MORNING INSPIRA....✍📆_ *31.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 8,9 = ദാവീദിന്റെ വിജയങ്ങൾ, ദാവീദും മെഫിബോശെത്തും.
➡ യെശയ്യാവ് (Isaiah) 66 = സീയോന്റെ ഭാവി പ്രത്യാശ.
➡ ലുക്കൊസ് (Luke) 8: 1-15 = വിതയ്ക്കുന്നവന്റെ ഉപമ.
➡ തീത്തോസ് (Titus) 1: 5-9 = മൂപ്പന്മാരുടെ/അദ്ധ്യക്ഷന്മാരുടെ യോഗ്യതകൾ.

*🎯   സഹയാത്രികരിൽ സ്ത്രീകളും*

            സ്ത്രീ അടുക്കളയിലും അകത്തളത്തിലും ഒതുങ്ങിക്കൂക്കേണ്ടവളാണ് എന്ന തെറ്റായ മനോഭാവത്തെ തകർക്കുകയും അവൾ പ്രസവിക്കാനുള്ള യന്ത്രം മാത്രമല്ല കുടുംബത്തിലും സമൂഹത്തിലും പ്രയോജനപ്പടേണ്ടവളാണെന്ന് അവസരം നല്കി തെളിയിക്കുകയും ചെയ്ത് നവോത്ഥാനത്തിന് യേശു തിരി കൊളുത്തി. അവൻ്റെ ശുശ്രൂഷയിൽ അവനോടുകൂടെ പന്തിരുവരും അവൻ ദുരാത്മാക്കളെയും വ്യാധികളെയും നീക്കി സൗഖ്യം വരുത്തിയ ചില സ്ത്രീകളും ഏഴു ഭൂതങ്ങൾ വിട്ടുപോയ മഗ്ദലക്കാരത്തി മറിയയും ഹെരോദാവിന്റെ കാര്യവിചാരകനായ കൂസയുടെ ഭാര്യ യോഹന്നയും ശൂശന്നയും തങ്ങളുടെ വസ്തുവകകൊണ്ട് അവർക്കു ശുശ്രൂഷ ചെയ്തുപോന്ന മറ്റു പല സ്ത്രീകളും ഉണ്ടായിരുന്നു (ലൂക്കൊസ് 8:2-3).

       സ്ത്രീകൾ അംഗീകരിക്കപ്പെടേണ്ടവരും ആദരിക്കപ്പെടേണ്ടവരും അവസരങ്ങൾ നല്കപ്പെടേണ്ടവരുമാണ്. ബൈബിൾ മാത്രമാണ് ഈ ആശയം നല്കുന്നത്. പുരുഷനും സ്ത്രീക്കും നല്കേണ്ട എല്ലാ പരിഗണനകളും നല്കി  ആദരിക്കുന്ന യേശുവിനെയും അവിടുത്തെ വചനത്തെയും അംഗീകരിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *30.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 7 = ദാവീദിന്റെ ആഗ്രഹവും അപേക്ഷയും ദൈവീക അനുഗ്രഹവും
➡ യെശയ്യാവ് (Isaiah) 65 = മത്സരികൾക്കുള്ള ശിക്ഷയും യഹോവയുടെ ഭരണവും.
➡ ലുക്കൊസ് (Luke) 7: 40-50 = ശീമോനും സ്ത്രീക്കും ലഭിക്കുന്ന പ്രതിഫലങ്ങൾ.
➡ തീത്തോസ് (Titus) 1: 1-4 = വന്ദനം

*🎯   സമധാനത്തോടെ പോക*

            ജീവിതത്തിലെ പരാജയങ്ങൾ സമ്മാനിച്ച അപമാനവും പേറി സമൂഹത്തിൻ്റെ നടുവിൽ ഒറ്റപ്പെട്ട് ജീവിച്ച സ്ത്രീ പശ്ചാതാപ ഹൃദയത്തോടും തികഞ്ഞ വിശ്വാസത്തോടും കൂടെ യേശുവിനെ സമീപിക്കുകയും  കണ്ണുനീർ കൊണ്ട് യേശുവിൻ്റെ പാദങ്ങൾ കഴുകി, മുടി കൊണ്ടവ തുടച്ച് പരിമളം തളിച്ചപ്പോൾ സമൂഹം വീണ്ടും തീയമ്പുകൾ അവൾക്ക് നേരെ ഉതിർത്തു. എന്നാൽ യേശു പറഞ്ഞു ''നിൻ്റെ വിശ്വാസം നിന്നെ രക്ഷിച്ചിരിക്കുന്നു സമാധാനത്തോടെ പോക"

       അസമാധാനം അലയടിക്കുന്ന മനസ്സിൽ സമാധാനം നല്കാൻ കഴിയുന്നത് യേശുവിന് മാത്രം. അവിടുത്തെ വിശേഷണങ്ങളിൽ ഒന്ന് സമാധാനപ്രഭു എന്നാണ്. ലോകം തരാത്ത നിത്യ സമാധാനം സമ്മാനിക്കാൻ കഴിയുന്നത് യേശുവിന് മാത്രമാണ്.

      സ്നേഹിതാ, താങ്കൾ ഈ സമാധാനം പ്രാപിച്ചിട്ടുണ്ടോ? യേശുവിനെ വിശ്വാസത്തോടെ സമീപിക്കുക. താങ്കൾ സമാധാനം പ്രാപിച്ചു എങ്കിൽ അസമാധാനത്തിൻ്റെ അലയടികൾ ഉയരുന്ന ഈ പ്രതികൂല സാഹചര്യത്തിലും നമ്മേ സമാധാനത്തിൽ സംരക്ഷിക്കുന്നത് ഓർത്ത് അവിടുത്തെ ആരാധിക്കുക. ദൈവം കൃപ നല്കട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_

 _🌅  MORNING INSPIRA....✍📆_ *29.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 6 = ദൈവത്തിന്റെ പെട്ടകം യെരുശലേമിലേക്ക് കൊണ്ടുവരുന്നു.
➡ യെശയ്യാവ് (Isaiah) 63,64 = പ്രതികാരദിവസം, സഹായത്തിനായുള്ള പ്രാർത്ഥന.
➡ ലുക്കൊസ് (Luke) 7: 36-39 = പാപിനിയായ സ്ത്രി യേശുവിനെ തൈലം പൂശുന്നു.
➡ 2 തിമൊഥെയോസ് (2 Timothy) 4: 19-22 = പൗലൊസിന്റെ അന്ത്യ അഭിവാദ്യം.

*🎯   അധികം ഇളച്ചുകിട്ടിയവൻ അധികം സ്നേഹിക്കും*

       ക്രിസ്തീയജീവിതം വിശ്വാസം, പ്രത്യാശ, സ്നേഹം എന്നിവയിൽ അടിസ്ഥാനപ്പെട്ടിരിക്കുന്നു. യേശുക്രിസ്തു ദൈവമാണ്, അവിടുന്ന് കാൽവറി ക്രൂശിൽ മരിച്ചത് എൻ്റെ പാപ പരിഹാരത്തിനു വേണ്ടിയാണ് എന്ന് വിശ്വാസിച്ച് ആരംഭിക്കുന്നതിനാലും മരണത്തെ ജയിച്ച് ഉയർത്തെഴുന്നേറ്റ യേശു എന്നെ ചേർക്കാൻ വീണ്ടും വരും എന്ന് പ്രത്യാശിക്കുന്നതിനാലും ഓരോ ദിവസവും ദൈവത്തെയും മനുഷ്യരെയും സ്നേഹിച്ച് ജീവിക്കുന്നതിനാലുമാണ് ഇവ മൂന്നും അടിസ്ഥാനമായിരിക്കുന്നത്.

       ദൈവത്തെ സ്നേഹിക്കുന്നതിന്, ആ സ്നേഹം പ്രകടമാക്കുന്നതിന് യേശുവിൻ്റെ കാൽക്കൽ തൈലം പൂശിയ പാപിനിയായ സ്ത്രീ മാതൃകയാകുന്നു. യേശു പറഞ്ഞു അധികം ഇളച്ച് കിട്ടിയവർ അധികം സ്നേഹിക്കേണം.

     പൗലോസ് അപ്പോസ്തലൻ തൻ്റെ സാക്ഷ്യം ഒറ്റവാചകത്തിൽ പറയുന്നത് പാപികളിൽ ഞാൻ ഒന്നാമൻ എന്നാണ്. നമ്മേ സംബന്ധിച്ചും ആ വാക്കുകൾ കടം എടുക്കുകയല്ലാതെ നിർവ്വാഹമില്ല. നാമും പാപികളിൽ ഒന്നാമതായിരുന്നു. എന്നാൽ നമ്മുടെ സകല പാപങ്ങളെയും കർത്താവ് മോചിച്ചു തന്നു. നാം ഇന്ന് അവനെ എത്രമാത്രം സ്നേഹിക്കുന്നു?

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *28.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 5 = ദാവീദ് ഇസ്രായേലിനു രാജാവാകുന്നു.
➡ യെശയ്യാവ് (Isaiah) 61,62 = യഹോവയുടെ പ്രസാദ വർഷം. സീയോന്റെ പുതിയ നിയമം.
➡ ലുക്കൊസ് (Luke) 7: 19-35 = യോഹന്നാൻ സ്നാപകന്റെ സാക്ഷ്യവും യേശുവിന്റെ മറുപടിയും.
➡ 2 തിമൊഥെയോസ് (2 Timothy) 4: 16-18 = പൗലൊസിന്റെ അന്ത്യ നിർണയം.

*🎯  സംശയം*

            രോഗങ്ങളുടെ പട്ടികയിൽ ഉൾപ്പെടുത്താൻ സാധിക്കുന്ന ഒന്നാണ് സംശയം. എല്ലാ സംശയവും രോഗമല്ല എന്നാൽ ചില സാഹചര്യങ്ങൾ നമുക്ക് ബുദ്ധിമുട്ടുണ്ടാക്കുമോ എന്ന മുൻകൂട്ടിയുള്ള തോന്നൽ, അവിശ്വാസം, ഒറ്റപ്പെടൽ, ശത്രുത, അസൂയ, മറ്റുള്ളവരുടെ പ്രവർത്തനങ്ങളെയും ചേതോവികാരങ്ങളെയും കുറിച്ച് ഉളള കൂടുതൽ ചിന്ത നമ്മേ ഈ സംശയരോഗത്തിലേയ്ക്ക് കൊണ്ട് ചെന്ന് എത്തിക്കാൻ സാധ്യതകൾ കൂടുതലാണ്.

        യോഹന്നാൻ സ്നാപകൻ തടവിലായപ്പോൾ യേശു തന്നെ രക്ഷിക്കും എന്ന് അവൻ വിശ്വസിച്ചു, എന്നാൽ യേശുവിൻ്റെ ഭാഗത്ത് നിന്ന് ഒരു സന്ദർശനം പോലും ഉണ്ടായില്ല. അതേ സമയം തന്നെ സന്ദർശിക്കാൻ എത്തിയ തൻ്റെ ശിഷ്യന്മാർ യേശുവിൻ്റെ പ്രവർത്തനങ്ങളെക്കുറിച്ച് വിശദീകരിക്കുകയും ചെയ്തു. തൻ്റെ പ്രതീക്ഷകൾ അസ്തമിക്കുകയും ചിന്തിക്കാൻ ധാരളം സമയം കിട്ടുകയും ചെയ്തപ്പോൾ സംശയം അദ്ദേഹത്തിൽ ഉടലെടുക്കുകയും "വരുവാനുള്ളവൻ നീയോ? അല്ല, ഞങ്ങൾ മറ്റൊരുത്തനെ കാത്തിരിക്കേണമോ" എന്നു ചോദിക്കുകയും ചെയ്തു (ലൂക്കൊസ് 7:20).

       നമ്മുടെ പ്രതീക്ഷകൾ പോലെ തന്നെ ദൈവം പ്രവൃത്തിക്കും എന്ന് നാം കരുതരുത്, ചിന്തിക്കാൻ വേണ്ടി മാത്രം സമയം ചിലവഴിക്കരുത്. അത് നമ്മേ സംശയത്തിലേയ്ക്ക് തള്ളിയിടും. ദൈവത്തെ വിശ്വസിക്കുക, അംഗീകരിക്കുക, നമ്മേക്കുറിച്ചുള്ള അവിടുത്തെ വിചാരങ്ങൾ തിന്മയ്ക്കല്ല നന്മയ്ക്കാണ്.


