MORNING INSPIRA....✍📆_ *31.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 22 = ദേശത്ത് നിന്ന് ദോഷം നീക്കിക്കളയുവിൻ.
➡ സദൃശവാക്യങ്ങൾ (Provebs ) 2  = ജ്ഞാനം അന്വോഷിക്കുന്നതിനുള്ള പ്രതിഫലം.
➡ മർക്കൊസ് (Mark) 4: 1 - 9 = വിതെക്കുന്നവന്റെ ഉപമ.
➡ 2 കൊരിന്ത്യർ (2 Cor) 3: 1 - 18 = പുതിയനിയമത്തിന്റെ ശുശ്രൂഷകന്മാർ.

*🎯 തീരുമാനങ്ങളിൽ ഖേദം*

    ഡിസംബർ 31 ന് നടക്കുന്ന പ്രത്യേക പ്രാർത്ഥനയിൽ ആവർത്തനവിരസത തോന്നിപ്പിക്കുന്ന സാക്ഷ്യവാചകമാണ് "കഴിഞ്ഞ വർഷം ഞാൻ എടുത്ത പല തീരുമാനങ്ങളും നടപ്പിലാക്കാൻ സാധിക്കാത്തതിൽ എനിക്ക് വലിയ ഖേദമുണ്ട്" എന്നത്. വ്യത്യസ്തങ്ങളായ സാഹചര്യങ്ങളുടെ സമ്മർദ്ദത്തിൽ എടുത്ത തീരുമാനം പരിപൂർണ്ണമായി നടപ്പിലാക്കാൻ കഴിയാത്തതിൽ പശ്ചാത്തപിക്കാൻ മനസ്സുണ്ടെങ്കിൽ വീണ്ടും പരിശ്രമിക്കാൻ തയാറാണെങ്കിൽ കരുണാമയനായ ദൈവം തീർച്ചയായും ക്ഷമിക്കും. എന്നാൽ എന്തുകൊണ്ടിങ്ങനെ സംഭവിക്കുന്നു എന്നറിയേണ്ടേ? അടുത്ത സാക്ഷ്യത്തിലെങ്കിലും നമുക്കിത്തരം വാക്കുകൾ ആവർത്തിക്കാതിരിക്കേണ്ടേ?

    യേശു പറഞ്ഞു "വിത്ത് പറസ്ഥലത്ത്, ഏറെ മണ്ണിലാത്തിടത്തു വീണതിനാൽ മുളച്ചെങ്കിലും വളരാനും ഫലം കായ്ക്കാനും കഴിയാതെ ഉണങ്ങിപ്പോയി" എന്ന്. അതേ, നമ്മുടെ തീരുമാനങ്ങൾ വചനം കേട്ടപ്പോൾ ഉണ്ടായ ആവേശത്തിൽ പ്രാരംഭ ശൂരത്വം പോലെ എടുത്തതാണ് അവ നടപ്പിലാക്കാൻ സാധിക്കാത്തതിൻ്റെ കാരണം. ആകയാൽ ഈ പ്രശ്നത്തിന് പരിഹാരം ഹൃദയത്തെ വചനത്തിന് വേരിക്കാനും വളരാനും പര്യാപ്തമായ രീതിയിൽ സജ്ജമാക്കുക എന്നതു മാത്രമാണ്. ഹൃദയത്തിൽ മുളയ്ക്കുന്ന നാമ്പുകൾ ഉഷ്ണത്തെ അതിജീവിച്ച് വളതട്ടെ!


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *30.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 21 = ദേശം അശുദ്ധമാകാതിരിക്കാൻ.
➡ സദൃശവാക്യങ്ങൾ (Provebs ) 1 = സദൃശവാക്യങ്ങളുടെ ഉദ്ദേശ്യം, ജ്ഞാനം.
➡ മർക്കൊസ് (Mark) 3: 31 - 35 = യേശുവിന്റെ യഥാർത്ഥ ചാർച്ചക്കാർ.
➡ 2 കൊരിന്ത്യർ (2 Cor) 2: 14 - 17 = ക്രിസ്തുവിലുള്ള ജയോത്സവം.

*🎯 അരികിലുള്ളവരോ അരികിലേയ്ക്ക് വിളിച്ചവരോ*

     കുടുംബം ഒരു പഴഞ്ചൻ ചിന്താഗതിയാണെന്ന് കരുതുന്ന ഒരു തലമുറയുടെ അസ്തമയത്തിലാണ് നാം ജീവിക്കുന്നത്. പുതുമകളുടെ മേച്ചിൽ പുറങ്ങൾക്ക് കടമകളും കർത്തവ്യങ്ങളും തടസ്സമാണെന്ന് എന്ന നിഗമനമാണ് കുടുംബം വേണ്ട എന്ന തീരുമാനത്തിലേയ്ക്ക് അവരെ എത്തിച്ചത്. എന്നാൽ മാനുഷീകമായ ആശയങ്ങൾക്കൊണ്ട് കുടുംബത്തെ തകർക്കാനാവില്ല. കാരണം അത് ദൈവം സ്ഥാപിച്ചതാണ്.
      യേശുക്രിസ്തുവുമായി ബന്ധപ്പെട്ട രണ്ടു കുടുംബങ്ങളെക്കുറിച്ച് നാം ഇന്ന് വായിച്ചു. ഒന്ന്, മനുഷ്യനായി അവതരിക്കേണ്ടതിനായി താൻ തിരഞ്ഞെടുത്ത മറിയയും അവരുടെ ഭർത്താവ് ജോസേഫും അവരുടെ മക്കളും യേശുവിൻ്റെ പാതി സാഹോദരങ്ങളായ യാക്കോബും യോസെയും യൂദയും സഹോദരികളുമടങ്ങുന്ന കുടുംബം. രണ്ട്, യേശുവിൻ്റെ അരുളപ്പാടുകൾ അംഗീകരിച്ച് പിതാവായ ദൈവത്തിൻ്റെ ഇഷ്ടം ചെയ്യുന്നവർ. ഇവരിൽ ഒന്നാമത്തെ കുടുംബം യേശുവിനെ അരികിലേയ്ക്ക് വിളിച്ചുവരും രണ്ടാമത്തെ കുടുംബം അരികിലണഞ്ഞുവരുമാണ്. അരികിലേയ്ക്ക് വിളിപ്പിച്ചത് എന്തെങ്കിലും ആവശ്യം ഉള്ളതുകൊണ്ടാണ് അരികിലിരുന്നത് അവിടുത്തെ അംഗീകരിച്ചതിനാലുമാണ്.

     നാം യേശുക്രിസ്തുവിനോട് ഉള്ള സമീപനത്തിൽ ഇതിൽ ഏത് കുടുംബത്തെയാണ് അനുകരിക്കുന്നത്? നാം അവിടുത്തെ അരികിലിരിക്കുന്നവരാണോ? അതോ എന്തെങ്കിലും ആവശ്യം വരുമ്പോൻ അരികിലേയ്ക്ക് വിളിക്കുന്നവരാണോ? യേശു കുടുംബമായി പരിഗണിച്ച് പ്രധാന്യം നല്കുന്നത് അരികിലണഞ്ഞവർക്കാണ്. ആകയാൽ അരികിലണയാം അരികിലിരിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

  MORNING INSPIRA....✍📆_ *29.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 20 = യുദ്ധനിയമങ്ങൾ.
➡ സങ്കീർത്തനങ്ങൾ (Psalms ) 149 - 150 = യഹോവയെ സ്തുതിക്കുവിൻ.
➡ മർക്കൊസ് (Mark) 3: 22 - 30 = ക്ഷമ ലഭിക്കാത്ത പാപം.
➡ 2 കൊരിന്ത്യർ (2 Cor) 2: 5 - 13 = സ്നേഹം ഉറപ്പിച്ചു കൊടുക്കുക.

*🎯 ആഭ്യന്തരകലഹം*

     ആരോപണങ്ങളോട് പ്രതികരിക്കേണ്ടത് എങ്ങനെ എന്നതിന് ഏറ്റവും നല്ല മാതൃക യേശുവാണ്. അവിടുന്ന് ഓരോ ആരോപണങ്ങളോടും പ്രതികരിച്ചത് വ്യത്യസ്ത രീതിയിലാണ്, ചിലതിനോട് അവിടുന്ന് മൗനം പാലിക്കുകയും ചിലതിന് മറുപടി നല്കുകയും ചെയ്തു.

  "യേശു ബെയെത്സെബൂലിക്കൊണ്ടാണ് ഭൂതങ്ങളെ പുറത്താക്കുന്നത്"  എന്ന ശാസ്ത്രിമാരുടെ ആരോപണത്തിന്  നല്കിയ മറുപടിയാണ് നാമിന്ന് മർക്കൊസ് സുവിശേഷത്തിൽ വായിച്ചത്. തൻ്റെ അധികാരം ഉറപ്പിക്കുക എന്നതിനപ്പുറത്ത് അവശ്യം അറിഞ്ഞിരിക്കേണ്ട സത്യം അവിടുന്ന് തൻ്റെ ശ്രോതാക്കൾക്ക് പകർന്ന് നല്കി. അത് ആഭ്യന്തരകലഹം ഉണ്ടായാൽ രാജ്യവും വീടും നിലനില്ക്കുകയില്ല എന്നതാണ്.

    പ്രിയരേ, ഇന്ന് നിസാര സൗന്ദര്യ പിണക്കത്തെയും ആശയ വ്യത്യാസങ്ങളെയും കുടുംബത്തെയും സഭയെയും ബന്ധങ്ങളെയും തകർക്കാനുള്ള ആയുധമായി ശത്രു ഉപയോഗിച്ചുകൊണ്ടിരിക്കുന്നു. ഓർക്കുക ആഭ്യന്തരകലഹം നമുക്കു തന്നെ നഷ്ടം വരുത്തുകയുള്ളു.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *28.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 19 = സങ്കേതനഗരങ്ങൾ.
➡ സങ്കീർത്തനങ്ങൾ (Psalms ) 148 = സകല സൃഷ്ടിയുടെയും സ്തുതിക്ക് യോഗ്യനായ യഹോവ.
➡ മർക്കൊസ് (Mark) 3: 13 - 21 = യേശു തിരഞ്ഞെടുത്ത ശിഷ്യന്മാർ.
➡ 2 കൊരിന്ത്യർ (2 Cor) 2: 1 - 4 = സ്നേഹത്തിൽ നിന്നുള്ള സന്തോഷം.

*🎯 അയക്കപ്പെടും മുമ്പ് അരികിൽ*

     പന്ത്രണ്ട് എന്ന സംഖ്യ കേട്ടാൽ പുതിയനിയമ വിശ്വാസികൾ ആദ്യം ഓർക്കുന്നത് യേശുവിൻ്റെ ശിഷ്യന്മാരെയാണ്. പ്രശസ്തിയുടെ കൊടിമുടിയിലേറാൻ സോഷ്യൽ മാധ്യമങ്ങൾ സഹായഹസ്തവുമായി ഇല്ലാതിരുന്ന ഒന്നാം നൂറ്റാണ്ടിൽ സാധരണക്കാരിൽ സാധരണക്കാരായി ജീവിച്ചിരുന്ന അവർ അസാധാരണമായി പ്രശസ്തിയുടെ ഉത്തുംഗങ്ങൾ കീഴടക്കിയത് അന്ധകാരത്തിൽ അത്ഭുത പ്രകാശത്തിലേയ്ക്ക് നയിക്കുകയും മൃത്യുവിൽ നിന്ന് മരണമില്ലായ്മ സമ്മാനിക്കുകയും ചെയ്യുന്ന സുവിശേഷ സന്ദേശം ലോകത്തിൻ്റെ എല്ലാ കോണുകളിലും പ്രസ്താവിക്കുകയും വിപ്ലവകരമായ നിരവധി മാറ്റങ്ങൾക്ക് മാർഗ്ഗദർശികളാകുകയും ചെയ്തതിനാലാണ്. സമ്പുഷ്ടമായ ആശയവും ആകർഷകമായ അവതരണ രീതിയും അവർക്ക് ലഭിച്ചതിൻ്റെ കാരണം യേശുവിനോടു കൂടെയിരുന്നു എന്നതാണ്.

