?

     ഉത്തരം പറയാൻ വലിയ ചർച്ചകളുടെ ആവശ്യമില്ലാതിരുന്നിട്ടും അവർ തമ്മിൽ ആലോചിച്ചു. ഉത്തരമായി സ്വർഗ്ഗത്തിൽ നിന്നു എന്നു പറഞ്ഞാൽ, പിന്നെ നിങ്ങൾ അവനെ വിശ്വസിക്കാഞ്ഞതു എന്തു എന്ന മറുചോദ്യവും മനുഷ്യരിൽ നിന്നു എന്നു പറഞ്ഞാൽ പ്രഹരിക്കാൻ പോലും മടിയില്ലാത്ത പുരുഷാരത്തെയും അദ്ധ്യാഹാരം ബോധ്യപ്പെടുത്തിയപ്പോൾ അറിയില്ലാ എന്ന ഉത്തരം അവർ പറഞ്ഞു (മത്തായി 21:25-27).

     സ്വർഗ്ഗത്തിൽ നിന്നാണ് എന്നത് ശരിയായായ ഉത്തരമായിരിക്കെ അത് പറയാൻ അവർക്ക് തടസ്സമായത്  യോഹന്നാനെ അംഗീകരിക്കാനും അനുസരിക്കാനും തയാറാകാതിരുന്നതാണ്.

     നാം ഇന്ന് എന്ത് നിലപാട് സ്വീകരിക്കും എന്നത് നമ്മുടെ ഇന്നലെകളെ അടിസ്ഥാനമാക്കിയിരിക്കുന്നു. ഏത് കാര്യത്തിലും നിഷ്പക്ഷമായി നില്ക്കാൻ നിഷ്കളങ്കത ആവര്യമാണെന്ന് തിരിച്ചറിയാം. ദൈവം ഏവരെയും സഹായിക്കട്ടെ.


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *02.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 24 = നിലവിളക്കും കാഴ്ച്ചയപ്പവും, ദൈവദൂഷണത്തിനുള്ള ശിക്ഷ.
➡ സങ്കീർത്തനങ്ങൾ (Psalms ) 51 = ദാവീദിന്റെ ക്ഷമാപണം.
➡ മത്തായി (Matthew) 21: 17 - 22 = യേശു അത്തിയെ ശപിക്കുന്നു.
➡ റോമർ (Romans) 8: 1 - 11 = ആത്മാവിലുള്ള ജീവിതം.

                  *🎯 അത്തി ഒരപകടസൂചന*

       10 മീറ്ററോളം ഉയരം വയ്ക്കുന്ന ആൽവംശത്തിൽപ്പെട്ട ഒരു മരമാണ്  അത്തി. വേരിലും തായ്ത്തടിയിലും ശിഖിരങ്ങളിലും ഫലം കാഴ്ക്കുന്ന ഈ വൃക്ഷത്തിന്റെ വേരും തടിയും ആനയുടെ ചെവിയുടെ ആകൃതിയിൽ 15 ഇഞ്ചോളം വ്യാസം വരുന്ന ഇലകളും 27.09 ശതമാനം അന്നജം, 5.32 ശതമാനം മാംസ്യം, 16.96 ശതമാനം നാരുകൾ, ഫോസ്ഫറസ്, മഗ്നീഷ്യം, കാത്സ്യം, പൊട്ടാസ്യം തുടങ്ങിയ മൂലകങ്ങളും അടങ്ങിയിരിക്കുന്ന  ഫലങ്ങളും ഔഷധങ്ങളാണ്.

      പാപം ചെയ്ത മനുഷ്യന് നഗ്നത മറയ്ക്കാനും ദൈവത്തിൽ നിന്ന് മറഞ്ഞിരിക്കാനും ഉപകാരപ്പെട്ട ആദ്യം വൃക്ഷം (ഉല്പത്തി 3:7,8) അത്തിയാണ്. ദൈവം മനുഷ്യനായി അവതരിച്ചപ്പോൾ അവനെ കാണാൻ കുള്ളനായ സക്കായിയെ സഹായിച്ചതും അത്തിയാണ് (ലൂക്കാസ് 19: 4).

     യേശു തന്റെ ഐഹികജീവിതകാലത്ത് ശപിച്ച് കരിച്ച് കളഞ്ഞ ഏക വൃക്ഷം എന്ന ബഹുമതിയും അത്തിക്ക് തന്നെ (മത്തായി 21:18,19).

      ഫലം ഉണ്ട് എന്ന സൂചനയോടെയുള്ള ഇലകളുമായി നില്ക്കുന്ന അത്തിയെ സൃഷ്ടാവും സർവ്വവും അറിയുന്നവനും മനുഷ്യൻ അപ്പം കൊണ്ടു മാത്രമല്ല ദൈവത്തിന്റെ വായിൽ നിന്ന് വരുന്ന വചനങ്ങൾക്കൊണ്ടും ജീവിക്കുന്നു എന്ന് പറഞ്ഞവനുമായ യേശുക്രിസ്തു ശപിച്ചത് ശിഷ്യന്മാർക്കും യെഹൂദന്മാർക്കും ഒരു മുന്നറിയിപ്പായിട്ടാണ്.  കാരണം പഴയ നിയമത്തിൽ ദൈവം പ്രവാചകനായ മീഖായിലൂടെ യെഹൂദാ ജനത്തെ അത്തിയോട് താരതമ്യപ്പെടുത്തിയിട്ടുണ്ട് (7:1). ഫലം ഇല്ലെങ്കിൽ നശിപ്പിക്കപ്പെടും എന്ന അപകടസൂചനും നല്കിയിട്ടുണ്ട്.

