MORNING DEVOTION

  MORNING INSPIRA....✍📆_ *30.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 15 = രാജാക്കന്മാരായ അബിയാം, ആസ, നാദാബ്.

➡ യിരെമ്യാവ് (Jeremiah) 38 = യിരെമ്യാവിനെ കുഴിയിലിടുന്നു, കുഴിയിൽ നിന്ന് കയറ്റി കാവൽപ്പുരമുറ്റത്ത് പാർപ്പിക്കുന്നു.

➡ ലുക്കൊസ് (Luke) 14: 7-14 = താഴ്മയുള്ളവരാകുവിൻ.

➡ എബ്രായർ (Hrebews) 13: 1-7 = വിശ്വാസികൾ പൊതുവിൽ ശ്രദ്ധിക്കേണ്ട കാര്യങ്ങൾ.

*🎯 നിലവാരം കാണിക്കാനല്ല ലഭിക്കാൻ*

         വിശേഷ ദിവസങ്ങളും വിരുന്നുകളും വിരലിൽ എണ്ണാവുന്നവരിലേയ്ക്ക് ചുരുക്കുവാൻ കാലം ആവശ്യപ്പെട്ടിരിക്കുന്നു. കോറോണയ്ക്കു മുമ്പ് വിരുന്നുകൾ വലിയ ആഘോഷങ്ങൾ ആയിരുന്നു. അവ പലരും നടത്തിയിരുന്നത് നിലവാരം കാണിക്കാനും ഉയർത്തുവാനും ആയിരുന്നു. അതുകൊണ്ട്  ഈ ലക്ഷ്യസാഫല്യത്തിന് സഹായിക്കുന്നവരെ മാത്രമാണ് വിരുന്നിന് ക്ഷണിച്ചിരുന്നത്. യേശു പറഞ്ഞത്: ''നീ ഒരു മുത്താഴമോ അത്താഴമോ കഴിക്കുമ്പോൾ സ്നേഹിതന്മാരെയും സഹോദരന്മാരെയും ചാർച്ചക്കാരെയും സമ്പത്തുള്ള അയൽക്കാരെയും വിളിക്കരുത്; അവർ നിന്നെ അങ്ങോട്ടും വിളിച്ചിട്ടു നിനക്കു പ്രത്യുപകാരം ചെയ്യും. നീ വിരുന്നു കഴിക്കുമ്പോൾ ദരിദ്രന്മാർ, അംഗഹീനന്മാർ, മുടന്തന്മാർ, കുരുടന്മാർ എന്നിവരെ ക്ഷണിക്ക;  എന്നാൽ നീ ഭാഗ്യവാനാകും; നിനക്കു പ്രത്യുപകാരം ചെയ്‌വാൻ അവർക്കു വകയില്ലല്ലോ; നീതിമാന്മാരുടെ പുനരുത്ഥാനത്തിൽ നിനക്കു പ്രത്യുപകാരം ഉണ്ടാകും (ലൂക്കൊസ് 14:12-14) എന്നാണ്.

       വിരുന്നുകൾ സാമൂഹിത്തിൻ്റെ മുമ്പിൽ  നിലവാരം പ്രകടിപ്പിക്കുന്നതിനോ പ്രത്യുപകാരം ചെയ്യുന്നതിനോ ആകരുത് നമ്മുടെ കർത്താവിൻ്റെ വരവിങ്കൽ നിലവാരത്തോടെ നില്ക്കുന്നതിനും മാനിക്കപ്പെടുന്നതിനും ആകണം. നേരേ മാത്രം നോക്കാതെ താഴോട്ടുകൂടെ നോക്കാം നമ്മുടെ വിരുന്നുകളിൽ പരിഗണിക്കപ്പെടാത്തവരെ പങ്കെടുപ്പിക്കാം. ക്രിസ്തുവിൻ്റെ വരവിൽ മാനിക്കപ്പെടാം.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

   MORNING INSPIRA....✍📆_ *29.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 14 = യൊരോബെയാമിന്റെ കുടുംബത്തിനു വന്ന ശിക്ഷ.

➡ യിരെമ്യാവ് (Jeremiah) 37 = യിരെമ്യാവിനെ തടവിലാക്കുന്നു.

➡ ലുക്കൊസ് (Luke) 14: 1-6 = യേശു മഹോദര രോഗിയെ സൗഖ്യമാക്കുന്നു.

➡ എബ്രായർ (Hrebews) 12: 14-29 = ദൈവത്തെ നിരസ്ക്കരിക്കുന്നതിനെതിരായ മുന്നറിയിപ്പ്.

*🎯 ഉറ്റുനോക്കി, ഉത്തരംമുട്ടി*

         ഇന്ന് നാം വായിച്ച ഭാഗത്ത് (ലുക്കൊസ് 14: 1-6) നിന്ന് നമുക്ക് പെറുക്കിയെടുക്കാൻ സാധിക്കുന്ന രണ്ട് കാര്യങ്ങളാണ് ഉറ്റുനോക്കി, ഉത്തരംമുട്ടി.

       പരീശപ്രമാണികൾ യേശു കർത്താവിനെ ഉറ്റുനോക്കിയത് അവനിലെ കുറവ് കണ്ടുപിടിക്കാനാണ് കുറ്റപ്പെടുത്തുവാനാണ്. എന്നാൽ അത്തരം ഒരു കാര്യം അവർക്ക് കിട്ടില്ലെങ്കിലും യേശുവിൻ്റെ ചോദ്യത്തിനു മുമ്പിൽ അവർക്ക് ഉത്തരംമുട്ടി.

     സ്നേഹിതാ, ഇതൊരു പാഠമാണ് നാം മറ്റുള്ളവരെ അവരുടെ കുറവ്  കണ്ടു പിടിക്കുന്നതിനും കുറ്റപ്പെടുത്തുന്നതിനുമായി ഉറ്റുനോക്കിയാൽ ദൈവമുമ്പാകെ നില്ക്കുമ്പോൾ അവൻ ചോദിക്കുമ്പോൾ ഉത്തരംമുട്ടി പോകും. വചനം പറയും പോലെ മറ്റുവരുടെ ഗുണം നോക്കുവാനും അവരെ നമ്മേക്കാൾ ശ്രേഷ്ഠന്മാർ എന്ന് എണ്ണുവാനും നമുക്ക് ശ്രമിക്കാം.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 MORNING INSPIRA....✍📆_ *27.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 12 = യിസ്രായേലിന്റെ വിഭജനം.

➡ യിരെമ്യാവ് (Jeremiah) 34,35 = യിസ്രായേൽ ലംഘിച്ച ഉടമ്പടി, രേഖാബര്യരുടെ വിശ്വസ്തത.

➡ ലുക്കൊസ് (Luke) 13: 18-30 = കടുകുമണിയുടെയും പുളിച്ച മാവിന്റെയും ഉപമ.

➡ എബ്രായർ (Hrebews) 11: 1-40 = വിശ്വാസവീരന്മാർ.