    പ്രിയരേ, നാം ഇന്ന് ജിവിതം കൊണ്ടും വാക്കുകളിലൂടെയും അറിയിക്കുന്ന സന്ദേശം അപ്പോസ്തലന്മാർ അറിയിച്ച അതേ സന്ദേശമാണ്. എന്നാൽ അവർ ഇരുന്നതുപോലെ നാം യേശുവിനരികിൽ ഇരുന്നിട്ടുണ്ടോ? അരികിലിരിക്കുക അയക്കപ്പെടുക അത്ഭുതങ്ങൾ സൃഷ്ടിക്കാനാകും അറിയപ്പെടാനാകും.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

  MORNING INSPIRA....✍📆_ *27.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 18 = ലേവ്യരുടെ അവകാശവും യഹോവ എഴുന്നേല്പ്പിക്കുന്ന പ്രവാചകനും.
➡ സങ്കീർത്തനങ്ങൾ (Psalms ) 147 = യഹോവയുടെ പ്രവൃത്തികൾക്കായി അവിടുത്തെ സ്തുതിക്കുന്നു.
➡ മർക്കൊസ് (Mark) 3: 1 - 12 = യേശു ദൈവാലയത്തിലും ജനങ്ങൾക്കിടയിലും അത്ഭുതം പ്രവൃത്തിക്കുന്നു.
➡ 2 കൊരിന്ത്യർ (2 Cor) 1: 12 - 24 = സന്ദർശനം മാറ്റിവെച്ചതിന്റെ കാരണവും വീണ്ടും സന്ദർശിക്കാനുള്ള താല്പര്യവും.

*🎯 പിന്നെയും പള്ളിയിൽ ചെന്നു*

     കോറോണ വൈറസിൻ്റെ സമൂഹ വ്യാപനം തടയേണ്ടതിനായി നടപ്പിൽ വരുത്തിയ ലോക്ക് ഡൗൺ മത സ്വാതന്ത്ര്യത്തിനും കൂച്ചുവിലങ്ങിട്ടു. ലോക്ക് ഡൗണിനു മുമ്പ് പടിയിറങ്ങിയ ആരാധനാലയങ്ങളിലേയ്ക്ക് തിരികെ കയറിയിട്ട് ആഴ്ച്ചകളെ ആയിട്ടുള്ളെങ്കിലും ആണ്ടുകൾ കഴിഞ്ഞ പ്രദീതിയാണ് മനസ്സിൽ തളംകെട്ടി കിടക്കുന്നത്. ഇത് ദൈവം ചെയ്യുന്നതാണ്, അവന് ഇതിൻ്റെ പിന്നിലും നല്ല ഉദ്ദേശ്യങ്ങൾ ഉണ്ട് എന്ന് തിരിച്ചറിയുന്നുണ്ടെങ്കിലും പ്രവാസത്തിൽ പാർക്കേണ്ടിവന്ന യെഹൂദന്മാരുടെ വായിൽ നിന്ന് ചിരിയും നാവിൽ നിന്ന് ആർപ്പും ഒഴിഞ്ഞു പോയതിൻ്റെ ആഴം ഈ ദിനങ്ങളിൽ നാം അനുഭവിച്ചറിയുകയാണ്. അതുകൊണ്ട് തന്നെ ഇന്ന് മർക്കൊസ് സുവിശേഷത്തിൽ നാം വായിച്ച "അവൻ പിന്നെയും പള്ളിയിൽ ചെന്നു" എന്ന ആദ്യവാചകം നമ്മുടെ ഹൃദയത്തിൽ കനൽ കോരിയിട്ടു. അറിയാതെ നാം നമ്മോട് തന്നെ ചോദിച്ചു "ഇനി എനിക്ക് എന്ന് വീണ്ടും പള്ളിയിൽ (ആരാധന ആലയത്തിൽ) പോകാൻ കഴിയും?

      ചരിത്രത്തിൻ്റെ താളുകളിൽ ഒതുങ്ങിയ ലോക്ക് ഡൗണുകൾക്ക് അല്പകാലം മാത്രം ആയുസ്സുണ്ടായിരുന്നതും അറയിലിരിക്കേണ്ടത് അല്പകാലത്തേയ്ക്ക് മാത്രമാണെന്ന് പ്രവചനം ഉള്ളതിനാലും ഈ അവസ്ഥയ്ക്കും  വേഗം മാറ്റം ഉണ്ടാകും. "യഹോവയുടെ ആലയത്തിലേക്കു നമുക്കു പോകാം" എന്ന ശബ്ദം നമ്മുടെ കാതുകളിൽ ഉടൻ മുഴങ്ങും.

    യേശു പള്ളിയിലേയ്ക്ക് പോയത് പിതാവായ ദൈവത്തെ മഹത്വപ്പെടുത്താനായിരുന്നു. സൗഖ്യം നല്കിയും വചനം വെളിപ്പെടുത്തിയും അവിടുന്ന് അത് തന്നെ ചെയ്തു. അതേസമയം അവിടെ ഹൃദയം കഠിന്യമുള്ളവരും ഉണ്ടായിരുന്നു. നാം വീണ്ടും പള്ളിയിലേയ്ക്ക് പോകുന്നത് ഹൃദയകാഠിന്യം ലവലേശം ഇല്ലാതെ ദൈവത്തെ മഹത്വപ്പെടുത്തുന്നതിന് മാത്രമാകട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

  MORNING INSPIRA....✍📆_ *24.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 15 = വിമോചന വർഷം.
➡ സങ്കീർത്തനങ്ങൾ (Psalms ) 140 - 142 = ഒരു ഭക്തന്റെ പ്രാർത്ഥന.
➡ മർക്കൊസ് (Mark) 2: 13 - 14 = യേശു ലേവിയെ വിളിക്കുന്നു.
➡ 1 കൊരിന്ത്യർ (1 Cor) 16: 13 - 20 = പ്രബോധനങ്ങൾ, ഉപസംഹാരം.

*🎯 അനുസരിക്കാനുള്ള ആഹ്വാനം അനുസരിക്കുന്നവയെ സാക്ഷിനിറുത്തി*

     യേശുക്രിസ്തു ഐഹികശുശ്രൂഷയിൽ പ്രസംഗവേദിയായി പലതവണ ഉപയോഗിച്ചിട്ടുള്ള സ്ഥലമാണ് കടൽക്കര. നയനമനോഹാരിത തുളുമ്പുന്ന തിരമാലകളിലേയ്ക്ക് ജനത്തിൻ്റെ ശ്രദ്ധ പോകാൻ സാദ്ധ്യതയുളളപ്പോൾ എന്തുകൊണ്ടാണ് യേശു ഉപദേശങ്ങൾ നല്കുന്നതിനായി ഈ സ്ഥലം തിരഞ്ഞെടുത്തത്? സാധാരണ ചലിക്കുന്ന വസ്തുക്കൾ പോലും പ്രസംഗവേദികളിൽ ആരും വെയ്ക്കാറില്ലല്ലോ?

      യേശുവിൻ്റെ ശ്രോതാക്കൾ കൂടുതലും യെഹൂദന്മാരായിരുന്നു. പഴയനിയമ ഗ്രന്ഥങ്ങളെ വായിച്ചും പ്രസംഗിച്ചും കേട്ടറിയുന്നവർ. മന്ദമായി തീരത്തെ തഴുകുന്ന തിരകളെയും വരവിൻ്റെ ആക്കത്തിൽ എല്ലാം നശിപ്പിക്കും എന്ന് തോന്നിപ്പിക്കും എങ്കിലും കരയിൽ വന്നില്ലാതാകുന്ന ഭീമൻ തിരമാലകളെയും കാണുമ്പോൾ അവരുടെ ശ്രദ്ധ പോകുകയല്ല മറിച്ച് അവർക്ക് ലഭിച്ച ആദ്യ പുസ്തകമായ ഇയ്യോബിൽ പറഞ്ഞിരിക്കുന്ന "ഞാൻ അതിന്നു അതിർ നിയമിച്ചു കതകും ഓടാമ്പലും വെച്ചു. ഇത്രത്തോളം നിനക്കുവരാം; ഇതു കടക്കരുതു; ഇവിടെ നിന്റെ തിരമാലകളുടെ ഗർവ്വം നിലെക്കും" (38:10-11) എന്ന വാക്യവും ദൈവം സമുദ്രത്തിന്നു അതിർ വെച്ചിരിക്കുന്നു എന്ന ശലോമോൻ്റെ സന്ദേശവും (സദൃശവാക്യങ്ങൾ 8:29) ഭൂമിയെ മൂടുവാൻ മടങ്ങിവരാതിരിക്കേണ്ടതിന്നു നീ അവെക്കു കടന്നുകൂടാത്ത ഒരു അതിർ ഇട്ടു എന്ന
സങ്കീർത്തന ഭാഷ്യവും (104:9) "ഞാൻ കടലിന്നു കവിഞ്ഞുകൂടാതവണ്ണം നിത്യപ്രമാണമായി മണൽ അതിരാക്കി വെച്ചിരിക്കുന്നു; തിരകൾ അലെച്ചാലും സാധിക്കയില്ല; എത്രതന്നേ ഇരെച്ചാലും അതിർ കടക്കയില്ല" (5:22) എന്ന  യിരെമ്യാവിലൂടെയുള്ള ദൈവത്തിൻ്റെ വെളിപ്പെടുത്തലും ബോദ്ധ്യമാകും.

   അതേ, കടലിൻ്റെ സൗന്ദര്യത്തെ സാക്ഷി നിറുത്തി ഉപദേശങ്ങൾ നല്കുമ്പോൽ  ആ കടൽ മൗനമായി ഞങ്ങൾ ഈ ഉപദേഷ്ടാവിനെ അനുസരിക്കുന്നു എന്ന്
സാക്ഷ്യപ്പെടുത്തിന്നുണ്ടായിരുന്നു. യേശു അനുസരിക്കാനുള്ള ആഹ്വാനം നല്കിയത് അനുസരിക്കുന്നവയെ സാക്ഷിനിറുത്തിയാണ്.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *23.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 14 = ഭക്ഷിക്കാവുന്നതും ഭക്ഷിക്കരുതാത്തതുമായ മൃഗങ്ങൾ, ദശാംശം.
➡ സങ്കീർത്തനങ്ങൾ (Psalms ) 139 = സർവ്വ - ശക്തനും - ജ്ഞാനിയും - വ്യാപിയുമായ ദൈവം.
➡ മർക്കൊസ് (Mark) 2: 1 - 12 = യേശു പക്ഷവാദക്കാരനെ സൗഖ്യമാക്കുന്നു.
➡ 1 കൊരിന്ത്യർ (1 Cor) 16: 1 - 12 = പൌലൊസ് കൊരിന്തിലേക്കുള്ള തന്റെ യാത്രയെക്കുറിച്ച് പറയുന്നു.