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_

_🌅  MORNING INSPIRA....✍📆_ *27.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 4 = ഈശ് -ബോശേത്ത് കൊല്ലപ്പെടുന്നു.
➡ യെശയ്യാവ് (Isaiah) 60 = സീയോന്റെ മഹത്വം.
➡ ലുക്കൊസ് (Luke) 7: 11-18 = യേശു നയീനിലെ വിധവയുടെ മകനെ ഉയർപ്പിക്കുന്നു.
➡ 2 തിമൊഥെയോസ് (2 Timothy) 4: 1-15 = സുവിശേഷകന്റെ പ്രവൃത്തി ചെയ്യുക.

*🎯  അന്ത്യയാത്ര ആരംഭയാത്രയായി*

            മരണവാർത്തകൾ ദൈന്യംദിന ജീവിതത്തിൻ്റെ ഭാഗമാണെങ്കിലും അത് നല്കുന്ന വേദന വലിയതാണ്. നയിൻ പട്ടണ നിവാസികളെ അവരുടെ ഇടയിലെ ബാല്യക്കാരൻ്റെ മരണം വലിയ ദു:ഖത്തിലാഴ്ത്തിയിരുന്നു. അവൻ്റെ അമ്മയ്ക്കത് തീരാ ദു:ഖവും പ്രതീക്ഷകൾ അസ്തമിച്ച അവസ്ഥയും ആയിരുന്നു. അതുകൊണ്ട് തന്നെ അവനെ മണ്ണിന് എല്പ്പിക്കാൻ പോയ വിലാപയാത്രയിൽ ആ പട്ടണം മുഴുവൻ പങ്ക് ചേർന്നു.

        ഞാൻ തന്നെ വഴിയും സത്യവും ജീവനും എന്ന് പ്രഖ്യാപിച്ച യേശുവിൻ്റെ വരവ് ആ അന്ത്യയാത്ര ആരംഭയാത്രയാക്കി മാറ്റി. ഒരു നാടിൻ്റെ നൊമ്പരം കണ്ട, ഒരമ്മയുടെ കണ്ണുനീരു കണ്ട തമ്പുരാൻ ആ ബാല്യക്കാരനെ ജീവിതത്തിലേയ്ക്ക് തിരിച്ച് വിളിച്ചു. അങ്ങനെ ആ അന്ത്യയാത്ര ബാല്യക്കാരന് ജീവനിലേയ്ക്കുള്ള ആരംഭയാത്രയും അവൻ്റെ മാതാവിന് പ്രതീക്ഷകളുടെ ആരംഭയാത്രയും പട്ടണ നിവാസികൾക്ക് ദൈവമഹത്വം കണ്ട് ദൈവത്തെ ആരാധിക്കുന്നതിൻ്റെ ആരംഭയാത്രയുമായി തീർന്നു.

      പ്രിയനേ, പാപത്തിൽ പതിച്ച് പാതാളത്തിലേയ്ക്ക് യാത്ര ചെയ്തിരുന്ന നമ്മുടെ ജീവിത്തിലേയ്ക്ക് യേശു വന്നതോടെ നമുക്ക് സംഭവിച്ചതും ഇത് തന്നെയല്ലേ? അതേ നാം യേശുവിനെ സ്വീകരിച്ചതോടെ ജീവനിലേയ്ക്കും പ്രതീക്ഷകളിലേയ്ക്കും ആരാധനയിലേയ്ക്കുമുള്ള യാത്ര ആരംഭിച്ചു. ജീവൻ്റെ പുതുക്കത്തിൽ പ്രതീക്ഷകൾ കൈവിടാതെ ആരാധന അർപ്പിച്ചുകൊണ്ട് നമുക്ക് യാത്ര തുടരാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_

_🌅  MORNING INSPIRA....✍📆_ *26.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 3 = അബ്നേർ ദാവീദിന്റെ പക്ഷം ചേരുന്നു.
➡ യെശയ്യാവ് (Isaiah) 58,59 = യഥാർത്ഥ ഉപവാസം, മാനസാന്തരവും വീണ്ടെടുപ്പും.
➡ ലുക്കൊസ് (Luke) 7: 1-10 = യേശു ശതാധിപന്റെ ദാസനെ സൗഖ്യമാക്കുന്നു.
➡ 2 തിമൊഥെയോസ് (2 Timothy) 3: 10-17 = പൗലൊസിന്റെ മാതൃക.

*🎯  താഴ്മ*

              ബൈബിൾ ദൈവമക്കളോട് ആവർത്തിച്ച് ആഹ്വാനം ചെയ്യുന്ന ഒരു കല്പനയാണ് "താഴ്മയുള്ളവർ ആയിരിപ്പിൻ". പലപ്പോഴും താഴ്മയ്ക്ക് തടസ്സമായി നില്ക്കുന്ന രണ്ട് കാര്യങ്ങളാണ് പണവും, പ്രശസ്തിയും. എന്നാൽ ഇവ രണ്ടുമുണ്ടെങ്കിലും താഴ്മയോടെ ജീവിക്കാൻ കഴിയണം.

        നാം ഇന്ന് ലൂക്കൊസിൽ വായിച്ച ശതാധിപൻ റോമസാമ്രജ്യത്തിൻ്റെ ജോലിക്കാരനും കീഴ്ജീവനക്കാർ ഉള്ളവനും ആകയാൽ പണം  ഉണ്ട് എന്ന് വ്യക്തം. യെഹൂദന്മാർ അവനെക്കുറിച്ച് യേശുവിനോട് പറഞ്ഞത് ''നീ സഹായം ചെയ്തു കൊടുപ്പാൻ അവൻ യോഗ്യൻ" എന്നാണ് ആകയാൽ പ്രശസ്തനുമാണ്.

      എന്നാൽ യേശു തൻ്റെ വീട്ടിലേയ്ക്ക് ചെല്ലുന്നു എന്നറിഞ്ഞപ്പോൾ അദ്ദേഹം പറഞ്ഞത് "കർത്താവേ, പ്രയാസപ്പെടേണ്ടാ; നീ എന്റെ പുരയ്ക്കകത്തു വരുവാൻ ഞാൻ പോരാത്തവൻ. അതുകൊണ്ടു നിന്റെ അടുക്കൽ വരുവാൻ ഞാൻ യോഗ്യൻ എന്ന് എനിക്കു തോന്നിട്ടില്ല" (ലൂക്കൊസ് 7:6-7) എന്നാണ്.

       പ്രിയരേ, നമുക്കുള്ളവയെ അല്ല നമ്മേ തന്നെ നാം അറിയണം, ആ അറിവാണ് ശതാധിപനിൽ താഴ്മ ജനിപ്പിച്ചത്. നമ്മിലേയ്ക്ക് നോക്കാൻ താഴ്മ ധരിക്കാൻ നമുക്ക് സാധിക്കട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *25.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 2 = ദാവീദ് യെഹൂദയിൽ രാജാവാകുന്നു.
➡ യെശയ്യാവ് (Isaiah) 56,57 = ന്യായം പ്രവൃത്തിക്കാനുള്ള ദൈവത്തിന്റെ ആഹ്വാനം.
➡ ലുക്കൊസ് (Luke) 6: 43-49 = വ്യത്യസ്തരായ മനുഷ്യർ.
➡ 2 തിമൊഥെയോസ് (2 Timothy) 3: 1-9 = അന്ത്യകാലത്തുണ്ടാകുന്ന വിശ്വാസത്യാഗം.

*🎯  നൊമ്പരം കലർന്ന ചോദ്യം*

           യേശുക്രിസ്തുവിൻ്റെ ശ്രോതാക്കളിൽ ഭൂരിഭാഗവും യെഹൂദന്മരാണ്. ദൈവം തിരഞ്ഞെടുത്ത ദൈവത്തിൻ്റെ സ്വന്ത ജനം, ദൈവത്തിൽ നിന്ന് കല്പനകൾ എഴുതി കിട്ടിയവർ, ദൈവത്തെ പ്രസാദിപ്പിക്കുവാൻ യാഗങ്ങളും വഴിപാടുകളും പെരുന്നാളുകളും ഉള്ളവർ, കല്പനകൾ അനുസരിപ്പാൻ സാമൂഹികമായി അംഗീകാരം ഉള്ളവർ.

              എന്നാൽ അവർ അവ ഒന്നും അനുസരിക്കാതെ സ്വന്ത വഴികളിൽ  നടന്നു. കല്പനകൾ പലതിനെയും പൂർണ്ണമായോ ഭാഗീകമായോ തള്ളിക്കളഞ്ഞു. അതുകൊണ്ട് യേശുക്രിസ്തു ഇങ്ങനെ ചോദിച്ചു "നിങ്ങൾ എന്നെ കർത്താവേ, കർത്താവേ എന്നു വിളിക്കയും ഞാൻ പറയുന്നത് ചെയ്യാതിരിക്കയും ചെയ്യുന്നത് എന്ത്?" (ലൂക്കൊസ് 6:46)

          പ്രിയരേ, കർത്താവ് നോക്കുന്നത് നാം അവനെ എന്ത് വിളിക്കുന്നു എന്നല്ല, എങ്ങനെ വിളിക്കുന്നു എന്നാണ്. അവിടുന്ന് നമ്മുടെ കർത്താവ് എങ്കിൽ അവനെ അനുസരിപ്പാൻ, കല്പനകൾ പ്രമാണിപ്പാൻ നാം ബാദ്ധ്യസ്ഥരാണ്. ഇല്ലെങ്കിൽ നൊമ്പരം കലർന്ന ആ ചോദ്യം നമ്മിലേയ്ക്കും പതിക്കും.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *24.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 1 = ദാവീദ് ശൌലിന്റെയും യോനാ ദാന്റെയും മരണവാർത്തയറിഞ്ഞ് വിലപിക്കുന്നു.
➡ യെശയ്യാവ് (Isaiah) 54,55 = ഇസ്രായേലിനോടുള്ള ദൈവത്തിന്റെ നിത്യസ്നേഹവും കരുതലും.
➡ ലുക്കൊസ് (Luke) 6: 37-42 = മറ്റുള്ളവരെ വിധിക്കരുത്.
➡ 2 തിമൊഥെയോസ് (2 Timothy) 2: 1-26 = യേശുക്രിസ്തുവിന്റെ നല്ലഭടൻ.

*🎯  പരിശീലന കാലം*
             
              ഏത് തൊഴിലും കാര്യപ്രാപ്തിയോടെ നിർവ്വഹിക്കുന്നതിന് പരിശീലനം അനിവാര്യമാണ്. പരിശീലനമാണ് പിഴവുകളെ പരിഹരിക്കാനും തൃപ്തിയോടെ പ്രവൃത്തിക്കാനും നമ്മേ പ്രാപ്തരാക്കുന്നത്.

             ക്രിസ്തീയ ജീവിതത്തിൻ്റെ ദൗത്യം ക്രിസ്തുവിനെപ്പോലെയാകുകയാണ്, അത് സ്വർഗ്ഗത്തിൽ എത്തിയ ശേഷം അല്ല ഈ ലോകത്തിൽ വെച്ച് തന്നെ സാധിച്ചെടുക്കേണം. ദൈവം ഓരോ ദിവസവും നമ്മോട് ഇടപെടുന്നത് നമ്മേ ക്രിസ്തുവിനെപ്പോലെയാക്കുക എന്ന ലക്ഷ്യത്തോടെയാണ്.

     ഒരു ഗുരു തൻ്റെ ശിഷ്യൻ ഒരു ബുദ്ധിമുട്ടുകളും സഹിക്കരുത് എന്ന് ചിന്തിച്ചാൽ അദ്ദേഹത്തിന് ഒരിക്കലും ആ ശിഷ്യനെ ഗുരുവിനെപ്പോലെയാക്കാൻ കഴിയില്ല. ഒരു അമ്മ തൻ്റെ കുഞ്ഞ് വീഴരുത് എന്ന് കരുതി നടക്കാൻ അനുവദിക്കാതെയിരുന്നാൽ ആ കുഞ്ഞ് ഒന്നിനും പ്രാപ്തിയുള്ളതാകില്ല. എന്നാൽ വീഴാനും പരാജയപ്പെടാനും ബുദ്ധിമുട്ടുകൾ സഹിക്കാനും ദു:ഖങ്ങളും വേദനകളും അനുഭവിക്കാനും അനുവദിക്കുന്നതിലൂടെ അവർ തികഞ്ഞവരായി തീരുന്നു.