     ആകയാൽ അത്തിയെ ശപിച്ചതിലൂടെ ബാഹ്യമായ പ്രകടനങ്ങൾ കൊണ്ട് കാര്യമില്ല സമയത്തും അസമയത്തും സൃഷ്ടാവിന് ഫലം കൊടുക്കുന്നവരാകണം അല്ലെങ്കിൽ ഈ അത്തിയുടെ ഗതിയുണ്ടാകും എന്ന് വ്യക്തമാക്കി.

     സ്നേഹിതാ, യേശുവിന്റെ രക്തത്താൽ വീണ്ടെടുക്കപ്പെട്ട നാം ഇന്ന് ദൈവത്തിന് ഫലം കൊടുക്കേണ്ടവല്ലേ? അകലെ നിന്ന് ബാഹ്യമായ പ്രകടനങ്ങളെ അല്ല അരികിൽ എത്തിയാണ് യേശു നോക്കുന്നത് എന്ന് തിരിച്ചറിഞ്ഞ് വ്യാച ഭാവങ്ങളെ ഉപേക്ഷിച്ച് ഫലം ഉള്ളവരായിത്തീരം.


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *01.04.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 23 = യെഹൂദന്മാർക്കുള്ള ഉത്സവങ്ങൾ.

➡ സങ്കീർത്തനങ്ങൾ (Psalms ) 50 = ന്യായാധിപനായ ദൈവം.

➡ മത്തായി (Matthew) 21: 12 - 16 = യേശുവിന്റെ ദൈവാലയ ശുദ്ധീകരണം.

➡ റോമർ (Romans) 7: 13 - 25 = രണ്ടു പ്രമാണങ്ങൾ.

          *🎯 ദേവാലയം എങ്കിൽ പ്രാവും പാടില്ല*

      അല്പം തടിച്ച ശരീരവും കുറുകിയ കഴുത്തും ചെറിയ, മെലിഞ്ഞ കാലുകളും അല്പം തടിച്ച ചുണ്ടുകളും ഉള്ള പക്ഷിയാണ് പ്രാവ്. നമ്മുടെ കാൽപനിക സങ്കൽപങ്ങളോട് അടുത്തുനിൽക്കുന്ന ഈ പക്ഷിയെ പ്രാചീന കാലം മുതൽ സന്ദേശവാഹകരായി ഉപയോഗിച്ചിരുന്നു.

      ആർക്കും ഒരുതരത്തിലുമുള്ള ഉപദ്രവം ചെയ്യാത്ത പ്രാവ് സമാധാനത്തിന്റെയും ശാന്തതയുടെയും പ്രതീകമാണ്. 

      നാം ഇന്ന് രാവിലെ വായിച്ചത് യെരുശലേം ദേവാലയത്തിൽ എത്തിയ യേശു അവിടെ വ്യാപാരം നടത്തുന്നവരെ പുറത്താക്കിയപ്പോൾ പ്രാവുകളെ വില്ക്കുന്നവരെയും അവിടുന്ന് പുറത്താക്കുകയും അവരുടെ പീഠങ്ങളെ മറിച്ചുകളയുകയും ചെയ്തു എന്നാണ് (മത്തായി 21:12).

       സമാധാനത്തിനുള്ള സ്ഥലമാണല്ലോ ദേവാലയം. അപ്പോൾ പിന്നെ അവിടെ നിന്ന്  സമാധാനത്തിന്റെ പ്രതീകങ്ങളായ പ്രാവുകളെ പുറത്താക്കേണമായിരുന്നോ? പണ്ട് നോഹയ്ക്ക് പെട്ടകത്തിൽ നിന്ന് പുറത്തിറങ്ങാം എന്ന തെളിവ് കൊടുത്ത പക്ഷിയും യോഹന്നാൻ സ്നാപകനു ആത്മാവിന്റെ ആഗമനം വെളിപ്പെടുത്താനായി ഉപയോഗിച്ച പക്ഷിരൂപവുമല്ലേ പ്രാവ്? അതേ, അവയെല്ലാം വസ്തുതകളാണ്. എന്നാൽ ആലയം നിർമ്മിക്കപ്പെട്ടത് മനുഷ്യനു ദൈവവുമായുള്ള ബന്ധം സ്ഥാപിക്കാനായതുകൊണ്ട് അവിടം വ്യാപരത്തിനായി ഉപയോഗിച്ചാൽ അതിന്റെ മൂല്യം ഇല്ലാതാകും അതിനി സമാധാനത്തിന്റെ പ്രതീകമായ പ്രാവാണെങ്കിൽ പോലും എന്നതിനാലാണ് യേശു അവയെ അവിടെ നിന്ന് പുറത്താക്കിയത്.

     ഇന്ന് കെട്ടിടങ്ങളല്ല നാമാണ്, നമ്മുടെ ശരീരങ്ങളാണ് ദൈവത്തിന്റെ ആലയം. ദൈവത്തെ പ്രസാദിപ്പിക്കുക എന്ന ലക്ഷ്യത്തോടെയായിരിക്കണം നാം ശരീരത്തെ ഉപയോഗിക്കേണ്ടത്. നമ്മുടെ ശരീരം കൊണ്ട് ദൈവം അനുവദിക്കാത്തവ ഒന്നും, ഇനിയവ നമ്മുടെ കാഴ്ച്ചപ്പാടിൽ നല്ലതാണെങ്കിൽ പോലും ചെയ്യരുത്. യെരുശലേം ദേവാലയത്തിൽ നിന്ന് പ്രാവുകളെ നീക്കിയ ദൈവം തന്റെ ആലയം നശിപ്പിക്കുന്നവരെയും  നശിപ്പിക്കും.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം* 

_By: Evg. Johnson Lazar Uppukunnu_

    _9400181794_