*🎯 സാഹസീകത*

     ഡോക്ടറുടെ ആവശ്യം അനിവാര്യമായ രോഗികളെ എത്രയും വേഗം ആശുപത്രിയിൽ എത്തിക്കാനുള്ള ഉദ്യമത്തിൽ സാധരണ മനുഷ്യരും പ്രത്യേകിച്ച് ആംബുലൻസ് ഡ്രൈവർമാരും സാഹസീകത കാണിക്കാറുണ്ട്. അത്തരം സാഹസീകതകൾക്ക് പിന്നിൽ ജീവൻ്റെ വിലയുണ്ട്. എന്നാൽ സാധരണ രോഗിയെയാണ് ആശുപത്രിയിൽ കൊണ്ടുപോകുന്നതെങ്കിൽ ആരും സാഹസീകരാറില്ല. അവരുടെ ജീവന് അപകടം ഇല്ലാത്തതിനാലും ഡോക്ടറുടെ സേവനം ലഭിക്കണം എന്ന ലക്ഷ്യം മാത്രമുള്ളതിനാലും സാഹസികതയുടെ ആവശ്യവുമില്ല.

   നാം ഇന്ന് വായിച്ച സംഭവത്തിൽ കഫർന്നഹൂമിലെ ആ രോഗി ഏതാനും നിമിഷങ്ങൾക്ക് മുമ്പ് എവിടുന്നെങ്കിലും വീണോ സ്ട്രോക്ക് വന്നോ അത്യാസന്നനിലയിൽ അത്യാഹിത സഹായം ആവശ്യമായി വന്നയാളല്ല. പക്ഷവാതരോഗിയാണ്. അർത്ഥാൽ ചില നാളുകളായി കിടപ്പിലാണ്. ആകയാൽ യേശുവിനരികിലേയ്ക്ക് ആ വ്യക്തിയെ കൊണ്ടുവന്ന നാലുപേർക്ക് 3 സാദ്ധ്യതകൾ ഉണ്ടായിിരുന്നു,

1) യേശുവിനോടു രോഗിയെക്കുറിച്ച് പറയുക-  അനായാസകൃതം.
2) യേശുവിനെ രോഗിയുടെ അടുക്കലേയ്ക്ക് കൊണ്ടു പോകുക
3) പ്രസംഗം തീരും വരെ കാത്തിരിക്കുക.

    പക്ഷേ, അവർ തിരഞ്ഞെടുത്തത് ഇവ മൂന്നുമല്ല, രോഗിയെ ചുമന്ന് യേശുവിൻ്റെ അടുക്കൽ കൊണ്ടുവരിക. മേൽക്കൂര നീക്കി അതീവ ശ്രദ്ധയോടെ കിടക്കയോടെ അദ്ദേഹത്തെ യേശുവിൻ്റെ മുന്നിലേയ്ക്കിറക്കുക.

     ദൈവജനമേ, അനായാസമായ സാദ്ധ്യതകളെ തിരഞ്ഞെടുക്കാതെ അദ്ധ്വാനവും അപകടസാധ്യതകളുമുള്ള സാഹസീകത കാണിക്കാൻ അവർ തയ്യാറായി. അതുകൊണ്ട് യേശു കർത്താവ് അവരുടെ വിശ്വാസം കണ്ട് ആ രോഗിക്ക് പാപമോചനവും സൗഖ്യവും നല്കി (വാ 5). മറ്റുളളവരുടെ മാനസാന്തരത്തിനും സൗഖ്യത്തിനുമായി സാഹസികരാകാൻ നാം സന്നദ്ധരോ?


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *22.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 13 = യഹോവയിൽ നിന്നകന്നു പോകരുത്.
➡ സങ്കീർത്തനങ്ങൾ (Psalms ) 137 -138 = പ്രവാസകാല അനുഭവങ്ങളും ദൈവം ചെയ്ത കാര്യങ്ങളും.
➡ മർക്കൊസ് (Mark) 1: 40 - 45 = യേശു മനസ്സലിഞ്ഞ് കുഷ്ഠരോഗിയെ സൗഖ്യമാക്കുന്നു.
➡ 1 കൊരിന്ത്യർ (1 Cor) 15: 35 - 58 = മരിച്ചവരുടെ പുനരുത്‌ഥാനം.

*🎯 മനസ്സലിഞ്ഞവൻ മറഞ്ഞിരിക്കേണ്ടിവന്നു*

   ആരംഭത്തിൽ അനുകരണീയമായ മാതൃക കാഴ്ച്ചവെയ്ക്കുകയും അനുഗ്രഹം ലഭിച്ചതിൻ്റെ ആവേശത്തിൽ അബദ്ധം കാണിക്കുകയും ചെയ്ത വ്യക്തിയെക്കുറിച്ചാണ് നാമിന്ന് മർക്കൊസ് എഴുതിയ സുവിശേഷത്തിൽ വായിച്ചത്.

    കർത്താവേ, അങ്ങയുടെ ഹിതത്തെ ഞാൻ അംഗീകരിക്കുന്നു, അവിടുത്തേയ്ക്ക് ഹിതം ഉണ്ടെങ്കിൽ എന്നെ ശുദ്ധമാക്കണം. അല്ല അവിടുത്തേ ഹിതം സൗഖ്യം അല്ല എങ്കിൽ അത് അനുഭവിക്കുവാൻ ഞാൻ ഒരുക്കമാണ് എന്ന തീരുമാനത്തോടെ "കർത്താവേ, നിനക്കു മനസ്സുണ്ടെങ്കിൽ എന്നെ ശുദ്ധമാക്കുവാൻ കഴിയും" (വാ 40) എന്ന വാചകത്തോടെയാണ് ഈ വ്യക്തി രംഘപ്രവേശനം ചെയ്തത്. യേശു അദ്ദേഹത്തോട് ഞാൻ സൗഖ്യം തരാം പക്ഷേ ''ആരോടും പറയരുത് " എന്ന നിർദ്ദേശം നല്കി (വാ 43,44). പക്ഷേ, രോഗം മാറിയതിൻ്റെ ആവേശത്തിൽ അദ്ദേഹം യേശുവിൻ്റെ നിർദ്ദേശം മറക്കുകയും പുറത്തുചെന്ന്‌ വളരെക്കാര്യങ്ങള്‍ പ്രഘോഷിക്കുകയും പ്രസിദ്‌ധമാക്കുകയും ചെയ്തു. തന്‍മൂലം, യേശുവിനു പട്ടണത്തില്‍ പരസ്യമായി പ്രവേശിക്കാന്‍  സാധിച്ചില്ല. അവന്‍ പുറത്ത്‌ വിജനപ്രദേശങ്ങളില്‍ തങ്ങേണ്ട, മറഞ്ഞിരിക്കേണ്ട അവസ്ഥ വന്നു (വാ 45).

    പാപബോധം നമ്മിൽ യേശുവേ രക്ഷിക്കേണമേ എന്ന വിനയത്തോടെയുള്ള അപേക്ഷ ഉയർത്തിയിരുന്നു. രക്ഷ കൈവന്നപ്പോൾ ലഭിച്ച നിർദ്ദേശങ്ങളെ നാം പാലിക്കുന്നുണ്ടോ? അതോ ആവേശത്തിൽ അബദ്ധങ്ങൾ കാണിക്കുന്നുവോ? അബദ്ധങ്ങൾ ചെയ്യരുത് അവ നമ്മുടെ നാഥനെ ബാധിക്കും.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *21.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 12 = ആരാധനക്ക് ഏക സ്ഥലം.
➡ സങ്കീർത്തനങ്ങൾ (Psalms ) 136 = എന്നേക്കുമുള്ള ദയ.
➡ മർക്കൊസ് (Mark) 1: 29 - 39 = പത്രോസിന്റെ വീട്ടിലും നാട്ടിലും യേശു ചെയ്യുന്ന അടയാളങ്ങൾ.
➡ 1 കൊരിന്ത്യർ (1 Cor) 15: 20 - 34 = ശരീരവും അവയവങ്ങളും.

*🎯 നമ്മെക്കുറിച്ചാരെല്ലാം പറയണം*

   ഈശ്വര വിശ്വാസികളും നിരീശ്വരവാദികളും "ദൈവം" എന്ന് ഒരു ദിവസം ഏറ്റവും കുറഞ്ഞത് പത്ത് പ്രാവശ്യമെങ്കിലും പറയാറുണ്ട്. പല പണ്ഡിതരും അഭിപ്രായപ്പെടുന്നത് ദൈവം എന്ന വാക്ക് ഒരുപക്ഷേ ഏറ്റവും കുടുതൽ ഉച്ചരിക്കാറുള്ളത് നിരീശ്വരവാദികളായിരിക്കും എന്നാണ്. ഇവരിൽ ഈശ്വരവിശ്വാസികൾ പറയുന്നതിലാണ് ദൈവം പ്രസാദിക്കുക എന്നതിന് സംശയമേതുമില്ല. എന്നാൽ ദൈവം തൻ്റെ പേരോ തന്നെക്കുറിച്ചോ ഒരുകൂട്ടർ പറയുന്നതിനെ ഇഷ്ടപ്പെടുന്നില്ല, അനുവദിക്കുന്നുമില്ല. ആരാണവർ?

 സുവിശേഷ രചയിതാവായ മർക്കൊസ് സാക്ഷ്യപ്പെടുത്തുന്നത് "യേശു ഭൂതങ്ങൾ തന്നെ അറികകൊണ്ടു സംസാരിപ്പാൻ അവയെ സമ്മതിച്ചില്ല" (മർക്കൊസ് 1:34) എന്നാണ്. മൂന്നരവർഷത്തെ പരസ്യ ശുശ്രൂഷയിൽ ജനങ്ങളിൽ അത്ഭുതം ജനിപ്പിക്കും വിധം യേശു നിരവധി ഭൂതഗ്രന്ഥരെ സൗഖ്യമാക്കി. പക്ഷേ ഒരിക്കൽ പോലും തന്നെക്കുറിച്ച് എന്തെങ്കിലും പറയാൻ അവൻ അവരെ അനുവദിച്ചില്ല. എന്നാൽ താൻ സൗഖ്യമാക്കിയ ശാരീര വൈകല്യങ്ങൾ ഉണ്ടായിരുന്നവരോട് സൗഖ്യം നല്കിയ സമയത്ത് "ആരോടും പറയരുത്" എന്ന് നിർദ്ദേശിച്ചെങ്കിലും അവർ പോയി പ്രസിദ്ധമാക്കിയപ്പോൾ അവരെ തിരുത്തുകയോ കുറ്റപ്പെടുത്തുകയോ ചെയ്തില്ല.

    പ്രിയരേ, ഇത് നമുക്കൊരു പാഠമാണ്, യേശു ഭൂമിയിൽ ജീവിച്ചപ്പോൾ അർഹതയുള്ളവരും ജനത്തിൽ അംഗീകാരം തന്നിൽ നിന്ന് എന്തെങ്കിലും അനുഭവം ഉള്ളവരും മാത്രം തന്നെപ്പറ്റി പറഞ്ഞാൽ മതി എന്നവിടുന്ന് നിർബന്ധം പിടിച്ചതുപോലെ യേശുവിനെപ്പോലെയാകാൻ ശ്രമിക്കുന്ന നമ്മെക്കുറിച്ചും അർഹതയുള്ളവരും അംഗീകാരം ഉള്ളവരും മാത്രം പറഞ്ഞാൽ മതി എന്ന് ആഗ്രഹിക്കാം. അനാവശ്യ ആഗ്രഹങ്ങളെ ഉപേക്ഷിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
    _9400181794_

 MORNING INSPIRA....✍📆_ *20.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 11 = യഹോവയെ സ്നേഹിക്കുവാനും അനുസരിക്കുവാനുമുള്ള ആഹ്വാനം.
➡ സങ്കീർത്തനങ്ങൾ (Psalms ) 132 - 135 = അനുഗ്രഹിക്കുന്ന ആരാധ്യനായ ദൈവം.
➡ മർക്കൊസ് (Mark) 1: 21 - 28 = യേശു കഫർന്നഹൂമിലെ പള്ളിയിൽ ഭൂതഗസ്ഥനെ സൗഖ്യമാക്കുന്നു.
➡ 1 കൊരിന്ത്യർ (1 Cor) 15: 1 - 19 = ക്രിസ്തുവിന്റെ പുനരുത്ഥാനം.