      നമ്മേ ക്രിസ്തുവിനെപ്പോലെയാക്കുന്നതിനാണ് പിതാവ് നമ്മേ പ്രതികൂലങ്ങളിലൂടെയും പ്രതിസന്ധികളിലൂടെയും കടത്തിവിടുന്നത്. പരിശീലന കാലം തീരുംമ്പോൾ നാം അഭ്യാസം തികഞ്ഞ് നമ്മുടെ പ്രിയനെപ്പോലെയാകും. ആകയാൽ നാളയെ തിരിച്ചറിയാം ഇന്നിനെ സഹിക്കാം. നാം ഗുരുവിനെപ്പോലെ ആയിക്കൊണ്ടിരിക്കുന്നു.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *23.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 30,31 = ദാവീദും അമാലേക്യരും, ശൌലിന്റെയും യോനാദാന്റെയും മരണം.
➡ യെശയ്യാവ് (Isaiah) 52,53 = സീയാന്റെ വിടുതൽ, ദൈവത്തിന്റെ ദാസൻ.
➡ ലുക്കൊസ് (Luke) 6: 27-36 = ശത്രുക്കളോടുള്ള സ്നേഹം.
➡ 2 തിമൊഥെയോസ് (2 Timothy) 1: 6-18 = കഷ്ടം സഹിക്കാനുള്ള ആഹ്വാനം.

*🎯  അത്യുന്നതൻ*

             ആദിയിൽ ദൈവം എന്ന് പറഞ്ഞ് തുടങ്ങുന്ന ബൈബിൾ ദൈവത്തിൻ്റെ നിരവധി സവിശേഷതകളെ വരച്ച് കാണിക്കുന്നു. ദൈവം തന്നെ വെളിപ്പെടുത്തിയ ഒരു സവിശേഷതയാണ് തലവാചകം.

             സാമൂഹിക ജീവിതവുമായി ബന്ധപ്പെട്ട് നമുക്ക് ഉണ്ടായിരിക്കേണ്ട സ്വഭാവ സവിശേഷതകളെക്കുറിച്ച് പറഞ്ഞപ്പോൾ യേശു പറഞ്ഞു അത്യുന്നതൻ ആണ് മറ്റുള്ളവരോട് എങ്ങനെ ഇടപെടണം എന്നതിന് മാതൃക. അവിടുന്ന് നന്ദികെട്ടവരോടും ദുഷ്ടന്മാരോടും ദയാലുവാണ്.

              പ്രതികൂലങ്ങളുടെ നടുവിൽ ലദ്യമായ സാഹചര്യങ്ങളിൽ ദൈവത്തെ ആരാധിക്കാൻ നാം സമയം മാറ്റി വെയ്ക്കുന്ന ഈ ദിവസം നമുക്ക് നമ്മുടെ ഇന്നലകളിലേയ്ക്ക് ഒന്ന് കണ്ണ് ഓടിക്കാം. നാം ഇന്ന് ദൈവവുമായി അനുഭവിക്കുന്ന കൂട്ടായ്മ, ആത്മീയ നന്മകൾ എല്ലാം അത്യുന്നതൻ്റെ ദയയാൽ ലഭിച്ചവയല്ലേ? അതേ ദുഷ്ടരും നന്ദികെട്ടവരുമായ നമ്മോട് അവന് ദയ തോന്നുകയും അത്യുന്നതനായ അവിടുന്ന് സാധരണക്കാരനായി അവതരിച്ച് നമ്മേ വീണ്ടെടുക്കുകയും ചെയ്തു. ഈ രാവിലെ ആ ദയ ഓർക്കാം വർണ്ണിക്കാം. സുഗ്രാഹ്യമായ ആരധന അർപ്പിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 _🌅  MORNING INSPIRA....✍📆_ *22.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 29 = ആഖീശ് ദാവീദിനെ സിക്ളാഗിലേക്കു മടക്കി അയക്കുന്നു.
➡ യെശയ്യാവ് (Isaiah) 50,51 = യഹോവയുടെ ദാസന്റെ കഷ്ടതയും സീയാന്റെ നിത്യരക്ഷയും.
➡ ലുക്കൊസ് (Luke) 6: 20-26 = ഭാഗ്യാവസ്ഥകൾ.
➡ 2 തിമൊഥെയോസ് (2 Timothy) 1: 1-5 = ഭാഗ്യാവസ്ഥകൾ

*🎯  ഇതിലും വലിയ ആശ്വാസം ഇല്ല*

               ഇല്ലായ്മകൾ എല്ലാം ശാപത്തിൻ്റെ പരിണിത ഫലമാണ് എന്ന് മുദ്രകുത്തി ഇല്ലായ്മകളിൽ ഇല്ലാതായി തീരുന്നത് കണ്ട് രസിക്കുന്ന സമൂഹത്തിൻ്റെ കഴുകൻ കണ്ണുകൾക്ക് ഇനി ആയുസ്സില്ല. പണവും പ്രതാപവും ഉള്ളവനെ മാത്രം പുകഴ്ത്തി പാവപ്പെട്ടവനെ പുഛിക്കുന്ന തിന്മ ഇനി അധികനാൾ തുടരത്തുമില്ല.

       സകലത്തിൻ്റെയും ഉടയവനായ ദൈവം ഭൂമിയിലായിരുന്നപ്പോൾ ദാരിദ്രവും പട്ടിണിയും കണ്ണീരും അപമാനങ്ങളും ശാപമല്ല ഭാഗ്യാവസ്ഥയാണ് എന്ന് വിളിച്ചു പറയുകയും അവിടുന്ന് ദൈവരാജ്യം നല്കി നമ്മുടെ ദാരിദ്രവും തൃപ്തി നല്കി പട്ടിണിയും ചിരി നല്കി കണ്ണീരും പ്രതിഫലങ്ങൾ നല്കി അപമാനവും തുടച്ച് നീക്കും എന്ന വാഗ്ദത്തവും നല്കി.

           പ്രിയരേ, ഇല്ലായ്മകൾക്കും വല്ലായ്മകൾക്കും അവസാനമുണ്ട്. അപമാനങ്ങളും അശ്രുവും അവസാനിക്കും. ദൈവരാജ്യം നല്കുന്ന ദൈവത്തിൽ വിശ്വസിക്കുക, അവിടുത്തെ വാഗ്ദത്ത വചനങ്ങൾ ഏറ്റെടുക്കുക, സന്തോഷിച്ചു തുള്ളിച്ചാടുക നല്ലനാളുകൾ നമ്മേ കാത്തിരിക്കുന്നു.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *21.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 28 = ശൌലും വെളിച്ചപ്പാടത്തിയും.
➡ യെശയ്യാവ് (Isaiah) 49 = യഹോവയുടെ ദാസനായ യിസ്രായേലിന്റെ വീണ്ടെടുപ്പ്.
➡ ലുക്കൊസ് (Luke) 6: 12-19 = യേശു പന്തിരുവരെ തെരഞ്ഞെടുക്കുന്നു.
➡ 1 തിമൊഥെയോസ് (1 Timothy) 6: 11-22 = വിശ്വാസത്തിന്റെ നല്ല പോർ.

*🎯  ആരംഭത്തിൽ പ്രാർത്ഥന*

               ക്രിസ്തീയ ജീവിതത്തിൽ പ്രാർത്ഥനയ്ക്ക് വലിയ പ്രാധാന്യം ഉണ്ടെന്നും ശുശ്രൂഷകളുടെ ഇടവേളകളിലും തടസ്സങ്ങൾ നീക്കിയും നാം പ്രാർത്ഥിക്കേണമെന്നും കഴിഞ്ഞ ദിവസങ്ങളിൽ ചിന്തിച്ചല്ലോ. ഇന്ന് യേശുക്രിസ്തു നമുക്ക് മുമ്പിൽ വരച്ചിടുന്ന മാതൃക എല്ലാ ശുശ്രൂഷകളുടെയും ആരംഭത്തിൽ പ്രാർത്ഥിക്കേണമെന്നാണ്. ഒരു രാത്രി മുഴുവൻ പിതാവായ ദൈവവുമായി പ്രാർത്ഥനയിൽ സമയം ചിലവഴിച്ച ശേഷമാണ് അദ്ദേഹം തൻ്റെ കൂടെയിരിക്കാനും പ്രസംഗിക്കേണ്ടതിന് അയയക്കാനുമായി ശിഷ്യന്മാരെ അഥവ അപ്പോസ്തലന്മാരെ തിരഞ്ഞെടുക്കുന്നത്. ദൈവം നമ്മേ ഏല്പ്പിച്ച താലന്ത് ഉപയോഗിക്കും മുമ്പ് ജീവിതത്തിൽ എന്തെല്ലാം ആരംഭിച്ചാലും അതിനെല്ലാം മുമ്പ് അവയുടെ എല്ലാം ആരംഭത്തിൽ നമുക്ക് നമ്മുടെ കർത്താവിനെപ്പോലെ പ്രാർത്ഥിക്കുന്നവരാകാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *20.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 27 = ദാവീദ് സിക്ലാഗിൽ.
➡ യെശയ്യാവ് (Isaiah) 48 = ദൈവം യിസ്രായേലിന്റെ അവിശ്വസ്തതയെ ശാസിക്കുന്നു.
➡ ലുക്കൊസ് (Luke) 6: 1-11 = യേശുവും ശബ്ബത്തും.
➡ 1 തിമൊഥെയോസ് (1 Timothy) 6: 1-10 = ദ്രവ്യാഗ്രഹത്തിനെതിരായ മുന്നറിയിപ്പ്.

*🎯  നന്മ ചെയ്യുക ജീവനെ രക്ഷിക്കുക*

            ഇസ്രായേൽ ജനതയ്ക്ക് ദൈവം കൊടുത്ത നാലാമത്തെ കല്പനയാണ് ശബ്ബത്ത് നാളിനെ ശുദ്ധീകരിപ്പാൻ ഓർക്ക എന്നത്. ബാല്യം മുതൽ അനുസരണം ഇല്ലാത്ത ഇസ്രായേൽ ജനം പലയാവർത്തി ആ കല്പന ലംഘിച്ചു, പരിണിത ഫലമായി അവർ ബാബിലോണിന് അടിമകളാകുകയും അവരുടെ സ്വകാര്യ അഹങ്കാരമായിരുന്ന ആലയം തകർക്കപ്പെടുകയും ചെയ്തു. എന്നാൽ നീതിമാനും കൃപാലുവുമായ ദൈവം എഴുപത് വർഷങ്ങൾക്ക് ശേഷം അവർക്ക് സ്വാതന്ത്ര്യം സമ്മാനിക്കുകയും ആലയം പുനർനിർമ്മിച്ച് കൊടുക്കുകയും ചെയ്തു.

      ദൈവം ശിക്ഷിക്കുന്നവനാണ് എന്ന തിരിച്ചറിവ് ആ കല്പന അനുസരിക്കുന്നതിന് അവരെ നിർബന്ധിച്ചു. അവർ ആ ദിവസം ഒന്നും ചെയ്യാത്ത ദിവസമായി വേർതിരിച്ചു.

     എന്നാൽ യേശു ക്രിസ്തുവിൻ്റെ പരസ്യ ശുശ്രൂഷകളിൽ അദ്ദേഹം ഇസ്രായേലിനെ തിരുത്തി. ശബ്ബത്ത് നാളിലാണെങ്കിലും നന്മ ചെയ്യുകയും ജീവനെ രക്ഷിക്കുകയും വേണം എന്ന് പ്രബോധിപ്പിച്ചു, പ്രവൃത്തിച്ചു കാണിച്ചു.

      നമ്മേക്കൊണ്ട് ദൈവം ഇന്ന് ആഗ്രഹിക്കുന്നത് ഇത് തന്നെയാണ്. യേശുവിൻ്റെ ക്രൂശുമരണം നമുക്ക് നന്മയ്ക്കും ജീവനെ രക്ഷിക്കുന്നതിനും ആയിരുന്നു. ആ സുവിശേഷം അനേകരിലേയ്ക്ക് എത്തിക്കുക. നന്മ ചെയ്യുക ജീവനെ രക്ഷിക്കുക.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *19.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 26 = ദാവീദ് വീണ്ടും ശൌലിനെ രക്ഷിക്കുന്നു.
➡ യെശയ്യാവ് (Isaiah) 46,47 = സംരക്ഷകനായ യഹോവ ബാബേലിന്റെ വീഴ്ച്ച.
➡ ലുക്കൊസ് (Luke) 5: 27-31 = ലേവിയുടെ വിളിയും അവന്റെ വീട്ടിലെ വിരുന്നും.
➡ 1 തിമൊഥെയോസ് (1 Timothy) 5: 17-25 = മൂപ്പന്മാരെ സംബന്ധിച്ച നിയമങ്ങൾ.

