MORNING INSPIRA....✍📆_ *31.03.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 22 = പുരോഹിതന്മാർക്കുള്ള നിയമങ്ങളും പ്രസാദകരമല്ലാത്ത യാഗങ്ങളും.
➡ സങ്കീർത്തനങ്ങൾ (Psalms ) 49 =  മനുഷ്യന്റെ വീണ്ടെടുപ്പ്.
➡ മത്തായി (Matthew) 21: 1 - 11 = യേശുവിന്റെ യെരുശലേമിലേക്കുള്ള വിജയ പ്രവേശനം.
➡ റോമർ (Romans) 7: 7 - 12 = ഉള്ളിൽ വസിക്കുന്ന പാപം.

*🎯 ഞാൻ ഒന്ന് ആലോചിക്കട്ടെ*

   "എന്റെ പ്രിയസഹോദരരേ, നിങ്ങള്‍ സംസാരിക്കുന്നതില്‍ തിടുക്കം കൂട്ടാത്തവരായിരിക്കണം" (യാക്കോബ്‌ 1 : 19) എന്ന യാക്കോബിന്റെ ഉപദേശവും "ചോദ്യം മുഴുവന്‍ കേള്‍ക്കുന്നതിനു മുന്‍പ്‌ ഉത്തരം പറയുന്നത്‌ ഭോഷത്തവും മര്യാദകേടുമാണ്‌ (സുഭാഷിതങ്ങള്‍ 18 : 13) എന്ന ശലോമോന്റെ കണ്ടെത്തലും തീരുമാനം എടുക്കുന്നതിനെക്കുറിച്ചാണ് എന്ന തിരച്ചറിവായിരിക്കാം പലരിൽ നിന്നും "ഞാൻ ഒന്ന് ആലോചിക്കട്ടെ" എന്ന വാചകം നാമാവർത്തിച്ച് കേൾക്കാനുള്ള കാരണം.

      ഒരു തീരുമാനം എടുക്കുന്നതിന് മുൻപ് ആലോചിക്കേണം എന്നതിന് തർക്കമില്ല അലോചിച്ചേ തീരുമാനം എടുക്കാവു എന്നതിനോട് എതിർപ്പുമില്ല. എന്നാൽ ആത്മീയ കാര്യങ്ങൾക്കായി തീരുമാനം എടുക്കുന്നതിന്, പ്രത്യേകിച്ച് കുടുംബ പ്രാർത്ഥന, സ്നേഹസൽക്കാരം, ദൈവത്തിന് കൊടുക്കുക തുടങ്ങിയവയ്ക്ക് ആലോചിക്കേണ്ട കാര്യമുണ്ടോ? "സർവ്വവും യേശുനാഥനായി സമർപ്പണം ചെയ്തിടുന്നു സ്നേഹമോടെ ഞാൻ" എന്ന ഗാനം പാടുന്നവരല്ലേ നമ്മൾ". ആ പാട്ടിൽ എന്തെങ്കിലും ആത്മാർത്ഥത ഉണ്ടെങ്കിൽ ദൈവീക കാര്യങ്ങൾക്കായി ഞാൻ തയാറാണ് എന്നല്ലെ പറയേണ്ടത്.

      യേശു തനിക്ക് യെരുശലേമിലേയ്ക്ക് പോകുവാനുള്ള കഴുതകുട്ടിയെ കൊണ്ടുവരുവാനായി ശിഷ്യന്മാരെ അയച്ചപ്പോൾ അവരോടു പറഞ്ഞത് "നിങ്ങൾ കഴുതകുട്ടിയെ അഴിക്കുമ്പോൾ നിങ്ങളോടു ആരാനും വല്ലതും പറഞ്ഞാൽ: കർത്താവിന്നു ഇവയെക്കൊണ്ടു ആവശ്യം ഉണ്ടു എന്നു പറവിൻ; തൽക്ഷണം അവൻ അവയെ അയക്കും എന്നാണ്" (മത്തായി 21:3).

     അതേ, ആത്മീക വിഷയങ്ങൾക്കായി പ്രത്യേകിച്ച് ദൈവത്തിന് കൊടുക്കുന്ന കാര്യത്തിൽ ആലോചനയുടെ ആവശ്യമില്ല. യേശുവിന് ആവശ്യമാണ് എന്നറിഞ്ഞാൽ തലക്ഷണം കൊടുക്കുക. ആലോചന അമാന്തിക്കുന്നതിനും അരുളപ്പാട് അലക്ഷ്യമാക്കുന്നതിനും ഇടയാക്കാം.


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_

  MORNING INSPIRA....✍ 30.03.20.

 വായന ഭാഗം  പ്രധാന വിഷയങ്ങൾ

➡ ലേവ്യപുസ്തകം (Leviticus ) 21 = പുരോഹിതന്മാർക്കുള്ള നിയമങ്ങൾ.

➡ സങ്കീർത്തനങ്ങൾ (Psalms ) 46 - 48 = ദൈവം: ന്യായാധിപൻ, മഹാരാജാവ്, നിത്യൻ.

➡ മത്തായി (Matthew) 20: 29 - 34 = യേശു രണ്ട് കുരുടന്മാരെ സൗഖ്യമാക്കുന്നു.

➡ റോമർ (Romans) 7: 1 - 6 = ന്യായപ്രമാണവും സ്വാതന്ത്ര്യവും.

             ഇതുവരെ കേൾക്കാത്ത നിർദ്ദേശം

       വർണ്ണങ്ങളുടെ ലോകത്തേയ്ക്ക് ബർത്തിമായി പിറന്ന് വീണത് അന്ധകാരത്തെ
അറിയുവാനുള്ള കഴിവുമായിട്ടായിരുന്നു. അതുകൊണ്ട് പ്രസവം എടുത്ത വയറ്റാണ്ടി
മുതൽ സന്ദർശനത്തിന് എത്തിയ സകലരിൽ നിന്നും ജീവിതവഴിത്താരയിൽ സന്ധിച്ചവരിൽ
നിന്നും അവൻ സഹതാപം  ആവോളമറിഞ്ഞു. ഇന്ദ്രിയങ്ങളിൽ ഒന്ന്
പ്രവർത്തിക്കാതിരുന്നതിനാൽ ജനിച്ചനാൾ മുതൽ ഉദരത്തിൽ വെച്ച് തന്നെ
 പ്രവർത്തനമാരംഭിച്ച കാത് അവൻ കൂടുതൽ ശ്രദ്ധയോടെ ഉപയോഗിച്ചു. മുന്നിൽ കുഴിയാണ്
ഇനി നടക്കരുത്, ഇടതുവശത്ത് മതിലുണ്ട് ഇടിക്കരുത്, അടുത്തത് സ്റ്റെപ്പാണ് ശ്രദ്ധിക്കണം,
 തൊട്ടു പിന്നിൽ കസേരയാണ് ഇരുന്നോളു, ഇതാ വെള്ളം കൈകഴുകു, ഇത് ഭക്ഷണമാണ്
കഴിക്കു തുടങ്ങി നിരവധി നിർദ്ദേശങ്ങൾ കാതിനു സുപരിചിതമായി.

     സ്വന്തം കാര്യങ്ങൾക്കായി സ്വയം പ്രവർത്തിക്കണം എന്ന അവസ്ഥ വന്നപ്പോഴാണ് അവൻ
 വീട് വിട്ടിറങ്ങിയത്. പാതിവഴിയിൽ എവിടെവേച്ചോ ഒരു സഹചാരിയെയും അവനു ലഭിച്ചു.
തന്നെപ്പോലെ തന്നെ അവനും കുരുടനായിരുന്നതിനാൽ അവന്റെ അനുഭവവും
മറ്റൊന്നായിരുന്നില്ല. ഇരുവരും യെരിഹോ പട്ടണത്തിലും വഴിയിലുമായി ഭിക്ഷയാചിച്ച്
 മുന്നോട്ട് പോകവേ ഒരുദിവസം ഇന്നുവരെ കേട്ടിട്ടില്ലാത്ത പുതിയ ഒരു നിർദ്ദേശം
അവരുടെ കാതുകളിലേയ്ക്ക് പതിച്ചു "മിണ്ടാതിരിക്കുവിൻ"

     സഹതാപം കലരാത്ത ഈ കർശന നിർദ്ദേശം ലഭിച്ചതിന് കാരണക്കാർ അവർ തന്നെയാണ്
. യേശു അതുവഴി പോകുന്നുണ്ട് എന്നറിഞ്ഞിട്ട് അവർ ''വല്ലതും തരണേ" എന്ന സ്ഥിരം പല്ലവി
പാടാതെ ''കർത്താവേ, ദാവീദ് പുത്രാ, ഞങ്ങളോടു കുരുണതോന്നേണമേ എന്നു
നിലവിളിച്ചതാണ് കാരണം (മത്തായി 20:30).

     ഈ ലോകം ഇങ്ങനെയാണ്. നാം നമ്മുടെ താത്ക്കാലിക ആവശ്യങ്ങളെക്കാൾ നമ്മുടെ
 സ്ഥായിയായ ആവശ്യങ്ങൾക്കായി ശബ്ദം ഉയർത്തിയാൽ നമ്മുടെ സംശയങ്ങളെ ചോദിച്ചാൽ
 നാം ഇന്നുവരെ കേട്ടിട്ടില്ലാത്ത പല നിർദ്ദേശങ്ങളും കേൾക്കേണ്ടിവരും. പക്ഷേ, തളരരുത്.
ബർത്തിമായിയും അവന്റെ കൂട്ടുകാരനും തളർന്നില്ല. അവർ കുറച്ചുകൂടെ ശബ്ദത്തിൽ
അവരുടെ ആവശ്യം ഉന്നയിച്ചു. കേൾക്കേണ്ടവൻ അത് കേൾക്കുകയും
 അവർക്ക് കാഴ്ച്ച ലഭിക്കുകയും ചെയ്തു. 

ശുഭദിനം

Morning Inspira - വചനവായനക്ക് പുതിയൊരു മുഖം. 

By: Evg. Johnson Lazar Uppukunnu

    9400181794

VIDEO BY JOHNSON LAZAR

https://youtu.be/F11uYbDgA_c

 MORNING INSPIRA....✍📆_ *29.03.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 20 = പാപങ്ങൾക്കുള്ള ശിക്ഷകൾ.
➡ സങ്കീർത്തനങ്ങൾ (Psalms ) 44 - 45 =  ദൈവം യിസ്രായേലിന് നല്കിയ വിടുതലും അവരുടെ അവിശ്വാസത്തിന്റെ പരിണിത ഫലങ്ങളും, രാജാവിന്റെ വിവാഹഗീതം.
➡ മത്തായി (Matthew) 20: 20 - 28 = ഒന്നാമനാകുവാൻ.
➡ റോമർ. (Romans) 6: 15 - 23 = നീതിക്കു ദാസന്മാർ നിത്യജീവനു ഓഹരിക്കാർ.

             *🎯 ഒന്നാമനാര്? മഹാനാര്?*

       വിവാദ വിഷയങ്ങളിൽ ഇടപെടാതെയും ആരുടെയും വികാരത്തെ മുറിവേല്പ്പിക്കാതെയുമിരിക്കലാണ് മഹാനാകാനുള്ള മാർഗ്ഗം. ഒന്നാമനാകാനാണെങ്കിൽ നേതൃത്തം വിളിച്ചറിയിക്കുന്ന കാര്യങ്ങൾ മാത്രം പ്രവർത്തിക്കുകയും അനുസരിക്കാനും വാഴ്ത്തിപ്പാടാനും ചില ഉപചാരകരെ കൂടെ നിറുത്തുകയും വേണം.

      ഇന്ന് ആത്മീയ ലോകം പോലും അനുകരിക്കുന്ന ഈ കാഴ്ച്ചപ്പാട് ശരിയോ?

      യേശു പറഞ്ഞു: നിങ്ങളിൽ മഹാൻ ആകുവാൻ ഇച്ഛിക്കുന്നവനെല്ലാം നിങ്ങളുടെ ശുശ്രൂഷക്കാരൻ ആകേണം. നിങ്ങളിൽ ഒന്നാമൻ ആകുവാൻ ഇചഛിക്കുന്നവനെല്ലാം നിങ്ങളുടെ ദാസൻ ആകേണം (മത്തായി 20:26-27).

      അതേ, ലോകത്തെയും അവരുടെ സിദ്ധാന്തങ്ങളെയും അനുകരിച്ച് വചനപ്രകാരം നമുക്ക് മഹാനും ഒന്നാമനും ആകുവാൻ കഴിയില്ല. അങ്ങനെ ശ്രമിച്ചാൽ വചനത്തെയും സഭയെയും ലോകത്തെക്കാൾ കൂടുതൽ സ്നേഹിക്കാത്തവർ നമ്മേ അംഗീകരിക്കും എങ്കിലും ദൈവം അംഗീകരിക്കുകയില്ല. അതുകൊണ്ട് ഈ ലോകത്തിലും വരുവാനുള്ള ലോകത്തിലും ദൈവീക അംഗീകരാങ്ങൾ ലഭിക്കുവാൻ മറ്റുള്ളവരെക്കൊണ്ട് ശുശ്രൂഷ ചെയ്യിക്കാതെ അവർക്ക് ശുശ്രൂഷ ചെയ്യുകയും അനേകർക്കു വേണ്ടി തന്റെ ജീവനെ മറുവിലയായി കൊടുക്കുകയും ചെയ്ത ക്രിസ്തുയേശുവിനെ മാതൃകയാക്കി നമുക്ക്  ശുശ്രൂഷക്കാരനും ദാസനുമായി ദൈവത്താൽ ഒന്നാമനും മഹാനുമാകാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

EVANGELIST JOHNSON LAZAR EDITOR

  MORNING INSPIRA....✍📆_ *28.03.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 19 = വിശുദ്ധരായിരിപ്പിൻ.
➡ സങ്കീർത്തനങ്ങൾ (Psalms ) 41 - 43 = രോഗിയായ സങ്കീർത്തനക്കാരൻ, ദൈവത്തോട് ചേരാനുള്ള ആഗ്രഹവും വിടുതലിനായുള്ള പ്രാർത്ഥനയും.
➡ മത്തായി (Matthew) 20: 17 - 19 = യേശു തന്റെ മരണവും ഉയർപ്പും മുൻകൂട്ടി പ്രസ്താവിക്കുന്നു.
➡ റോമർ (Romans) 6: 1 - 14 = കൃപയ്ക്ക് അധീനർ.