*🎯 ആരോടും കടപ്പെട്ടില്ല അനേകർ കടപ്പാട് നല്കി*

   ലോകം കണ്ട ഏറ്റവും പ്രസിദ്ധനായ പ്രസംഗകൻ യേശു ക്രിസ്തുവാണ്. അദ്ദേഹത്തെ സുപ്രസിദ്ധനാക്കുന്നത് വാക്കുകളിലെ ആശയസമ്പുഷ്ടിയും അവതരണമികവും മാത്രമല്ല അധികാരവുമാണ്.

    യേശുവിൻ്റെ പ്രസംഗം നേരിട്ട് ശ്രവിച്ചവർ അതിനുമുമ്പ് ശാസ്ത്രിമാരുടെ നിരവധി പ്രസംഗങ്ങൾ ശ്രവിച്ചിട്ടുണ്ട്. അവരുടെ പ്രസംഗങ്ങളുടെ പ്രത്യേകത അവ ആരംഭിക്കുന്നത് "യഹോവ അരുളിച്ചെയ്തിട്ടുള്ളത് എങ്ങനെയെന്നാൽ" എന്ന ആമുഖത്തോടെയായിരിക്കും, മാത്രമല്ല അവർ പറയുന്ന എല്ല കാര്യങ്ങൾക്കും യഹോവ ഉപയോഗിച്ച പ്രവാചകന്മാരോടുള്ള കടപ്പാടും ഉണ്ടാകും. പ്രവാചകന്മാർ സന്ദേശങ്ങൾ നല്കിയിരുന്നത് " യഹോവ അരുളിച്ചെയുന്നത് എന്തെന്നാൽ " എന്ന ആമുഖത്തോടെയായിരുന്നു. പ്രവാചകന്മാർക്ക് ദൈവം എന്നോടു സംസാരിച്ചു എന്ന് അവകാശപ്പെടാനാകുമായിരുന്നു. എന്നാൽ ശാസ്ത്രിമാർക്ക് അതിനും ആകുമായിരുന്നില്ല.

    യേശു പ്രസംഗിച്ചത് പ്രവാചകന്മാരെപ്പോലെ "യഹോവ അരുളിച്ചെയുന്നത് എന്തെന്നാൽ " എന്നോ ശാസ്ത്രിമാരെപ്പോലെ "യഹോവ അരുളിച്ചെയ്തിട്ടുള്ളത് എങ്ങനെയെന്നാൽ" എന്നോ പറഞ്ഞുകൊണ്ടല്ല "ഞാൻ നിങ്ങളോടു പറയുന്നത് " എന്ന അധികാരത്തോടെയായിരുന്നു. അതേ, കടപ്പാടുകൾ നല്കേണ്ടാത്ത ഏക പ്രസംഗകൻ യേശു ക്രിസ്തു മാത്രമാണ്. പ്രസംഗിച്ചിട്ടുള്ള ഒരാശത്തിനും ആരോടും കടപ്പെട്ടിട്ടില്ലാത്ത അവിടുന്ന് യുഗങ്ങളായി അനേകർ കടപ്പെടുന്ന ആശയങ്ങൾക്ക് ഉത്തരവാദിയാകുന്നു.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *19.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 10 = യഹോവയെ ഭയപ്പെടുക.
➡ സങ്കീർത്തനങ്ങൾ (Psalms ) 129 - 131 = യഹോവയിലുള്ള പ്രത്യാശയും യഹോവ നല്കുന്ന അനുഗ്രഹങ്ങളും.
➡ മർക്കൊസ് (Mark) 1: 14 - 20 = യേശു ശിഷ്യന്മാരെ ചേർക്കുന്നു.
➡ 1 കൊരിന്ത്യർ (1 Cor) 14: 26 - 40 = ആരധനയിലെ ക്രമം.

*🎯 വ്യാജമില്ലാത്ത വാക്കുകൾ*

  ഇന്ന ഫീൽഡിൽ ഇത്ര ഒഴിവുകൾ എന്ന പ്രസ്താവനയോടെ നിരവധി ജോലി വാഗ്ദാനങ്ങളാണ് ഓരോ ദിവസവും വ്യത്യസ്ത മാധ്യമങ്ങളിലൂടെ അഭ്യസ്തവിദ്യരെ തേടിയെത്തുന്നത്. എന്നാൽ വളരെ പ്രതീക്ഷകളോടെ അപേക്ഷകൾ സമർപ്പിക്കുന്നതിൻ്റെ ആദ്യ നടപടികൾ പൂർത്തികരിക്കുമ്പോൾ ആയിരിക്കും ഉടൻ ജോലിയില്ല ആദ്യം ട്രെയിനിംഗ് ആണ് അതിനായി ഒരു ഭീമമായ തുക നേരിട്ട് (face to face and hand to hand) അടയ്ക്കണം എന്നും ട്രെയിനിംഗ് സമയത്ത് ചിലവുകൾ സ്വയം വഹിക്കണം എന്നും ഉള്ള വസ്തുതകൾ അറിയുന്നത്. അപേക്ഷകൾ നല്കുന്നതിനായി ആദ്യം മുടക്കിയ പണം വെള്ളത്തിൽ വരച്ച രേഖകളും പ്രതീഷകൾ ഇളങ്കാറ്റടിച്ചാൽ തകർന്നുവീഴുന്ന ചീട്ട്കൊട്ടാരവും ആയിരുന്നു എന്ന് തീരിച്ചറിയുന്ന ആ നിമിഷം ചതിക്കപ്പെട്ടുപോയല്ലോ എന്നോർത്ത് നമുക്ക് നമ്മോട് തന്നെ എന്തെന്നില്ലാത്ത ദേഷ്യം തോന്നുകയും സങ്കടക്കയത്തിൽ അല്പനേരത്തേയ്ക്കെങ്കിലും താഴുകയും ചെയ്യും. ജോലി വാഗ്ദാനം ചെയ്യുന്ന കമ്പനികളുടെ വാക്കുകളിലെ വ്യാജമാണ് ഈ ദുരവസ്ഥയ്ക്ക് കാരണം. സത്യസന്തമായി നിലകൊള്ളുന്നവരെ വിസ്മരിക്കുന്നില്ല.

     വസ്തുതകൾ വിവരിക്കാതെ വാഗ്ദാനങ്ങൾ വില്ക്കുന്നവരെപ്പോലെയല്ല യേശു. അവിടുന്ന് വാക്കുകളിൽ നേരുള്ളവനാണ്. അതുകൊണ്ടവിടുന്ന് പത്രോസിനെയും അന്ത്രയോസിനെയും ശിഷ്യന്മാരായി വിളിച്ചപ്പോൾ വസ്തുതകൾ വ്യക്തമാക്കി വിളിച്ചു. ആ വിളി "എന്നെ അനുഗമിപ്പിൻ; ഞാൻ നിങ്ങളെ മനുഷ്യരെ പിടിക്കുന്നവരാക്കും" എന്നായിരുന്നു
(മർക്കൊസ് 1:17). ജോലി മനുഷ്യരെ പിടിക്കുകയാണ് എന്നും എന്നാൽ വിളിക്കുന്നത് പിടിക്കുന്നവരാക്കാനുള്ള പരിശീലനത്തിനാണെന്നും വ്യക്തം.

    വ്യാജങ്ങൾ നിറഞ്ഞ ലോകത്തിൽ വഞ്ചനയില്ലാത്ത യേശുവിനെ വിശ്വസിക്കാനും അനുഗമിക്കാനും നമുക്ക് സാധിക്കട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *18.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 9 = യിസ്രായേലിന്റെ ദുശ്ശാഠ്യവും മോശെയുടെ മദ്ധ്യസ്ഥതയും.
➡ സങ്കീർത്തനങ്ങൾ (Psalms ) 124 - 128 = യഹോവ നല്കുന്ന അനുഗ്രഹങ്ങൾ.
➡ മർക്കൊസ് (Mark) 1: 12 - 13 = യേശു മരുഭൂമിയിൽ.
➡ 1 കൊരിന്ത്യർ (1 Cor) 14: 1 - 25 = പ്രവചനവും അന്യഭാഷയും.

*🎯 പരീക്ഷയിൽ അറിയേണ്ടത് എന്തെല്ലാം?*

   പരീക്ഷയിൽ അറിയേണ്ടത് എന്തെല്ലാം എന്നുതിനു ഉത്തരങ്ങൾ എന്ന് ചിന്തിക്കാതെ പറയാനാകും. എന്നാൽ അവ ക്രിസ്തീയ ജീവതത്തിൽ ഉണ്ടാകുന്ന പിശാചിനാലുള്ള പരീക്ഷകളാണെങ്കിലോ?

     ഇത്തരം പരീക്ഷകൾക്ക് മാതൃകയാകുവാൻ ക്രിസ്തു പരീക്ഷിക്കപ്പെട്ടതിനെ വെറും രണ്ടു വാക്യങ്ങളിലാണ് മർക്കൊസ് അവതരിപ്പിച്ചത്. എന്നാൽ മൂന്ന് സത്യങ്ങൾ അദ്ദേഹം അനുവാചകർക്കായി പകർന്ന് നല്കുന്നു.

1) ആത്മാവിൻ്റെ നടത്തിപ്പ് :- ത്രീയേക ദൈവത്തിൻ്റെ ഒരു ആളത്വമാണ് പരിശുദ്ധാത്മാവ്. യേശുവിനെ പരീക്ഷയലേയ്ക്ക് നടത്തിയത് പരിശുദ്ധാത്മാവാണ്. ദൈവം അനുവദിക്കാതെ നമ്മെ പരീക്ഷിക്കാൻ പിശാചിനാവില്ല എന്നതിനാൽ നമ്മേയും പരീക്ഷയിലേയ്ക്ക് നടത്തുന്നത് പരിശുദ്ധാത്മാവാണ്.

2) പരീക്ഷകൻ സാത്താൻ :- നമ്മേ തികഞ്ഞവരാക്കാൻ ദൈവം പരിശോധനകൾ നല്കും നമ്മേ പരാജയപ്പെടുത്താം എന്ന ലക്ഷ്യത്തോടെ സാത്താൻ പരീക്ഷിക്കുകയും ചെയ്യും. എന്നാൽ നാം പൊന്നുപോലെ പുറത്തുവരും എന്ന ഉറപ്പിലാണ് ദൈവം സാത്താനെ പരീക്ഷിക്കാൻ ഏല്പ്പിക്കുന്നത് .

3) ശുശ്രൂഷയ്ക്കായി ദൂതന്മാർ :- ദൈവത്തിൻ്റെ  അനുവാദത്തോടെ ശുഭപ്രതികളുമായി സാത്താനാൽ പരീക്ഷിക്കപ്പെടുവാൻ പരിശുദ്ധാത്മാവ് നമ്മേ നടത്തുമ്പോൾ നാം ഒറ്റയ്ക്കല്ല. നമ്മേ ശുശ്രൂഷിക്കുവാൻ ദൂതഗണം ഉണ്ടാകും.

    ക്രിസ്തീയ ജീവിതത്തിൽ ഉണ്ടാകുന്ന പരീക്ഷകളിൽ ജയിക്കാൻ ഈ അറിവുകൾ അനുഗ്രഹമാകട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *16.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 7 = ജാതികളോട് അകന്ന് വിശുദ്ധ ജനമായി അനുഗ്രഹം പ്രാപിക്കുക.
➡ സങ്കീർത്തനങ്ങൾ (Psalms ) 119: 161 - 176 = സങ്കീർത്തനക്കാരന്റെ തീരുമാനങ്ങളും അപേക്ഷയും.
➡ മർക്കൊസ് (Mark) 1: 1 - 8 = യോഹന്നാൻ യേശുവിന് വഴി ഒരുക്കുന്നു.
➡ 1 കൊരിന്ത്യർ (1 Cor) 12: 27 - 31 = സഭ ക്രിസ്തുവിന്റെ ശരീരവും വിശ്വാസികൾ വെവ്വേറെ അവയവങ്ങളും.