*🎯 നമുക്കനേകർ ഉണ്ട്*

       ഏകരായി നിന്ന് പടവെട്ടി ചരിത്രം സൃഷ്ടിച്ച അനേകർ ഉണ്ടെങ്കിലും സമൂഹം ഇന്നും ഏകരെയും ചെറിയ കൂട്ടങ്ങളെയും അംഗീകരിക്കാറില്ല. ആൾ ബലം ഉണ്ടെങ്കിലെ അധികാരവുമുള്ളു എന്നാണ് പലരും വിശ്വസിക്കുന്നത്.

    യേശുവിനോട്  രക്ഷിക്കപ്പെടുന്നവർ ചുരുക്കമാണോ എന്ന് ചോദിച്ചപ്പോൾ ഈ കൂട്ടത്തിൽ എത്ര പേർ ഉണ്ട് ഏത് കൂട്ടത്തിനാണ് ശക്തി കൂടുതൽ എന്നറിയുക എന്ന ഉദ്ദേശ്യം ഉണ്ടായിരുന്നു. 

        യേശുവിൻ്റെ ഉത്തരത്തിൻ്റെ ആരംഭം കേട്ടാൽ രക്ഷിക്കപ്പെടുന്നവർ വളരെക്കുറവാണ് എന്ന് തോന്നിപ്പോകും കാരണം അത്  "ഇടുക്കുവാതിലിലൂടെ കടപ്പാൻ പോരാടുവിൻ. പലരും കടപ്പാൻ നോക്കും കഴികയില്ലതാനും എന്നു ഞാൻ നിങ്ങളോടു പറയുന്നു" (ലൂക്കൊസ് 13:24) എന്നായിരുന്നു. എന്നാൽ ആ ഉത്തരം അവസാനിച്ചത് "കിഴക്കുനിന്നും പടിഞ്ഞാറുനിന്നും തെക്കുനിന്നും വടക്കുനിന്നും അനേകർ വന്നു ദൈവരാജ്യത്തിൽ പന്തിയിൽ ഇരിക്കും" (ലൂക്കൊസ് 13:29) എന്ന പ്രഖ്യാപനത്തോടെയാണ്.

    ദൈവരാജ്യത്തിൻ്റെ അവകാശിയാകാൻ പലർക്കും കഴിഞ്ഞിട്ടില്ല, എന്നാൽ അനേകർക്ക് കഴിഞ്ഞിട്ടുണ്ട്. അനേകർ അബ്രഹാമിനോടും ഇസഹാക്കിനോടും യാക്കോബിനോടും കൂടെ പന്തിയിൽ ഇരിക്കും. 

    ദൈവജനമേ നാം ഇന്ന് ചെറിയ കൂട്ടമാണെങ്കിലും ധൈര്യപ്പെടുവിൻ, നമുക്കനേകർ ഉണ്ട്. ഒരുനാൾ  നമ്മൾ എല്ലാം ഒരുമിക്കും നമ്മുടെ വീണ്ടെടുപ്പുകാരനെ ആരാധിക്കും. 

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 MORNING INSPIRA....✍📆_ *26.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 11 = ശലോമോൻ രാജാവിന്റെ വിഗ്രഹാരാധനയും അന്ത്യവും.

➡ യിരെമ്യാവ് (Jeremiah) 33 = പ്രവാസികൾക്ക് മഹത്വകരമായ മടങ്ങിവരവ്‌ വാഗ്ദത്തം ചെയ്യുന്നു.

➡ ലുക്കൊസ് (Luke) 13: 11-17 = യേശു ശബ്ബത്തിൽ സ്ത്രിയെ സൗഖ്യമാക്കുന്നു.

➡ എബ്രായർ (Hrebews) 10: 19-39 = സ്ഥിരതക്കുള്ള ആഹ്വാനം.

*🎯 നിവർന്ന് നിർത്തുന്നവൻ, നിവർന്ന് നില്ക്കുന്നവർ*

         പ്രയാധിക്യത്താൽ നടുവ് കൂനിപ്പോയവരെയും നല്ല പ്രായത്തിൽ അമിതഭാരം ചുമക്കേണ്ടി വന്നതിനാൽ നടുവ് കൂനിപ്പോയവരെയും നാം കണ്ടിട്ടുണ്ട്. ഈ രണ്ട് കാരണങ്ങളാൽ അല്ലാതെ കുനിയായിപ്പോയ ഒരു സ്ത്രീയെയാണ് ലൂക്കൊസിൽ നാം ഇന്ന് വായിച്ചത്. പിശാചിൻ്റെ ബന്ധനമായിരുന്നു അവളുടെ കൂനിൻ്റെ കാരണം. 

         പിശാചിൻ്റെ ബന്ധനവുമായി സിനഗോഗിൽ എത്തിയ അവളെ യേശു കാണുകയും അവളുടെ മേൽ കൈവെച്ച് അവളുടെ ബന്ധനത്തെ മാറ്റി നിവർന്ന് നില്ക്കുമാറാക്കുകയും ചെയ്തു.

     എന്നാൽ യേശു ശബ്ബത്തിൽ ചെയ്ത ഈ അത്ഭുതം കണ്ട വിരോധികൾ അവനെ എതിർത്ത് മറ്റു ദിവസങ്ങളിൽ അത്ഭുങ്ങൾ ചെയ്യാം ഇന്നരുത് എന്ന് പറഞ്ഞു. എന്നെ സഹായിച്ചതുകൊണ്ടാണല്ലോ യേശുവിന് വിരോധികളിൽ നിന്ന് ഇത്തരം പ്രതിഷേധം ഏല്ക്കേണ്ടി വന്നത് എന്നോർത്ത് തല കുനിക്കേണ്ട മാനസീകവസ്ഥയിലേയ്ക്ക് അവൾ എത്തിയപ്പോൾ യേശു വിരോധികളെ നാണിപ്പിച്ചു കൊണ്ട് നിവർന്ന് നിന്നു.

    സ്നേഹിതാ, യേശു പിശാചിൻ്റെ ബന്ധനത്തെ അഴിച്ച് നിവർന്ന് നിർത്തുന്നവനും നമ്മുടെ തല വീണ്ടും കുനിയാത്തവിധം നിവർന്ന് നില്ക്കുന്നവനുമാണ്. അവൻ ക്രൂശുമരണത്തിലൂടെ നമ്മേ നിവർന്ന് നില്ക്കുമാറാക്കി മരണത്തെ ജയിച്ച് ഉയർത്തതിലൂടെ നിവർന്ന് നില്ക്കുന്നു. നമ്മുടെ ജീവിതം പിശാചിന് തല കുനിക്കുന്ന സഹാചര്യം ഉണ്ടാക്കാതിരിക്കട്ടെ.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

   MORNING INSPIRA....✍📆_ *25.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 10 = ശേബാ രാജ്ഞിയും ശലോമോൻ രാജാവും.

➡ യിരെമ്യാവ് (Jeremiah) 32 = യിരെമ്യാവിന്റെ പ്രാർത്ഥനയും ദൈവത്തിന്റെ മറുപടിയും.

➡ ലുക്കൊസ് (Luke) 13: 1-10 = ഫലം പുറപ്പെടുവിക്കുന്നവരാകുക.

➡ എബ്രായർ (Hrebews) 10: 1-18 = എല്ലാവർക്കും വേണ്ടി ഒരിക്കലായി അർപ്പിക്കപ്പെട്ട ക്രിസ്തു.