              *🎯 ആവർത്തന വിരസത*

       ആശയവിനിമയം കലയാണ് വികസിപ്പിച്ചെടുക്കാൻ കഴിയുന്ന കഴിവുമാണ്. വ്യത്യസ്തങ്ങളായ ആശയവിനിമയങ്ങളിൽ ഏറ്റവും ശ്രദ്ധേയമായിയിരിക്കുന്ന ഒന്നാണ് പ്രസംഗം . നിർഭാഗ്യവശാൽ ഇന്ന് പ്രസംഗത്തിന് ശ്രോതാക്കൾ കുറയുന്നു. പുതുമകളുടെ ലോകത്ത് പുതുമകൾ ഇഷ്ടപ്പെടുന്ന മനുഷ്യന് പ്രസംഗങ്ങൾ ആവർത്തന വിരസത സമ്മാനിക്കുന്നതാണിതിന് കാരണം. അതിൽ വാക്കുകളുടെ ആവർത്തനവുമുണ്ട് ആശയങ്ങളുടെയും.

       ഇന്ന് നാം മത്തായി സുവിശേഷത്തിൽ വായിച്ചത് ലോകം കണ്ട ഏറ്റവും ശ്രേഷ്ഠ പ്രസംഗകനായ യേശുക്രിസ്തു തന്റെ ശിഷ്യന്മാരോട് മൂന്നാം തവണ തന്റെ മരണപുനരുത്ഥാനത്തെക്കുറിച്ച് പറഞ്ഞതാണ് (മത്തായി 20: 18-19). ഇത് കേൾവിക്കാരിൽ ആവർത്തന വിരസത ഉളവാക്കിയോ? ഇല്ല എങ്കിൽ കാരണമെന്ത്?

      യേശു മൂന്നാമത്തെ പ്രവശ്യമാണ് തന്റെ മരണപുനരുത്ഥാനത്തെക്കുറിച്ച് പറഞ്ഞതെങ്കിലും അത് ശിഷ്യന്മാരിൽ ആവർത്തനവിരസതയ്ക്ക് കാരണമായില്ല. കാരണം അവിടുന്ന് ആദ്യം ഈ വിഷയം പറഞ്ഞപ്പോൾ ഭാവിയിൽ സംഭവിപ്പാനുള്ള കാര്യമായി (താൻ യെരൂശലേമിൽ ചെന്നിട്ടു, മൂപ്പന്മാർ, മഹാപുരോഹിതന്മാർ, ശാസ്ത്രിമാർ എന്നിവരാൽ പലതും സഹിച്ചു കൊല്ലപ്പെടുകയും മൂന്നാം നാൾ ഉയിർത്തെഴുന്നേൽക്കയും വേണ്ടതു) മാത്രം പറയുകയും (മത്തായി 16:21) രണ്ടാമത് അവതരിപ്പിച്ചപ്പോൾ താൻ മുൻപറഞ്ഞ കാര്യം സംഭവിക്കാറായിരിക്കുന്നു (മനുഷ്യപുത്രൻ മനുഷ്യരുടെ കയ്യിൽ ഏല്പിക്കപ്പെടുവാറായിരിക്കുന്നു. അവർ അവനെ കൊല്ലുകയും മൂന്നാം നാൾ അവൻ ഉയിർത്തെഴുന്നേൽക്കയും ചെയ്യും - മത്തായി 17:22-23) എന്ന നിർദ്ദേശം നല്കുകയും മൂന്നാമത് അത് നടപ്പാക്കുന്നത് ആദ്യം താൻ മഹാപുരോഹിതന്മാർക്കും ശാസ്ത്രിമാർക്കും ഏല്പിക്കപ്പെട്ടും അവർ തനിക്കു മരണശിക്ഷ കല്പിച്ച്  ജാതികളുടെ കൈയിലേയ്ക്ക് പരിഹസിപ്പാനും തല്ലുവാനും ക്രൂശിപ്പാനുമായി ഏല്പിച്ചും ആണ് എന്ന് വ്യക്തമാക്കുകയും ആയിരുന്നു (മത്തായി 20:18-19).

     യേശുവിന്റെ ഈ മൂന്ന് വെളിപ്പെടുത്തലുകളും അവർക്ക് സംഭവിപ്പാനിരിക്കുന്ന കാര്യങ്ങളുടെ വ്യക്തതയും പ്രത്യാശയുടെ ദൃഢതയുമാണ് സമ്മാനിച്ചത് എന്നതുകൊണ്ട് ആവർത്തന വിരസത സമ്മാനിച്ചില്ല. നമ്മുടെ പ്രസംഗങ്ങളും ആവർത്തന വിരസത ഉളവാക്കാതിരുന്നെങ്കിൽ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*

  MORNING INSPIRA....✍📆_ *27.03.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 18 = നിഷിദ്ധ ലൈംഗിക ബന്ധങ്ങൾ.
➡ സങ്കീർത്തനങ്ങൾ (Psalms ) 40 = ദൈവത്തിന്റെ ദാസൻ.
➡ മത്തായി (Matthew) 20: 1 - 16 = മുന്തിരിത്തോട്ടത്തിലെ വേലക്കാർ.
➡ റോമർ (Romans) 5: 12 - 21 = ആദം മൂലം മരണം, ക്രിസ്തു മൂലം ജീവൻ.

        *🎯 പ്രതീക്ഷ കൈവിടാതെ*

         നെയ്തുകൂട്ടിയ പല സ്വപ്നങ്ങളും ചീട്ടുകൊട്ടാരം പോലെ തകർന്നടിയുമ്പോഴും കുത്തി ഒലിച്ചു പെയ്യുവാൻ തലയ്ക്കുമീതെ കുമിയുന്ന കാർമേഘത്തിൽ മഴവില്ല് കാണാനുള്ള മനസ്സിന്റെ ധൈര്യമാണ് പ്രതീക്ഷ. ഒരോ നിമിഷവും ജീവിതത്തിൽ പുതുനാമ്പുകൾ സമ്മാനിക്കുന്നത് പ്രതീക്ഷകളാണ്.

       സകലവും നഷ്ടപ്പെട്ട് സഹിയും സുഹൃത്തുകളും ഒറ്റപ്പെടുത്തി സമൂഹം ഇനി മരണം മാത്രം എന്ന് വിധിയെഴുതിയ അവസ്ഥയിൽ രോഗ കിടക്കയിൽ നിന്ന് പൂർണ്ണ ആരോഗ്യവാനായി എഴുന്നേറ്റ് പഴയകാലത്തിന്റെ ഇരട്ടി പ്രതാപത്തോടെ ഇയ്യോബ് പതിനാല് പതിറ്റാണ്ടുകൾ ജീവിച്ചതും ലഭിച്ചതും നേടിയതും എല്ലാം യാബോക്ക് കടവിന്റെ മറുകരയിൽ തന്റെ വരവിനായി കാത്തിരിക്കുമ്പോൾ പിന്നിൽ നിന്ന് കയറിപ്പിടിച്ച മല്ലനോട് നേരം പുലരാറാകുവോളം മല്ല് പാടിച്ച് പുതിയ നാമധാരിയായി യാക്കോബ് യാബോക്ക് കടവ് കടന്നതും അപ്പന്റെ വാത്സല്യപുത്രൻ എന്ന ആഹ്ലാദ നിമിഷങ്ങളിൽ നിന്ന് അടിമ നുകത്തിന്റെ അധീനതയിലേയ്ക്കും അവിടെനിന്ന് കുണ്ടറയിലേയ്ക്കും വലിച്ചെറിയപ്പെട്ട യോസേഫ് ഈജിപ്റ്റിന്റെ മന്ത്രിയായി തീർന്നതും പ്രതീക്ഷ കൈവിടാതിരുന്നതിനാലാണ്.

     പ്രതീക്ഷ തുടങ്ങേണ്ടത് ഏറ്റവും ചെറിയ കാര്യങ്ങളിൽ നിന്നാണ് അടിസ്ഥാന ആവശ്യങ്ങളിൽ നിന്നാണ്. ഇന്ന് നാം വായിച്ച വേദഭാഗത്ത് അതിരാവിലെയും ഒമ്പത് മണിക്കും മധ്യാഹ്നത്തിലും (12) മൂന്ന് മണിക്കും വൈകിട്ട് അഞ്ച് മണിക്കും ചന്തസ്ഥലത്ത്  നില്ക്കുന്ന ദിവസക്കൂലിക്കാരെ കാണാം. അതിരാവിലെയാണ് ജോലിക്കായി ആളെ വിളിക്കുന്നത് എന്നിരിക്കെ സമയം കഴിഞ്ഞിട്ടും അവിടെ ചിലർ മിനക്കെട്ടു നില്ക്കുകയാണ്. തിരികെ പോകാൻ ഇടം ഇല്ലാഞ്ഞിട്ടല്ല മറിച്ച് ഒരു അപ്പത്തിനായുള്ള കൂലി എങ്കിലും ലഭിക്കുന്ന ജോലിയുമായി ആരെങ്കിലും വരും എന്ന പ്രതീക്ഷയാണ് അവരെ അവിടെ പിടിച്ചു നിറുത്തിയത്.

     അവരുടെ പ്രതീക്ഷകൾ വിഫലമായില്ല. നന്മയുള്ള മനുഷ്യൻ നന്മ ആഗ്രഹിക്കുന്ന മനഷ്യൻ അവരെ തേടിയെത്തി തോട്ടത്തിലേക്കായി ജോലിക്കയച്ചു. പകലോൻ പടിഞ്ഞാറു പതിച്ചപ്പോൾ പരമാനന്ദത്തോടെ പുരയിലേയ്ക്ക് പോകാനുള്ള പണവും നല്കി.

    ഇനി ആരും ഈ വഴിക്ക് വരുവാനില്ലാ എന്നു കരുതേണ്ട, വരേണ്ടവർ വന്നുപോയി, ഞാൻ അല്പം താമസിച്ചു എന്നും ചിന്തിക്കേണ്ട. വരുവാനുള്ളവൻ വരും താമസിക്കുകയില്ല. പ്രതീക്ഷകൾ വിഫലമാകില്ല, അവ കൈവിടാതിരിക്കുക.

   _🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *26.03.20*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 17 = യാഗങ്ങൾക്കുള്ള സ്ഥലവും യാഗത്തിനായുള്ളതും.
➡ സങ്കീർത്തനങ്ങൾ (Psalms ) 39 = ജീവിതത്തിന്റെ വ്യർത്ഥത.
➡ മത്തായി (Matthew) 19: 27 - 30 = മുമ്പന്മാർ പിമ്പന്മാരും പിമ്പന്മാർ മുമ്പന്മാരും.
➡ റോമർ. (Romans) 5: 1 - 11 = നീതികരണത്തിന്റെ ഫലം.

*🎯 പത്രോസിനെപ്പോലെ പറയാനാകുമോ*

      യേശുക്രിസ്തുവിന്റെ ശിഷ്യന്മാരെക്കുറിച്ചുള്ള എഴുത്തുകളും പ്രസംഗങ്ങളും പരിശോധിച്ചാൽ ഒരുപക്ഷെ അവയിലൂടെയെല്ലാം യേശുവിനെ അനുഗമിക്കാതിരുന്നു, യേശുവിനോട് മരിക്കരുതെന്ന് പറഞ്ഞു, സംശയിച്ചു, ശത്രുവിനെ വെട്ടി, തള്ളിപ്പറഞ്ഞു, വീണ്ടും വള്ളവും വലയും എടുത്തു തുടങ്ങി ഏറ്റവും കൂടുതൽ കുറവുകൾ ചൂണ്ടിക്കാണിക്കപ്പെട്ടിട്ടുള്ളത് പത്രോസിന്റെ ആയിരിക്കാം.

    എന്നാൽ യേശു കർത്താവ് തന്റെ ശരീരമാകുന്ന സഭയുടെ സ്ഥാപക പ്രസംഗകനായി തിരഞ്ഞെടുത്തത് ഈ പത്രോസിനെയാണ്. പാളിച്ചകൾ പലയാവർത്തി പറ്റിയാലും പശ്ചാതപിച്ചാൽ പ്രയോജനപ്പെടുത്തുന്ന പരമദയാലുവാണ് നമ്മുടെ കർത്താവ്.

     ഇന്ന് നാം വായിച്ച ഭാഗത്തും ഭാവിയെക്കുറിച്ച് ആശങ്കപ്പെട്ടും സംശയിച്ചും ''ഇതാ, ഞങ്ങള്‍ എല്ലാം ഉപേക്ഷിച്ച്‌ നിന്നെ അനുഗമിച്ചിരിക്കുന്നു. ഞങ്ങള്‍ക്കെന്താണു ലഭിക്കുക?
(മത്തായി 19 : 27) എന്ന് ചോദിക്കുന്ന പത്രോസിനെ നമുക്ക് ദർശിക്കാനാകും.

     പത്രോസിന് ആശങ്കയും സംശയവും ഉണ്ടായിരുന്നു എന്നതിന് രണ്ട് പക്ഷമില്ല. പക്ഷെ അദ്ദേഹം സത്യസന്തനായിരുന്നു. കാരണം അദ്ദേഹം യേശുവിനെ അനുഗമിച്ചത് എല്ലാം ഉപേക്ഷിച്ചിട്ടാണ്.