*🎯  എന്നെ അനുഗമിക്ക*

             ഗവൺമെൻ്റ് ഉദ്യോഗം ഉപേക്ഷിച്ച് യേശുവിനെ അനുഗമിച്ച ലേവി ശിഷ്യത്വം സ്വീകരിച്ച ചരിത്ര സംഭവമാണ് നാമിന്ന് ലൂക്കൊസ് സുവിശേഷത്തിൽ വായിച്ചത്. അദ്ദേഹം യേശുവിനെ അംഗീകരിച്ചത് തൻ്റെ വരുമാന മാർഗ്ഗം ഉപേക്ഷിച്ചാണ് എന്ന് മാത്രമല്ല കൈയിലുള്ള പണം മുടക്കി വലിയൊരു വിരുന്ന് കഴിക്കുകയും ചെയ്തു.

      പഴയനിയമത്തിൽ ഏലീയാവ് എലീശയെ തൻ്റെ ശിഷ്യനായി തിരഞ്ഞെടുത്തപ്പോൾ എലീശയും ഒരു വിരുന്ന് നടത്തിയിരുന്നു. ലഭിച്ച നിയോഗത്തോടുള്ള സന്തോഷവും സമ്പൂർണ്ണ സമർപ്പണവുമാണ് ഇത് കാണിക്കുന്നത്. വിരുന്ന് നടത്തിയില്ലെങ്കിൽ സമർപ്പണം ഇല്ല എന്നർത്ഥമില്ല, നടത്തിയത് സമർപ്പണത്തെ കാണിക്കുന്നു ഒപ്പം സാക്ഷ്യത്തെയും. ഒരു രഹസ്യ ശിഷ്യനായിട്ടല്ല പരസ്യ ശിഷ്യനായിട്ടാണ് അദ്ദേഹം യേശുവിനെ അനുഗമിച്ചത്.

     "എന്നെ അനുഗമിക്ക" എന്ന യേശുക്രിസ്തുവിൻ്റെ ആഹ്വാനം ലേവിയുടെ കാതുകളിലേയ്ക്ക് മുഴങ്ങിയതുപോലെ നമ്മുടെ കർണ്ണങ്ങളിലേയ്ക്കും പതിക്കുന്നുണ്ട്. ഉപേക്ഷിക്കേണ്ടവയെ എല്ലാം ഉപേക്ഷിക്കുമോ? സാക്ഷ്യത്തോടെ യേശുവിനെ അനുഗമിക്കുമോ?

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *18.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 25 = ദാവീദും നാബാലും അബീഗയിലും.
➡ യെശയ്യാവ് (Isaiah) 45 = യിസ്രായേലിന്റെ നിത്യരക്ഷ.
➡ ലുക്കൊസ് (Luke) 5: 17-26 = യേശു പക്ഷവാത രോഗിയെ സൗഖ്യമാക്കുന്നു.
➡ 1 തിമൊഥെയോസ് (1 Timothy) 5: 1-16 = വിധവമാരെ സംബന്ധിച്ച നിർദ്ദേശങ്ങൾ.

*🎯  അപൂർവ്വ കാര്യങ്ങളെ കണ്ടു*

           യേശുക്രിസ്തുവിൻ്റെ കാലത്ത് ജീവിച്ചിരുന്ന യെരുശലേമിലും സമീപ പ്രദേശങ്ങളിലുമുള്ള ജനങ്ങളുടെ ഭാഗ്യാവസ്ഥയാണ് തലവാചകമായി നല്കിയിരിക്കുന്നത്. യേശു പരസ്യ ശുശ്രൂഷകൾ നടത്തിയ ഓരോ ദിവസം അവർ വീടുകളിലേയ്ക്ക് മടങ്ങിയത് യേശു ചെയ്ത അത്ഭുതങ്ങളെ കണ്ടാണ്. അവർക്കത് അപൂർവ്വ കാഴ്ച്ചകളായിരുന്നു.

         ഇന്ന് യേശുക്രിസ്തുവിൻ്റെ രക്തത്താൽ വീണ്ടെടുക്കപ്പെട്ട് യേശു ഉള്ളിൽ വസിക്കുന്ന യേശുക്രിസ്തുവിൻ്റെ മന്ദിരങ്ങളാണ് നാം. നമ്മുടെ ജീവിതത്തിൽ എന്തെങ്കിലും അപൂർവ്വ കാര്യങ്ങൾ നടക്കുന്നുണ്ടോ? യേശു കൂടെയുള്ളതിൻ്റെ മാറ്റം നാം അറിയുന്നുണ്ടോ?

     പ്രിയരേ, സര്‍വ്വസാധാരണമായ കാര്യങ്ങളാണ് നമ്മുടെ ജീവിതത്തിൽ നടക്കുന്നതെങ്കിൽ നാം യേശുക്രിസ്തുവിനെ ജീവിതത്തിൽ വെറുതെ പ്രതിഷ്ഠിച്ച് അവന് ഒരവസരവും കൊടുക്കാതെയാണ് ജീവിക്കുന്നത്. ലോകത്തിൽ സാധാരണ എല്ലാവർക്കും നടക്കുന്നതുപോലെയെ നമുക്കും സംഭവിക്കു എന്നാണ് നാം വിശ്വസിക്കുന്നത്. നാലുപേർ ചേർന്ന് ഒരു പക്ഷവാദ രോഗിയെ ചുമന്ന് കൊണ്ടുവന്ന് വീടിൻ്റെ മേൽക്കൂര പൊളിച്ച് യേശുവിൻ്റെ അടുക്കലേയ്ക്ക് ഇറക്കി വെച്ചതാണ് അപൂർവ്വ കാര്യങ്ങൾ കാണാൻ വഴി ഒരുക്കിയത്. നിൻ്റെ പ്രശ്നങ്ങളെയും പ്രതികൂലങ്ങളെയും വിശ്വാസത്തോടെ യേശുക്രിസ്തുവിൻ്റെ അടുക്കലേയ്ക്ക് കൊണ്ടു ചെല്ലാൻ നീ തയ്യാറാകുമോ? അപൂർവ്വകാര്യങ്ങളെ കാണുവാൻ സാധിക്കും. നമ്മുടെ കർത്താവ് അപൂർവ്വ കാര്യങ്ങളെ പ്രവൃത്തിപ്പാൻ ഇന്നും ശക്തനാണ്.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *17.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 24 = ദാവീദ് ശൌലിന്റെ ജീവൻ രക്ഷിക്കുന്നു.
➡ യെശയ്യാവ് (Isaiah) 44 = വിഗ്രഹാരാധനയുടെ ഭോഷത്തവും യിസ്രായേലിന്റെ വീണ്ടെടുപ്പും.
➡ ലുക്കൊസ് (Luke) 5: 12-15 = യേശു കുഷ്ഠരോഗിയെ സൗഖ്യമാക്കുന്നു.
➡ 1 തിമൊഥെയോസ് (1 Timothy) 4: 6-16 = യേശുക്രിസ്തുവിന്റെ നല്ല ശുശ്രൂഷകൻ.

*🎯  ഇതും കൂടെ കഴിഞ്ഞ് പ്രാർത്ഥിക്കാം*

           ക്രിസ്തീയ ജീവിതത്തിൽ പ്രാർത്ഥനയ്ക്ക് എത്രമാത്രം പ്രാധാന്യം ഉണ്ട് എന്ന് ക്രിസ്തുവിൻ്റെ ജീവിതം വരച്ച് കാണിക്കുന്നു. കഴിഞ്ഞ ദിവസം രണ്ട് ശുശ്രൂഷകൾക്ക് ഇടയിൽ പ്രാർത്ഥിക്കുന്ന യേശുവിനെ നാം കണ്ടു. ഇന്ന് നാം വായിച്ചത് ജനങ്ങൾ വചനം കേൾക്കുന്നതിനും സൗഖ്യം പ്രാപിക്കുന്നതിനും യേശുവിനെ സമീപിക്കുമ്പോൾ യേശു നിർജനപ്രദേശത്ത് പോയി പ്രാർത്ഥിച്ചുകൊണ്ടിരുന്നു എന്നാണ്.

     നാം നമ്മുടെ ജീവിതത്തിൽ പലപ്പോഴും തിരക്കുകൾ നിമിത്തം പ്രാർത്ഥന മാറ്റി വെയ്ക്കാറുണ്ട്. ഇതും കൂടെ കഴിഞ്ഞ് പ്രാർത്ഥിക്കാം എന്ന് ചിന്തിക്കുകയും തീരുമാനിക്കുകയും ചെയ്യുന്നു. എന്നാൽ മറ്റെരു ആവശ്യത്തിനായും പ്രാർത്ഥന മാറ്റി വെയ്ക്കരുത് എന്ന് യേശു നമ്മേ പഠിപ്പിക്കുന്നു. യേശുവിനെ മാതൃകയാക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *16.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 23 = ശൌൽ ദാവീദിനെ പിന്തുടരുന്നു.
➡ യെശയ്യാവ് (Isaiah) 43 = യഹോവ ഏക വീണ്ടെടുപ്പുകാരൻ.
➡ ലുക്കൊസ് (Luke) 5: 1-11 = യേശു പത്രോസിന്റെ പടകിൽ.
➡ 1 തിമൊഥെയോസ് (1 Timothy) 4: 1-5 = ഭാവികാല സംഭവങ്ങൾ.

*🎯  എന്നെ വിട്ടു പോകേണമേ, എൻ്റെ കൂടെ പോരുക*

           ദൈവബോധം എല്ലാ മനുഷ്യരിലും ഉണ്ടെങ്കിലും നാം ദൈവത്തെ യഥാർത്ഥമായി മനസ്സിലാക്കുന്നത് ചില സന്ദർഭങ്ങളിൽ മാത്രമാണ്. ആ സന്ദർഭങ്ങളാണ് വലിയ മാനസാന്തരത്തിലേയ്ക്ക് നമ്മേ നടത്തുന്നത്.

      പത്രോസിൻ്റെ വള്ളത്തിലിരുന്ന് പ്രസംഗിച്ച യേശുവിൻ്റെ പ്രസംഗം മുഴുവനും വെറും ഒരു കേൾവിക്കാരനെപ്പോലെ മാത്രമാണ് പത്രോസ് കേട്ടുനിന്നത്. കാരണം ആ പ്രസംഗത്തിനിടയിൽ ഒരു മാനസാന്തരം അവനിലുണ്ടായില്ല. രാത്രിയിലെ അദ്ധ്വാനത്തിൽ ഒന്നും ലഭിക്കാത്തതിൻ്റെ വിഷമവും ജീവനഭാരങ്ങളും അദ്ദേഹത്തെ അലട്ടിയിട്ടുണ്ടാകണം. എന്നാൽ യേശു വലിയ മീൻ കൂട്ടത്തെ നല്കിയപ്പോൾ അവൻ യേശുവിനെ യഥാർത്ഥമായി മനസ്സിലാക്കുകയും യേശുവിന്റെ കാൽക്കൽ വീണു: കർത്താവേ, ഞാൻ പാപിയായ മനുഷ്യൻ ആകകൊണ്ട് എന്നെ വിട്ടുപോകേണമേ എന്നു അപേക്ഷിക്കുകയും ചെയ്തു (ലൂക്കൊസ് 5:8). ദൈവം ഇങ്ങനെയാണ്, പ്രസംഗവും പ്രബോധനവും കേട്ട് മാനസാന്തരപ്പെടുന്നില്ലെങ്കിൽ അവൻ നേരിട്ട് ഇടപെടും. എപ്പോഴും ഇങ്ങനെ നന്മകളിലൂടെ ആകണം എന്നില്ല.

      പത്രോസിന് നന്മ ലഭിച്ചപ്പോൾ അവൻ ദൈവത്തെ മനസ്സിലാക്കുകയും തൻ്റെ പാപാവസ്ഥ സമ്മതിക്കുകയും തൻ്റെ അടുക്കൽ യേശു നില്ക്കുന്നതിന് തനിക്ക് യോഗ്യതയില്ല എന്ന് സമ്മതിക്കുകയും ചെയ്തു. എന്നാൽ യേശു ആ അപേക്ഷ കേട്ട് അവനെ ഉപേക്ഷിച്ച് പോയില്ല. മറിച്ച് എന്നെ അനുഗമിക്കാ ഞാൻ നിന്നെ മനഷ്യരെ പിടിക്കുന്നവരാക്കാം എന്ന് പറഞ്ഞു.