*🎯 അപകടങ്ങളെ ആത്മീയവൽക്കരിക്കരുത്*

         ജീവിതത്തിൽ എന്ത് സംഭവിച്ചാലും അതിനെ ആത്മീയവുമായി ബന്ധപ്പെടുത്തുന്നത്  തെറ്റായ മനോഭാവമാണ്. ഉദാഹരണത്തിന് ഒരു രോഗം ഉണ്ടായാൽ ആത്മീയ ജീവിതത്തിലെ പരാജയം ആണ് രോഗകാരണം എന്ന ചിന്ത. ഒരുപക്ഷേ, ആ രോഗത്തിന് ആത്മീയവുമായി ഒരു ബന്ധവും കാണില്ല. മറ്റുള്ളവരുടെ ജീവിതത്തിൽ ഉണ്ടാകുന്ന രോഗം, അപകടം, അനർത്ഥം തുടങ്ങിയവയെ ഇത്തരത്തിൽ വീക്ഷിക്കുന്നതും പ്രസ്താവിക്കുന്നതും വലിയ അപകടം ആണ്. അത് അവരെ കൂടുതൽ തകർക്കുന്നതിനെ കാരണമാകു.

         ഗലീല  നിവാസികളിൽ ചിലർ ഹേരോദാവിനാൽ പീഢകൾ സഹിച്ചു മരിക്കേണ്ടി വന്നു എന്ന് പറഞ്ഞപ്പോൾ അത് അവരുടെ ആത്മീയവുമായി ബന്ധപ്പെടുത്തേണ്ട എന്ന് യേശു വ്യക്തമായി പറഞ്ഞു.

      ജീവിതത്തിൽ എല്ലാ കാര്യങ്ങളെയും ആത്മീയവൽക്കരിക്കുന്നത് ആത്മീയതയല്ല അനാത്മീയതയാണ്. വചനത്തിലേയ്ക്ക് മടങ്ങുക മാനസാന്തരപ്പെടുക. മനസ്സുകളെ മടുപ്പിക്കാതെയും മരവിപ്പിക്കാതെയും ഇരിക്കുക.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

  MORNING INSPIRA....✍📆_ *24.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 9 = ശലോമോനോടുള്ള ദൈവീക ഉടമ്പടി.

➡ യിരെമ്യാവ് (Jeremiah) 31 = യിസ്രായേലിനു ലഭിക്കുവാനുള്ള അനുഗ്രഹങ്ങൾ.

➡ ലുക്കൊസ് (Luke) 12: 49-59 = സമാധാനമോ ഛിദ്രമോ.

➡ എബ്രായർ (Hrebews) 9: 11-28 = ക്രിസ്തുവിന്റെ യാഗമരണം.

*🎯 കാലത്തെ വിവേചിക്കുക*

         ലക്ഷണങ്ങൾ നോക്കി കാലാവസ്ഥയെ വിവേചിക്കുവാൻ അടുത്ത നിമിഷം എന്ത് സംഭവിക്കും എന്ന് പ്രഖ്യാപിക്കുവാൻ ശാസ്ത്ര ലോകത്തിനും സങ്കേതികവിദ്യയുടെ വളർച്ചകൾക്കും സാധിക്കുന്നു എന്നത് അഭിമാനവും ആനന്ദവും സമ്മാനിക്കുന്നതാണ്. ആകാശത്തെയും ദിശകളെയും കാറ്റിനെയും നീരിക്ഷിച്ച് അടുത്ത നിമിഷത്തെ അറിയുവാൻ ശ്രമിക്കുമ്പോൾ ഓർക്കുക ഒരു ക്രിസ്തു ഭക്തൻ്റെ ലക്ഷ്യം കാലവസ്ഥയെ വിവേചിക്കലല്ല കാലത്തെ വിവേചിക്കലാണ്. ഒരു കൈയിൽ വേദപുസ്തകവും മറുകൈയിൽ പത്രവും തുറന്ന് വെച്ച് കാലത്തെ വിവേചിക്കേണ്ട സമയം അതിക്രമിച്ചിരിക്കുന്നു. ഇത്തരം പരിശ്രമങ്ങൾ നമ്മേ ക്രിസ്തുവിൻ്റെ വരവ് അരികിലാണെന്ന് മനസ്സിലാക്കുവാനും ഒരുങ്ങുവാനും കൂടുതൽ പ്രയോജനപ്പെടുവാനും സഹായിക്കും. കാലത്തെ വിവേചിക്കാം കാന്തൻ്റെ വരവിനെ തിരിച്ചറിയാം ,ആ വരവിനായി കാത്തിരിക്കാം.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 MORNING INSPIRA....✍📆_ *23.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 8 = ദേവാലയ പ്രതിഷ്ഠ.

➡ യിരെമ്യാവ് (Jeremiah) 30 = യിസ്രായേലിന്റെ യഥാസ്ഥാനം.

➡ ലുക്കൊസ് (Luke) 12: 41-48 = അവിശ്വസ്തനായ ദാസൻ.

➡ എബ്രായർ (Hrebews) 9: 1-10 = ഭൗമിക കൂടാരത്തിലെ ആരാധന.

*🎯 അറിഞ്ഞിട്ടും അനുസരിച്ചില്ലെങ്കിൽ അധികം ശിക്ഷ*

           മാതാപിതാക്കളിൽ നിന്നോ അദ്ധ്യാപകരിൽ നിന്നോ അനുസരണമില്ലായ്മയ്ക്ക് ശിക്ഷ ലഭിക്കാത്തവരായി ആരുമുണ്ടാകില്ല. ആ ശിക്ഷകൾ എല്ലാം നല്കിയിരുന്നത് അവർക്ക് ബോധിച്ചതു പോലെ ആയിരുന്നു. അനുസരണമില്ലായ്മയെ ദൈവം ശിക്ഷിക്കുന്നത് അവന് തോന്നുന്നതുപോലെയല്ല നീതിയോടെയാണ്. യേശുക്രിസ്തു പറഞ്ഞത്   "അറിയാതെകണ്ട് അടിക്കു യോഗ്യമായത് ചെയ്തവനോ കുറയ അടി കൊള്ളും; വളരെ ലഭിച്ചവനോട് വളരെ ആവശ്യപ്പെടും; അധികം ഏറ്റുവാങ്ങിയവനോട് അധികം ചോദിക്കും" (ലൂക്കൊസ് 12:48) എന്നാണ്.

      നാം അറിയും തോറും നമ്മുടെ ഉത്തരവാദിത്തങ്ങൾ കൂടുകയാണ്. അനുസരിക്കാൻ നാം കൂടുതൽ ബാദ്ധ്യസ്ഥരായി തീരുന്നു. അറിവുകൾ നമ്മേ ഉയർച്ചകളിലേയ്ക്ക് എത്തിക്കും അനുസരിക്കുന്നില്ലെങ്കിൽ അറിവുകൾക്ക് അനുസരിച്ചുള്ള ശിക്ഷയിലേയ്ക്കും.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

  MORNING INSPIRA....✍📆_ *22.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 7 = ശലോമോന്റ നിർമ്മാണ പ്രവൃത്തനങ്ങൾ.

➡ യിരെമ്യാവ് (Jeremiah) 29 = പ്രവാസികൾക്കുള്ള യിരെമ്യാവിന്റെ എഴുത്ത്.