     പള്ളിക്കും പള്ളിക്കൂടത്തിനും പറമ്പിനും പാരിഷ്ക്കാളിനും പാഴ്സണേജിനും സെമിത്തെരിക്കുമായി ക്രിസ്ത്യാനികൾ കോടതി കയറിയും തമ്മിലടിച്ചും ക്രൈസ്തവ സാക്ഷ്യം നഷ്ടപ്പെടുത്തുകയും ഞങ്ങൾ യേശുവിനെ അറിയുന്നതിനു മുമ്പ് ഇന്നതായിരുന്നു എന്ന് പുകഴ്ച്ചയായി സാക്ഷ്യം പറഞ്ഞ് സ്വയം അപഹാസ്യരാകുകയും ചെയ്യുന്ന ഈ കാലഘട്ടത്തിൽ പത്രോസിനെപ്പോലെ "ഞങ്ങൾ എല്ലാം ഉപേക്ഷിച്ചാണ് യേശുവിനെ അനുഗമിക്കുന്നത് എന്നു പറയുവാൻ ഇനി എന്തെങ്കിലും സ്വീകരിക്കുകയും എനിക്കുള്ളതെന്ന് കരുതുകയും ചെയ്യുമെങ്കിൽ അവ യേശു തരുന്നത്  മാത്രമായിരിക്കും" എന്നു പറയുവാൻ ആരുണ്ട്?

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_
24/03/2020, 7:59 am - Samuel Kurian @El Shaddai: https://odb.org/2020/03/24/the-bell/
25/03/2020, 7:12 am - Johnson Lazar: _🌅  MORNING INSPIRA....✍📆_ *25.03.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 16 = മഹാപാപപരിഹാര ദിവസം.
➡ സങ്കീർത്തനങ്ങൾ (Psalms ) 38 = കഷ്ടപ്പെടുന്നവന്റെ പ്രാർത്ഥന.
➡ മത്തായി (Matthew) 19: 16 - 26 = ധനികനായ പ്രമാണിയും ധനവാന്റെ രക്ഷയും.
➡ റോമർ. (Romans) 4: 1 - 25 =  അബ്രഹാം വിശ്വാസത്താൽ നീതികരിക്കപ്പെട്ടു.

*🎯 പ്രയാസമാണ് പക്ഷേ അസാദ്ധ്യമല്ല*

       മനസ്സിൽ വളരുകയും സമൂഹം സമ്മാനിക്കുകയും ചെയ്ത അപഹർഷതാബോധം നിമിത്തം കഴിവുകൾ ഉണ്ടായിട്ടും അവയിൽ ഒന്നുപോലും പ്രകടമാക്കാതെ ഒതുങ്ങി ജീവിക്കുന്ന നിരവധി ഹതഭാഗ്യവാന്മാരുണ്ട്. അങ്ങനെയുള്ള പലരും കഴിഞ്ഞകാലങ്ങളിൽ കാലയവനിയിൽ മറഞ്ഞുകഴിഞ്ഞു.

       നയാഗ്ര വെള്ളച്ചാട്ടത്തിന് കുറുകെ കമ്പി കെട്ടി അതിലൂടെ സൈക്കിൾ ഓടിക്കുന്ന വ്യക്തിയെയും സർക്കസിലും മറ്റു വേദികളും അഭ്യാസപ്രകടനങ്ങൾ കാണിക്കുന്നവരെയും സ്വന്തം കാര്യങ്ങൾ തന്നെ ചെയ്ത് വാഹനങ്ങൾ ഓടിച്ച് ജീവിക്കുന്ന വിഗലാംഗരെയും അംഗഹീനരെയും ഇവർ ഹർഷാരവങ്ങൾ നല്കി അഭിനന്ദിക്കുമെങ്കിലും സ്വന്തം കാര്യം വരുമ്പോൾ എന്നാൽ അസാദ്ധ്യമെന്ന് കരുതി ഇവർ പിന്നിലേയ്ക്ക് വലിയുന്നു.

     പ്രിയരേ, ഭയപ്പെടുന്നതാണ് ഏറ്റവും വലിയ ഭയം, കഴിയില്ലെന്ന് കരുതുന്നതാണ് ഏറ്റവും വലിയ കഴിവില്ലായ്മ. ഈ ലോകത്തിൽ നമുക്ക് സാദ്ധ്യമാകാത്ത കാര്യങ്ങൾ ഉണ്ട് എന്നത് വാസ്തവം. എന്നാൽ അവയെ ഒന്നും അസാദ്ധ്യമായി കാണേണ്ട, കാരണം ധനികരായ വ്യക്തികളെ നിത്യജീവന്റെ പാതയിലേയ്ക്ക് കൊണ്ടുവരിക അസാദ്ധ്യമാണ് എന്ന് ശിഷ്യന്മാർ കരുതിയപ്പോൾ അവരെ തിരുത്തിക്കൊണ്ട് യേശു പറഞ്ഞു "അതു മനുഷ്യർക്കു അസാദ്ധ്യം എങ്കിലും ദൈവത്തിന്നു സകലവും സാദ്ധ്യം" (മത്തായി 19:26). അതേ, നമ്മുടെ ദൈവത്തിന് എല്ലാം സാദ്ധ്യമാണ്. അവിടുന്ന് അസാദ്ധ്യങ്ങളെ സാദ്ധ്യമാക്കുന്നവനാണ്. അതുകൊണ്ടാണ് അപ്പോസ്തലനായ പൌലൊസ് "എന്നെ ശക്‌തനാക്കുന്നവനിലൂടെ എല്ലാം ചെയ്യാന്‍ എനിക്കു സാധിക്കും" (ഫിലിപ്പി 4 : 13) എന്നും ഇസ്രായേലിന്റെ രാജാവായിരുന്ന ദാവീദ് "അവിടുത്തെ സഹായത്താല്‍ ഞാന്‍ സൈന്യനിരയെ ഭേദിക്കും; എന്‍െറ ദൈവത്തിന്‍െറ സഹായത്താല്‍ ഞാന്‍ കോട്ട (മതിൽ) ചാടിക്കടക്കും (സങ്കീര്‍ത്തനങ്ങള്‍ 18 : 29) എന്നും പറഞ്ഞത്.
    നാം അസാദ്ധ്യമെന്ന് കരുതുന്നവയെ സാദ്ധ്യമാക്കാൻ നമ്മുടെ ദൈവത്തിന് കഴിയും. പ്രയാസമാണ് സാദ്ധ്യമല്ല തുടങ്ങിയ മൂടുപടങ്ങൾക്കുള്ളിൽ മറഞ്ഞിരിക്കുന്നത് അവസാനിപ്പിക്കാം വേദികളെ വിനയോഗിക്കാം തിരശ്ശീല വീഴും വരെ കർത്താവിനായി പ്രയോജനപ്പെടാം.

 MORNING INSPIRA....✍📆_ *24.03.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 15 = സ്രവത്തിൽ നിന്നുള്ള ശുദ്ധീകരണം.
➡ സങ്കീർത്തനങ്ങൾ (Psalms ) 37 = നീതിമാന്റെ സുരക്ഷിതത്വവും ദുഷ്ടന്റെ സുരക്ഷിതമില്ലായ്മയും.
➡ മത്തായി (Mathews) 19: 13 - 15 = യേശുവും ശിശുക്കളും.
➡ റോമർ (Romans) 3: 21 - 31 = വിശ്വാസത്തലുള്ള നീതികരണം.

        *🎯 പരിലാളിക്കലും പരിമിതപ്പെടുത്തലും*

      ജാതി, മതം, വർഗ്ഗം, വർണ്ണം, രാജ്യം, കുടുംബം തുടങ്ങിയ വ്യത്യാസങ്ങളില്ലാതെ സമൂഹം ഒരുമിച്ച് ആസ്വദിക്കുന്ന സൗന്ദര്യം ഉണ്ടെങ്കിൽ അത് കുഞ്ഞുങ്ങളുടേതാണ്. വലിയ കണ്ണുകളും ചെറിയ വായും ചെറിയ മൂക്കും വീര്‍ത്ത കവിളുകളും നീളം കുറഞ്ഞ കൈകാലുകളും ചേര്‍ന്ന രൂപത്തെ വാരിപുർണന്നും തലോടിയും വായുവിൽ എറിഞ്ഞും ചുറ്റിക്കറക്കിയും വസ്ത്രങ്ങളും കളിപ്പാട്ടങ്ങളും ബേബി ഫുഡുകളും വാങ്ങി കൊടുത്തും എല്ലാ പരിലാളനങ്ങളും നാം അവർക്ക് നല്കുന്നു.

      പരിലാളനകളിൽ പിച്ചവെച്ച് വളരുന്ന ഓരോ കുഞ്ഞും വളർന്നുവരുന്നത് കുടുംബവും സമൂഹവും മുൻകൂട്ടി തീരുമാനിച്ചിട്ടുള്ള പരിമിതികളിലേയ്ക്കാണ്. അതുകൊണ്ടു തന്നെ ശൈശവത്തിൽ അവർ ഏറ്റവും കൂടുതൽ കേൾക്കുന്ന വാക്ക് നോ- അരുത് എന്നാണ്. അതിൽ പോകരുത്, ഓടരുത്, ചാടരുത്, മിണ്ടരുത്, തുടങ്ങി നിരവധി അരുതുകൾ വരും. ഓരോ പ്രായത്തിൽ നല്കേണ്ട ശിക്ഷണങ്ങൾ നല്കുന്നതിനെയല്ല അവരുടെ സ്വാതന്ത്ര്യത്തെയും അവകാശങ്ങളെയും വിലക്കുന്നതാണ് വിവക്ഷിക്കുന്നത്.

      യേശുവിന്റെ ശിഷ്യന്മാരുടെ ജീവിതത്തിലും ഇത്തരം ഒരു സംഭവം നടന്നു. ഒരിക്കൽ ചിലയാളുകൾ അവരുടെ കുഞ്ഞുങ്ങളെ യേശുവിന്റെ അരികിലേയ്ക്ക് കൈ വെച്ച് പ്രാർത്ഥിക്കേണ്ടതിനായി കൊണ്ടുവന്നപ്പോൾ "യേശുവിന്റെയടുക്കലേയ്ക്ക് രോഗികളല്ലേ വരേണ്ടത്, കുഞ്ഞുങ്ങളല്ലല്ലോ, അവർ അപ്പുറത്തെങ്ങാനും മാറി കളിക്കട്ടെ" എന്ന മുൻധാരണ ഉണ്ടായിരുന്നതിനാൽ ശിഷ്യന്മാർ വലിയൊരു നോ പറഞ്ഞ് അവരെ വിലക്കി. പ്രത്യക്ഷത്തിൽ ശിഷ്യന്മാർ പറഞ്ഞത് കുഞ്ഞുങ്ങളെ കൊണ്ടുവന്നവരോടാണെങ്കിലും അവ വന്ന് പതിച്ചത് ആ കുരുന്നു ഹൃദയങ്ങളിലാണ്. എന്നാൽ ഇതെല്ലാം കണ്ടുകൊണ്ടിരുന്ന യേശു കുഞ്ഞു ഹൃദയങ്ങളിലെ നോവ് മനസ്സിലാക്കി ശിഷ്യന്മാരോട് വലിയൊരു നോ പറഞ്ഞ് അവരുടെ ഇത്തരം മുൻവിധികളെ തിരുത്തുകയും കുഞ്ഞുങ്ങളെ എന്റെ അടുക്കലേയ്ക്ക് വിടുവിൻ എന്ന് കല്പിക്കുകയും ചെയ്തു (മത്തായി 19:14).

     യേശു ഏതെങ്കിലും ഒരു പ്രായക്കാർക്ക് വേണ്ടി മാത്രം ഉള്ളവനല്ല. അവനരികിലേയ്ക്ക് വരുന്നവരെയും കൊണ്ടുവരുന്നവരെയും അവിടുന്ന് ഇരുകൈകളും നീട്ടി സ്വികരിക്കും. അവരുടെ ആവശ്യം എന്താണോ അവ നടത്തികൊടുക്കുകയും ചെയ്യും. യേശു വെയ്ക്കാത്ത പരിമിതികൾ വെയ്ക്കാതെ യേശുവിങ്കലേയ്ക്കും യേശുവിനു വേണ്ടിയും കുഞ്ഞുങ്ങളെ കൊണ്ടുവരാൻ നമുക്കാകട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_

MORNING INSPIRA....✍📆_ *23.03.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 14 = കുഷ്ഠരോഗികളുടെയും വീടിന്റെയും ശുദ്ധീകരണം.
➡ സങ്കീർത്തനങ്ങൾ (Psalms ) 35 - 36 = ദുഷ്ടനിൽ നിന്നുള്ള വിടുതലും ദൈവത്തിന്റെ മനസ്സലിവും.
➡ മത്തായി (Mathews) 19: 1 - 12 = വിവാഹമോചനം.
➡ റോമർ (Romans) 3: 9 - 20 = നീതിമാൻ ആരുമില്ല.


*🎯 കുടുംബം*

     ഭർത്താവ്, ഭാര്യ (മക്കൾ) ഇതാണ് നാം ചെറുപ്പത്തിൽ വിദ്യാലയങ്ങളിൽ നിന്ന് പഠിച്ച കുടുംബം. എന്നാൽ ഇന്നത്തെ സങ്കല്പ്പങ്ങൾക്ക് മാറ്റം വന്നിരിക്കുന്നു. ഇന്ന് രണ്ടു പുരുഷന്മാരോ രണ്ടു സ്ത്രികളോ നിയമം വിവാഹം എന്ന് പേരിട്ട് വിളിക്കുന്ന വ്യവസ്ഥ പാലിച്ചാൽ അവരെയും കുടുംബമായി പരിഗണിക്കുന്നു. അവരെ അങ്ങനെ കാണണം എന്ന് പാഠ്യവിഷയങ്ങളിൽ ഉൾപ്പെടുത്തിയിരിക്കുന്നു.