      കൂടെ നില്ക്കാൻ യോഗ്യതയില്ലന്നു സമ്മതിക്കുമ്പോൾ കൂടെ കൊണ്ടുപോകാൻ തയ്യാറാകുന്നവനാണ് യേശു. മാനസാന്തരപ്പെടാൻ മശിഹായ്ക്കായി പ്രയോജനപ്പെടാൻ നാം തയ്യാറാകുമോ?
 
_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *15.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 22 = ദാവീദ് അദുല്ലാമിലേക്ക് ഓടിപ്പോകുന്നു.
➡ യെശയ്യാവ് (Isaiah) 42 = യഹോവയുടെ ദാസൻ.
➡ ലുക്കൊസ് (Luke) 4: 31-44 = യേശു കഫർന്നഹൂമിൽ.
➡ 1 തിമൊഥെയോസ് (1 Timothy) 3: 8-16 = ശുശ്രൂഷകന്മാരുടെ യോഗ്യതകൾ.

*🎯  ശുശ്രൂഷകൾ, ഇsവേളകൾ*

           യേശുവിൻ്റെ അത്ഭുതങ്ങൾക്ക് സാക്ഷിയായ സ്ഥലമാണ് കഫർന്നഹൂം. പത്രോസിൻ്റെ അമ്മാവിയമ്മയിൽ ആരംഭിച്ച ശുശ്രൂഷ അവിടെയുള്ള അനേകരിലേയ്ക്ക് എത്തി. അവിടുന്ന് ശാരീരിക രോഗങ്ങൾക്ക് സൗഖ്യവും പൈശാചിക ബന്ധനങ്ങളിൽ നിന്ന് വിടുതലും നല്കി ആ നാടിന് അനുഗ്രഹമായി, അവനെക്കുറിച്ചുള്ള ശ്രുതി നാടെങ്ങും പരന്നു. എന്നാൽ അടുത്ത ദിവസം രാവിലെ യേശു നിർജ്ജനമായ സ്ഥലത്തേയ്ക്ക് പോകുകയും അവിടെ സമയം ചിലവഴിക്കുകയും ചെയ്തു. അനേകായിരങ്ങൾ അവനരികിലേയ്ക്ക് എത്തി. തങ്ങളെ വിട്ട് പോകരുത് എന്നപേക്ഷിച്ചു. എന്നാൽ ''ഞാൻ മറ്റുള്ള പട്ടണങ്ങളിലും ദൈവരാജ്യം സുവിശേഷിക്കേണ്ടതാകുന്നു; ഇതിനായിട്ടല്ലോ എന്നെ അയച്ചിരിക്കുന്നത് എന്നു പറഞ്ഞു" അവിടുന്ന് യാത്രയാകുകയും ഗലീലയിലെ പള്ളികളിൽ ശുശ്രൂഷകൾ നിവർത്തിക്കുകയും ചെയ്തു.

       യേശു പ്രശസ്തിയും പ്രശ്നരഹിതവുമായ സ്ഥലത്ത് നിന്ന് രാവിലെ ഏകാന്ത സ്ഥലം അന്വേഷിച്ചു പോയത് പിതാവായ ദൈവവുമായി സംവദിക്കാനാണ്. ദൈവരാജ്യം സുവിശേഷിക്കുക എന്നത്  തന്നിൽ നിക്ഷിപ്തമായ ഉദ്യമമാണെന്നറിഞ്ഞിട്ടും രണ്ട് പ്രസംഗവേദികൾക്ക് ഇടയിൽ പ്രാർത്ഥനയ്ക്കായി വേർതിരിക്കപ്പെട്ട സ്ഥലവും സമയവും അവനുണ്ടായിരുന്നു. അദ്ദേഹം കർമ്മനിരതനായിരുന്നു, എന്നാൽ തിരിക്കുകൾ ഒന്നും പ്രാർത്ഥനയുടെ സമയത്തെ കവർന്നില്ല. പ്രശസ്തിയും പ്രയാസരഹിതമായ സഹാചര്യങ്ങളും ശുശ്രൂഷയുടെ വ്യാപനത്തിന് തടസ്സമായില്ല. യേശു പ്രാർത്ഥനയ്ക്കും പ്രവൃത്തനങ്ങൾക്കും മാതൃകയാകട്ടെ.
 
_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING DEVOTION

 _🌅  MORNING INSPIRA....✍📆_ *14.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 21 = ദാവീദ് ഗത്തിലേക്ക് ഓടിപ്പോകുന്നു.

➡ യെശയ്യാവ് (Isaiah) 41 = യിസ്രായേലിന്റെ നായകൻ.

➡ ലുക്കൊസ് (Luke) 4: 16-30 = യേശു നസറെത്തിൽ ഉപദേശിക്കുന്നു.

➡ 1 തിമൊഥെയോസ് (1 Timothy) 3: 1-7 = അദ്ധ്യക്ഷന്മാരുടെ യോഗ്യതകൾ.

*🎯  പതിവുപോലെ പള്ളിയിൽ ചെന്നു* 

           കോറോണയുടെ വ്യാപനം തടയേണ്ടതിനായി ലോക്ക് ഡൗൺ പ്രഖ്യാപിച്ച അന്നുമുതൽ വിശ്വാസികളായ നമുക്കാർക്കും ആലയത്തിൻ്റെ അകത്തളത്തിലിരുന്ന് അരുമനാഥനെ ആരാധിക്കാൻ കഴിഞ്ഞിട്ടില്ല. ഈ ദു:ഖം ഹൃദയ പാളികളിൽ തിങ്ങി വിങ്ങുന്നുണ്ടെങ്കിലും അതതു സമയങ്ങളിൽ അത്യുന്നതൻ നല്കുന്ന ആശ്വാസം അവർണനീയമാണ്.

       നമ്മുടെ കർത്താവ് ഈ ഭൂമിയിലായിരുന്ന സമയത്ത് യെഹൂദന്മാരുടെ നിയമങ്ങളനുസരിച്ചു പതിവുപോലെ പള്ളിൽ പോകുമായിരുന്നു എന്നാണ് നാമിന്ന് ലൂക്കൊസിൽ വായിച്ചത്. യെഹൂദനെ സംബന്ധിച്ച് പ്രാർത്ഥനയ്ക്കും വചന വായന കേൾവിക്കുമായി നിർമ്മിക്കപ്പെട്ട സിനഗോഗിനെയാണ് പള്ളി എന്നതുകൊണ്ട് അർത്ഥമാക്കുന്നത്.

       പുതിയ നിയമ വിശ്വാസികളായ നമുക്ക് ഏത് സമയത്തും എവിടെ നിന്നും നമ്മുടെ കർത്താവിനോട് പ്രാർത്ഥിക്കാനുള്ള അനുവാദം ഉണ്ട്. നമ്മുടെ കരങ്ങളിൽ  വായിച്ചറിയാൻ ദൈവവചനവും ഉണ്ട്. അവശേഷിക്കുന്ന ചോദ്യം നമുക്ക് പ്രാർത്ഥിക്കുകയും വചനം വായിക്കുകയും ചെയ്യുന്ന പതിവുണ്ടോ? മാറ്റിവെച്ച സമയമുണ്ടോ? ആരാധനാലയങ്ങളിൽ പോകാൻ കഴിയുന്നില്ലെങ്കിലും പതിവായി പവിത്രവചന പാരയണവും പ്രാർത്ഥനയും നമുക്കുണ്ടാകട്ടെ.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 _🌅  MORNING INSPIRA....✍📆_ *13.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 20 = ദാവീദും യോനാഥാനും.

➡ യെശയ്യാവ് (Isaiah) 40 = ദൈവജനത്തിനുള്ള ആശ്വാസവും യഹോവയുടെ മഹത്വവും.

➡ ലുക്കൊസ് (Luke) 4: 1-15 = യേശുവിനെ പിശാച് പരീക്ഷിക്കുന്നു.

➡ 1 തിമൊഥെയോസ് (1 Timothy) 2: 1-15 = പ്രാർത്ഥനക്കുള്ള ആഹ്വാനും സഭയിലെ ക്രമവും.

*🎯  രഹസ്യ വിജയവും പരസ്യ പ്രശംസയും*

           ക്രിസ്തീയ ജീവിതം പിശാചിനോടു മല്ലു പിടിക്കുന്ന പോർക്കളമാണ്. നാം അവനുള്ളവരല്ല എന്ന തിരിച്ചറിവ് അവന് നമ്മോടുള്ള വൈരാഗ്യം വർദ്ധിപ്പിക്കുന്നു. എങ്ങനെയും നമ്മേ ഫലം കായ്ക്കാത്തവരാക്കാൻ അവൻ സദാ പരിശ്രമിക്കുകയും ചെയ്യുന്നു.

     അനേകായിരങ്ങൾക്ക് അനുഗ്രഹമായി തീർന്ന യേശു ക്രിസ്തുവിൻ്റെ പരസ്യ ശുശ്രൂഷ ആരംഭിച്ചത് സ്നാനത്തോടെയാണ്. എന്നാൽ സ്നാനത്തിനും പരസ്യ ശുശ്രൂഷയ്ക്കും ഇടയിൽ നാല്പത് ദിവസത്തെ ഇടവേളയുണ്ടായിരുന്നു. ആ ദിവസങ്ങളിൽ അദ്ദേഹം മുരുഭൂമിയിൽ പിതാവായ ദൈവത്തോടുള്ള പ്രാർത്ഥനയിൽ സമയം ചിലവഴിക്കുകയായിരുന്നു. മറ്റാരുടെയും ശ്രദ്ധയിൽ പെടാതിരുന്ന ആ സമയത്ത് പിശാച് അടുത്ത് ചെന്ന് അവനെ പരീക്ഷിച്ച് കീഴ്പ്പെടുത്താൻ പരിശ്രമിച്ചു. എന്നാൽ ആ പരീക്ഷയിൽ എല്ലാം യേശു വചനം ഉപയോഗിച്ച് വിജയം നേടുകയും പിശാചിനെ പരാജയപ്പെടുത്തി പായിക്കുകയും ചെയ്തു. രഹസ്യമായി നടന്ന പരീക്ഷയിൽ വിജയിച്ചതിനു ശേഷം അവിടുന്ന് ഗലീലയ്ക്കു മടങ്ങിച്ചെന്ന് പള്ളികളിൽ പ്രസംഗിച്ചപ്പോൾ കേട്ടവരെല്ലാം അവനെ പ്രശംസിച്ചു.

     പരസ്യ പ്രശംസകൾക്ക് മുമ്പിൽ രഹസ്യ വിജയങ്ങൾ ഉണ്ടാകണം, പരസ്യമായി പ്രദർശിപ്പിക്കപ്പെടാൻ നമുക്ക് ധൈര്യം നല്കുന്നത് നമ്മുടെ രഹസ്യ വിജയങ്ങളാണ്. രഹസ്യത്തിൽ പിശാചിനെ പരാജയപ്പെടുത്താം. പരസ്യമായി ഫലം നല്കാം പ്രശംസിക്കപ്പെടാം.

   

   

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 _🌅  MORNING INSPIRA....✍📆_ *12.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 19 = ശൌൽ ദാവീദിനെ കൊല്ലുവാൻ ശ്രമിക്കുന്നു.

➡ യെശയ്യാവ് (Isaiah) 39 = ബാബേലിൽ നിന്നുള്ള സംഘം.

➡ ലൂക്കൊസ് (Luke) 3: 23-38 = യേശുവിന്റെ വംശാവലി.

➡ 1 തിമൊഥെയോസ് (1 Timothy) 1: 8-20 = ന്യായപ്രമാണവും സുവിശേഷവും.

*🎯  ആരാണ് യേശു?*

   

            യേശുവിൻ്റെ വംശാവലിയാണ് നാമിന്ന് ലൂക്കൊസ് സുവിശേഷത്തിൽ വായിച്ചത്. പ്രധാനമായും 3 കാര്യങ്ങൾ നമുക്കീ വംശാവലിയിൽ നിന്ന് മനസ്സിലാക്കാം,

1. യേശു മനുഷ്യപുത്രൻ - ഭൂമിയിലെ ആദ്യ മനുഷ്യനായ ആദാമിനെ മുതൽ ജനം യേശുവിൻ്റെ പിതാവെന്ന് കരുതിയ യോസേഫിനെ വരെ വംശാവലിയിൽ നല്കി കൊണ്ട് ലൂക്കൊസ് ആദ്യമായി തെളിയിക്കുന്നത് യേശു മനുഷ്യപുത്രനാണെന്നാണ്.