➡ ലുക്കൊസ് (Luke) 12: 31-40= ഒരുങ്ങിയിരിപ്പിൻ.

➡ എബ്രായർ (Hrebews) 8: 1-13 = പുതിയ നിയമത്തിന്റെ മഹാപുരോഹിതൻ.

*🎯 അവകാശമായി രാജ്യം*

        ഇഹത്തിലെ ജീവിതം ക്ഷണികം എന്നറിയാമെങ്കിലും നാളെയുടെ പല ആവശ്യങ്ങളും ആകുലതയുടെ കയത്തിലേയ്ക്ക് നമ്മേ തള്ളിയിടുകയും നാളയെ ഓർത്ത് പുഞ്ചിരിക്കാൻ കഴിയാത്തവിധം ഭയം നമ്മിൽ നിറയ്ക്കുകയും ചെയ്യാറുണ്ട്.

   

      സകലവും വിട്ട് യേശുവിനെ അനുഗമിക്കുമ്പോൾ ശിഷ്യന്മാർക്ക് വലിയ പ്രതീക്ഷകൾ ഉണ്ടായിരുന്നു. റോമ സാമ്രാജ്യത്തിൻ്റെ അധീനതയിൽ നിന്ന് സ്വാതന്ത്ര്യവും രാഷ്ട്രീയമായ സമാധാനത്തോടെയുള്ള ജീവിതവും ആയിരുന്നു പ്രധാന ആഗ്രഹം. എന്നാൽ നാളുകൾ കഴിഞ്ഞപ്പോൾ യേശുവിന് അത്തരം ഒരു ഉദ്ദേശ്യം ഇല്ല എന്ന തിരിച്ചറിവും ചില ശിഷ്യന്മാരുടെ കൊഴിഞ്ഞുപോക്കും അനുഗമിക്കുന്നവരിലെ ആത്മാർത്ഥത ഇല്ലായ്മയും  യെഹൂദാ പ്രധാനികളിൽ നിന്നുള്ള എതിർപ്പും അവർ ഒരു ചെറിയ കൂട്ടമാണെന്ന തിരിച്ചറിവ് അവർക്ക് സമ്മാനിക്കുകയും നാളെയെക്കുറിച്ചുള്ള വിചാരങ്ങൾ ഓർത്ത് അവർ ഭയപ്പെടുകയും ചെയ്തു. 

      ആ ഭയം തിരിച്ചറിഞ്ഞ യേശു അവരോടായി ഇങ്ങനെ പറഞ്ഞു "ചെറിയ ആട്ടിൻകൂട്ടമേ, ഭയപ്പെടരുത്; നിങ്ങളുടെ പിതാവ് രാജ്യം നിങ്ങൾക്കു നല്കുവാൻ പ്രസാദിച്ചിരിക്കുന്നു" (ലൂക്കൊസ് 12:32).

    ക്ഷണികമായ ഈ ജീവിതത്തിൽ രാജ്യങ്ങൾ വെട്ടിപിടിക്കാൻ കഴിഞ്ഞില്ലെങ്കിലും ആകുലപ്പെടേണ്ട, കൂടെയുള്ളവരുടെ എണ്ണം കുറവാണല്ലോ നമ്മളെക്കൊണ്ട് എന്ത് കഴിയും എന്ന് ഓർത്ത് വിചാരപ്പെടേണ്ട. നമുക്ക് രാജ്യം തരുവാൻ പിതാവായ ദൈവം പ്രസാദിച്ചിരിക്കുന്നു.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

   MORNING INSPIRA....✍📆_ *21.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 6 = ദേവാലയ നിർമ്മാണം.

➡ യിരെമ്യാവ് (Jeremiah) 27,28 = നുകത്തിന്റെ പാഠം, ഹനന്യാവിന്റെ കള്ള പ്രവചനം.

➡ ലുക്കൊസ് (Luke) 12: 22-30= വിചാരപ്പെടരുത്.

➡ എബ്രായർ (Hrebews) 7: 11-28 = ക്രിസ്തുവിന്റെ പൗരോഹിത്യത്തിന്റെ ശ്രേഷ്ടതകൾ.

*🎯 ആവശ്യങ്ങളറിയുന്ന ദൈവം നമുക്കാര്?*

        ബൈബിൾ വെളിപ്പെടുത്തുന്ന ദൈവം മനുഷ്യനോടുള്ള കരുതലിൽ പിതാവാണ്. ആഹാരം, വസ്ത്രം, പാർപ്പിടം തുടങ്ങി ദൈന്യംദിന ആവശ്യങ്ങളോടുള്ള ബന്ധത്തിൽ വിചാരപ്പെടേണ്ട എന്ന ഉപദേശം നല്കിയപ്പോൾ ബൈബിൾ ദൈവത്തെ പരിചയപ്പെടുത്തിയിരിക്കുന്നത് പക്ഷികൾക്ക് ആഹാരവും താമരയ്ക്ക് സൗന്ദര്യവും നല്കുന്ന ദൈവം നിങ്ങളുടെ പിതാവ് എന്നാണ്.

     യേശുക്രിസ്തുവിൻ്റെ യാഗമരണത്തിൽ വിശ്വസിക്കുന്ന ഏത് വ്യക്തിക്കും സർവ്വശക്തനായ ദൈവം പിതാവാണ്. ഒരു മകനെ പിതാവ് ഏതെല്ലാം നിലയിൽ കരുതുമോ അതിലും നന്നായി സ്വർഗ്ഗീയ പിതാവ് നമ്മേ കരുതും. ദോഷികളായ നിങ്ങൾ നിങ്ങളുടെ മക്കൾക്ക് നല്ല ദാനങ്ങളെ കൊടുപ്പാൻ ആഗ്രഹിക്കുന്നു എങ്കിൽ സ്വർഗ്ഗസ്ഥനായ പിതാവ് എത്ര അധികം ചെയ്യും എന്ന് വാക്യം കൂടെ ചേർത്ത് വായിക്കുമ്പോൾ നാം കരുതുന്ന കരങ്ങളുടെ വലയത്തിലാണ് ജീവിക്കുന്നത് എന്ന് തിരിച്ചറിയാനും ചിന്തകളും ചഞ്ചലവും ഇല്ലാത്തവരായി ജീവിക്കാനും സാധിക്കും. 

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

  MORNING INSPIRA....✍📆_ *20.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 5 = ദേവാലയ നിർമ്മാണത്തിനുള്ള ഒരുക്കം.

➡ യിരെമ്യാവ് (Jeremiah) 26 = യിരെമ്യാവിനു മരണ ഭീഷണി.

➡ ലുക്കൊസ് (Luke) 12: 1-21= മുന്നറിയിപ്പുകളും പ്രോത്സാഹനങ്ങളും.

➡ എബ്രായർ (Hrebews) 7: 1-10 = മല്ക്കീസേദേക്കിന് നല്കിയ ദശാംശം.

*🎯 എണ്ണത്തിൽ കൂട്ടാത്തതിനെ മറക്കാത്തവൻ, എണ്ണാൻ കഴിയാത്തതിനെ എണ്ണി ഓർക്കുന്നവൻ*

     മലയാളികൾക്ക് പരിചിതമായ പഴഞ്ചെല്ലാണ് "ദാനം കിട്ടുന്ന പശുവിൻ്റെ വായിൽ പല്ലുണ്ടോ എന്ന് നേക്കേണ്ടതില്ലല്ലോ" എന്നത്.