     എന്താണ് യഥാർത്ഥ കുടുംബം? കുടുംബം ആധുനീക മനുഷ്യന്റെ മസ്തിഷ്ക്കത്തിൽ തെളിഞ്ഞ ആശയമല്ല, സൃഷ്ടാവായ ദൈവത്തിന്റെ സംഭാവനയാണ്. ആകയാൽ കുടുംബത്തെക്കുറിച്ച് അറിയാൻ അവിടുന്ന് ആദിയിൽ സ്ഥാപിച്ച കുടുംബം എങ്ങനെയായിരുന്നു എന്ന് വിലയിരുത്തേണ്ടത് ആവശ്യം. കർത്താവായ യേശു ക്രിസ്തു വിവാഹമോചനത്തെ സംബന്ധിക്കുന്ന സംശയ നിവാരണം നടത്തിയ സമയത്ത് വിവാഹത്തെയും കുടുംബത്തെയും സംബന്ധിച്ച് മൂന്ന് പ്രധാന വസ്തുതകൾ പറഞ്ഞു. അതാണ് ആദിയിൽ ഉണ്ടായിരുന്നത് ഇന്ന് ഉണ്ടാകേണ്ടത്,

1. പുരുഷനും സ്ത്രീയും ചേരുന്നത് :- രണ്ട് കുടുംബങ്ങളിൽ നിന്നുള്ള പുരുഷനും സ്ത്രീയും ജന്മം നല്കിയ പിതാവിൽ നിന്നും മാതാവിൽ നിന്നും വേർപെട്ട്  പരസ്പര ബന്ധത്തിലേയ്ക്ക് വരുന്നതാണ് കുടുംബം.

2. പുരുഷനും സ്ത്രീയും ഒന്നാകുന്നത് :- കേവലം വാക്കുകൾ കൊണ്ടുള്ള ഉടമ്പടിയിൽ രണ്ട് ഉടലുകൾ ഒരുമിച്ച് ജീവിക്കുന്നതല്ല മറിച്ച് പരസ്പരം ഒന്നും മറച്ചു വെയ്ക്കാൻ ഇല്ലാത്ത രീതിയിൽ മനസ്സകൊണ്ടും ശരീരം കൊണ്ടും ഒത്തുചേരുന്ന ഇനി മേലാൽ രണ്ടല്ല ഒന്നാണ് എന്നു പറയുന്ന അവസ്ഥയിലേയ്ക്കു എത്തുന്നതാണ് കുടുംബം.

3. പുരുഷനും സ്ത്രീയും തമ്മിൽ പിരിയാത്തത് :- സുഖവും ദു:ഖവും സമ്പത്തും ദാരിദ്രവും ഒരുമിച്ച് അനുഭവിച്ച് പരസ്പരം കുറ്റപ്പെടുത്താതെ ഒറ്റപ്പെടുത്താതെ മരണം വരെ മനസ്സുകൊണ്ടും ശരീരം കൊണ്ടും പിരിയാതെ കഴിയുന്നതാണ് കുടുംബം.

    നമ്മുടെ കുടുംബങ്ങൾ ഇങ്ങനെയാകട്ടെ, ഇത്തരം കുടുംബങ്ങൾ ഇനിയും ഉടലെടുക്കട്ടെ. ദൈവം ഏകാകികളെ കുടുംബത്തിൽ വസിക്കുമാറാക്കുന്നു.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*

  MORNING INSPIRA....✍📆_ *22.03.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 13 = കുഷ്ഠരോഗ ലക്ഷണങ്ങളും ചികിത്സയും.
➡ സങ്കീർത്തനങ്ങൾ (Psalms ) 34 = കരുതുന്നവനും വിടുവിക്കുന്നവനുമായ യഹോവ.
➡ മത്തായി (Mathews) 18: 21 - 35 = ക്ഷമ; കല്പനയും വിശദീകരണവും.
➡ റോമർ (Romans) 3: 1 - 8 = യെഹൂദന്റെ അനീതി ദൈവത്തിന്റെ നീതി.

          *🎯 ക്ഷമിക്കാം പക്ഷെ മറക്കത്തില്ല*

      പണ്ട് രണ്ട് സുഹൃത്തുക്കൾ തമ്മിൽ നടന്നു പോകുകയായിരുന്നു. പല വിഷയങ്ങളെക്കുറിച്ച് വാചാലരായി സംസാരിച്ചുകൊണ്ടിരുന്ന അവർ ഏതോ ഒരു വിഷയം വന്നപ്പോൾ പരസ്പരം തർക്കിക്കുകയും തർക്കം മൂർത്ത് ഒരാൾ മറ്റൊരാളെ മർദ്ദിക്കുകയും ചെയ്തു. ഉടനെ മർദ്ദനം ലഭിച്ചയാൾ "ഇന്ന് എന്റെ സ്നേഹിതൻ എന്നെ അടിച്ചു " എന്ന് നിലത്ത് എഴുതി. വീണ്ടും അവർ വലിയ സംസാരങ്ങൾ ഒന്നുമില്ലാതെ യാത്ര തുടർന്നു. അങ്ങനെ മുമ്പോട്ട് ഒരു പാറയിലൂടെ നടന്നുപോകവെ മുൻപ് മർദ്ദനം കിട്ടിയ സുഹൃത്ത് പാറയിൽ തെന്നി വീഴാനായി പോയി. എന്നാൽ അടുത്തയാൾ (മർദ്ദനം കൊടുത്തയാൾ) അവനെ രക്ഷിച്ചു. ഉടനെ "ഇന്ന് എന്റെ സ്നേഹിതൻ എന്നെ രക്ഷിച്ചു " എന്ന് അവിടെയുള്ള ഒരു പാറയിൽ അദ്ദേഹം  കല്ലുകൊണ്ട് എഴുതി. ഇത് കണ്ട് നിന്ന സ്നേഹിതൻ ചോദിച്ചു: എന്തിനാണ് ഞാൻ താങ്കളെ മർദ്ദിച്ചപ്പോൾ അത് മണ്ണിലും രക്ഷിച്ചപ്പോൾ കല്ലില്ലും എഴുതിയത്?

    സ്നേഹിതാ താങ്കൾ എന്നെ മർദ്ദിച്ചപ്പോൾ എനിക്ക് വേദനിച്ചു, എന്നാൽ ആ വേദന എന്നും ഓർമ്മിക്കപ്പെടരുത്, മണ്ണിൽ എഴുതിയവ കാറ്റ് മായിക്കും പോലെ മാഞ്ഞുപോകണം. എന്നാൽ താങ്കൾ എന്നെ സഹായിച്ചത് കല്ലിൽ എഴുതുന്നവ മായാത്തതുപോലെ ഒരിക്കലും മറക്കാതെയിരിക്കണം.

     പ്രിയരേ, പണ്ട് കേട്ട ഒരു കഥയാണിത്. ഇതിന്റെ ആശയം എത്ര അർത്ഥവ്യക്താണ്. യേശു പറഞ്ഞു; സഹോദരനോട് എഴു എഴുപതു വട്ടം ക്ഷമിക്കുക. നിങ്ങൾ ഓരോരുത്തൻ സഹോദരനോടു ഹൃദയപൂർവ്വം ക്ഷമിക്കാഞ്ഞാൽ സ്വർഗ്ഗസ്ഥനായ എന്റെ പിതാവു അങ്ങനെ തന്നേ നിങ്ങളോടും ചെയ്യും (മത്തായി 18:22, 35).

      ക്ഷമിക്കുന്നത് ഹൃദയപൂർവ്വം ആകണം, വീണ്ടും അത് ഓർക്കരുത്, ക്ഷമിക്കാം മറക്കത്തില്ല എന്നത് ദുഷ്ടന്റെ വിചാരമാണ് ദൈവീകമല്ല. സ്വർഗ്ഗസ്ഥനായ പിതാവു നമ്മോടു ക്ഷമിക്കേണ്ടതിന് നമുക്ക് മറ്റുള്ളവരോടും ക്ഷമിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_

 MORNING INSPIRA....✍📆_ *21.03.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 12 = പ്രസവാനന്തര ശുദ്ധീകരണം.
➡ സങ്കീർത്തനങ്ങൾ (Psalms ) 32 - 33 = മനുഷ്യനുള്ള ഭാഗ്യവസ്ഥ സൃഷ്ടാവിനോടുള്ള സ്തുതി.
➡ മത്തായി (Mathews) 18: 19 - 20 = അനുഗ്രഹീത വാഗ്ദത്തം.
➡ റോമർ (Romans) 2: 17 - 29 = യെഹൂദനും ന്യായപ്രമാണവും.

*🎯 ആരുടെ നാമത്തിൽ*

       പ്രബല മതങ്ങളുടെ പട്ടികയിൽ ക്രിസ്ത്യാനികളും ഉൾപ്പെട്ടിട്ടുണ്ടെങ്കിലും ബൈബിൾ പ്രകാരം വിശകലനം ചെയ്താൽ ക്രിസ്ത്യാനികൾ എന്നു അവകാശപ്പെടുന്ന പലരെയും ആ കൂട്ടത്തിൽ നിന്ന് ഒഴിവാക്കേണ്ടിവരും. അവരുടെ യോഗങ്ങളാണ് അതിന് കാരണം.

       ബൈബിൾ പ്രകാരം ക്രിസ്ത്യാനികൾ യോഗങ്ങൾക്കായി ഒത്തുകൂടണ്ടത് യേശുക്രിസ്തുവിന്റെ നാമത്തിലാണ് (മത്തായി 18:20). ഇവിടെ നാമം എന്നതുകൊണ്ട് കേവലം പേരല്ല ദൈവത്വം ആണ് വിവക്ഷ. പേരാണ് എന്ന് തെറ്റിദ്ധരിച്ച ചിലർ വിപരീത ഉപദേശവുമായി പേര് ഉയർത്തി ഇറങ്ങിയിരിക്കുന്നു. ഇത്തരം വിപരീത ഉപദേശങ്ങളിൽ നിന്നും നാമക്കാരിൽ നിന്നും വിട്ട് നില്ക്കുക.

      "ക്രിസ്‌തുവും വളരെപ്പേരുടെ പാപങ്ങള്‍ ഉന്‍മൂലനം ചെയ്യുന്നതിനുവേണ്ടി ഒരു പ്രാവശ്യം അര്‍പ്പിക്കപ്പെട്ടു. അവന്‍ വീണ്ടും വരും-പാപപരിഹാരാര്‍ഥമല്ല, തന്നെ ആകാംക്ഷാപൂര്‍വം കാത്തിരിക്കുന്നവരുടെ രക്ഷയ്‌ക്കുവേണ്ടി" (ഹെബ്രായര്‍ 9 : 28) എന്ന് വചനം പറയുമ്പോൾ വീണ്ടും പാപപരിഹാരത്തിനു വേണ്ടിയുള്ള ബലിയർപ്പണത്തിനായി കുർബാന നടത്തുന്നതും "ഒരു ദൈവമേയുള്ളു ദൈവത്തിനും മനുഷ്യര്‍ക്കും മധ്യസ്ഥനായി ഒരുവനെയുള്ളു: മനുഷ്യനായ യേശുക്രിസ്‌തു" (1 തിമോത്തേയോസ്‌ 2 : 5) എന്ന് ബൈബിൾ പ്രസ്താവിക്കുമ്പോൾ മധ്യസ്ഥന്മാരെ വാഴിച്ച് അവരുടെ പേരിൽ യോഗങ്ങൾ കൂടുന്നതും "നീ ഉപവസിക്കുന്നത്‌ അദൃശ്യനായ പിതാവല്ലാതെ മറ്റാരും കാണാതിരിക്കുന്നതിന്‌, ശിരസ്സില്‍ തൈലം പുരട്ടുകയും മുഖം കഴുകുകയും ചെയ്യുക " (മത്തായി 6 : 17) എന്ന് കർത്താവ് കല്പിച്ചിരിക്കെ നോട്ടീസും ബാനറും ക്ഷണക്കത്തും കൊടുത്ത് ഉപവാസ യോഗങ്ങൾ നടത്തുന്നതും യേശുവിന്റെ ദൈവത്വം അംഗീകരിച്ചല്ലല്ലോ? ആകയാൽ ഇത്തരം ആളുകളെ എങ്ങനെ ക്രിസ്ത്യാനികളായി പരിഗണിക്കാനാകും?

      മുൻപറഞ്ഞവ കേവലം ഉദാഹരണങ്ങൾ മാത്രം ആരാധന, സൺഡേ സ്കൂൾ, പ്രാർഥനക്കൂട്ടങ്ങൾ, ആധ്യാത്മിക സംഘങ്ങളുടെ യോഗങ്ങൾ,പ്രതിമാസ യോഗങ്ങൾ, ബൈബിൾ പാരായണ ദിനങ്ങൾ, കുടുംബ സമ്മേളനം, മദ്ധ്യസ്ഥന്മാരുടെ ദിവസങ്ങൾ, ഉണർവ് ദിനങ്ങൾ, ബൈബിൾ ക്ലാസുകൾ, കൺവെൻഷൻ, ധ്യാനം ഇങ്ങനെ നീളുന്ന ഓരോ യോഗങ്ങളും യേശുവിന്റെ ദൈവത്വം അംഗീകരിച്ച് വചനപ്രകാരം അല്ലെങ്കിൽ അവ ദൈവീകമല്ല. പങ്കെടുക്കുന്ന നിങ്ങൾ ക്രിസ്ത്യാനികളും അല്ല. ചിന്തിക്കു! ഞാൻ ഒരു സത്യ ക്രിസ്ത്യാനിയോ? ഞാൻ പങ്കെടുക്കുന്ന യോഗങ്ങൾ ബൈബിൾ പ്രകാരം ഉള്ളതോ?


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_

MORNING INSPIRA....✍📆_ *20.3.20.*

_📖 വായന ഭാഗം 📌 പ്രധാന വിഷയങ്ങൾ_

➡ ലേവ്യപുസ്തകം (Leviticus ) 10 = നാദാബിന്റെയും അബീഹൂവിന്റെയും പാപം.
➡ സങ്കീർത്തനങ്ങൾ (Psalms ) 28 - 30 = യഹോവയോടുള്ള  പ്രാർത്ഥന, യഹോവയുടെ ശബ്ദം, യഹോവയോടുള്ള നന്ദി.
➡ മത്തായി (Mathews) 18: 11 - 14 = ആരും നശിച്ച് പോകുന്നത് ദൈവത്തിനിഷ്ടമല്ല.
➡ റോമർ. (Romans) 1: 18 - 32 = മനുഷ്യരോടുള്ള ദൈവത്തിന്റെ കോപം. 