_🎯 തുടർവായനയിൽ ഇത് മറക്കരുത്_

   യേശുക്രിസ്തു "യെഹൂദന്മാരുടെ രാജാവ്" എന്ന വീക്ഷണത്തിലാണ് മത്തായി തൻ്റെ പുസ്തകം അവതരിപ്പിച്ചത്. ആദ്യ അദ്ധ്യായത്തിൽ രാജാമഹത്വം വെളിപ്പെടുത്താൻ വംശാവലിയും രണ്ടാം അദ്ധ്യായത്തിൽ യെഹൂദന്മാരുടെ രാജാവായി പിറന്നവൻ (മത്തായി 2:2) ആണെന്ന വസ്തുതയും ആമുഖമായി നല്കി തുടർന്നുള്ള ഓരോ അദ്ധ്യായങ്ങളിലും പ്രജകളോടുള്ള കരുതലും അവതരിപ്പിച്ച ശേഷം സർവ്വാധികാരിയാണെന്ന് പ്രസ്താവിച്ചുകൊണ്ട് ഗ്രന്ഥം ഉപസംഗ്രഹിച്ചു.

      ഇന്നുമുതൽ നാം വായനയാരംഭിച്ച മർക്കോസ് സുവിശേഷം അവതരിപ്പിച്ചിരിക്കുന്നത് യേശു ദാസനാണ് എന്ന വീക്ഷണത്തിലാണ്. എന്നാൽ ഓരോ വാക്യങ്ങളിലും ദാസൻ്റെ താഴ്മയും സദാസന്നദ്ധതയും വായിക്കുമ്പോൾ യേശുവിനെ ഒരു ദാസനായി മാത്രം വായനക്കാർ കാണണം എന്നദ്ദേഹം ആഗ്രഹിക്കുന്നില്ല. അതുകൊണ്ടദ്ദേഹം ആദ്യവാചകമായി  ദൈവപുത്രനായ യേശുക്രിസ്തു എന്ന് അനുവാചകരോട് അദ്ദേഹം പറഞ്ഞു. തുടർന്നുള്ള വായനയിൽ ഈ ആദ്യവാചകം മറക്കരുത്: "യേശു ദൈവപുത്രൻ"

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *15.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 6 = മഹത്തായ കല്പന.
➡ സങ്കീർത്തനങ്ങൾ (Psalms ) 119: 137 - 160 = സങ്കീർത്തനക്കാരൻ എടുത്ത തീരുമാനങ്ങൾ.
➡ മത്തായി (Matthew) 28: 16 - 20 = മഹാനിയോഗം.
➡ 1 കൊരിന്ത്യർ (1 Cor) 12: 12 - 26 = ശരീരവും അവയവങ്ങളും.

*🎯 സർവ്വാധികാരി, സദ്ഗുരു, സഹയാത്രികൻ*

        മത്തായി തൻ്റെ പുസ്തകത്തിന് പൂര്‍ണ്ണവിരാമം ഇടുന്നത് യേശു ക്രിസ്തു ശിഷ്യന്മാർക്ക് നല്കിയ മഹാനിയോഗത്തെ ആലേഖനം ചെയ്തുകൊണ്ടാണ്. ക്രിസ്തുയേശുവിൻ്റെ മൂന്ന് വ്യത്യസ്ത സവിശേഷതകളെ നമുക്കീ വാക്യങ്ങളിൽ ദർശിക്കാനാകും,

1) സർവ്വാധികാരി :- യേശു സംസാരിച്ചു തുടങ്ങിയത്  "സ്വർഗ്ഗത്തിലും ഭൂമിയിലും സകല അധികാരവും എനിക്കു നല്കപ്പെട്ടിരിക്കുന്നു" (വാ:18) എന്ന പ്രസ്താവനയോടെയാണ്. അതേ, അവിടുന്ന് സകലത്തിൻ്റെന്മേലും അധികാരമുള്ളവനാണ്.

2) സദ്ഗുരു :- ഒരു ശിഷ്യൻ്റെ ഏറ്റവും വലിയ കർത്തവ്യം ഗുരുവിനെപ്പോലെയാകുകയാണ്. അങ്ങനെ സമ്പൂർണ്ണമായി അനുകരിക്കാൻ കൊള്ളാകുന്ന നല്ല ഗുരു യേശുക്രിസ്തു മാത്രമാണ്. അവിടുന്ന് പറഞ്ഞു "സകലജാതികളെയും ശിഷ്യരാക്കിക്കൊൾവിൻ" (വാ:20).

3) സഹയാത്രികൻ: യേശു പറഞ്ഞു "ഞാനോ ലോകാവസാനത്തോളം എല്ലാനാളും നിങ്ങളോടുകൂടെ ഉണ്ട്." അതേ, വഴിയറിയാവുന്ന, വഴിയിൽ ഉപേക്ഷിക്കാത്ത സഹയാത്രികനാണ് യേശു.

പ്രിയരേ, സർവ്വാധികാരിയായ യേശുവിൻ്റെ അധികാരത്തിന് നാം കീഴ്പ്പെടുന്നുവോ? സദ്ഗുരുവായ അവിടുത്തെ അനുഗമിക്കുന്നുവോ? സഹയാത്രികനായ അവിടുത്തെ സാന്നിദ്ധ്യം അനുഭവിച്ചറിയുന്നുവോ?

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *14.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 5 = പത്ത് കല്പനകൾ.
➡ സങ്കീർത്തനങ്ങൾ (Psalms ) 119: 105 - 136 = ന്യായപ്രമാണത്താലുള്ള ജീവിതം.
➡ മത്തായി (Matthew) 28: 11 - 15 = യെഹൂദന്മാർ പടയാളികൾക്ക് കൈക്കൂലി നല്കി കള്ളക്കഥ പരത്തുന്നു.
➡ 1 കൊരിന്ത്യർ (1 Cor) 12: 1 - 11 = ആത്മീയ വരങ്ങൾ.

*🎯 ദൂതനെ കണ്ടാലും ദേവനാണെന്നറിഞ്ഞാലും ദ്രവ്യം തന്നെ പ്രധാനം*

       പണത്തിനോടുള്ള അമിതമായ ആഗ്രഹവും അർഹതയില്ലാത്ത ധനവും ആപത്താണെന്ന സത്യം ഏതെങ്കിലും ഒരു നിലയിൽ എല്ലാദിവസം നാം കേൾക്കാറുണ്ട്. എങ്കിലും അതിൻ്റെ സ്വാധീനത്തിന് ഇന്നും ഒരു കുറവും വന്നിട്ടില്ല.

        യെഹൂദന്മാരുടെ അഭ്യര്‍ത്ഥന പ്രകാരം യേശുവിൻ്റെ കല്ലറ സൂക്ഷിക്കുന്നതിനായി പിലാത്തൊസ് നല്കിയ കാവൽക്കൂട്ടം അവരുടെ ഉത്തരവാദിത്തത്തിൽ നല്കപ്പെട്ടവ സംരക്ഷിക്കുന്നതിന് വേതനം വാങ്ങുന്നവരാണ്. ജോലിസമയത്ത് ഉറക്കം പോലുമില്ലാതെ പൂർണ്ണജാഗ്രതയോടെ പണിയെടുക്കുന്നതിനാണ് ആ വേദനം. അത് ജീവനകാര്യത്തിന് ഉതകുന്നതുമാണ്. എന്നാൽ പണത്തിനോടുള്ള അവരുടെ അമിതമായ ആഗ്രഹം അവർ കഴിഞ്ഞകാലങ്ങളിൽ ജോലി ചെയ്തത് സത്യസന്തരായിട്ടല്ല എന്ന് ധാരണയുണ്ടാക്കുന്ന കള്ളം പറയാനും അവരെ നിർബന്ധിച്ചു. അങ്ങനെ ഉറക്കമിളച്ചതിന് പീലാത്തൊസിൽ നിന്നും ഉറങ്ങി എന്നു പറഞ്ഞതിന് മഹാപുരോഹിതന്മാരിൽ നിന്നും അവർ വേതനം കൈപ്പറ്റി.

    ചില മണിക്കൂറുകൾക്ക് മുൻപ് ദൂതനെ കണ്ടതോ യേശു ദേവനാണ് എന്ന് മനസ്സിലായതോ ഒന്നും അവരെ പണത്തിനോടുള്ള മോഹത്തിൽ നിന്ന് വേർതിരിച്ചില്ല. പ്രിയരേ, ജാഗ്രത പാലിക്കണം ഇന്നും കാവൽക്കൂട്ടം കൈനീട്ടുന്നു ലഭിക്കുന്നിടത്ത് നിന്നെല്ലാം അവർ സ്വീകരിക്കുന്നു.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *13.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 4 = വിഗ്രഹാരധന പാടില്ല എന്ന മുന്നറിയിപ്പ്.
➡ സങ്കീർത്തനങ്ങൾ (Psalms ) 119: 81 - 104 = ശത്രുക്കളിൽ നിന്നുള്ള വിടുതലിനായി പ്രാർത്ഥിക്കുന്നു.
➡ മത്തായി (Matthew) 28: 1 - 10 = മരണത്തെ ജയിച്ച് ഉയർത്തെഴുന്നേറ്റ  യേശു.
➡ 1 കൊരിന്ത്യർ (1 Cor) 11: 23 - 34 = കത്തൃമേശയിൽ നിന്ന് പങ്കെടുക്കുബോൾ.

*🎯 കല്ല് നീക്കിയതാർക്കുവേണ്ടി*

       ആവേശങ്ങൾ പലപ്പോഴും അബദ്ധങ്ങൾക്ക് കാരണമാകാറുണ്ട് എന്നതിൻ്റെ തെളിവാണ് "യേശുവിൻ്റെ കല്ലറവാതിൽ അടച്ചുവച്ചിരുന്ന കല്ലിനെ നീക്കി റോമ ഗവൺമെൻ്റിൻ്റെ അധികാര മുദ്രയെ പെട്ടിച്ചെറിഞ്ഞ് യേശു ഉയർത്തെഴുന്നേറ്റു" എന്ന പ്രസ്താവന.

    യഥാർത്ഥത്തിൽ യേശു ഉയർത്തെഴുന്നേറ്റത് കല്ല് നീക്കിയിട്ടാണോ? യേശുവിൻ്റെ ഉയർപ്പിന് കല്ല് തടസ്സമായിരുന്നോ?

     യേശു ഉയർത്തെഴുന്നേറ്റത് കല്ല് നീക്കിയിട്ടല്ല, കല്ല് നീക്കിയത് യേശുവും അല്ല ദൂതനാണ് (മത്തായി 28:2). ദൂതൻ കല്ല് നീക്കിയത് യേശുവിന് ഉയർക്കുന്നതിനുവേണ്ടിയായിരുന്നില്ല, മറിച്ച് യേശുവിനെ അന്വേഷിച്ച് കല്ലറയ്ക്കൽ എത്തുന്ന സ്ത്രീകളും ശിഷ്യന്മാരും യേശു ഉയർത്തെഴുന്നേറ്റു എന്ന് കണ്ട് ബോധിക്കേണ്ടതിനായിരുന്നു (മത്തായി 28:5,6).