      ദാനമായി ലഭിക്കുന്നതിനു മൂല്യം നല്കാത്തത് മനുഷ്യൻ്റെ പൊതുവായ സ്വഭാവമാണ്. അതുകൊണ്ടാണ് എന്തെങ്കിലും ഒന്ന് വാങ്ങിയപ്പോൾ ഫ്രീ ആയി കിട്ടിയ ഒന്നിനും നാം ഫ്രീയായി കൊടുക്കുന്നവയ്ക്കും വലിയ പരിഗണന

MORNING DEVOTION

 MORNING INSPIRA....✍📆_ *19.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 4 = ശലോമോന്റെ പ്രഭുക്കന്മാരും ഉദ്യോഗസ്ഥരും ജ്ഞാനവും.

➡ യിരെമ്യാവ് (Jeremiah) 24,25 = അത്തിപ്പഴത്തിൽ നിന്നുള്ള പാഠം, ദൈവക്രോധത്തിന്റെ പാനപാത്രം.

➡ ലുക്കൊസ് (Luke) 11: 37-54= ആറ് കഷ്ടങ്ങൾ.

➡ എബ്രായർ (Hrebews) 6: 13-20 = ആത്മാവിന്റെ നങ്കൂരം.

*🎯 പശ്ചാത്താപമോ പകയോ* 

     പാളിച്ചകൾ സംഭവിക്കാത്തവരായി പാപം ചെയ്യാത്തവരായി ഭൂമിയിൽ ആരുമില്ല. വീഴ്ച്ചകൾ സംഭവിച്ചു, ചെയ്തത് പാപമാണ് എന്ന് ബോധ്യം വരുമ്പോൾ നമ്മുടെ സമീപനം എന്താണ്?

      ഇസ്രായേൽ ജനതയുടെ രണ്ട് പ്രധാന നേതൃനിരയാണ് പരിശന്മാരും ന്യായശാസ്ത്രിന്മാരും. സ്വയം ഭക്തന്മാർ എന്ന് അവകാശപ്പെടുന്ന ഇവർക്ക് മതഭക്തി അല്ലാതെ ദൈവഭയം ഇല്ല. ആകയാൽ യേശു തൻ്റെ ശുശ്രൂഷാ കാലത്ത് അവരുടെ തെറ്റുകളെ ചൂണ്ടിക്കാണിച്ചു. അനന്തരം തെറ്റുകൾ ചൂണ്ടിക്കാണിച്ച യേശുവിനെ ശാസ്ത്രിമാരും പരീശന്മാരും അത്യന്തം വിഷമിപ്പിപ്പാനും അവന്റെ വായിൽനിന്നു വല്ലതും പിടിക്കാമോ എന്നുവച്ച് അവനായി പതിയിരുന്നുകൊണ്ടു പലതിനെയും കുറിച്ചു കുടുക്കുചോദ്യം ചോദിപ്പാനും തുടങ്ങി (ലൂക്കൊസ് 11:53-54).

     പ്രിയരേ, തെറ്റുകൾ സംഭവിക്കാം. അവ ചൂണ്ടിക്കാണിക്കപ്പെടുന്നത് തിരുത്താൻ അവസരം ഉള്ളതിനാലാണ്. തെറ്റുകളെ ചൂണ്ടിക്കാണിക്കുന്നവരെ അംഗീകരിക്കാം. അവരോട് പക വെച്ചു പുലർത്താതെ പശ്ചാതപിച്ചും നിരപ്പു പ്രാപിച്ചും ക്രിസ്തീയ ജീവിതം മുമ്പോട്ട് നയിക്കാം.

    

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

  MORNING INSPIRA....✍📆_ *18.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 3 = ശലോമോൻ ജ്ഞാനം പ്രാപിക്കുന്നു.

➡ യിരെമ്യാവ് (Jeremiah) 23 = കള്ള പ്രവാചകന്മാർ.

➡ ലുക്കൊസ് (Luke) 11: 29-36= യോനയുടെ അടയാളം.

➡ എബ്രായർ (Hrebews) 6: 1-12 = പരിജ്ഞാനപൂർത്തി.

*🎯 കാണാൻ ആഗ്രഹിച്ചു കേൾക്കാൻ ആവശ്യപ്പെട്ടു*

     യേശു ക്രിസ്തുവിൻ്റെ കാലത്ത് ജീവിച്ചിരുന്ന യെഹൂദന്മാർ ദോഷമുള്ള തലമുറയായിരുന്നു. യേശുവിനെ അംഗീകരിക്കേണമെങ്കിൽ അടയാളം കാണണം  എന്ന ആവശ്യപ്പെട്ടതാണ് അവരിലെ ദോഷം. 

   കാഴ്ച്ചയാൽ അല്ല കേൾവിയാൽ തന്നെ വിശ്വസിക്കേണം എന്ന് യേശു ആവശ്യപ്പെടുകയും നിനവെ ദേശത്തെയും ശേബാരാജ്ഞിയെയും ഉദാഹരണങ്ങളായി എടുത്ത് അവരുടെ കേൾവിയാണ് അവരെ മാനസാന്തരത്തിലേയ്ക്കും അംഗീകരിക്കുന്നതിലേയ്ക്കും നടത്തിയത് എന്ന്  പ്രഖ്യാപിക്കുകയും ചെയ്തു.

     കണ്ടാലെ വിശ്വസിക്കു എന്ന് വാശിപിടിക്കുന്നത് ഭോഷത്ത്വമാണ്. തുറന്നിരിക്കുന്ന കർണ്ണങ്ങളും ഹൃദയപാളികളിലേയ്ക്ക് പതിക്കുന്ന വചനവും ആണ് നമ്മേ മാനസാന്തരത്തിലേയ്ക്ക് നയിക്കുന്നത്. ദൈവത്തെ അംഗീകരിക്കാനും അവനു വേണ്ട മഹത്വം കൊടുക്കാനും വചന കേൾവി മുഖാന്തരമാകും. വചന കേൾവിക്കായി കാതുകൾ തുറക്കാൻ സമയം മാറ്റി വെയ്ക്കാൻ തയ്യാറാകുമോ?

    

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

MORNING DEVOTION

 MORNING INSPIRA....✍📆_ *17.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 2 = ശലോമോനോടുള്ള ദാവീദിന്റെ കല്പനയും അവന്റെ അനുസരണവും.

➡ യിരെമ്യാവ് (Jeremiah) 22 = യെഹൂദാ രാജാക്കന്മാർക്ക് എതിരെയുള്ള പ്രവചനങ്ങൾ.

➡ ലുക്കൊസ് (Luke) 11: 14-28= യേശുവും ബേൽസബൂബും.

➡ എബ്രായർ (Hrebews) 5: 11-14 = കാലം നോക്കിയാൽ. 