*🎯 കഷ്ടപ്പെട്ടത് ഓർത്ത് കുറ്റപ്പെടുത്തില്ല*

      പ്രോഗ്രസ് റിപ്പോർട്ടിൽ ഒപ്പു വയ്ക്കുവാൻ ചെന്ന പിതാവ് മക്കളുടെ മാർക്ക് കണ്ടും അദ്ധ്യാപകരുടെ വിലയിരുത്തലുകളും പരാതികളും കേട്ടും തൃപ്തിയടയാത്തതിനാൽ താൻ സഹിച്ച  കഷ്ടപ്പാട് ഒാർത്ത് മക്കളെ  കുറ്റപ്പെടുത്തുന്നത് സ്വഭാവികമാണല്ലോ. അതുപോലെ തൊഴിൽ സ്ഥാപനങ്ങളിൽ കീഴുദ്യോഗസ്ഥൻ നിമിത്തം മേലുദ്യോഗസ്ഥന് എന്തെങ്കിലും കഷ്ടപ്പാട് സഹിക്കേണ്ടി വന്നാൽ കുറ്റപ്പെടുത്തലുകളുടെ ശരങ്ങൾ കീഴുദ്യോഗസ്ഥർ  ഏറ്റുവാങ്ങേണ്ടി വരികയും ചെയ്യുന്നു. ഏത് മേഖല എടുത്താലും നാം നിമിത്തം ഏതെങ്കിലും കഷ്ടപ്പാടുകൾ ആർക്കെങ്കിലും ഉണ്ടായാൽ അവർ നമ്മെ കുറ്റപ്പെടുത്തും.

     അന്ന് ആ ഇടയൻ തന്റെ നുറു ആടുകളെ മേയ്ച്ച് തിരികെ എത്തി ഓരോ ആടുകളെയും പേര് വിളിച്ച് കൂടണച്ചപ്പോഴാണ് ഒരെണ്ണം നഷ്ട്ടപ്പെട്ടതായി ദൃഷ്ടിയിൽപ്പെട്ടത്. പിന്നിട്ട മണിക്കൂറുകളിലെ പകലോന്റെ ഉഷ്ണം എവിടെയെങ്കിലും ഒന്ന് തലചായ്ച്ചാൽ മതി എന്ന ചിന്ത തനിക്ക് സമ്മാനിച്ചതാണ്. എന്നിട്ടും പകലത്തെ അദ്ധ്വാനത്തെ മറന്ന് അദ്ദേഹം വീണ്ടും പിന്നിട്ട വഴികളിലേയ്ക്ക് ഇറങ്ങി മലകളിലും വനാന്തരങ്ങളിലും പാറക്കെട്ടുകളിലും എല്ലാം താൻ ഓമനിച്ചിട്ട പേര് ഉച്ചത്തിൽ വിളിച്ചും മറുപടിയായി ഒരു ഞരക്കമാണെങ്കിൽ പോലും അത് ശ്രവിക്കതക്ക രീതിയിൽ ചെവികൂർപ്പിച്ചും നടന്നു. ഒപ്പം ഉള്ളിൽ നിന്ന് ഒരു വന്യജീവിയും ആക്രമിച്ചുകാണരുതേ, സഹിക്കാനാവാത്തത് ഒന്നും കാണാൻ അനുവദിക്കരുതേ എന്ന പ്രാർത്ഥനയും. അവസാനം ആ പ്രയത്നത്തിന് ഫലം ഉണ്ടായി, അദ്ദേഹം തന്റെ ആടിനെ കണ്ടെത്തി.

      സ്വഭാവികമായും കുറ്റപ്പെടുത്തലോ ശകാരമോ ചെറുതായിട്ടാണെങ്കിലും ഒരടിയോ ആ ഇടയനിൽ നിന്നുണ്ടാകേണ്ടതാണ്. പക്ഷേ, ഇതൊന്നും അദ്ദേഹത്തിന്റെ ഭാഗത്ത് നിന്നും ഉണ്ടായില്ല. മറിച്ച് ആനന്ദ ആശ്രുക്കളോടെ തെറ്റിപ്പോകാത്ത തൊണ്ണൂറ്റൊമ്പതിലും അധികം അതിനെക്കുറിച്ചു സന്തോഷിച്ചു (മത്തായി 18:13).

അതേ, നമ്മുടെ ഇടയനായ ക്രിസ്തുവും ഇങ്ങനെയാണ്. നാം നല്കുന്ന കഷ്ടപ്പാടുകൾക്കനുസരിച്ച അവിടുന്ന് നമ്മേ കുറ്റപ്പെടുത്തുന്നില്ല. മറിച്ച് നമ്മുടെ ബലഹീനതകളിൽ നമ്മേ ഓരോ പ്രാവശ്യവും കണ്ടെത്തി തിരിച്ചു കൊണ്ടുവരുന്നതിലൂടെ ആനന്ദിക്കുന്നു.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_

MORNING INSPIRA....✍📆_ *19.03.20.* _📖 വായന ഭാഗം 📌 പ്രധാന വിഷയങ്ങൾ_ ➡ ലേവ്യപുസ്തകം (Leviticus ) 10 = നാദാബിന്റെയും അബീഹൂവിന്റെയും പാപം. ➡ സങ്കീർത്തനങ്ങൾ (Psalms ) 28 - 30 = യഹോവയോടുള്ള  പ്രാർത്ഥന, യഹോവയുടെ ശബ്ദം, യഹോവയോടുള്ള നന്ദി. ➡ മത്തായി (Mathews) 18: 11 - 14 = ആരും നശിച്ച് പോകുന്നത് ദൈവത്തിനിഷ്ടമല്ല. ➡ റോമർ. (Romans) 1: 18 - 32 = മനുഷ്യരോടുള്ള ദൈവത്തിന്റെ കോപം.   *🎯 കഷ്ടപ്പെട്ടത് ഓർത്ത് കുറ്റപ്പെടുത്തില്ല*      പ്രോഗ്രസ് റിപ്പോർട്ടിൽ ഒപ്പു വയ്ക്കുവാൻ ചെന്ന പിതാവ് മക്കളുടെ മാർക്ക് കണ്ടും അദ്ധ്യാപകരുടെ വിലയിരുത്തലുകളും പരാതികളും കേട്ടും തൃപ്തിയടയാത്തതിനാൽ താൻ സഹിച്ച കഷ്ടപ്പാട് ഒാർത്ത് മക്കളെ കുറ്റപ്പെടുത്തുന്നത് സ്വഭാവികമാണല്ലോ. അതുപോലെ തൊഴിൽ സ്ഥാപനങ്ങളിൽ കീഴുദ്യോഗസ്ഥൻ നിമിത്തം മേലുദ്യോഗസ്ഥന് എന്തെങ്കിലും കഷ്ടപ്പാട് സഹിക്കേണ്ടി വന്നാൽ കുറ്റപ്പെടുത്തലുകളുടെ ശരങ്ങൾ കീഴുദ്യോഗസ്ഥർ ഏറ്റുവാങ്ങേണ്ടി വരികയും ചെയ്യുന്നു. ഏത് മേഖല എടുത്താലും നാം നിമിത്തം ഏതെങ്കിലും കഷ്ടപ്പാടുകൾ ആർക്കെങ്കിലും ഉണ്ടായാൽ അവർ നമ്മെ കുറ്റപ്പെടുത്തും. അന്ന് ആ ഇടയൻ തന്റെ നുറു ആടുകളെ മേയ്ച്ച് തിരികെ എത്തി ഓരോ ആടുകളെയും പേര് വിളിച്ച് കൂടണച്ചപ്പോഴാണ് ഒരെണ്ണം നഷ്ട്ടപ്പെട്ടതായി ദൃഷ്ടിയിൽപ്പെട്ടത്. പിന്നിട്ട മണിക്കൂറുകളിലെ പകലോന്റെ ഉഷ്ണം എവിടെയെങ്കിലും ഒന്ന് തലചായ്ച്ചാൽ മതി എന്ന ചിന്ത തനിക്ക് സമ്മാനിച്ചതാണ്. എന്നിട്ടും പകലത്തെ അദ്ധ്വാനത്തെ മറന്ന് അദ്ദേഹം വീണ്ടും പിന്നിട്ട വഴികളിലേയ്ക്ക് ഇറങ്ങി മലകളിലും വനാന്തരങ്ങളിലും പാറക്കെട്ടുകളിലും എല്ലാം താൻ ഓമനിച്ചിട്ട പേര് ഉച്ചത്തിൽ വിളിച്ചും മറുപടിയായി ഒരു ഞരക്കമാണെങ്കിൽ പോലും അത് ശ്രവിക്കതക്ക രീതിയിൽ ചെവികൂർപ്പിച്ചും നടന്നു. ഒപ്പം ഉള്ളിൽ നിന്ന് ഒരു വന്യജീവിയും ആക്രമിച്ചുകാണരുതേ, സഹിക്കാനാവാത്തത് ഒന്നും കാണാൻ അനുവദിക്കരുതേ എന്ന പ്രാർത്ഥനയും. അവസാനം ആ പ്രയത്നത്തിന് ഫലം ഉണ്ടായി, അദ്ദേഹം തന്റെ ആടിനെ കണ്ടെത്തി. സ്വഭാവികമായും കുറ്റപ്പെടുത്തലോ ശകാരമോ ചെറുതായിട്ടാണെങ്കിലും ഒരടിയോ ആ ഇടയനിൽ നിന്നുണ്ടാകേണ്ടതാണ്. പക്ഷേ, ഇതൊന്നും അദ്ദേഹത്തിന്റെ ഭാഗത്ത് നിന്നും ഉണ്ടായില്ല. മറിച്ച് ആനന്ദ ആശ്രുക്കളോടെ തെറ്റിപ്പോകാത്ത തൊണ്ണൂറ്റൊമ്പതിലും അധികം അതിനെക്കുറിച്ചു സന്തോഷിച്ചു (മത്തായി 18:13). അതേ, നമ്മുടെ ഇടയനായ ക്രിസ്തുവും ഇങ്ങനെയാണ്. നാം നല്കുന്ന കഷ്ടപ്പാടുകൾക്കനുസരിച്ച അവിടുന്ന് നമ്മേ കുറ്റപ്പെടുത്തുന്നില്ല. മറിച്ച് നമ്മുടെ ബലഹീനതകളിൽ നമ്മേ ഓരോ പ്രാവശ്യവും കണ്ടെത്തി തിരിച്ചു കൊണ്ടുവരുന്നതിലൂടെ ആനന്ദിക്കുന്നു. _🌹ശുഭദിനം💐_ *Morning Inspira - വചനവായനക്ക് പുതിയൊരു മുഖം* _By: Evg. Johnson Lazar Uppukunnu_ _9400181794_

MORNING INSPIRA....✍📆_ *17.03.20.* _📖 വായന ഭാഗം 📌 പ്രധാന വിഷയങ്ങൾ_ ➡ ലേവ്യപുസ്തകം (Leviticus ) 8 = പുരോഹിതന്മാരുടെ ശുദ്ധീകരണം. ➡ സങ്കീർത്തനങ്ങൾ (Psalms ) 25 = സംരക്ഷണത്തിനും നടത്തിപ്പിനും ഉള്ള പ്രാർത്ഥന. ➡ മത്തായി (Mathews) 17: 24 - 27 = യേശു നികുതി കൊടുക്കുന്നു. ➡ റോമർ. (Romans) 1: 1 - 15 = വന്ദനം. *🎯 വ്യാപരം നടത്താതെ ആവശ്യം നിറവേറിയ മുക്കുവൻ*
     ഈ മാസം കൊറോണ കഴിഞ്ഞാൽ നാം ഏറ്റവും കൂടുതൽ കേട്ട വാക്ക് നികുതിയാണ്. സത്യക്രിസ്ത്യാനികൾ സ്വർഗ്ഗിയ പൗരത്വമുള്ളവരായി കേവലം പരദേശികളായിട്ടാണ് ഈ ഭൂമിയിൽ പാർക്കുന്നതെങ്കിലും രാജ്യം നല്കുന്ന എല്ല അവകാശങ്ങളും ആനുകൂല്യങ്ങളും അനുഭവിക്കുന്നതുകൊണ്ട് രാജ്യത്തിന്റെ നിയമം പാലിച്ച് നികുതിയടയ്ക്കുവാൻ ബാധ്യസ്ഥരാണ്. രാജ്യത്തിന്റെ മുമ്പിൽ മാത്രമല്ല ദൈവത്തിന്റെ മുമ്പാകെയും നീതിയോടെ നികുതിയടക്കാൻ നമുക്കാകട്ടെ. കാരണം നമ്മുടെ ആത്മാവിന്റെ ഉടയവനും ആരാധനയുടെ കേന്ദ്ര വിഷയവും ജീവിതത്തിന്റെ ലക്ഷ്യവുമായ ക്രിസ്തു നികുതി അടച്ചിട്ടുണ്ട്. യേശുവിന്റെ കാലത്ത് രാജ്യത്തിന് മാത്രമല്ല പള്ളിക്കും കരം കൊടുക്കണമായിരുന്നു. ഒരിക്കൽ യേശുവും ശിഷ്യന്മാരും പത്രോസിന്റെ നാടായ കഫർന്നഹൂമിലേയ്ക്ക് ചെന്നപ്പോൾ "യേശു കരം (നികുതി) അടയ്ക്കുന്നില്ലെ എന്ന ചോദ്യം ഉയർന്നു. രാജ്യത്തിന് കൈവശമുള്ള പണത്തിന്റെ കരം അടച്ചാൽ മതി പക്ഷെ അന്നും ഇന്നും പള്ളിക്ക് അങ്ങനെയല്ല കൈയിൽ ഉണ്ടെങ്കിലും ഇല്ലെങ്കിലും അടയ്ക്കേണ്ട പണം അടച്ചോളണം. കർത്താവിന്റെ പേരും കീശയുമാണല്ലേ ലക്ഷ്യം. ഈസ നബിയും മൂസ നബിയും എല്ലാം പൈസ നബിയ്ക്കു മുമ്പിൽ വിലയില്ലാത്തതാകും എന്ന കവി വാക്യം സത്യം. സത്ഗുണങ്ങൾ ചെയ്യുന്നവരെ ഇവിടെ വിസ്മരിക്കുന്നില്ല. എന്തായാലും അന്ന് യേശുവിന്റെയും പത്രോസിന്റെയും കൈയിൽ നികുതി അടയ്ക്കാനുള്ള പണം ഉണ്ടായിരുന്നില്ല. പത്രോസ് കഴിഞ്ഞ കാലങ്ങളിൽ പണം അടച്ചിരുന്നത് മുക്കുവപ്പണിയിലൂടെയായിരുന്നു. .അവിടെ നിന്ന് മനുഷ്യരെ പിടിക്കുന്നവരാക്കാം എന്ന് പറഞ്ഞാണ് ഗുരു വിളിച്ചത്. ഇപ്പോഴിതാ നികുതി അടയ്ക്കുവാൻ പോലും വകയില്ലാത്ത അവസ്ഥ. ഇനി എന്തു ചെയ്യും? തീവ്രമായ അന്ധകാരത്തിൽ അലകളെ കീറിമുറിച്ച് ആഴത്തിലേയ്ക്ക് വല എറിയേണമോ? കിട്ടുന്ന മീനുകളുമായി പഴയപോലെ വിപണിയിൽ പോയി തൊണ്ട കീറും വരെ പേശി വിൽക്കണമോ? പത്രോസ് ഒരു നിമിഷം ചിന്തിച്ചു. ഉടനെ യേശുവിന്റെ വിളി വന്നു "ശിമോനേ, വള്ളവും വലയും ഒന്നും വേണ്ട ചൂണ്ട മതി. നീ കടലിൽ ചെന്ന് ചൂണ്ടയിടുക. കിട്ടുന്ന മീനുമായി വിപണിയിലേയ്ക്കു പോകേണ്ട. അതിന്റെ വായിൽ ഒരു ചതുദ്രഹ്മപ്പണം . ഉണ്ടാകും അത് എടുത്ത് എനിക്കും നിനക്കും വേണ്ടി കരം കൊടുക്കുക. പത്രോസ് അങ്ങനെ തന്നെ ചെയ്തു. അങ്ങനെ പിടിച്ച മീനിനെ വ്യാപാരം നടത്താതെ ആവശ്യം നിറവേറിയ ആദ്യ മുക്കുവനായി അദ്ദേഹം മാറി. നമ്മുടെ അരുമനാഥന്റെ വഴികൾ എത്ര ആശ്ചര്യഭരിതം! _🌹ശുഭദിനം💐_ *Morning Inspira - വചനവായനക്ക് പുതിയൊരു മുഖം* _By: Evg. Johnson Lazar Uppukunnu_ _9400181794_