    ആവേശവും അക്ഷരങ്ങളുടെ സൗന്ദര്യവും വർദ്ധിപ്പിക്കാൻ ശ്രമിക്കുമ്പോൾ ചില അബദ്ധങ്ങൾ സംഭവിക്കുക സ്വഭാവികമല്ലേ എന്ന ലാഘവത്തോടെ ഇത്തരം പ്രസ്താവനകളെ നാം കാണരുത്. കാരണം നാം സംസാരിക്കുന്നത് ദൈവത്തെക്കുറിച്ചാണ് ആകാശവും ഭൂമിയും മാറിയാലും മാറ്റംവരാത്ത വചനവുമാണ്. വചനത്തിൽ അതീവശ്രദ്ധ കൊടുക്കാൻ നമുക്ക് സാധിക്കട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം.*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *12.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 3 = യിസ്രായേൽ ഓഗിനെ കീഴടക്കുന്നു, ബാൽപെയോരിനെതിരെ പാർക്കുന്നു. യാത്രയിൽ ദൈവം രാജ്യങ്ങളെക്കുറിച്ച് നില്കിയ നിർദ്ദേശങ്ങൾ.
➡ സങ്കീർത്തനങ്ങൾ (Psalms ) 119: 49 - 80 = ന്യായപ്രമാണം ആചരിക്കാനുള്ള തീരുമാനവും ആചരിച്ചാലുള്ള ഗുണങ്ങളും.
➡ മത്തായി (Matthew) 27: 62 - 66 = യേശുവിന്റെ കല്ലറ മുദ്ര വെച്ച് ഉറപ്പ് വരുത്തുന്നു.
➡ 1 കൊരിന്ത്യർ (1 Cor) 11: 17 - 22 = ഭക്ഷണത്തിലുണ്ടായ ഭിന്നത.

*🎯 ലോക്ക് ഡൗൺ*

       കോറോണ വൈറസിൻ്റെ സമൂഹ വ്യാപനം തടയേണ്ടതിനായി നടപ്പിലാക്കിക്കൊണ്ടിരിക്കുന്ന ലോക്ക് ഡൗൺ നിരവധി മാറ്റങ്ങളാണ് ആഗോളപരമായി വരുത്തിയിട്ടുള്ളത്. അവശ്യകാര്യങ്ങൾ ഒഴികെ ബാക്കി എല്ലാ സ്ഥാപനങ്ങളും അടഞ്ഞുകിടക്കുകയാണ്.

      പ്രിയരേ, എന്തെല്ലാം അടഞ്ഞ് കിടന്നാലും നമ്മുടെ ദൈവത്തിന് ലോക്ക് ഡൗൺ ഇല്ല, അവിടുത്തെ ലോക്കാക്കി വെയ്ക്കാനുമാവില്ല. ഇതറിയാത്ത യെഹൂദാ പ്രമാണിമാർ അതിന് ശ്രമിച്ചതിൻ്റെ ചരിത്രമാണ് നാം ഇന്ന് മത്തായി സുവിശേഷത്തിൽ വായിച്ചത്. അന്നത്തെ ഏറ്റവും ശക്തമായ നിയമ സംവിധാനങ്ങളാണ് അവർ അതിനായി ഉപയോഗിച്ചത്.   പതിപ്പിച്ച മുദ്രയും നിയമിച്ച കാവൽക്കാരും യേശുവിനെ തടഞ്ഞ് വെയ്ക്കും എന്നവർ കരുതി. എന്നാൽ യേശുവിൻ്റെ ശക്തിക്ക് മുമ്പിൽ അവയെല്ലാം നിഷ്ഫലമായി.

     ആരും കയറിവരാതവണ്ണം ഒറ്റപ്പെട്ട അവസ്ഥയിൽ ആയിരിക്കുമ്പോൾ യേശുവിന് നമ്മുടെ അടുക്കലേയ്ക്ക് വരാനും നമ്മെ സഹായിക്കാനും കഴിയും എന്ന സത്യം മനസ്സിലാക്കുക. നാം തനിച്ചല്ല യേശു കൂടെയുണ്ട് എന്ന് തിരിച്ചറിഞ്ഞ് ലോക്ക് ഡൗൺ അരോഗ്യത്തിന് അനിവാര്യമായതിനാൽ എല്ലാ നിയമങ്ങളും പാലിച്ച് പിൻതുണയും നല്കി നമുക്ക് ലോക്ക് ഡൗൺ വിജയിപ്പിക്കാം. ഒപ്പം ലോക്ക് ഡൗൺ ഇല്ലാത്ത യേശുവിൻ്റെ സാന്നിദ്ധ്യവും സഹായവും അനുഭവിച്ചറിയാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

  MORNING INSPIRA....✍📆_ *11.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 2 = ഇസ്രായേലിന്റെ യാത്രയിൽ ദൈവം രാജ്യങ്ങളെക്കുറിച്ച് നില്കിയ നിർദ്ദേശങ്ങൾ.
➡ സങ്കീർത്തനങ്ങൾ (Psalms ) 119: 25 - 48 = വചനം അറിയാനും അതിൽ ജീവിക്കാനുമുള്ള ആഗ്രഹം.
➡ മത്തായി (Matthew) 27: 57 - 61 = യേശുവിന്റെ അടക്കം.
➡ 1 കൊരിന്ത്യർ (1 Cor) 11: 1 - 16 = സ്ത്രീകൾ മൂടുപടമിട്ടു ശുശ്രൂഷിക്കുക.

*🎯ഇനി ഞാൻ മറഞ്ഞിരിക്കില്ല*

       നസറായനായ യേശു വിപരീത ഉപദേശം പഠിപ്പിക്കുന്ന വ്യക്തിയാണ് എന്ന നിഗമനവും ആരെങ്കിലും യേശുവിനെ അനുഗമിച്ചാൽ അവരെ പള്ളിഭ്രഷ്ടരാക്കും എന്ന യഹൂദാ പ്രമാണികളുടെ തീരുമാനവും യേശുവിൻ്റെ പരസ്യശിഷ്യരാകുന്നതിൽ നിന്ന് അനേകരെ പിന്നിലേയ്ക്ക് വലിച്ചു. എങ്കിലും അറിഞ്ഞ സത്യത്തെ ഉപേക്ഷിക്കാൻ മനസ്സില്ലാത്തതിനാൽ അവരിൽ പലരും അവിടുത്തെ രഹസ്യശിഷ്യന്മാരായി തുടർന്നു. അതിൽ ഒരാളായിരുന്നു അരിമഥ്യക്കാരനായ യോസേഫ്.

     എന്നാൽ യേശുക്രിസ്തുവിൻ്റെ അതിദാരുണവും ഒപ്പം അത്ഭുതങ്ങൾ നിറഞ്ഞതുമായ ക്രൂശുമരണം യഹൂദന്മാരുടെ എതിർപ്പിനെ നിസാരമായി കാണാനും താൻ രഹസ്യമായി പിൻപറ്റിയ യേശുവിനെ പരസ്യമായി ശുശ്രൂഷിക്കാനും അദ്ദേഹത്തിന് കരുത്ത് നല്കി. പകർന്ന്കിട്ടിയ ധൈര്യത്തിൻ്റെ ബലത്തിൽ അദ്ദേഹം എഴുന്നേറ്റ് പീലാത്തൊസിൻ്റെ അടുക്കൽ ചെന്ന് യേശുവിൻ്റെ ശരീരം ക്രൂശിൽ നിന്നെടുക്കാൻ അനുവാദം വാങ്ങി യെഹൂദാ മര്യാദകൾ പ്രകാരം താൻ വെട്ടിയ പുതിയ കല്ലറയിൽ അടക്കം ചെയ്തു.

     വ്യത്യസ്തങ്ങളായ സാഹചര്യങ്ങൾ നിമിത്തം യേശുവിനെ രഹസ്യമായി വിശ്വസിച്ചത് സ്വഭാവികം. എന്നാൽ ആ വിശ്വാസം എന്നും രഹസ്യമായി വെയ്ക്കുകയല്ല അവസരം കിട്ടുമ്പോൾ അല്ലെങ്കിൽ ദൈവം അവസരങ്ങൾ തരുമ്പോൾ പരസ്യമാക്കുകയാണ് വേണ്ടത്.

     യേശുവിൻ്റെ ശരീരം ക്രൂശിൽ നിന്നിറക്കി അടക്കം ചെയ്യാൻ മൂന്നരവർഷം കൂടെ നടന്ന ശിഷ്യന്മാരോ നന്മകൾ അനുഭവിച്ച ജനക്കൂട്ടമോ തയാറായില്ല. തയാറായത് ഈ രഹസ്യശിഷ്യൻ മാത്രം. അരിമഥ്യയിലെ യോസേഫിനെ മാതൃകയാക്കുമോ?

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

MORNING INSPIRA....✍📆_ *10.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ ആവർത്തനം (Deuteronomy) 1 = യിസ്രായേലിന്റെ അവിശ്വാസം.
➡ സങ്കീർത്തനങ്ങൾ (Psalms ) 119: 1 - 24 = ന്യായപ്രമാണം അനുസരിക്കുന്നതുകൊണ്ടുള്ള ഗുണങ്ങൾ.
➡ മത്തായി (Matthew) 27: 45 - 56 = യേശു പിതാവിന്റെ ക്രോധത്തിലൂടെ കടന്ന ശേഷം മരിക്കുന്നു.
➡ 1 കൊരിന്ത്യർ (1 Cor) 10: 23 - 33 = ദൈവനാമ മഹത്വത്തിനായി ചെയ്യുവിൻ.

*🎯 ദാഹമകറ്റേണ്ട*

      പാപത്തിൻ്റെ ശിക്ഷയായ നരകത്തിൽ ഗന്ധകം കത്തുന്നതിൻ്റെ ചൂടിൽ വലിയ ദാഹം ഉണ്ടാകും എന്ന് മരണാനന്തര ജീവിതത്തെ വിശദീകരിച്ചും ലാസറിൻ്റെയും ധനവാൻ്റെയും ജീവിതത്തെ വരച്ചുകാണിച്ചും മറ്റു വാക്യങ്ങളിലൂടെയും  കർത്താവ് തെളിയിച്ചിട്ടുണ്ട്. ക്രൂശിൽ പിതാവായ ദൈവത്തിൻ്റെ ക്രോധത്തീയിലൂടെ കടന്നപ്പോൾ നരകത്തിൻ്റെ ഈ അവസ്ഥയും യേശു സഹിക്കാൻ തയ്യറായി. അവ മൗനമായി സഹിക്കുക അസാദ്ധ്യമായതിനാൽ അവൻ അവിടെക്കിടന്നുകൊണ്ട് "എന്റെ ദൈവമേ, എന്റെ ദൈവമേ, നീ എന്നെ കൈവിട്ടതു എന്തു എന്നു ഉറക്കെ നിലവിളിച്ചു" (മത്തായി 27:46).

    ആ നിലവിളിയുടെ  കാരണം മനസ്സിലായിട്ടാകണം അവിടെ നിന്നവരിൽ ഒരുത്തൻ ഓടി ഒരു സ്പോങ്ങ് എടുത്തു പുളിച്ച വീഞ്ഞു നിറെച്ചു ഓടത്തണ്ടിന്മേൽ ആക്കി അവന്നു കുടിപ്പാൻ കൊടുത്തു (മത്തായി 27:48). പക്ഷേ, അത് വായോട് അടുപ്പിക്കും മുമ്പ് ശേഷമുള്ളവർ: നില്ക്ക; ഏലീയാവു അവനെ രക്ഷിപ്പാൻ വരുമോ എന്നു നോക്കാം എന്നു പറഞ്ഞു.
(മത്തായി 27:49).

     യാതനാ സ്ഥലത്ത് കിടന്ന ധനവാൻ ദാഹിച്ച് നിലവിളിച്ചപ്പോൾ  അവന് വെള്ളം നിഷേധിക്കപ്പെട്ടു. യേശു ധനവാനു തുല്യരായ പാപികളുടെ സ്ഥാനത്ത് ശിക്ഷ സഹിച്ചപ്പോൾ പുളിച്ച വീഞ്ഞുവരെ അവനു നിഷേധിക്കപ്പെട്ടു. ''ദാഹമകറ്റണ്ട" എന്നവർ വിളിച്ചു പറഞ്ഞു.