*🎯 യേശുവിൻ്റെ അമ്മ മറിയ ഭാഗ്യവതിയോ?*

     ക്രൈസ്തവ മതത്തിൽ ഒരു വലിയ കൂട്ടം ആളുകളും മറിയ ഭക്തരാണ്. ലോക രക്ഷിതാവിന് ജനിക്കുവാൻ തന്നെ സമർപ്പിച്ചതിനാൽ അവർ അഭിനന്ദനങ്ങൾക്കും ആദരവുകൾക്കും അർഹയാണ് എങ്കിലും ആരാധിക്കപ്പെടേണ്ടവൾ അല്ല.

 "ഇന്ന് മുതൽ എല്ലാ തലമുറകളും എന്നെ ഭാഗ്യവതി എന്ന് വാഴ്ത്തും" (ലൂക്കോസ് 1:48) എന്ന മറിയയുടെ പ്രഖ്യാപനത്തെ മറയാക്കിയാണ് പലരും അവളെ ആരാധിക്കുന്നത്.

മറിയ യേശുവിൻ്റെ അമ്മയായതിനാൽ അല്ല ഭാഗ്യവതി ആയിരിക്കുന്നത് മറിച്ച് അവൾ ദൈവകല്പനകൾ അനുസരിച്ചതിനാൽ ആണ്. കാരണം യേശുവിൻ്റെ അത്ഭുതങ്ങൾ കാണുകയും പ്രസംഗങ്ങൾ കേൾക്കുകയും ചെയ്ത ഒരു സ്ത്രീ  യേശുവിനോട് "നിന്നെ ചുമന്ന ഉദരവും നീ കുടിച്ച മുലയും ഭാഗ്യമുള്ളവ" എന്ന് പറഞ്ഞപ്പോൾ യേശു പറഞ്ഞത് "അല്ല, ദൈവത്തിൻ്റെ വചനം കേട്ട് പ്രമാണിക്കുന്നവർ അത്രേ  ഭാഗ്യവാന്മാർ" എന്നാണ് (ലൂക്കോസ് 11:27,28)

    പ്രിയമുള്ളവരേ, ദൈവം നമ്മേ തൻ്റെ പ്രവൃത്തികൾക്കായി തിരഞ്ഞെടുത്തതിനാലോ നമ്മിലൂടെ ചില കാര്യങ്ങൾ ചെയ്യുന്നതിനാലോ അല്ല നാം ഭാഗ്യവാന്മാരാകുന്നത് മറിച്ച് നാം ദൈവവചനം അനുസരിക്കുന്നതിലൂടെയാണ്. ദൈവം എന്നെ തൻ്റെ ശുശ്രൂഷകൾക്കായി തിരഞ്ഞെടുത്തല്ലോ എന്നിലൂടെ ഇന്നയിന്ന കാര്യങ്ങൾ ചെയ്യുന്നല്ലോ ആകയാൽ ഞാൻ ദാഗ്യവാൻ എന്ന് നമുക്ക് സ്വയം കരുതാം. എന്നാൽ ദൈവം നമ്മേ ഭാഗ്യവാന്മാർ എന്ന് എണ്ണണമെങ്കിൽ നാം അനുസരിക്കുക തന്നെ വേണം. നാം ദൈവത്തിൻ്റെ ദൃഷ്ടിയിൽ ഭാഗ്യവാന്മാരോ?

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 MORNING INSPIRA....✍📆_ *16.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 1 രാജാക്കന്മാർ  (1 Kings) 1 = ശലോമോൻ രാജാവാകുന്നു.

➡ യിരെമ്യാവ് (Jeremiah) 20,21 = യിരെമ്യാവിന്റെ വിലാപം, യെരുശലേമിന്റെ നാശം.

➡ ലുക്കൊസ് (Luke) 11: 1-13 = യേശു പ്രാർത്ഥനയെപ്പറ്റി പഠിപ്പിക്കുന്നു.

➡ എബ്രായർ (Hrebews) 5: 1-10 = ക്രിസ്തു മഹാപുരോഹിതൻ.

*🎯 എന്നെ കൂടെ പഠിപ്പിക്കണെ*

      ജനനം മുതൽ മരണം വരെ തുടരുന്നതാണ് പഠനം. ഓരോ ദിവസവും നമ്മുടെ പരിശ്രമങ്ങളും സാഹചര്യങ്ങളും നമ്മേ പലതും പഠിപ്പിക്കുന്നു. നാം സ്വയമായി ഒരു കാര്യം പഠിക്കാനായി പരിശ്രമം നടത്തുന്നു എങ്കിൽ അല്ലെങ്കിൽ അത് എനിക്ക് പഠിക്കണം എന്ന് ചിന്തിക്കുന്നു എങ്കിൽ അത് നമ്മേ ഏറ്റവും കൂടുതൽ സ്വാധീനിച്ചതിനാലും  അതിലൂടെ പ്രയോജനമുണ്ട് വിജയമുണ്ട് എന്ന് മനസ്സിലായതിനാലും ആയിരിക്കും.

      നാം ഇന്ന് രാവിലെ വായിച്ചത് പ്രാർത്ഥിക്കാൻ പഠിപ്പിക്കേണമേ എന്ന് യേശുവിനോട് ആവശ്യപ്പെടുന്ന ശിഷ്യന്മാരെയാണ്. 

   എന്തുകൊണ്ട് അവർ അത്തരം ഒരു ആവശ്യം ഉന്നയിച്ചു? ആ വാക്യം സാക്ഷ്യപ്പെടുത്തുന്നത് യേശു ഒരു സ്ഥലത്ത് പ്രാർത്ഥിച്ചുകൊണ്ടിരുന്നു. പ്രാർത്ഥന കഴിഞ്ഞപ്പോൾ ശിഷ്യന്മാർ തങ്ങളെയും പ്രാർത്ഥിക്കാൻ പഠിപ്പിക്കേണമേ എന്ന് ആവശ്യപ്പെട്ടു എന്നാണ്.

    ആകയാൽ യേശുവിൻ്റെ പ്രാർത്ഥനാ ജീവിതവും പ്രാർത്ഥനയിലൂടെ നേടിയ വിജയങ്ങളുമാണ് വിദ്യാർത്ഥികളാകാൻ ശിഷ്യന്മാർക്ക് പ്രചോദനമായത്. നമ്മുടെ ജീവിതത്തിൽ മറ്റുള്ളവർക്കു പ്രചോദനമായിരിക്കുന്നത് എന്ത്? നമ്മേ മറ്റുള്ളവർ ഗുരുക്കന്മാരായി കാണുന്നത് എന്തിൽ?

*🌹ശുഭദിനം💐*

_Morning Inspira - വചനവായനക്ക് പുതിയൊരു മുഖം_

_By: Evg. Johnson Lazar Uppukunnu_

   _9400181794_

MORNING DEVOTION

 _🌅  MORNING INSPIRA....✍📆_ *15.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 24 = ദാവീദ് ജനത്തെ എണ്ണുന്നു.

➡ യിരെമ്യാവ് (Jeremiah) 18,19 = കുശവനിൽ നിന്നും മൺകുടത്തിൽ നിന്നുമുള്ള പാഠം.

➡ ലുക്കൊസ് (Luke) 10: 38-42 = മാർത്തയും മറിയയും.

➡ എബ്രായർ (Hrebews) 4: 14-16 = നമ്മുടെ ശ്രേഷ്ട മഹാപുരോഹിതൻ.