2. രാജവംശത്തിൽ പിറന്നവൻ - യെഹൂദന്മാരോടുള്ള ബന്ധത്തിൽ ദാവീദിൻ്റെ വംശമാണ് രാജവംശം. നിത്യരാജ്യത്തം ദൈവം അവന് വാഗ്ദത്തം ചെയ്തിട്ടുള്ളതാണ്. യേശുവിൻ്റെ വംശാവലിയിൽ ദാവീദിൻ്റെ പേര് നല്കി കൊണ്ട് യേശു രാജവംശത്തിൽ പിറന്നവനാണ് എന്നും ലൂക്കൊസ് തെളിയിക്കുന്നു.

3. പിതൃത്വത്തിലെ നിഗൂഢത - യേശു യോസേഫിൻ്റെ മകൻ എന്ന് ജനം വിചാരിച്ചു എന്ന പ്രസ്താവനയോടെയാണ് ലൂക്കൊസ് വംശാവലി ആരംഭിച്ചത്. വംശാവലി മാത്രം വായിക്കുന്നയാൾക്ക് പിതൃത്വത്തിൽ നിഗുഢത മറഞ്ഞിരിക്കുന്നതായി തോന്നും. എന്നാൽ ആരംഭ അദ്ധ്യായത്തിൻ്റെ മുപ്പത്തിയഞ്ചാം വാക്യത്തിൽ തന്നെ യേശു ദൈവപുത്രനാണ് എന്ന് ലൂക്കൊസ് പ്രസ്താപിച്ചിട്ടുണ്ട്. മാത്രമല്ല തുടർന്നുള്ള അദ്ധ്യായങ്ങൾ യേശുവിൻ്റെ ദൈവത്വം തെളിയിക്കുന്നവയും ആണ്.

       അതേ, രാജവംശത്തിൽ മനുഷ്യനായി അവതരിച്ച ദൈവപുത്രനാണ് യേശു. മനുഷ്യനായതിനാൽ നമ്മോട് സഹതാപം കാണിക്കാനും ദൈവമായതിനാൽ നമ്മേ രക്ഷിക്കാനും രാജാവായതിനാൽ നമ്മേ സംരക്ഷിക്കാനും അവൻ മതിയായവനാണ്.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

MORNING DEVOTION

  _🌅  MORNING INSPIRA....✍📆_ *11.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 18 = ദാവീദ് ശൌലിന്റെ മരുമകനാകുന്നു.

➡ യെശയ്യാവ് (Isaiah) 38 = ഹിസ്ക്കിയാവിന്റെ രോഗവും സൗഖ്യവും.

➡ ലുക്കൊസ് (Luke) 3: 1-22 = യോഹന്നാൻ സ്നാപകന്റെ പ്രസംഗവും താഴ്മയും.

➡ 1 തിമൊഥെയോസ് (1 Timothy) 1: 1-7 = തിമൊഥെയോസിന് നല്കുന്ന ആമുഖ ഉപദേശം

*🎯  യോഹന്നാൻ സ്നാപകൻ്റെ ഉപദേശങ്ങൾ*

   

            മാനസാന്തരസ്നാനം പ്രസംഗിച്ച് മശിഹയ്ക്ക് വഴിയൊരുക്കിയ ശക്തനായ പ്രവാചകൻ എന്ന നിലയിലാണ് യോഹന്നാൻ സ്നാപകൻ അറിയപ്പെടുന്നത്. മാനസാന്തരം മാത്രമാണോ യോഹന്നാൻ പ്രസംഗിച്ചത്?

     അല്ല, തൻ്റെ  ആഹ്വാനത്തിലൂടെ മാനസാന്തര സ്നാനത്തിനായി തയാറായവരോട് അവൻ ചില നിർദ്ദേശങ്ങളും നല്കിയിരുന്നു.

       പുരുഷാരത്തോട് ഇല്ലാത്തവരെ സഹായിക്കുക, ചുങ്കക്കാരോട് കല്പിച്ചതിൽ അധികം പിരിക്കരുത്, പടജ്ജനത്തോട് ശന്വളത്തിൽ തൃപ്തിപ്പെട്ട് ആരെയും ബലാല്ക്കാരം ചെയ്യാതെയും ചതിവായി ഒന്നും വാങ്ങാതെയും ജീവിക്കുക എന്ന കല്പനകളാണ് അദ്ദേഹം നല്കിയത്.

      പ്രിയരേ, ഈ കല്പനകൾ നമുക്കും ബാധകമാണ്. യേശുവും ഇത് തന്നെ ആവശ്യപ്പെട്ടിട്ടുണ്ട്. ഇല്ലാത്തവരെ സഹായിച്ചും ഉത്തരവാദിത്തങ്ങളിൽ വിശ്വസ്തത കാണിച്ചും അധികാരത്തെ അനുയോജ്യമായി മാത്രം വിനയോഗിച്ചും ജീവിക്കാൻ ദൈവം നമുക്ക് കൃപ നല്കട്ടെ.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 _🌅  MORNING INSPIRA....✍📆_ *10.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 17 = ദാവീദും ഗോല്യാത്തും

➡ യെശയ്യാവ് (Isaiah) 37 = യെരുശലേമിന്റെ വിടുതൽ മുന്നറിയിക്കുന്നു.

➡ ലുക്കൊസ് (Luke) 2: 41-52 = ബാലനായ യേശു ദൈവാലയത്തിൽ.

➡ 2 തെസ്സലോനിക്യർ (2 Thessalonians) 3: 1-18 = അലസതക്ക് എതിരായ മുന്നറിയിപ്പ്.

*🎯  ജനറേഷൻ ഗ്യാപ്പ്*

   

            ആധുനികതയും ഡിജിറ്റൽ മാധ്യമങ്ങളുടെ അതിപ്രസരവും മാതാപിതാക്കൾക്കും മക്കൾക്കുമിടയിലുള്ള ദൂരത്തിന് നല്കിയ വിശദീകരണമാണ് ജനറേഷൻ ഗ്യാപ്പ്. മനോരമ നോക്കിയും മാനം നോക്കിയും കാലത്തെ അറിയുന്ന അവർക്ക് വിരൽ തുമ്പിലൂടെ ലോകത്തെ കാണാൻ അറിയില്ലെങ്കിലും അനുഭവസമ്പത്തുകൊണ്ട് അവർ ആർജിച്ച അറിവിനോളം കാതലായ അറിവുകൾ നല്കാൻ ഒരു ആധുനീക മാധ്യമത്തിനും കഴിയില്ല. എന്നിട്ടും അവർ അവഗണിക്കപ്പെടുന്നു.

      അമ്മിഞ്ഞ നല്കി ആരോഗ്യത്തിലേയ്ക്കും അക്ഷരം നല്കി അറിവിലേക്കും നയിക്കാൻ അവരില്ലായിരുന്നെങ്കിൽ കുത്തിവരയ്ക്കാൻ മാത്രം അറിയാവുന്ന കുഞ്ഞുവിരലുകളെ കൃത്യമായി ഉപയോഗിക്കാൻ പഠിപ്പിച്ചില്ലായിരുന്നെങ്കിൽ അക്ഷരതെറ്റുകളെ വെട്ടിത്തിരുത്തിയിരുന്നില്ലെങ്കിൽ  ആധുനിക മാധ്യമങ്ങൾ ഒന്നും ഉപയോഗിക്കാനുള്ള അവസ്ഥയിലേയ്ക്ക് നാം എത്തുകയില്ലായിരുന്നു. എന്നിട്ടും നമ്മുടെ അറിവുകളെ നാലാൾ അംഗീകരിക്കുമ്പോൾ ആദരിക്കേണ്ട അവരെ നാം അവഗണിക്കുന്നു.

     പ്രിയരേ, അങ്ങനെയരുത്, അവരില്ലെങ്കിൽ നമ്മളില്ല, അവരില്ലായിരുന്നെങ്കിൽ നമ്മൾ നമ്മളാകുകയുമില്ലായിരുന്നു. സർവ്വശക്തനായ ദൈവം മനുഷ്യനായി പിറന്നപ്പോൾ നമുക്കുള്ളതുപോലെയുള്ള നിയമബാദ്ധ്യതകൾ ഇല്ലാതിരുന്നിട്ടും ശാസ്ത്രിന്മാർ അവൻ്റെ ജ്ഞാനത്തിൽ വിസ്മയിച്ചതിനു ശേഷവും നമുക്ക് മാതൃകയാകുവാൻ അവൻ യോസേഫിനും മറിയയ്ക്കും കീഴ്പ്പെട്ടു. മാതാപിതാക്കൾക്ക് കീഴ്പ്പെട്ട്  അവരെ ബഹുമാനിച്ചും സ്നേഹിച്ചും ജീവിക്കാൻ കർത്താവ് നമുക്ക് മാതൃകയാകട്ടെ.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

  _🌅  MORNING INSPIRA....✍📆_ *09.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 16 = ശമുവേൽ ദാവീദിനെ രാജാവായി അഭിഷേകം ചെയ്യുന്നു.

➡ യെശയ്യാവ് (Isaiah) 36 = സൻഹേരിബ് യെരുശലേമിനെതിരെ അപകടഭീഷണി മുഴക്കുന്നു.

➡ ലുക്കൊസ് (Luke) 2: 25-40 = ശിമയോനും ഹന്നയും ദൈവത്തെ മഹത്വപ്പെടുത്തുന്നു.

➡ 2 തെസ്സലോനിക്യർ (2 Thessalonians) 2: 1-17 = അധർമ്മമൂർത്തി.

*🎯  ആരാധന*

               യോസേഫും മറിയയും ന്യായപ്രമാണ പ്രകാരം യേശുവിനെ ദൈവാലയത്തിലേയ്ക്ക് കൊണ്ടു ചെന്നപ്പോൾ ഭക്തരായ ശിമയോനും ഹന്നയും യേശുവിനെക്കുറിച്ച് ചില പ്രസ്താവനകൾ നടത്തി. അനേകർ അത് കേട്ടു.

        ശിമയോൻ്റെയും ഹന്നയുടെയും കേൾവിക്കാരുടെയും സവിശേഷതകൾ പരിശോധിച്ചാൽ യേശുവിൻ്റെ ആഗമന ഉദ്ദേശ്യം നമുക്ക് മനസ്സിലാക്കാം.

1. ശിമയോൻ :- ഇസ്രായേലിൻ്റെ ആശ്വാസത്തിനായി കാത്തിരുന്നവൻ.

2. ഹന്ന :- ഇസ്രായേലിൻ്റെ ദൈവത്തെ തുടർമാനമായി ആരാധിച്ചു കൊണ്ടിരുന്നവൾ.

3. കേൾവിക്കാർ :- യെരുശലേമിൻ്റെ വീണ്ടെടുപ്പിനെ കാത്തിരുന്നവർ.

     യേശു ആഗതനായത് പാപത്താൽ മലിനപ്പെട്ട നമ്മേ വീണ്ടെടുത്ത് നമുക്ക് ആശ്വാസം നല്കാനും നമ്മേ ആരാധനക്കാരാക്കി തീർക്കേണ്ടതിനുമാണ്. ക്രൂശുമരണത്തിലൂടെ അവൻ അത് സാധ്യമാക്കി കല്ലറയിലെ വിജയത്തിലൂടെ അത് പ്രസ്താവിച്ചു. ഇന്ന് രാവിലെ വീണ്ടെടുക്കക്കപ്പെട്ട് ആശ്വാസം പ്രാപിച്ചവരായി നമുക്ക് നമ്മുടെ ദൈവത്തെ ആരാധിക്കാം.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 _🌅  MORNING INSPIRA....✍📆_ *08.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 15 = ശൌൽ ദൈവത്തോട് അനുസരണക്കേട് കാണിക്കുന്നു.

➡ യെശയ്യാവ് (Isaiah) 34,35 = ജാതികളുടെ മേലുള്ള യഹോവയുടെ കോപവും വീണ്ടെടുക്കപ്പെട്ടവരുടെ സന്തോഷവും.

➡ ലുക്കൊസ് (Luke) 2: 21-24 = യേശുവിനെ ദൈവാലയത്തിൽ കൊണ്ടുപോകുന്നു.

➡ 2 തെസ്സലോനിക്യർ (2 Thessalonians) 1: 1-12 = പീഢനത്തിൽ ധൈര്യം.