     യേശുവിൽ വിശ്വസിക്കുന്നവരായ നമ്മുടെ ദാഹമകറ്റാനും നാം ഒരുനാളും ദാഹിക്കാതെ നമ്മിൽ നിന്ന് ജീവജലത്തിൻ്റെ നദികൾ ഒഴുകേണ്ടതിനുമാണ് അവിടുന്ന് നമുക്കായി ദാഹിച്ചതെന്ന് തിരിച്ചറിഞ്ഞ് നമുക്ക് അവിടുത്തേയ്ക്ക് എല്ലാ മഹത്വവും അർപ്പിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

  MORNING INSPIRA....✍📆_ *09.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 36 = അവകാശം സംബന്ധിച്ച നിയമങ്ങൾ.
➡ സങ്കീർത്തനങ്ങൾ (Psalms ) 117 - 118 = യഹോവ ചെയ്ത നന്മകൾക്ക് നന്ദി കരേറ്റുന്നു.
➡ മത്തായി (Matthew) 27: 32 - 44 = യേശു ക്രൂശിക്കപ്പെടുന്നു.
➡ 1 കൊരിന്ത്യർ (1 Cor) 10: 14 - 22 = വിഗ്രഹാരാധന വിട്ടോടുവിൻ.

*🎯 അറിയാതെ പറഞ്ഞ സത്യം*

       വാക്ക് പെരുകിയാൽ ലംഘനം ഉണ്ടാകുന്നതു പോലെ തന്നെ വാക്കുകളിലൂടെ സത്യം ചുരുളഴിയുന്നതും സ്വാഭാവികമാണ്. അത്തരം ഒരു സംഭവമാണ് ക്രൂശിൻ്റെ ചുവട്ടിലുണ്ടായത്.

      ക്രൂശിതനായ ക്രിസ്തുവിനോടുള്ള ജനങ്ങളുടെ പ്രതികരണം വിഭിന്നമായിരുന്നു,

   വഴിയെ കടന്നുപോകുന്നുവർ "മന്ദിരം പൊളിച്ചു മൂന്നുനാൾകൊണ്ടു പണിയുന്നവനേ, നിന്നെത്തന്നേ രക്ഷിക്ക; ദൈവപുത്രൻ എങ്കിൽ ക്രൂശിൽ നിന്നു ഇറങ്ങിവാ എന്നു പറഞ്ഞു തല കലുക്കി അവനെ ദുഷിച്ചു (മത്തായി 27:39-40).

    മഹാപുരോഹിതന്മാരും ശാസ്ത്രിമാരും മൂപ്പന്മാരും ''ഇവൻ മറ്റുള്ളവരെ രക്ഷിച്ചു, തന്നെത്താൻ രക്ഷിപ്പാൻ കഴികയില്ല; അവൻ യിസ്രായേലിന്റെ രാജാവു ആകുന്നു എങ്കിൽ ഇപ്പോൾ ക്രൂശിൽനിന്നു ഇറങ്ങിവരട്ടെ; എന്നാൽ ഞങ്ങൾ അവനിൽ വിശ്വസിക്കും എന്ന് പറഞ്ഞ് പരിഹസിച്ചു (മത്തായി 27:41-42).

    അങ്ങനെ തന്നേ അവനോടുകൂടെ ക്രൂശിച്ചിരുന്ന കള്ളന്മാരും അവനെ നിന്ദിച്ചു (മത്തായി 27:44).

   ജനങ്ങൾ  നിന്ദിക്കുകയും പരിഹസിക്കുകയും ദുഷിക്കുകയും ചെയ്തപ്പോൾ മഹാപുരോഹിതന്മാരും ശാസ്ത്രിമാരും മൂപ്പന്മാരും അറിയാതെ "ഇവൻ മറ്റുള്ളവരെ രക്ഷിച്ചു'' എന്ന സത്യം വിളിച്ചുപറഞ്ഞു.

   അതേ, അവിടുന്ന് നിന്ദയും പരിഹാസവും ദുഷണവും സഹിച്ചത് മറ്റുള്ളവരെ രക്ഷിക്കാനായിരുന്നു. ആ മറ്റുള്ളവരിൽ താങ്കളും ഞാനും ഉൾപ്പെട്ടിരുന്നു.
     

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം.*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *07.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 34 = കനാന്റെ അതിരുകൾ.
➡ സങ്കീർത്തനങ്ങൾ (Psalms ) 113 - 115 =  ആരാധ്യനായ യഹോവ.
➡ മത്തായി (Matthew) 27: 15 - 26 = യേശുവിനെ ക്രൂശിക്കാൻ എല്പിക്കുന്നു.
➡ 1 കൊരിന്ത്യർ (1 Cor) 9: 7 - 27 = അപ്പോസ്തലിക അധികാരങ്ങളും ഉത്തരവാദിത്തങ്ങളും.

*🎯  ഇവരില്‍ ആരെ വേണം?*

     നിഗമനങ്ങളാണ് നമ്മേ തീരുമാനങ്ങളിലേയ്ക്ക് നയിക്കുന്നത്. യേശു നീതിമാനാണ് എന്ന പീലാത്തോസിൻ്റെ നിഗമനം അവിടുത്തെ വിട്ടയക്കാം എന്ന തീരുമാനത്തിലേയ്ക്ക് അദ്ദേഹത്തെ നയിച്ചു. പക്ഷേ അത് നടപ്പിലാക്കുക അത്ര എളുപ്പമായിരുന്നില്ല. അതുകൊണ്ട് ജനത്തിൻ്റെ വികാരത്തെ ഉണർത്തി "ഞങ്ങൾക്ക് യേശുവിനെ മതി" എന്ന് ജനങ്ങൾ പറയത്തക്ക രീതിയിലുള്ള ഒരു പദ്ധതി അദ്ദേഹം തയ്യാറാക്കി. അത്, കരുണയും കൃപയും ചൊരിഞ്ഞ് ജനത്തിന് നന്മ സമ്മാനിച്ച യേശുവിനെ ഒരു വശത്തും കള്ളവും കൊലയും ചെയ്ത് ജനത്തെ വലച്ച ബറബ്ബാസിനെ മറുവശത്തും നിറുത്തി "ഇവരില്‍ ആരെ വേണം?'' എന്ന് ജനത്തോട് ചോദിക്കുകയായിരുന്നു. പീലാത്തോസ് കരുതിയത് ജനം "യേശുവിനെ മതി ബറബ്ബാസിനെ വേണ്ട" എന്നു പറയും എന്നാണ്. പക്ഷേ അദ്ദേഹത്തിൻ്റെ നിഗമനം തെറ്റി, ജനമെല്ലാം "യേശുവിനെ ഞങ്ങൾക്ക് വേണ്ട ബറബ്ബാസിനെ മതി എന്നു പറഞ്ഞു." പ്രമാണികൾ അവരെ അങ്ങനെ പറയാൻ പ്രേരിപ്പിച്ചിരുന്നു.

      ഇന്നും നമ്മുടെ മുമ്പിൽ ഒരു വശത്ത് യേശുവും മറുവശത്ത് പാപം, പണം, പദവി, പാരമ്പര്യം തുടങ്ങിയവയും നില്ക്കുന്നുണ്ട്. ഇവരിൽ ആരെ വേണം എന്ന ചോദ്യവും ആവർത്തിക്കുന്നുണ്ട്. സ്നേഹിതാ താങ്കൾ എന്ത് തിരഞ്ഞെടുക്കുന്നു? യേശുവിനെ തിരഞ്ഞെടുത്താൻ നിത്യജീവനും നിത്യസമാധാനവും പ്രാപിക്കാം യേശുവിനെ ഉപേക്ഷിച്ചാൽ നിത്യനാശവും നിരാശയും സുനിശ്ചിതമാണ്. യേശുവിനെ വേണം എന്നു പറയാം യേശുവിനായി ജീവിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

  MORNING INSPIRA....✍📆_ *06.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 33 = യിസ്രായേൽ ജനം സഞ്ചരിച്ച മാർഗം.
➡ സങ്കീർത്തനങ്ങൾ (Psalms ) 110 - 112 =  യഹോവ അധികാരപ്പെടുത്തിയ രാജാവ്, യഹോവയോടുള്ള സ്തുതി, യഹോവയിൽ ആശ്രയിക്കുന്നവനുള്ള അഭിവൃദ്ധി.
➡ മത്തായി (Matthew) 27: 11 - 14 = യേശു പീലാത്തോസിന്റെ മുമ്പിൽ.
➡ 1 കൊരിന്ത്യർ (1 Cor) 9: 1 - 6 = പൌലൊസിന്റെ അപ്പോസ്തലത്വം.

*🎯 ചോദ്യത്തിനുത്തരം ആരോപണത്തിനു മൗനം*

          "മൗനം വിദ്വാന് ഭൂഷണം" എന്ന കവിവാക്യം നമുക്ക് സുപരിചിതമാണെങ്കിലും എപ്പോഴാണ് മിണ്ടാതിരിക്കേണ്ടത്  എന്നറിയില്ല. അതുകൊണ്ട് ജ്ഞാനിയായ ശലോമോൻ പറഞ്ഞതുപോലെ നാം പലപ്പോഴും വാക്കിൽ കുടുങ്ങിപ്പോകുന്നത്.

       എവിടെ സംസാരിക്കേണം, എവിടെ മൗനം പാലിക്കേണം എന്നതിനും മാതൃക യേശു കർത്താവ് തന്നെയാണ്.

      യേശു ജൂതന്മാരാൽ കെട്ടപ്പെട്ടവനായി പീലാത്തോസിൻ്റെ മുമ്പിൽ ഹാജരാക്കപ്പെട്ടപ്പോൾ "നീ യെഹൂദന്മാരുടെ രാജാവോ" എന്ന ചോദ്യത്തിന് യേശു "ഞാൻ ആകുന്നു" എന്നു ഉത്തരം പറയുകയും (മത്തായി 27:11) മഹാപുരോഹിതന്മാരും മൂപ്പന്മാരും കുറ്റം ചുമത്തുകയിൽ മൗനം പാലിക്കുകയും ചെയ്തു (മത്തായി 27:12). പീലാത്തോസിൻ്റെത് അനുയോജ്യമായ രീതിയിലുള്ള ചോദ്യവും മഹാപുരോഹിതന്മാരുടെതും മൂപ്പന്മാരുടെതും വെറും ആരോപണങ്ങളും ആയിരുന്നു.

    അതേ, അനുയോജ്യമായ ഇടങ്ങളിൽ നിന്നുള്ള ചോദ്യങ്ങൾക്ക് ഉത്തരം പറയുക, ആരോപണങ്ങളോട് മൗനം പാലിക്കുക. ആരോപണങ്ങളും പരിഹാസങ്ങളും നമ്മേ തകർക്കാൻ ശ്രമിക്കുന്നവരുടെ ആയുധങ്ങളാണ് അവർക്കുള്ള എറ്റവും നല്ല മറുപടി മൗനമാണ്.