📖 വായന ഭാഗം 📌 പ്രധാന വിഷയങ്ങൾ_ ➡ ലേവ്യപുസ്തകം (Leviticus ) 7 = അകൃത്യയാഗം, സമാധാനയാഗം, പുരോഹിതന്മാർക്കുള്ള ഓഹരി. ➡ സങ്കീർത്തനങ്ങൾ (Psalms ) 23 - 24 = ഇടയനും മഹത്വത്തിന്റെ രാജാവുമായ യഹോവ. ➡ മത്തായി (Mathews) 17: 14 - 23 = ശിഷ്യന്മാരുടെ അവിശ്വാസം. ➡ അപ്പോസ്തല. ( Acts) 28: 16 - 30 = പൗലൊസ് റോമിൽ. *🎯 ഒന്നും അസാദ്ധ്യമാകയില്ല എങ്കിലും*        ഭൂമിയിലെ ജീവജാലങ്ങളിൽ വച്ച് ഏറ്റവും കൂടുതൽ മസ്തിഷ്ക വികാസം ഉള്ള മനുഷ്യൻ ഓരോ ദിവസവും മാനസികവും സാംസ്കാരികവുമായ പുരോഗതി പ്രാപിച്ചുകൊണ്ടിരിക്കുന്നു. ശൂന്യാകാശത്തിലും ചന്ദ്രനിലും തന്റെ സാന്നിദ്ധ്യം അറിയിച്ച മനുഷ്യൻ ഇന്ന് ഉപഗ്രഹങ്ങളെ അയച്ച് ഗ്രഹങ്ങളെ പഠിക്കാനും അവിടെ ആധിപത്യം സ്ഥാപിച്ച് താഴെയുള്ള സകലത്തേയും അധിനതയിൽ ആക്കുവാനും ശ്രമിച്ചുകൊണ്ടിരിക്കുന്നു, ഒരു പരിധിവരെ അത് സാധിച്ചിട്ടുമുണ്ട്. സർവ്വഭൂതലത്തിലും ജലപ്രളയം ഉണ്ടായപ്പോൾ ദൈവത്തെ അനുസരിച്ച് പെട്ടകത്തിലൂടെ രക്ഷ നേടിയ നോഹയുടെ തലമുറ വർദ്ധിച്ചപ്പോൾ അവർ കിഴക്ക് ശിനാർ ദേശത്ത് ഒരു പട്ടണവും ആകാശത്തോളം വലിപ്പവുമുള്ള ഒരു ഗോപുരവും പണിയുവാൻ പദ്ധതിയിട്ടു, ആരംഭ പ്രവർത്തനങ്ങൾ തുടങ്ങുകയും ചെയ്തു. ആ പ്രയത്നത്തെ നോക്കി സൃഷ്ടാവായ ദൈവം പറഞ്ഞത് "അവർ (മനുഷ്യർ) ചെയ്യുവാൻ നിരുപിക്കുന്നതൊന്നും അവർക്ക് അസാദ്ധ്യമാകുകയില്ല" (ഉല്പത്തി 11:6) എന്നാണ്. കാലങ്ങൾ കഴിഞ്ഞപ്പോൾ പ്രവാചകനായ ഒബദ്യാവിലൂടെ മനുഷ്യൻ ഭാവിയിൽ നക്ഷത്രങ്ങളുടെ ഇടയിൽ കൂടുവെയ്ക്കും എന്ന പ്രവചനവും നടത്തി. തീരുന്നില്ല, അവിടുന്ന് മാനവകുലത്തിന്റെ രക്ഷകനായി അവതരിച്ചപ്പോൾ "നിങ്ങൾക്കു കടുകുമണിയോളം വിശ്വാസമുണ്ടെങ്കിൽ ഒന്നും അസാദ്ധ്യമാകയുമില്ല എന്ന വാഗ്ദത്തവും നല്കി (മത്തായി 17:21). വിശ്വാസികളേ, നമുക്ക് കടുകുമണിയോളം വിശ്വാസമുണ്ടെങ്കിൽ ഒന്നും അസാദ്ധ്യമാകുകയില്ല എന്ന് പറഞ്ഞ് അവസാനിപ്പിക്കാതെ പൈശാചിക പ്രവർത്തനങ്ങളെ ജയിക്കാൻ നമുക്ക് പ്രാർത്ഥനയും ഉപവാസവും ആവശ്യമാണെന്ന നിർദ്ദേശവും നല്കി. ഓരോ ദിവസവും നമ്മുടെ നഗ്നമായ നേത്രങ്ങൾ കൊണ്ട് കാണാൻ കഴിയുന്നതും കഴിയാത്തതുമായ ഗ്രഹങ്ങളെക്കുറിച്ചും ഉപഗ്രഹങ്ങളെക്കുറിച്ചും അറിയാൻ ശ്രമിക്കുന്ന നാം നമ്മുടെ ഓരോ സെക്കന്റുകളെയും സ്വാധീനിക്കാനും നമ്മെ ദൈവത്തിൽ നിന്ന് അകറ്റാനും സദാ പരിശ്രമിച്ചുകൊണ്ടിരിക്കുന്ന സാത്താനെയും അവന്റെ പൈശാചിക സൈന്യത്തെയും പരാജയപ്പെടുത്താൻ എത്ര സമയം പ്രാർത്ഥിക്കുന്നുണ്ട്? ഉപവസിക്കുന്നുണ്ട്? നമുക്ക് കൂടുതൽ ശ്രദ്ധ ഈ കാര്യത്തിനായി കൊടുക്കാനായെങ്കിൽ! _🌹ശുഭദിനം💐_ *Morning Inspira - വചനവായനക്ക് പുതിയൊരു മുഖം*

 MORNING INSPIRA....✍📆_ *15.03.20.* _📖 വായന ഭാഗം 📌 പ്രധാന വിഷയങ്ങൾ_ ➡ ലേവ്യപുസ്തകം (Leviticus ) 6 = യാഗങ്ങളുടെ പ്രമാണം. ➡ സങ്കീർത്തനങ്ങൾ (Psalms ) 22 = അരിഷ്ടന്റെ നിലവിളിയും സ്തുതിഗീതവും. ➡ മത്തായി (Mathews) 17: 1 - 13 = മറുരൂപപ്പെടൽ. ➡ അപ്പോസ്തല. ( Acts) 28: 1 - 15 = പൗലൊസും സഹയാത്രികരും മെലിത്ത ദ്വീപിൽ. *🎯 മരണാനന്തരം ആഗ്രഹം സഫലമായി*       ആഗ്രഹങ്ങൾക്കും ആശകൾക്കും പൂർണ്ണവിരാമം ഇട്ടുകൊണ്ട് മനുഷ്യന്റെ മേൽ മരണം എന്നും ജയം കൊണ്ടാടുകയാണ്. പലരും മരിച്ചു കഴിയുമ്പോൾ അവരുടെ പ്രിയപ്പെട്ടവർ സാധരണയായി പറഞ്ഞു കേൾക്കാറുള്ളത് "അദ്ദേഹത്തിന്/അവർക്ക് ഇന്ന സ്ഥലത്ത് പോകണം എന്ന് അതിയായ ആഗ്രഹം ഉണ്ടായിരുന്നു. പക്ഷേ, സാധിച്ചില്ലല്ലോ?" എന്നാണ്. ഒരു പക്ഷേ മരണം ഏറ്റവും കൂടുതൽ വിഫലമാക്കിയ ആഗ്രഹം ആരെയെങ്കിലും കാണണം അല്ലെങ്കിൽ ഏതെങ്കിലും സ്ഥലങ്ങളിൽ പോകണം എന്നുള്ളതായിരിക്കാം. മോശെ, ഓർമ്മ വച്ച നാൾ മുതൽ സ്വന്തം മാതാവിൽ നിന്ന് പിതാക്കന്മാർ വസിച്ച പാലും തേനും ഒഴുകുന്ന നാടിനെക്കുറിച്ച് കേട്ടപ്പോൾ തന്നെ ആ കുഞ്ഞു മനസ്സിൽ ആ നാട് കാണണമെന്നും അവിടെ പോകണമെന്നും ഒക്കെയുള്ള ആഗ്രഹം മെട്ടിട്ടു. നാല്പതാമത്തെ വയസ്സിൽ ഒരു ചെറിയ ശ്രമം അതിനായി നടത്തുകയും ചെയ്തു. എന്നാൽ അത് വിഫലമായി എന്നു മാത്രമല്ല വലിയ പ്രശ്നങ്ങളെയും സമ്മാനിച്ചു. അങ്ങനെ ആഗ്രഹങ്ങളെയും പ്രതീക്ഷകളെയും ഉപേക്ഷിച്ച് അദ്ദേഹം അന്യദേശത്ത് കുടുംബവും കുട്ടികളുമായി ഒതുങ്ങി. എൺപതാം വയസ്സിൽ സ്വന്തം ആടുകളുടെ പ്രാണാനുഭവം അറിഞ്ഞ് അവയ്ക്ക് ആഹാരത്തിനായി പർവ്വതങ്ങളിൽ പരതവേ സർവ്വശക്തനായ ദൈവം അദ്ദേഹത്തെ തന്റെ ജനത്തിന്റെ വീണ്ടെടുപ്പുകാരനും അവരെ കനാൻ ദേശത്തേയ്ക്ക് നയിക്കുന്ന നായകനുമായി തിരഞ്ഞെടുത്തു. അങ്ങനെ വാർദ്ധക്യത്തിൽ മോശെയുടെ ആഗ്രഹങ്ങൾ വീണ്ടും തളിർത്തു. അന്നു മുതൽ വീണ്ടും വീണ്ടും അമ്മ പറഞ്ഞ് തന്ന കഥകളും അറിവിലൂടെ സാമ്പാധിച്ച കാര്യങ്ങളും കേർത്തിണക്കി തന്റെ ആഗ്രഹസാഫല്യത്തിനായി അദ്ദേഹം കാത്തിരുന്നു, ഏല്പ്പിച്ച ഉത്തരവാദിത്തങ്ങൾ വിശ്വസ്തതയോടെ തീർത്തു, അഹങ്കാരികളായ ജനത്തെ സഹിച്ചു. ഏകലക്ഷ്യം കനാനിൽ എത്തണം എന്നതായിരുന്നു. പക്ഷേ, നിർഭാഗ്യവശാൽ ജീവിതത്തിൽ വന്ന ഒരു പാപം കാനാനിൽ പോകണം എന്ന ആഗ്രഹത്തിന് തടസ്സമായി. ദൈവം അവനോടു പറഞ്ഞത് "നീ ദേശത്തെ നിന്റെ മുമ്പിൽ കാണും; എങ്കിലും ഞാൻ യിസ്രായേൽമക്കൾക്കു കൊടുക്കുന്ന ദേശത്തു നീ കടക്കയില്ല (ആവർത്തനപുസ്തകം 32:52) എന്നാണ്. അതേ പിസ്ഗ മലമുകളിൽ കനാൻ ദേശത്തെ കാണുകയും അവിടെ പ്രവേശിക്കാൻ കഴിയാതെ ആ മഹത് വ്യക്തി മരണത്തിന് കീഴ്പ്പെടുകയും ചെയ്തു. മരണം കൊണ്ട് മോശെയുടെ യുഗം അവസാനിച്ചു. എന്നാൽ അവന്റെ ദൈവം മനുഷ്യനായി ഭൂമിയിൽ അവതരിച്ച് കനാൻ ദേശത്തിന്റെ മണ്ണിൽ രൂപാന്തരപ്പെട്ടപ്പോൾ മോശെയും തേജസ്സിൽ ആ മലയിലേയ്ക്ക് ഇറങ്ങി വന്നു (മത്തായി 17:3). അതേ ജീവിച്ചിരുന്നപ്പോൾ ആഗ്രഹിച്ചിട്ടും പോകാൻ കഴിയാത്ത സ്ഥലത്ത് മോശെ മരണാനന്തരം പ്രവേശിച്ചു, ദൈവം പ്രവേശിപ്പിച്ചു. ഒരു പാട്ടുകാരൻ ഇങ്ങനെ പാടിയിട്ടുണ്ട് "നീലാകാശവും കടന്ന് ഞാൻ പോകും, എന്റെ യേശു വസിക്കും നാട്ടിൽ" നീലാകാശത്തിന്റെ കീഴിൽ സീമകളും സാഹചര്യങ്ങളും വിലങ്ങുതടിയായ പല സ്ഥലങ്ങളും ഉയരത്തിലിരുന്ന് അന്ന് നാം കാണും നമ്മുടെ ആഗ്രഹങ്ങളും അന്ന് സഫലമാകും. _🌹ശുഭദിനം💐_ *Morning Inspira - വചനവായനക്ക് പുതിയൊരു മുഖം. *