*🎯  യേശു എന്നു പേർ വിളിച്ചു*

              എബ്രായരായി ജനിച്ചതിനാൽ യോസേഫും മറിയയും ആദ്യം കേട്ട വാക്ക് യഹോവ എന്നാണ്. പിന്നീട് ശൈശവത്തിലും ബാല്യത്തിലും കൗമാരത്തിലും യൗവനത്തിലും എല്ലാം ദൈവം പിതാക്കന്മാർക്ക് വെളിപ്പെടുത്തി കൊടുത്ത ദൈവത്തിൻ്റെ വ്യത്യസ്തങ്ങളായ നാമങ്ങൾ അവരുടെ കർണ്ണങ്ങളിൽ പതിക്കുകയും ഹൃദയത്തിൽ  എഴുതപ്പെടുകയും ചെയ്തു. അറിഞ്ഞ സത്യത്തോട് അവർ കാണിച്ച ആത്മാർത്ഥത അവരെ ആത്മീയരാക്കി. ജീവിത വിശുദ്ധിയും അഭിനന്ദനാർഹമായി ആത്മീയ നിലവാരവും അവർക്കുണ്ടായിന്നു. ഭാവിയെ ഓർത്ത് ഭാരപ്പെടാതെ മറിയ തന്നെ ദൈവത്തിനായി സമർപ്പിക്കുകയും അപമാനങ്ങൾ അവഗണിച്ച് മറിയയെ സ്വീകരിക്കാൻ യോസേഫ് തയ്യാറാകുകയും ചെയ്യ്തപ്പോൾ ദൈവം അവരെ മാനിച്ചത് അത്യുന്നതനായ ദൈവത്തിന്  പേരിട്ട് വിളിക്കാനുള്ള അവസരവും അധികാരവും നല്കിയാണ്. ബൈബിൾ പറയുന്നതു അവർ "അവന് യേശു എന്ന് പേർ വിളിച്ചു" എന്നാണ്. അതേ പ്രിയരേ, ദൈവത്തെ മാനിച്ചാൽ ദൈവം നമ്മേ ഏതെല്ലാം നിലകളിൽ അനുഗ്രഹിക്കും എന്ന് നമുക്ക് ചിന്തിക്കാൻ കൂടി കഴിയുകയില്ല. നമ്മേ അനുഗ്രഹിക്കുന്നതിലും അവിടുത്തെ വഴികൾ വിസ്‌മയാവഹമാണ്.

              

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

_🌅  MORNING INSPIRA....✍📆_ *07.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 14 = യോനാഥാൻ ഫെലിസ്ത്യരെ തകർക്കുന്നു.

➡ യെശയ്യാവ് (Isaiah) 33 = ദൈവത്തിലാശ്രയിക്കുന്നവർക്ക് രക്ഷ.

➡ ലുക്കൊസ് (Luke) 2: 8 - 20 = ഇടയന്മാരും ദൂതന്മാരും.

➡ 1 തെസ്സലോനിക്യർ (1 Thessalonians) 5: 25 - 28 = അന്ത്യവന്ദനം.

*🎯  അനുസരണം*

         യേശുവിനെ കാണാനായി ആദ്യം എത്തിയ സന്ദർശകർ ആട്ടിടയന്മാരാണ്. പകലത്തെ അദ്ധ്വാനം കഴിഞ്ഞ് ദുഷ്ടമൃഗങ്ങൾ ആക്രമിക്കാതെയും കള്ളന്മാർ അപഹരിക്കാതെയും ഇരിക്കേണ്ടതിന് അവർ അടുകളെ കാവൽ  ചെയ്യുന്നിടത്ത് നിന്നാണ് യേശുവിനെ കാണാനായി പോകുന്നത്. പകലത്തെ അദ്ധ്വാനത്തെയും സംഭവിക്കാവുന്ന അപകട സാധ്യതകളെയും അവഗണിച്ച് അവർ ബേത്ലേഹെമോളം പോയി യേശുവിനെ കണ്ടത് ദൂതൻ മുഖാന്തരം യേശു രക്ഷിതാവാണ് എന്ന അരുളപ്പാട് ലഭിച്ചതിനാലാണ്.

      പ്രിയനേ, ലഭിച്ച ദൈവീക അരുളപ്പാടുകളോട് നമുക്കുള്ള സമീപനം എന്താണ്? ഈ ആട്ടിടയന്മാരെപ്പോലെ ഉടനെ അനുസരിക്കാൻ ഒരുക്കമുണ്ടോ? ആട്ടിയന്മാർ ഉടനെ അനുസരിക്കാൻ തയ്യാറായതിനാൽ വലിയ വിദ്യാഭ്യാസം ഒന്നും ഇല്ലാതിരുന്നിട്ടും അവർക്ക് വഴി തെറ്റിയില്ല, അവരുടെ അടുകൾ സംരക്ഷിക്കപ്പെട്ടു, അവർക്ക് തിരികെ ജോലിയിൽ പ്രവേശിക്കാനും കഴിഞ്ഞു. അരുളപ്പാടുകളോടുള്ള അനുസരണം ആസന്നമാകട്ടെ.   

              

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

•    _9400181794_

MORNING DEVOTION

 _🌅  MORNING INSPIRA....✍📆_ *06.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 13 = ശമുവേൽ ശൌലിനെ ശാസിക്കുന്നു.

➡ യെശയ്യാവ് (Isaiah) 32 = നീതിയുള്ള രാജാവിന്റെ ഭരണം.

➡ ലുക്കൊസ് (Luke) 2: 1 - 7 = യേശുവിന്റെ ജനനം.

➡ 1 തെസ്സലോനിക്യർ (1 Thessalonians) 5: 12 - 24 = സമാപന പ്രബോധനങ്ങൾ.

*🎯  പശുത്തൊട്ടി*

         യേശു ക്രിസ്തുവിൻ്റെ ഈ ലോകത്തിലേയ്ക്കുള്ള ആഗമന ഉദ്ദേശ്യം മാനവകുലത്തിൻ്റെ പാപത്തെ നീക്കി  നരകയോഗ്യരെ സ്വർഗ്ഗാവകാശികളാക്കി തീർക്കുകയാണ്. അവിടുന്ന് കാൽവറിയിലെ യാഗത്തിലൂടെ അത് സാധ്യമാക്കി. അപ്പോസ്തലനായ പൗലോസ് പറയുന്നത് തന്നിൽ വിശ്വസിക്കുന്നവരെ അവൻ സ്വർഗ്ഗസ്ഥലങ്ങളിൽ ഇരുത്തിയിരിക്കുന്നു എന്നാണ്.

       പ്രിയരേ, ഇന്ന് രാവിലെ നാം വായിച്ചത് നമ്മേ സ്വർഗ്ഗസ്ഥലങ്ങളിൽ ഇരുത്താൻ വന്ന യേശുവിൻ്റെ ജനനമാണ്. അവന് ജനിച്ചു വീഴുവാൻ കൊട്ടരമോ കുടിലോ ഉണ്ടായിരുന്നില്ല, അവനെ കിടത്തുവാൻ പട്ടുമെത്തയോ  പായോ ഇല്ലായിരുന്നു. യോസേഫും മറിയയും അവനെ കിടത്തിയത് പശുത്തൊട്ടിയിലാണ്. നമ്മേ സ്വർഗ്ഗസ്ഥങ്ങളിൽ ഇരുത്തിയവൻ മനുഷ്യനായി പിറന്നപ്പോൾ ആദ്യം കിടന്നത് പശുത്തൊട്ടിയിലാണെന്ന് ഓർത്ത്, ആ താഴ്മയെ സ്മരിച്ച് നമുക്കവനായി ജീവിക്കാം.

              

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം* 

_By: Evg. Johnson Lazar Uppukunnu_

   _9400181794_

MORNING DEVOTION

_🌅  MORNING INSPIRA....✍📆_ *05.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 12= ശമുവേലിന്റെ വിടവാങ്ങൽ പ്രസംഗം.

➡ യെശയ്യാവ് (Isaiah) 31 = മിസ്രയീം അല്ല ദൈവം യെഹൂദയെ സന്ദർശിക്കും.

➡ ലുക്കൊസ് (Luke) 1: 67 - 70 = സെഖര്യാവിന്റെ പ്രവചനം.

➡ 1 തെസ്സലോനിക്യർ (1 Thessalonians) 5: 1 - 11 = ഉണർന്നും സുബോധമുള്ളവരുമായിരിപ്പിൻ.

*🎯  ഉദയം*

        യോഹന്നാൻ്റെ പിതാവായ സെഖര്യാവ് സംസാരിക്കാനുള്ള ശക്തി തിരികെ ലഭിച്ചപ്പോൾ ആദ്യം ചെയ്തത് ദൈവത്തെ മഹത്വപ്പെടുത്തുകയാണ്. അതിൽ തൻ്റെ മകൻ്റെ ജനനത്തിൽ ആശ്ചര്യപ്പെട്ട് നില്ക്കുന്ന ജനത്തോട് തൻ്റെ മകൻ രക്ഷിതാവല്ല രക്ഷാ പരിജ്ഞാനം കൊടുപ്പാനായി വന്നവനാണ് എന്ന് വ്യക്തമാക്കുകയും രക്ഷ സാധ്യമാകാറായി എന്ന് പ്രഖ്യാപിക്കുകയും ചെയ്തു. ആ രക്ഷ ഉയരത്തിൽ നിന്നുള്ളതാണ്, ഉദയമാണ് എന്നും അദ്ദേഹം വ്യക്തമാക്കി.

       അതേ യേശുവിലൂടെ സാധ്യമായത് ഉദയമാണ്. പാപത്തിൻ്റെയും അന്ധവിശ്വാസങ്ങളുടെയും അനാചാരങ്ങളുടെയും അന്ധകാരകാരത്തിൽ നിന്ന് അവിടുന്ന് വെളിച്ചം നല്കുന്നു, വെളിച്ചത്തിൽ വസിപ്പിക്കുന്നു, വെളിച്ചമാക്കി തീർക്കുന്നു. ഈ ഉദയത്തെ അറിയാൻ കഴിഞ്ഞ നാം എത്ര ഭാഗ്യവാന്മാർ. വെളിച്ചത്തെ പരിചയപ്പെടുത്താം, അനേകർ അന്ധകാരത്തിൽ നിന്ന് മോചനം നേടട്ടെ.

              

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 _🌅  MORNING INSPIRA....✍📆_ *04.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 11= ശൌൽ അമ്മോന്യരെ തോല്പിക്കുന്നു.
➡ യെശയ്യാവ് (Isaiah) 30 = സഹായത്തിനായി യഹോവയിലാശ്രയിക്കാനുള്ള ആഹ്വാനം.
➡ ലുക്കൊസ് (Luke) 1: 57 - 66 = യോഹന്നാൻ സ്പാനകന്റെ ജനനം.
➡ 1 തെസ്സലോനിക്യർ (1 Thessalonians) 4: 13 - 18 = കർത്താവിന്റെ വരവ്.

*🎯  അവിശ്വാസത്താൽ അടഞ്ഞു അനുസരണത്താൽ തുറന്നു*

        ആശയങ്ങൾ അധരങ്ങളിലൂടെ അറിയിക്കാനാവുന്നത് ലളിതവും അതിശക്തവുമായ മാർഗ്ഗമാണ്. അതുകൊണ്ടാണ് വിദ്യാലയങ്ങളിൽ ക്ലാസ് സമയത്ത് ശബ്ദമുണ്ടാക്കുകയോ വികൃതി കാണിക്കുകയോ ചെയ്യുന്ന കുട്ടികളെ എഴുന്നേല്പ്പിച്ച് ആ ക്ലാസ് തീരുന്നതുവരെ മിണ്ടാതെ നില്ക്കുക എന്ന ശിക്ഷ അദ്ധ്യാപകർ നല്കുന്നത്. എല്ലാ ബന്ധങ്ങളിലും സംസാരിക്കാത്തതും സംസാരിക്കാൻ അനുവദിക്കാത്തതും ലളിതമായ എന്നാൽ പലപ്പോഴും അപകടകരവുമായ ശിക്ഷണ നടപടിയാണ്. അസംതൃപ്തിയോ സന്തോഷമില്ലായ്മയോ ആയിരിക്കാം ഈ ശിക്ഷയുടെ പിന്നിൽ.