*🎯 വിളിക്കപ്പെട്ടതിൽ വിളങ്ങുക*

      ഭൂപരപ്പിൽ ജീവനോടിരിക്കുന്ന ഒരാളും യാദൃച്ഛീകമായി ജീവിക്കുന്നവരല്ല. സൃഷ്ടാവായ ദൈവത്തിൻ്റെ പ്രത്യേക അവശ്യപ്രകാരം പ്രത്യേക കഴിവുകളോടെയാണ് നാം ഇവിടെയായിരിക്കുന്നത്. ഞാൻ മാത്രം ചെയ്യേണ്ട എനിക്കു മാത്രം ചെയ്യാൻ കഴിയുന്ന ഒരു പ്രത്യേക വിളി എൻ്റെ ജീവിതത്തിനും രക്ഷയ്ക്കും ആയുസ്സിനും പിന്നിലുണ്ട്. അത് തിരിച്ചറിഞ്ഞ് പ്രവൃത്തിക്കുമ്പോൾ എൻ്റെ ജീവിതം ധന്യമായി.

     ദൈവത്തിൻ്റെ പ്രത്യേക വിളി തിരിച്ചറിയാത്തതും തിരിച്ചറിഞ്ഞവർ മറ്റു പലതിനെ ചൊല്ലി വിചാരപ്പെട്ടും മനം കലങ്ങിയുമിരിക്കുന്നതുമാണ് നമ്മുടെ ജീവിതം അർത്ഥശൂന്യവും ആപ്രയേജനവും ആക്കുന്നത്.

     മറ്റുള്ളവരെ ശുശ്രൂഷിക്കാനുള്ള വിളി ലഭിച്ചവളായിരുന്നു മാർത്ത. എന്നാൽ കർത്താവിനായി ആഹാരം പാകം ചെയ്യുമ്പോഴും അവൾ തൻ്റെ സഹോദരി തന്നെ സഹായിക്കാത്തത് ഓർത്ത് വിചാരപ്പെട്ടും കർത്താവ് തന്നെ ശ്രദ്ധിക്കുന്നില്ലല്ലോ ശ്രദ്ധിക്കുന്നത് അവൻ്റെ കാൽക്കൽ ഇരിക്കുന്ന തൻ്റെ സഹോദരിയായ മറിയയെ ആണല്ലോ എന്നോർത്ത് മനം കലങ്ങിയുമിരുന്നു. മനസ്സിൽ തിരയടിച്ച സമ്മർദ്ദങ്ങളുടെ അവസാനം അവൾ പരാതിയുമായി യേശുവിനെ സമീപിച്ചു. യേശു അവളോടു: മാർത്തയേ, മാർത്തയേ, നീ പലതിനെച്ചൊല്ലി വിചാരപ്പെട്ടും മനം കലങ്ങിയുമിരിക്കുന്നു. എന്നാൽ അല്പമേ വേണ്ടു; അല്ല, ഒന്നു മതി. മറിയ നല്ല അംശം തിരഞ്ഞെടുത്തിരിക്കുന്നു; അത് ആരും അവളോട് അപഹരിക്കയുമില്ല (ലൂക്കൊസ് 10:41-42) എന്നു പറഞ്ഞു.

     പ്രിയരേ, വിളി തിരിച്ചറിയുക, വിളിയോട് അനുസരണം കാണിക്കുക, സകലപരിശ്രമവും നമ്മേ വിളിച്ച വേലയ്ക്കായി നടത്തുക, മറ്റുകാര്യങ്ങൾ ഓർത്ത് വ്യാകുലപ്പെടാതിരിക്കുക. മാർത്ത ഈ സന്ദേശങ്ങൾ തിരിച്ചറിഞ്ഞു അതുകൊണ്ട് നാം വീണ്ടും അവളെ കാണുന്നത് ഒരു പരാതിയും പറയാതെ വലിയ ഒരു കൂട്ടത്തെ ശുശ്രൂഷിക്കുന്നതായിട്ടാണ് (യോഹന്നാൻ 12:2). വിളിയെ തിരിച്ചറിയാൻ വിളിക്കപ്പെട്ടതിൽ പൂർണ്ണ പരിശ്രമം കൊടുക്കാൻ വിളിക്കപ്പെട്ടതിൽ വിളങ്ങാൻ ദൈവം ഏവരെയും സഹായിക്കട്ടെ.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 _🌅  MORNING INSPIRA....✍📆_ *14.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 23 = ദാവീദിന്റെ വീരന്മാർ.

➡ യിരെമ്യാവ് (Jeremiah) 17 = യെഹൂദയുടെ പാപം.

➡ ലുക്കൊസ് (Luke) 10: 30-37 = നല്ല ശമര്യാക്കാരൻ.

➡ എബ്രായർ (Hrebews) 4: 1-13 = അവിശ്വാസമെന്ന അപകടം.

*🎯 യാദൃച്ഛികം അവസരങ്ങളാക്കുക*

       മുൻകൂട്ടിയുള്ള ഒരു കരുതലുകളുമില്ലാതെ  സംഭവിക്കുന്ന കാര്യങ്ങളെയാണ് നാം യാദൃച്ഛികം എന്ന് വിളിക്കാറുള്ളത്. കഴിഞ്ഞ കാലങ്ങളിലേയ്ക്ക് തിരിഞ്ഞ് നോക്കിയാൽ ചില യാത്രകൾ, സന്ദർശനങ്ങൾ, കണ്ടുമുട്ടലുകൾ എല്ലാം  യാദൃച്ഛികങ്ങൾ ആയിരുന്നു.

      യെരുശലേമിൽ നിന്ന് യെരീഹോവിലേക്കു പോയ മനുഷ്യൻ കള്ളന്മാരുടെ കൈയിൽ അകപ്പെട്ട് അർദ്ധ പ്രാണനായി വഴിയരികിൽ കിടന്നപ്പോൾ ആ വഴിയെ ഒരു പുരോഹിതനും ലേവ്യനും പോയത് യാദൃച്ഛികമായിട്ടാണ് (വാ 31,32). ആ മനുഷ്യനോട് കരുണ കാണിച്ചുകൊണ്ട് ആ യാദൃച്ഛിക യാത്രയെ നന്മ ചെയ്യാനുള്ള അവസരമാക്കി അവർക്ക് മാറ്റാമായിരുന്നു. പക്ഷേ അവർ അതിന് തയ്യാറായില്ല. എന്നാൽ ആ വഴിയെ ഒരു ശമര്യക്കാരൻ ഒരു ലക്ഷ്യവുമായി പോയിട്ടും യാദൃച്ഛികമായ ആ കണ്ടുമുട്ടലിനെ അവസരമാക്കി മാറ്റി നന്മ ചെയ്തു.

     യഥാർത്ഥത്തിൽ സമയപരിധികൾക്ക് ഉള്ളിൽ ജീവിക്കുന്ന നമുക്ക് ചില കാര്യങ്ങൾ യാദൃച്ഛികം ആയി തോന്നുന്നതാണ്. ദൈവത്തിൻ്റെ ദൃഷ്ടിയിൽ ഒന്നും യാദൃച്ഛികം അല്ലാത്തതിനാൽ അവ എല്ലാം ദൈവം നല്കുന്ന അവസരങ്ങളാണ്. യാദൃച്ഛികങ്ങളെ നന്മ ചെയ്യാനുള്ള അവസരങ്ങളാക്കി നമുക്ക് വിനയോഗിക്കാം.