വായന ഭാഗം 📌 പ്രധാന വിഷയങ്ങൾ_ ➡ പുറപ്പാട് (Exodus ) 24 - 25 =ഉടമ്പടി ഉറപ്പിച്ച് സമാഗമനകൂടാരത്തെക്കുറിച്ചുള്ള കല്പന നൽകുന്നു. ➡ ഇയ്യോബ് (Job)34 = എലിഹൂ ഇയ്യോബിനെ കുറ്റപ്പെടുത്തുന്നു. ➡ മത്തായി (Mathews) 13: 36 - 43 = യേശു വയലിലെ കളയുടെ ഉപമ വിശദീകരിക്കുന്നു. ➡ അപ്പോസ്തല. ( Acts) 20: 6 - 12 = പൗലൊസ് ത്രൊവാസിൽ.       *🎯  കളയിൽ വെളിപ്പെട്ട കാര്യം* കർത്താവായ യേശു ക്രിസ്തു കളയുടെ ഉപമ വിശദീകരിച്ചതിലൂടെ വലിയൊരു അപകട സാധ്യതയെയാണ് നമുക്കു മുമ്പിൽ വരച്ച് കാണിച്ചിരിക്കുന്നത്. നാം പാർക്കുന്ന ഈ ലോകം ശാശ്വതമല്ല. ഒരുനാൾ ഇത് അവസാനിക്കും. അത് സംഭവിക്കുക ഒരു ന്യായവിധിയോടെ ആയിരിക്കും, അന്ന് ദൈവം ന്യായം വിധിക്കുക പുതൃത്വത്തിന്റെ അടിസ്ഥാനത്തിലാണ്. രണ്ട് തരം പുത്രന്മാരാണ് അവനിയിൽ ഉള്ളത്. ഒന്ന്, ദൈവത്തിന്റെ പുത്രന്മാർ മറ്റൊന്ന് പിശാചിന്റെ (ദുഷ്ടൻ) പുത്രന്മാർ. മനുഷ്യർ എല്ലാവരും പാപികളായതിനാൽ പിശാചിന്റെ പുത്രന്മാരാണ്. എന്നാൽ ആരെല്ലാം മനുഷ്യപുത്രനായ യേശു ക്രിസ്തുവിനെ കർത്താവായി അംഗീകരിക്കുന്നുവോ അവർക്ക് പിശാചിന്റെ മകൻ എന്ന അവസ്ഥയിൽ നിന്ന് ദൈവമകൻ എന്ന പദവിയിലേയ്ക്ക് ആയിത്തീരാൻ കഴിയും. അങ്ങനെ ആയിത്തീർന്നവരാണെങ്കിൽ അന്ന് പിതാവിന്റെ രാജ്യമായ സ്വർഗ്ഗത്തിലേയ്ക്കു പ്രവേശനം സാധ്യമാകും. ഇനി അത്തരത്തിൽ ഒരു തീരുമാനം എടുത്ത് നമ്മുടെ ജീവിതം ക്രമപ്പെടുത്താതെ ഇരുന്നാൽ ദുഷ്ടന്റെ പുത്രന്മാരായി തുടരുന്നതിനാൽ നിത്യനരകം എന്ന തീ ചൂളയിലേയ്ക്ക് തള്ളപ്പെടും. പ്രിയരേ, വലിയ ഗൗരവമുള്ള കാര്യമാണിത്. ആകയാൽ നാം ആരുടെ പുത്രന്മാർ ആകേണ്ടവരാണെന്ന് ഉറപ്പു വരുത്തുക. ഇനിയും ദൈവമകനായി തീർന്നിട്ടില്ലെങ്കിൽ യേശുവിന് ജീവിതത്തിന്റെ കർത്തൃത്വം വിട്ടുകൊടുത്ത് ദൈവമകനായി തീരുക, ജീവിതം ക്രമപ്പെടുത്തുക. ദൈവമക്കളായി തീർന്നവർ ആണെങ്കിൽ ആ പദവിയുടെ നിലവാരം കാത്ത് സൂക്ഷിക്കുന്ന ജീവിതം കാഴ്ച്ചവെയ്ക്കുക. ദൈവം കൃപ നല്കട്ടെ. _🌹ശുഭദിനം💐_ *Morning Inspira - വചനവായനക്ക് പുതിയൊരു മുഖം*

🌅  MORNING INSPIRA....✍📆_ *24.02.20.*

_📖 വായന ഭാഗം 📌 പ്രധാന വിഷയങ്ങൾ_

➡ പുറപ്പാട് (Exodus ) 22 - 23 = സ്വന്ത്, സാമൂഹികം, ഉത്സവം.
➡ ഇയ്യോബ് (Job) 33 = എലിഹൂവിന്റെ പ്രബോധനം.
➡ മത്തായി (Mathews) 13: 33 - 35 = പുളിച്ച മാവിന്റെ ഉപമ.
➡ അപ്പോസ്തല ( Acts) 20: 1 - 5 = പൗലൊസ് മക്കദോന്യയിലേക്കും ഗ്രീസിലെക്കും പോകുന്നു.

*🎯 ഗൂഢമായതും ഗ്രഹിക്കുമാറാകാം*

     ലഭ്യമായ എല്ലാ സാധ്യതകളും ഉപയോഗിച്ച് അറിവിന്റെ കൊടുമുടി കയറിയാലും ദൈവത്തെയും അവിടുത്തോട് ബന്ധപ്പെട്ട കാര്യങ്ങളെയും സമ്പൂർണ്ണമായി മനസ്സിലാക്കാൻ കഴിയില്ല. അതുകൊണ്ട് പലപ്പോഴും പല ചോദ്യങ്ങൾക്കും ''അറിയില്ല" എന്ന വാക്ക് ഉപയോഗിക്കേണ്ടിവരും. പ്രത്യേകിച്ച് പഴയ നിയമത്തിലെ പുരോഹിതന്മാരും പ്രവാചകന്മാരും ഇത്തരം സാഹചര്യങ്ങളിലൂടെ പല ആവൃത്തി കടന്നുപോയിട്ടുണ്ട്.
     എന്നാൽ കർത്താവായ യേശു ക്രിസ്തു ഈ ഭൂമിയിൽ ജീവിച്ച കാലഘട്ടത്തിൽ പഴയനിയമ കാലത്ത് ഗൂഢമായിരുന്ന നിരവധി കാര്യങ്ങളെ വെളിപ്പെടുത്തി. അതുകൊണ്ട് നമുക്ക് യേശുവിലൂടെ ദൈവത്തെയും ദൈവിക കാര്യങ്ങളെയും ഗ്രഹിക്കാൻ കഴിഞ്ഞു. ആ അറിവും സമ്പൂർണ്ണമല്ല. ഒരോ ദിവസവും അവിടുത്തെ ഉപദേശങ്ങളെ വായിക്കുകയും ധ്യാനിക്കുകയും ചെയ്താൽ ഓരോ നാളും നമുക്ക് ദൈവത്തെ കൂടുതൽ അടുത്തറിയാനും ഗൂഢമായിരിക്കുന്ന പല കാര്യങ്ങളെയും ഗ്രഹിക്കുവാനും കഴിയും. ഗൂഢമായ കാര്യങ്ങളെ ഗ്രഹിപ്പിച്ചുതരുന്ന യേശു എത്ര നല്ലവൻ എന്ന് തിരിച്ചറിഞ്ഞ് കൂടുതൽ ഉത്സാഹത്തോടേ അവിടുത്തെ മൊഴികളെ വായിക്കാം അവിടുന്ന് വെളിപ്പെടുത്തുന്ന മേഖലകളിൽ അറിവ് സമ്പാദിക്കാം (മത്തായി 13:35).

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
    _9400181794_
25/02/2020, 4:39 am - Johnson Lazar: _🌅  MORNING INSPIRA....✍📆_ *25.02.20.*

_📖 വായന ഭാഗം 📌 പ്രധാന വിഷയങ്ങൾ_

➡ പുറപ്പാട് (Exodus ) 24 - 25 =ഉടമ്പടി ഉറപ്പിച്ച് സമാഗമനകൂടാരത്തെക്കുറിച്ചുള്ള കല്പന നൽകുന്നു. ➡ ഇയ്യോബ് (Job)34 = എലിഹൂ ഇയ്യോബിനെ കുറ്റപ്പെടുത്തുന്നു.
➡ മത്തായി (Mathews) 13: 36 - 43 = യേശു വയലിലെ കളയുടെ ഉപമ വിശദീകരിക്കുന്നു.
➡ അപ്പോസ്തല. ( Acts) 20: 6 - 12 = പൗലൊസ് ത്രൊവാസിൽ.

    *🎯  കളയിൽ വെളിപ്പെട്ട കാര്യം*

    കർത്താവായ യേശു ക്രിസ്തു കളയുടെ ഉപമ വിശദീകരിച്ചതിലൂടെ വലിയൊരു അപകട സാധ്യതയെയാണ് നമുക്കു മുമ്പിൽ വരച്ച് കാണിച്ചിരിക്കുന്നത്.
     നാം പാർക്കുന്ന ഈ ലോകം ശാശ്വതമല്ല. ഒരുനാൾ ഇത് അവസാനിക്കും. അത് സംഭവിക്കുക ഒരു ന്യായവിധിയോടെ ആയിരിക്കും, അന്ന് ദൈവം ന്യായം വിധിക്കുക പുതൃത്വത്തിന്റെ അടിസ്ഥാനത്തിലാണ്. രണ്ട് തരം പുത്രന്മാരാണ് അവനിയിൽ ഉള്ളത്. ഒന്ന്, ദൈവത്തിന്റെ പുത്രന്മാർ മറ്റൊന്ന് പിശാചിന്റെ (ദുഷ്ടൻ) പുത്രന്മാർ. മനുഷ്യർ എല്ലാവരും പാപികളായതിനാൽ പിശാചിന്റെ പുത്രന്മാരാണ്. എന്നാൽ ആരെല്ലാം മനുഷ്യപുത്രനായ യേശു ക്രിസ്തുവിനെ കർത്താവായി അംഗീകരിക്കുന്നുവോ അവർക്ക്  പിശാചിന്റെ മകൻ എന്ന അവസ്ഥയിൽ നിന്ന്  ദൈവമകൻ എന്ന പദവിയിലേയ്ക്ക് ആയിത്തീരാൻ കഴിയും. അങ്ങനെ ആയിത്തീർന്നവരാണെങ്കിൽ അന്ന് പിതാവിന്റെ രാജ്യമായ സ്വർഗ്ഗത്തിലേയ്ക്കു പ്രവേശനം സാധ്യമാകും. ഇനി അത്തരത്തിൽ ഒരു തീരുമാനം എടുത്ത് നമ്മുടെ ജീവിതം ക്രമപ്പെടുത്താതെ ഇരുന്നാൽ ദുഷ്ടന്റെ പുത്രന്മാരായി തുടരുന്നതിനാൽ നിത്യനരകം എന്ന തീ ചൂളയിലേയ്ക്ക് തള്ളപ്പെടും.
    പ്രിയരേ, വലിയ ഗൗരവമുള്ള കാര്യമാണിത്. ആകയാൽ നാം ആരുടെ പുത്രന്മാർ ആകേണ്ടവരാണെന്ന് ഉറപ്പു വരുത്തുക. ഇനിയും ദൈവമകനായി തീർന്നിട്ടില്ലെങ്കിൽ യേശുവിന് ജീവിതത്തിന്റെ കർത്തൃത്വം വിട്ടുകൊടുത്ത് ദൈവമകനായി തീരുക, ജീവിതം ക്രമപ്പെടുത്തുക. ദൈവമക്കളായി തീർന്നവർ ആണെങ്കിൽ ആ പദവിയുടെ നിലവാരം കാത്ത് സൂക്ഷിക്കുന്ന ജീവിതം കാഴ്ച്ചവെയ്ക്കുക. ദൈവം കൃപ നല്കട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*

 

Translate message

Turn off for: Malayalam

  MORNING INSPIRA....✍_ 09.03.20.

 വായന ഭാഗം   പ്രധാന വിഷയങ്ങൾ

➡ പുറപ്പാട് (Exodus ) 39 = സമാഗമനകൂടാരത്തിന്റെ പണി പൂർത്തിയാക്കുന്നു.

➡ സങ്കീർത്തനങ്ങൾ (Psalms ) 10 - 11 = ദുഷ്ടന്മാരെ നീക്കാനുള്ള പ്രാർത്ഥനയും യഹോവയുടെ
     മഹത്വവും .