    ഒരു പക്ഷേ ലോകത്തിൽ ഏറ്റവും കൂടുതൽ സന്തോഷമുള്ള കാലത്ത് സംസാരിക്കാനുള്ള കഴിവ് നഷ്ടപ്പെട്ട ഏക വ്യക്തി സെഖര്യാവ് ആയിരിക്കും. ഒരു കുഞ്ഞിനായി അദ്ദേഹവും കുടുംബവും ദീർഘനാൾ പ്രാർത്ഥിച്ചിട്ടുണ്ട്. എന്നാൽ ആ ദീർഘനാളിലെ പ്രാർത്ഥനയ്ക്ക് ഉത്തരം ലഭിക്കാതിരിക്കുകയും മാനുഷീകമായ നിലയിൽ ഒരു കുഞ്ഞിനെ ലഭിക്കാനുള്ള പ്രായം തനിക്കും ഭാര്യ എലിശബെത്തിനും കഴിഞ്ഞപ്പോൾ അവർ പ്രത്യാശ കൈവിട്ട് ഇനി എനിക്ക് നീയും നിനക്ക് ഞാനും മാത്രമേയുള്ളു എന്ന് വിധിയെഴുതുകയും ചെയ്തു. എന്നാൽ ദൈവത്തിൻ്റെ സമയമായപ്പോൾ ദൈവം അവർക്ക് മകനെ നല്കാം എന്ന് ദൂതനിലൂടെ അറിയിച്ചു. ആ അരുളപ്പാടിൽ സംശയിച്ചപ്പോൾ ശിക്ഷയായി കുഞ്ഞ് ജനിക്കും വരെ നീ സംസാരിക്കേണ്ട എന്ന് ദൈവം കല്പ്പിച്ചു. അങ്ങനെ അച്ചനാകാനുള്ള കാത്തിരിപ്പിൻ്റെ മാസങ്ങളും ദിവസങ്ങളും അദ്ദേഹം സംസാരിക്കാനാവതെ ആംഗ്യഭാഷയും എഴുത്തുകളും ഉപയോഗിച്ച് ആശയങ്ങൾ അറിയിച്ചു. എന്നാൽ ദൈവീക വാഗ്ദത്ത പ്രകാരം കുഞ്ഞ് ജനിക്കുകയും ആ മകന് ദൈവകല്പനയുടെ അനുസരണമായി യോഹന്നാൻ എന്ന പേരിടുകയും ചെയ്തപ്പോൾ അദ്ദേഹത്തിൻ്റെ അടയ്ക്കപ്പെട്ട അധരങ്ങൾ തുറക്കുകയും അദ്ദേഹം സംസാരിക്കുകയും ചെയ്തു.

       അവിശ്വാസത്താൽ അടഞ്ഞവ അനുസരണത്താൽ തുറക്കപ്പെടും പ്രതീക്ഷ കൈവിടാതിരിക്കുക, അനുസരിക്കുക, അവിശ്വാസത്തിൻ്റെ ശിക്ഷയായി നഷ്ടമായവയെ തിരികെ നല്കാൻ ദൈവത്തിനു കഴിയും.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *03.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 10 = ശമുവേൽ ശൌലിനെ രാജാവായി അഭിഷേകം ചെയ്യുന്നു.
➡ യെശയ്യാവ് (Isaiah) 29 = ഇസ്രായേലിന്റെ അന്ധതയും വീണ്ടെടുപ്പും.
➡ ലുക്കൊസ് (Luke) 1: 39 - 56 = മറിയ എലിശബേത്തിനെ സന്ദർശിക്കുന്നു.
➡ 1 തെസ്സലോനിക്യർ (1 Thessalonians) 4: 1 - 12 = ശുദ്ധീകരണത്തിനുള്ള പൌലൊസിന്റെ ആഹ്വാനം

*🎯 ഉദരത്തിലും ഉച്ചാരണത്തിലും ഉദ്ധാരകൻ*

        സകലത്തിൻ്റെയും സൃഷ്ടാവായ ദൈവം മറിയയുടെ ഗർഭപാത്രത്തിലേയ്ക്ക് ഒരു അണുവായി ചുരുങ്ങി മനുഷ്യരൂപം എടുത്ത അത്യത്ഭുത സംഭവത്തിലെ ചരിത്ര ദിവസങ്ങളിൽ എലീശബേത്തിനെ സന്ദർശിച്ച മറിയ പറഞ്ഞത് "എൻ്റെ ആത്മാവ് എൻ്റെ രക്ഷിതാവായ ദൈവത്തിൽ ഉല്ലസിക്കുന്നു" എന്നാണ്.

        ഗബ്രിയേൽ ദൂതൻ മറിയയോടു പറഞ്ഞിരുന്നത് മറിയ പ്രസവിക്കുന്ന കുഞ്ഞ് രക്ഷിതാവായിരിക്കും അഥവ ഉദ്ധാരകനായിരിക്കും എന്നും അവൻ തൻ്റെ ജനത്തെ അവരുടെ പാപങ്ങളിൽ നിന്ന് മോചിപ്പിക്കും എന്നുമാണ്. ആകയാൽ മറിയ ആ സമയത്ത് ഉദ്ധാരകനെ ഉദരത്തിൽ വഹിച്ചുകൊണ്ട് ഉച്ചാരണങ്ങളാൽ ഉദ്ധാരകനെ മഹത്വപ്പെടുത്തുകയായിരുന്നു.

       പ്രിയരേ, ഇന്ന് ദൈവത്തെ ആരാധിക്കേണ്ടതും ഇങ്ങനെയാണ്. യേശു നമ്മുടെ ഉള്ളിൽ വരണം, ഉദരത്തിലല്ല ഉള്ളിൽ (ആത്മീയമായി). അതിന് നാം ചെയ്യേണ്ടത് യേശുവിനെ സ്വീകരിക്കുകയാണ്. യേശുവിനെ വിശ്വസിച്ച് സ്വീകരിക്കുന്നവരുടെ ഉള്ളിൽ വസിക്കാം എന്ന് അവിടുന്ന് വാഗ്ദത്തം ചെയ്തിട്ടുണ്ട്. യേശു ഉള്ളിൽ വാഴട്ടെ ഉച്ചാരങ്ങളിൽ ഉദ്ധാരകന്‍ ഉയർത്തപ്പെടട്ടെ.
         
_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *02.08.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 9 = ശൌൽ ശമുവേലിന്റെയടുക്കൽ.
➡ യെശയ്യാവ് (Isaiah) 27,28 = യിസ്രായേലിന്റെ വിടുതലും യെരുശലേമിനുള്ള മുന്നറിയിപ്പും.
➡ ലുക്കൊസ് (Luke) 1: 26 - 38 = ഗബ്രിയേൽ മറിയക്ക് പ്രത്യക്ഷനാകുന്നു.
➡ 1 തെസ്സലോനിക്യർ (1 Thessalonians) 3: 17. - 13 = സഭയുടെ ശക്തീകരണത്തിന് ആവശ്യമായവ.

*🎯  ശിക്ഷ സെഖാര്യവിന് മാത്രമോ?*

        നിനക്ക് ഒരു മകൻ ലഭിക്കും എന്ന് ദൈവത്തിൻ്റെ ദൂതനായ ഗബ്രീയേൽ സെഖര്യാവിനോടു പറഞ്ഞപ്പോൾ അദ്ദേഹം സംശയിച്ചതും പരിണിതഫലമായി കുഞ്ഞ് ജനിക്കും വരെ മിണ്ടാൻ കഴിയാത്ത അവസ്ഥ വന്നതും നാം ഇന്നലെ വായിച്ചല്ലോ. ഇന്ന് നാം വായിച്ചത് അതേ ദൂതൻ്റെ അടുക്കൽ മറിയ "ഞാൻ പുരുഷനെ അറിയായ്കയാൽ ഇത് എങ്ങനെ സംഭവിക്കും" എന്നു (ലൂക്കൊസ് 1:34) ചോദിച്ചതാണ്. എന്നാൽ ആ ചോദ്യത്തിന് വ്യക്തമായ മറുപടി കൊടുക്കുകയല്ലാതെ ഒരു ശിക്ഷയും ദൂതൻ അവൾക്ക് നല്കിയില്ല.

        സെഖര്യാവിനെ ശിക്ഷിച്ച ഗബ്രീയേൽ മറിയയ്ക്ക് ഒരു ശിക്ഷയും നല്കാതിരുന്നതെന്താണ്? യേശുവിൻ്റെ അമ്മയാകാൻ പോകുന്നതുകൊണ്ട് ശിക്ഷിക്കാൻ പാടില്ല എന്നുണ്ടോ?

       സെഖര്യാവിൻ്റെത് ദൈവത്തിൻ്റെ ശക്തിയിലുള്ള സംശയം ആയതിനാലാണ് അവനെ ശിക്ഷിച്ചത്. മറിയയുടെത് സംശമാണ്, എന്നാൽ അതിൽ അഭിനന്ദാർഹമായ ഒരു സാക്ഷ്യമുള്ളതിനാലാണ് അവളെ ശിക്ഷിക്കാതിരുന്നത്. അതേ വിവാഹം വരെ ഞാൻ പുരുഷനെ അറിഞ്ഞിട്ടില്ല എന്നത് മറിയയുടെ സാക്ഷ്യമാണ്. വിവാഹത്തിന് പുതിയ അർത്ഥങ്ങൾ സമ്മാനിക്കുന്ന യുവ തലമുറയ്ക്ക് മറിയ മാതൃകയായെങ്കിൽ?
     
           
_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *01.08.19.*

_📖 വായന ഭാഗം 📌 പ്രധാന വിഷയങ്ങൾ_

➡ 1 ശമുവേൽ  (1 Samuel) 8 = യിസ്രായേൽ രാജാവിനെ ചോദിക്കുന്നു.
➡ യെശയ്യാവ് (Isaiah) 25,26 = വീണ്ടെടുക്കപ്പെട്ടവരുടെ സ്തുതിഗീതം.
➡ ലുക്കൊസ് (Luke) 1: 1 - 25 = ഗബ്രിയേൽ സെഖര്യാവിന് പ്രത്യക്ഷനാകുന്നു
➡ 1 തെസ്സലോനിക്യർ (1 Thessalonians) 2: 17 - 20 = തെസ്സലൊനിക്യരെ കാണാനുള്ള പൌലൊസിന്റെ വാഞ്ഛ.

*🎯  സുവിശേഷങ്ങൾക്കൊരു നിർവ്വചനം*
     
             ദാവീദിന്റെ സന്തതിയായി ജനിച്ചു മരിച്ചിട്ട് ഉയിർത്തെഴുന്നേറ്റിരിക്കുന്ന യേശുക്രിസ്തുവാണ് സുവിശേഷം (2. തിമൊഥെയൊസ് 2:8). യേശുവിൻ്റെ ജനനം, ജീവിതം, മരണം, പുനരുത്ഥാനം തുടങ്ങിയ കാര്യങ്ങളെ വിവരിക്കുന്ന 4 ഗ്രന്ഥങ്ങൾ പുതിയ നിയമത്തിലുണ്ട്. അവ സുവിശേഷ ഗ്രന്ഥങ്ങൾ എന്നും സുവിശേഷങ്ങൾ എന്നും അറിയപ്പെടുന്നു.
     
           സുവിശേഷത്തിൻ്റെ നിർവ്വചനം ദാവീദിന്റെ സന്തതിയായി ജനിച്ചു മരിച്ചിട്ട് ഉയിർത്തെഴുന്നേറ്റിരിക്കുന്ന യേശുക്രിസ്തു എന്നാണ്. എന്നാൽ എന്താണ് സുവിശേഷങ്ങളുടെ നിർവ്വചനം? എഴുത്തുകാരനായ ലൂക്കൊസ് പറയുന്നത് "നമ്മുടെ ഇടയിൽ പൂർണമായി പ്രമാണിച്ചുവരുന്ന കാര്യങ്ങളെ വിവരിക്കുന്ന ചരിത്രം" (ലൂക്കൊസ് 1:2) എന്നാണ്. അതേ, സുവിശേഷങ്ങൾ യേശുവിൻ്റെ ജീവിതത്തെ വരച്ച് കാണിക്കുകയല്ല ക്രിസ്തുവിലൂടെ ദൈവമക്കളായി തീർന്നവർ പ്രമാണിക്കേണ്ട കാര്യങ്ങളെ ക്രിസ്തു പ്രമാണിച്ചു, മാതൃക കാണിച്ചു എന്ന് തെളിയിക്കുകയാണ്.

       പ്രിയമുള്ളവരേ, ക്രിസ്തു ജീവിച്ചത് നമുക്ക് പിൻപറ്റാനുള്ള മാതൃക കാണിക്കാനാണ്. സുവിശേഷ പാരായണവും പഠനവും ഞാൻ പ്രമാണിക്കേണ്ട കാര്യങ്ങളുടെ മാതൃകയാണെന്ന് മനസ്സിലാക്കാൻ അവ പൂർണമായി പ്രമാണിക്കാൻ നമുക്ക് സാധിക്കട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_