     യേശുവിൻ്റെ മൗനമാണ് നമ്മേ വലിയവനാക്കിയത് എന്ന് ദാവീദ് പ്രവചനാത്മാവിൽ പറഞ്ഞിട്ടുണ്ട് (സങ്കീർത്തനങ്ങൾ 18:35). യേശുവിൻ്റെ മൗനം കൊണ്ട് നമുക്കുണ്ടായ മാനം നാം സംസാരിക്കുന്നതു കൊണ്ട് തകരാതിരിക്കട്ടെ.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം.*
_By: Evg. Johnson Lazar Uppukunnu_

 MORNING INSPIRA....✍📆_ *05.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 32 = രൂബേനും ഗാദിനും യോർദ്ദാന് കിഴക്ക് അവകാശം പ്രാപിക്കുന്നു.
➡ സങ്കീർത്തനങ്ങൾ (Psalms ) 109 =  പ്രതികാരത്തിനുള്ള പ്രാർത്ഥന.
➡ മത്തായി (Matthew) 27: 3 - 10 = യൂദ ആത്മഹത്യ ചെയ്യുന്നു.
➡ 1 കൊരിന്ത്യർ (1 Cor) 8: 1 - 13= ഭക്ഷണ കാര്യത്തിൽ സഹോദരനോടു ഉണ്ടായിരിക്കേണ്ട കാഴ്ച്ചപ്പാട്.

*🎯 ദൈവം ഉപയോഗിക്കുന്നത് വിശുദ്ധരേ മാത്രമോ?*

      മനുഷ്യൻ്റെ പരിമിതമായ ബുദ്ധിയിൽ ദൈവത്തെ സമ്പൂർണ്ണമായി മനസ്സിലാക്കാൻ കഴിയുകയില്ലെങ്കിലും പലരും ഇന്ന് ദൈവത്തെ പരിചയപ്പെടുത്തുന്നത് അവർ എല്ലാം മനസ്സിലാക്കിയതുപോലെയാണ്. പലരുടെയും ധാരണ ദൈവം ഭക്തന്മാരേ മാത്രമേ ഉപയോഗിക്കു, അതുകൊണ്ട് അവർക്ക് മാത്രമേ ദൈവീക അരുളപ്പാടുകൾ ഉള്ളു എന്നുമാണ്.

      മനുഷ്യൻ്റെ ഒരു നിഗമനങ്ങളിലും ഒതുക്കി നിറുത്തുവാൻ കഴിയാത്തവനാണ് ദൈവം. അവിടുന്ന് നൂറ്റാണ്ടുകൾക്ക് മുമ്പ് തൻ്റെ പ്രവാചകനായ യിരെമ്യാവിലൂടെ “യിസ്രായേൽമക്കൾ യേശുകർത്താവിന്  മുപ്പതു വെള്ളിക്കാശു വിലയിടുമെന്നും ആ പണം കുശവന്റെ നിലത്തിന്നു വേണ്ടി കൊടുക്കപ്പെടും” എന്നും അരുളിച്ചെയ്തതിരുന്നു (മത്തായി 27:9-10).

    ഈ പ്രവചനം നിവർത്തിയായത് പാപിയായ യൂദായിലൂടെയും ദുഷ്ടന്മാരായ പുരോഹിതന്മാരിലൂടെയുമാണ്. ഒരു ഭക്തനും അവരുടെ അടുക്കൽ ചെന്ന് മുപ്പത് വെള്ളിക്കാശ് മാത്രമേ കൊടുക്കാവു എന്ന് പുരോഹിതവർഗ്ഗത്തോടോ മുപ്പതേ വാങ്ങാവു എന്ന് യൂദായോടേ ആവശ്യപ്പെട്ടില്ല. യൂദാ ആ പണം എറിഞ്ഞ് കളഞ്ഞപ്പോൾ പ്രവചനത്തിൽ ഇങ്ങനെ ഉള്ളതുകൊണ്ട് കുശവൻ്റെ നിലം വാങ്ങണം എന്ന് ആരും നിർദ്ദേശിച്ചുമില്ല. എന്നിട്ടും എല്ലാം കൃത്യമായി നടന്നു. യേശുവിനെ കാണിച്ച് തന്നാൽ മുപ്പത് വെള്ളിക്കാശ് തരാം എന്ന് പുരോഹിതന്മാർ പറഞ്ഞതും ആ തുക യൂദായ്ക്ക് ബോധിച്ചതും യൂദാ എറിഞ്ഞ പണം ദണ്ഡരത്തിലിടാതെ കുശവൻ്റെ നിലം വാങ്ങാം എന്ന് അഭിപ്രായം ഉയർന്നപ്പോൾ അതിനെയാരും എതിർക്കാതിരുന്നതും അവരുടെ എല്ലാം നിയന്ത്രണം ദൈവത്തിലായിരുന്നതിനാലാണ്.

   അതേ, സംഭവിക്കുന്നതെല്ലാം ദൈവം അറിഞ്ഞാണ്, അവിടുത്തെ അനുവാദത്തോടെയാണ്. അവിടുന്ന് ആരേയും തൻ്റെ ഹിതത്തിനായി ഉപയോഗിക്കും.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *03.05.20.*
_📖 വായന ഭാഗം 📌 പ്രധാന വിഷയങ്ങൾ_
➡ സംഖ്യാപുസ്തകം (Numbers) 30 = നേർച്ചകൾ സംബന്ധിച്ച നിയമങ്ങൾ.
➡ സങ്കീർത്തനങ്ങൾ (Psalms ) 107 =  യഹോവയുടെ പ്രവൃത്തികൾ ഒാർത്ത് അവനെ സ്തുതിക്കുവിൻ.
➡ മത്തായി (Matthew) 26: 69 - 75 = പത്രോസിന്റെ പാപവും പശ്ചാതാപവും.
➡ 1 കൊരിന്ത്യർ (1 Cor) 7: 18 - 24 = വിളിക്കപ്പെട്ട സ്ഥിതിയിൽ വസിക്കുവിൻ.
        *🎯  ഗലീലക്കാരൻ, നസറായൻ, ആ മനുഷ്യൻ*
      വാഗ്ദാനങ്ങൾ മാറാൻ ഒരു രാത്രിപോലും ഇരുട്ടി വെളുക്കേണ്ട എന്ന് തെളിയിച്ച സംഭവമാണ് നാം ഇന്ന് മത്തായി എഴുതിയ സുവിശേഷത്തിൽ വായിച്ചത്. യേശുക്രിസ്തുവിനെക്കുറിച്ചുള്ള 3 വ്യത്യസ്ത അഭിപ്രായങ്ങൾ നമുക്കീ ഭാഗത്ത് ദർശിക്കാനാകും,
_1) ഗലീലക്കാരൻ :-_ യേശു വളർന്ന നാട് ഉൾപ്പെടുന്ന പ്രവിശ്യയാണ് ഗലീല. വിദേശ രാജ്യത്തുള്ളവർ നമ്മേ ഇന്ത്യക്കാരൻ എന്നും ഇന്ത്യയിലെ മറ്റു സംസ്ഥാനങ്ങളിൽ ഉള്ളവർ നമ്മേ കേരളക്കാരൻ എന്നു പറയുന്നതുപോലെയാണ് യേശു ഗലീലക്കാരൻ എന്ന് പറയുന്നത്. ഇതിനെ നമുക്ക് യേശുവിനെക്കുറിച്ചുള്ള വളരെ ലളിതമായ അറിവായി കാണാം.
_2) നസറായൻ :-_ യേശു വളർന്ന നാടാണ് നസറേത്ത്, മാത്രമല്ല യേശു നസറായൻ എന്ന് വിളിക്കപ്പെടും എന്ന് പ്രവചനവും ഉണ്ട്. യേശുവിനെ നസറായൻ എന്ന് അഭിസംബോധ സ്ത്രീ ഒരു ജൂദ സ്ത്രീയോ അല്ലെങ്കിൽ ജൂദന്മാരുമായി ബന്ധമുള്ളയാളോ ആവാം. എന്തായാലും യേശുവിനെ അല്പം കൂടി അടുത്തറിയാം.
_3) ആ മനുഷ്യൻ :-_ യേശുവിൻ്റെ കൂടെ നടക്കുകയും നന്മകൾ അനുഭവിക്കുകയും കൂടെ മരിക്കാൻ തയാറാണ് എന്ന് വാഗ്ദാനം നല്കുകയും ചെയ്ത പത്രോസിൻ്റെ വാക്കുകളാണിത്. യാതൊരു പരിചയവുമില്ലാത്തവരെയാണല്ലോ ആ മനുഷ്യൻ എന്ന് പറയുക.
പ്രിയരേ, സ്വന്തം ജീവൻ നഷ്ടമാകും എന്ന ഭയമാണ് പത്രോസിനെക്കൊണ്ട് ഇങ്ങനെ പറയിപ്പിച്ചത്. അദ്ദേഹത്തിന് യേശുവിനെ ഗലീലക്കാരൻ എന്നും നസറായൻ എന്നും പരിചയപ്പെടുത്തിയ സ്ത്രീകളുടെ ധൈര്യം പോലും കാണിക്കാനായില്ല. നാം യേശുവിനെ എങ്ങനെ അറിയുന്നു? എങ്ങനെ അഭിസംബോധന ചെയ്യുന്നു? എങ്ങനെ പരിചയപ്പെടുത്തുന്നു?
_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

 MORNING INSPIRA....✍📆_ *01.05.20.*

_📖 വായന ഭാഗം 📌 പ്രധാന വിഷയങ്ങൾ_

➡ സംഖ്യാപുസ്തകം (Numbers) 28 = യാഗങ്ങൾ.
➡ സങ്കീർത്തനങ്ങൾ (Psalms ) 105 =  യിസ്രായേലിനായി ദൈവം ചെയ്ത അത്ഭുത പ്രവൃത്തികൾ.
➡ മത്തായി (Matthew) 26: 47 - 56 = യേശു പടയാളികളാൽ പിടിക്കപ്പെടുന്നു.
➡ 1 കൊരിന്ത്യർ (1 Cor) 6: 1 - 20 = ക്രിസ്തുവിന്റെ ശരീരമാകുന്ന സഭയും സഭയിൽ നടക്കേണ്ട രീതിയും.

                   *🎯  വാൾ ഉറയിലിടുക*

      ഉപയോഗിക്കുന്നവർക്ക് വിവേകം ഇല്ലെങ്കിൽ അപകടങ്ങൾക്ക് കാരണമാകുന്ന ഉപകരണങ്ങളിൽ ഒന്നാണ് വാൾ. പുരാതന കാലത്ത് മനുഷ്യൻ അത്യാവശ്യകാര്യങ്ങൾക്കും ആപത്തിൽ സ്വയരക്ഷയ്ക്കുമായി വാൾ കൊണ്ടുനടക്കുമായിരുന്നു. യേശുവിനെ പടയാളികൾ പിടിച്ച സമയത്ത് പത്രോസ് ഉപയോഗിച്ചത് ഈ വാളാണ് എന്ന് അനുമാനിക്കാം. സ്വയരക്ഷയെക്കാൾ ഗുരുവിനോടുള്ള ആത്മാർത്ഥതയിരിക്കാം അത് ഉപയോഗിക്കാനുള്ള കാരണം. എന്നാൽ "വാള്‍ ഉറയിലിടുക; വാളെടുക്കുന്നവന്‍ വാളാല്‍ നശിക്കും" (മത്തായി 26 : 52) എന്ന് പറഞ്ഞ് യേശു അവനെ തിരുത്തി.

      പ്രിയരേ, വാളിനെക്കാൾ ഇന്ന് മനുഷ്യനെ മുറിവേല്പ്പിക്കുന്ന അവയവമായി നാവ് മാറിയിരിക്കുന്നു. വിവേകമില്ലാത്ത ഉപയോഗം അനേക ജീവിതങ്ങളെയും കുടുംബങ്ങളെയും സഭകളെയും തകർത്തെറിഞ്ഞു. ഉറയിലിടേണ്ട സമയം അതിക്രമിച്ചിരിക്കുന്നു. അല്ലെങ്കിൽ വാളെടുക്കുന്നവന്‍ വാളാല്‍ നശിക്കുന്നതുപോലെ നമ്മുടെ വാക്കുകൾ തന്നെ നമ്മുടെ ന്യായവിധിയ്ക്ക് കാരണമാകും.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_