➡ മത്തായി (Mathews) 15: 32 - 39 = യേശു 4000 പേരെ പോഷിപ്പിക്കുന്നു.

➡ അപ്പോസ്തല. ( Acts) 25: 13 - 27 = പൗലോസിനെ അഗ്രിപ്പാവിന്റെ മുമ്പിൽ അവതരിപ്പിക്കുന്നു.

                 3 ഡെയ്സ് ക്യാമ്പ്

     മുൻകൂട്ടിയുള്ള അറിയിപ്പുകളും ഒരുക്കങ്ങളും നടത്താതെ ഭൂതലത്തിൽ നടന്ന ആദ്യത്തെ
മൂന്ന് ദിവസ ക്യാമ്പിന്റെ റിപ്പോർട്ടാണ് മത്തായി എഴുതിയ സുവിശേഷം പതിനഞ്ചാം
 അദ്ധ്യായത്തിന്റെ 32 മുതൽ 39 വരെയുള്ള വാക്യങ്ങൾ.

     ലോകത്തിലെ ഏറ്റവും ശ്രേഷ്ഠ വാഗ്മിയായ നസറായനായ യേശു ആയിരുന്നു ആ മൂന്നു
ദിവസങ്ങളിലും ജനത്തെ അഭിസംബോധന ചെയ്തത്. മുൻകൂട്ടിയുള്ള ഒരുക്കങ്ങൾ
 ഇല്ലാതിരുന്നതിനാൽ ക്യാമ്പ് നടത്തിപ്പു കമ്മറ്റിയോ വോളറ്റിയേഴ്സോ ഒന്നും ഉണ്ടായിരുന്നില്ല.
 വാഗ്മിയുടെ 12 ശിഷ്യന്മാർ ആ ഉത്തരവാദിത്തം ഏറ്റെടുത്തു. അങ്ങനെ അവരുടെ മതത്തിന്റെ
ചട്ടക്കൂടിൽ ഒതുങ്ങി നിന്ന് അവർ വന്ന പുരുഷന്മാരുടെ മാത്രം എണ്ണം എടുത്തു; 4000
. അത്രത്തോളമോ അതിൽ കൂടുതലോ സ്ത്രികളും അതിന്റെ ഇരട്ടി കുഞ്ഞുങ്ങളും
ഉണ്ടായിരുന്നതായി അനുമാനിക്കാം. എങ്കിലും സ്ത്രികൾക്ക് മാത്രമായി പ്രത്യേക
സെക്ഷനുകളോ കുഞ്ഞുങ്ങളെ മാറ്റിയിരുത്തിയുള്ള ഉപദേശങ്ങളോ ഒന്നും ഇല്ലായിരുന്നു.
എല്ലാവരോടും സംസാരിച്ചത് യേശു തന്നെ. സമിശ്ര കേൾവിക്കാർക്ക് തൃപ്തികരമാകും വണ്ണം
 സംസാരിച്ച അവിടുന്ന് എത്രയോ ശ്രേഷ്ഠൻ.

     ഈ മൂന്ന് ദിവസങ്ങളും ഭക്ഷണത്തിനായുള്ള ഇടവേളകൾ ഉണ്ടായിരുന്നില്ലെന്ന് മാത്രമല്ല
ഭക്ഷണം ഒന്നും നല്കിയതുമില്ല. ജീവനും ചൈതന്യവുമുള്ളതായി ഇരുവായ്ത്തലയുള്ള ഏതു
വാളിനെക്കാളും മൂർച്ചയേറിയതും പ്രാണനെയും ആത്മാവിനെയും സന്ധിമജ്ജകളെയും
 വേറുവിടുവിക്കുംവരെ തുളെച്ചുചെല്ലുന്നതും ഹൃദയത്തിലെ ചിന്തനങ്ങളെയും ഭാവങ്ങളെയും
 വിവേചിക്കുന്നതുമായ (എബ്രായർ 4:12) വചനം അവരുടെ ഹൃദയങ്ങളിലേയ്ക്ക് ഒഴുകി
എത്തിയപ്പോൾ എല്ലാം മറന്നവർ അനിൽ ലയിച്ചിരുന്നു. "മനുഷ്യൻ അപ്പംകൊണ്ടു മാത്രമല്ല
യഹോവയുടെ വായിൽനിന്നു പുറപ്പെടുന്ന സകലവചനംകൊണ്ടും ജീവിക്കുന്നു എന്ന പഴയ
 നിയമ പ്രസ്താവന അവിടെ അന്വർത്ഥമാക്കുകയായിരുന്നു'' 

(ആവർത്തനപുസ്തകം 8:3).

     മനുഷ്യന് ജീവിക്കാൻ അപ്പം വേണ്ട വചനം മാത്രം മതി എന്നല്ല അപ്പം കൊണ്ടു മാത്രമല്ല
ജീവിക്കുന്നത് എന്നാണ് പ്രഖ്യാപനം. അതിന്റെ അർത്ഥം അപ്പവും അല്ലെങ്കിൽ ആഹാരവും
വേണം എന്നു തന്നെയാണ്. യേശുവിന് ശ്രതാക്കളുടെ ഗ്രഹിക്കുവാനുള്ള പ്രാപ്തി മാത്രമല്ല
ശരീരത്തിന്റെ ആവശ്യവും മനസ്സിലാകും. അവിടു കേവലം പ്രസംഗിച്ച് മടങ്ങുന്നയാളല്ല
 ശാരീരിക ആവശ്യം കൂടെ നിറവേറ്റുന്നവനാണ്. അതുകൊണ്ടാണല്ലോ രോഗം സൗഖ്യം
നല്കിയത്. അന്നാ ക്യാമ്പ് അവസാന സമയങ്ങളിലേയ്ക്ക് അടുത്തപ്പോൾ മൂന്ന് ദിവസവമായി
തന്നെ ശ്രവിച്ച ജനത്തിന്റെ ശരീരത്തിന്റെ ആവശ്യം അവിടുന്ന് തിരിച്ചറിഞ്ഞു.
ശിഷ്യന്മാരുടെ പക്കലുണ്ടായിരുന്ന ഏഴ് അപ്പവും കുറെ ചെറുമീനും എടുത്ത് ദൈവത്തെ
 വാഴ്ത്തി അപ്പം വിഭാഗിച്ച് നല്കി. അവർ വാങ്ങി ഭക്ഷിക്കുകയും തൃപ്തിയോടെ മടങ്ങുകയും
 ചെയ്തു. ശേഷിച്ചവ ശിഷ്യന്മാർ ഏഴു വട്ടി നിറച്ചെടുത്തു.

    നമ്മുടെ ആത്മീയവും ശാരീരികവുമായ ആവശ്യങ്ങളെ തൃപ്തികരമാകും വണ്ണം നിറവേറ്റാൻ
 നസറായനായ യേശുവിന് കഴിയും. അവന്റെ അടുക്കലേയ്ക്ക് വരാൻ സമ്മതമോ?

ശുഭദിനം

Morning Inspira - വചനവായനക്ക് പുതിയൊരു മുഖം

By: Evg. Johnson Lazar Uppukunnu

   9400181794

🎯 ഗൂഢമായതും ഗ്രഹിക്കുമാറാകാം*

     ലഭ്യമായ എല്ലാ സാധ്യതകളും ഉപയോഗിച്ച് അറിവിന്റെ കൊടുമുടി കയറിയാലും ദൈവത്തെയും അവിടുത്തോട് ബന്ധപ്പെട്ട കാര്യങ്ങളെയും സമ്പൂർണ്ണമായി മനസ്സിലാക്കാൻ കഴിയില്ല. അതുകൊണ്ട് പലപ്പോഴും പല ചോദ്യങ്ങൾക്കും ''അറിയില്ല" എന്ന വാക്ക് ഉപയോഗിക്കേണ്ടിവരും. പ്രത്യേകിച്ച് പഴയ നിയമത്തിലെ പുരോഹിതന്മാരും പ്രവാചകന്മാരും ഇത്തരം സാഹചര്യങ്ങളിലൂടെ പല ആവൃത്തി കടന്നുപോയിട്ടുണ്ട്.
     എന്നാൽ കർത്താവായ യേശു ക്രിസ്തു ഈ ഭൂമിയിൽ ജീവിച്ച കാലഘട്ടത്തിൽ പഴയനിയമ കാലത്ത് ഗൂഢമായിരുന്ന നിരവധി കാര്യങ്ങളെ വെളിപ്പെടുത്തി. അതുകൊണ്ട് നമുക്ക് യേശുവിലൂടെ ദൈവത്തെയും ദൈവിക കാര്യങ്ങളെയും ഗ്രഹിക്കാൻ കഴിഞ്ഞു. ആ അറിവും സമ്പൂർണ്ണമല്ല. ഒരോ ദിവസവും അവിടുത്തെ ഉപദേശങ്ങളെ വായിക്കുകയും ധ്യാനിക്കുകയും ചെയ്താൽ ഓരോ നാളും നമുക്ക് ദൈവത്തെ കൂടുതൽ അടുത്തറിയാനും ഗൂഢമായിരിക്കുന്ന പല കാര്യങ്ങളെയും ഗ്രഹിക്കുവാനും കഴിയും. ഗൂഢമായ കാര്യങ്ങളെ ഗ്രഹിപ്പിച്ചുതരുന്ന യേശു എത്ര നല്ലവൻ എന്ന് തിരിച്ചറിഞ്ഞ് കൂടുതൽ ഉത്സാഹത്തോടേ അവിടുത്തെ മൊഴികളെ വായിക്കാം അവിടുന്ന് വെളിപ്പെടുത്തുന്ന മേഖലകളിൽ അറിവ് സമ്പാദിക്കാം (മത്തായി 13:35).

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
    _9400181794_
25/02/2020, 4:39 am - Johnson Lazar: _🌅  MORNING INSPIRA....✍📆_ *25.02.20.*

_📖 വായന ഭാഗം 📌 പ്രധാന വിഷയങ്ങൾ_

➡ പുറപ്പാട് (Exodus ) 24 - 25 =ഉടമ്പടി ഉറപ്പിച്ച് സമാഗമനകൂടാരത്തെക്കുറിച്ചുള്ള കല്പന നൽകുന്നു. ➡ ഇയ്യോബ് (Job)34 = എലിഹൂ ഇയ്യോബിനെ കുറ്റപ്പെടുത്തുന്നു.
➡ മത്തായി (Mathews) 13: 36 - 43 = യേശു വയലിലെ കളയുടെ ഉപമ വിശദീകരിക്കുന്നു.
➡ അപ്പോസ്തല. ( Acts) 20: 6 - 12 = പൗലൊസ് ത്രൊവാസിൽ. 

    *🎯  കളയിൽ വെളിപ്പെട്ട കാര്യം*

    കർത്താവായ യേശു ക്രിസ്തു കളയുടെ ഉപമ വിശദീകരിച്ചതിലൂടെ വലിയൊരു അപകട സാധ്യതയെയാണ് നമുക്കു മുമ്പിൽ വരച്ച് കാണിച്ചിരിക്കുന്നത്.
     നാം പാർക്കുന്ന ഈ ലോകം ശാശ്വതമല്ല. ഒരുനാൾ ഇത് അവസാനിക്കും. അത് സംഭവിക്കുക ഒരു ന്യായവിധിയോടെ ആയിരിക്കും, അന്ന് ദൈവം ന്യായം വിധിക്കുക പുതൃത്വത്തിന്റെ അടിസ്ഥാനത്തിലാണ്. രണ്ട് തരം പുത്രന്മാരാണ് അവനിയിൽ ഉള്ളത്. ഒന്ന്, ദൈവത്തിന്റെ പുത്രന്മാർ മറ്റൊന്ന് പിശാചിന്റെ (ദുഷ്ടൻ) പുത്രന്മാർ. മനുഷ്യർ എല്ലാവരും പാപികളായതിനാൽ പിശാചിന്റെ പുത്രന്മാരാണ്. എന്നാൽ ആരെല്ലാം മനുഷ്യപുത്രനായ യേശു ക്രിസ്തുവിനെ കർത്താവായി അംഗീകരിക്കുന്നുവോ അവർക്ക്  പിശാചിന്റെ മകൻ എന്ന അവസ്ഥയിൽ നിന്ന്  ദൈവമകൻ എന്ന പദവിയിലേയ്ക്ക് ആയിത്തീരാൻ കഴിയും. അങ്ങനെ ആയിത്തീർന്നവരാണെങ്കിൽ അന്ന് പിതാവിന്റെ രാജ്യമായ സ്വർഗ്ഗത്തിലേയ്ക്കു പ്രവേശനം സാധ്യമാകും. ഇനി അത്തരത്തിൽ ഒരു തീരുമാനം എടുത്ത് നമ്മുടെ ജീവിതം ക്രമപ്പെടുത്താതെ ഇരുന്നാൽ ദുഷ്ടന്റെ പുത്രന്മാരായി തുടരുന്നതിനാൽ നിത്യനരകം എന്ന തീ ചൂളയിലേയ്ക്ക് തള്ളപ്പെടും.
    പ്രിയരേ, വലിയ ഗൗരവമുള്ള കാര്യമാണിത്. ആകയാൽ നാം ആരുടെ പുത്രന്മാർ ആകേണ്ടവരാണെന്ന് ഉറപ്പു വരുത്തുക. ഇനിയും ദൈവമകനായി തീർന്നിട്ടില്ലെങ്കിൽ യേശുവിന് ജീവിതത്തിന്റെ കർത്തൃത്വം വിട്ടുകൊടുത്ത് ദൈവമകനായി തീരുക, ജീവിതം ക്രമപ്പെടുത്തുക. ദൈവമക്കളായി തീർന്നവർ ആണെങ്കിൽ ആ പദവിയുടെ നിലവാരം കാത്ത് സൂക്ഷിക്കുന്ന ജീവിതം കാഴ്ച്ചവെയ്ക്കുക. ദൈവം കൃപ നല്കട്ടെ.