 

       

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 _🌅  MORNING INSPIRA....✍📆_ *13.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 22 = ദാവീദിന്റെ സ്തോത്രഗീതം.

➡ യിരെമ്യാവ് (Jeremiah) 16 = ആസന്നമായ അടിമത്വത്തിന്റെ അടയാളങ്ങൾ.

➡ ലുക്കൊസ് (Luke) 10: 17-29 = യേശു അയച്ച എഴുപതുപേർ മടങ്ങിവരുന്നു.

➡ എബ്രായർ (Hrebews) 3: 7-19 = ദൈവത്തോട് മത്സരിക്കരുത്.

*🎯 പുത്രൻ പിതാവിനെ മഹത്വപ്പെടുത്തി നാമോ?*

       ഒന്നാം നൂറ്റാണ്ടു മുതൽ ഭക്തന്മാർ ആരാധനയ്ക്കായി ഒത്തുകൂടിയ ദിനമായ ഈ കർത്തൃദിവസം വ്യത്യസ്തമായ സാഹചര്യങ്ങളിൽ ദൈവത്തെ ആരാധിക്കുമ്പോൾ നാം ദൈവത്തെ മഹത്വപ്പെടുത്തേണ്ടത്  ദൈവം നമുക്ക് ഈ കാര്യങ്ങൾ വെളിപ്പെടുത്തിയതിനാലാണ്.

      യേശു സുവിശേഷ സന്തേശവുമായി അയച്ച 70 പേർ മടങ്ങിയെത്തിയപ്പോൾ അവിടുന്ന് ചെയ്ത പ്രധാനകാര്യം പിതാവായ ദൈവത്തെ മഹത്വപ്പെടുത്തിയതാണ്.  അവിടുത്തെ വാക്കുകൾ "പിതാവേ, സ്വർഗ്ഗത്തിനും ഭൂമിക്കും കർത്താവായുള്ളോവേ, നീ ഇവ ജ്ഞാനികൾക്കും വിവേകികൾക്കും മറച്ചു ശിശുക്കൾക്കു വെളിപ്പെടുത്തിയതുകൊണ്ടു ഞാൻ നിന്നെ വാഴ്ത്തുന്നു. അതേ, പിതാവേ, ഇങ്ങനെ നിനക്കു പ്രസാദം തോന്നിയല്ലോ (ലൂക്കൊസ് 10:21) എന്നായിരുന്നു.

      ഈ ആരാധനയിൽ അവിടുന്ന് അവസ്ഥയെ അംഗീകരിക്കുന്നതായും അവിടുന്ന്  നല്കിയവയിൽ ആനന്ദിക്കുന്നതായും മനസ്സിലാക്കാം.

     നമ്മുടെ ആരാധന ഞാൻ എന്ന വ്യക്തിയെ ഉയർത്തലോ അറിവിനെ പ്രദർശിപ്പിക്കലോ മറ്റുള്ളവരുടെ പ്രശംസ പിടിച്ചുപാറ്റാലോ അല്ല നമ്മുടെ അവസ്ഥയെ അംഗീകരിച്ച് പിതാവായ ദൈവത്തിന് മഹത്വം കൊടുക്കലാകണം. പുത്രനായ ക്രിസ്തു അത് ചെയ്തു നാമോ?

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTIONS

 MORNING INSPIRA....✍📆_ *11.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 20 = ശേബ ദാവീദിനെതിരെ മത്സരിക്കുന്നു.

➡ യിരെമ്യാവ് (Jeremiah) 14 = വരൾച്ച, ക്ഷാമം, വാൾ.

➡ ലുക്കൊസ് (Luke) 9: 57-62 = കർത്താവിനെ അനുഗമിക്കാൻ വന്നവർ.

➡ എബ്രായർ (Hrebews) 2: 1-8 = ഇത്ര വലിയ രക്ഷ.

*🎯   വിളിച്ചവരും വിളിക്കപ്പെട്ടവരും*

       സധാരണയായി നാം പറഞ്ഞ് കേൾക്കാറുള്ള വാചകമാണ് സുവിശേഷ വേലക്കാരിൽ കർത്താവിനെ വിളിച്ചെറങ്ങിയവരും കർത്താവ് വിളിച്ചെറങ്ങിയവരും ഉണ്ട് എന്നത്.

      ഇന്ന് രാവിലെ നാം വായിച്ച ഭാഗത്ത് കർത്താവിനെ അനുഗമിക്കാം എന്ന്  കർത്താവിനോട് പറയുന്ന രണ്ട് പേരെയും എന്നെ അനുഗമിക്കാ എന്ന് കർത്താവ്  ആവശ്യപ്പെടുന്ന ഒരാളെയും കാണാം (ലുക്കൊസ് 9: 57-62).

      കർത്താവിനെ വിളിച്ച് അനുഗമിക്കാൻ തയ്യാറായവർ തെറ്റായ ലക്ഷ്യങ്ങൾ ഉള്ളവരായിരുന്നു. ഒന്നാമത്തവനു പാർക്കുവാൻ സ്ഥലവും രണ്ടാമത്തവനു വീട്ടുകാരിൽ നിന്ന് എന്തോ നേടുകയുമായിരുന്നു ലക്ഷ്യം. ആ രണ്ടു പേരേയും അംഗീകരിക്കാൻ യേശു തയ്യാറായില്ല. അവരുടെ ലക്ഷ്യം തെറ്റായതുകൊണ്ട് മാത്രമല്ല അവരുടെ മേലുള്ള ദൈവവിളി സുവിശേഷ വേലയല്ല മറ്റൊന്നായിരുന്നു കൊണ്ടാണ് അവിടുന്ന് അവരെ അംഗീകരിക്കാതിരുന്നത്. നാം എന്തിനു വേണ്ടി വിളിക്കപ്പെട്ടോ അതാണ് ചെയ്യേണ്ടത്. അല്ലാതെ നമുക്ക് താല്പര്യം തോന്നുന്നവയല്ല. 

      രണ്ടു പേർ കർത്താവിനെ വിളിച്ച് അവനെ അനുഗമിക്കാൻ ഒരുങ്ങിയപ്പോൾ കർത്താവ് തന്നെ അനുഗമിക്കാനായി വിളിച്ചവൻ ഒഴിഞ്ഞുമാറി. എന്നാൽ കർത്താവ് അവനെ ശാസിക്കുകയും നീ ദൈവരാജ്യം അറിയിക്കുക എന്ന് കല്പിക്കുകയും ചെയ്തു.

     ദൈവമക്കളേ, നമ്മുടെ കർത്താവിന് വോളിൻ്ററി എന്ന വ്യാജേന കർത്താവിനെ വിളിച്ച് അവനെ അനുഗമിക്കാൻ, സുവിശേഷ വേല ചെയ്യാൻ തയ്യാറാകുന്നവരെ വേണ്ട. അവന് ആവശ്യമുള്ളവരെ അവൻ അതാതു സമയങ്ങളിൽ വിളിക്കും. ഒപ്പം കർത്താവ് നമ്മേ അവൻ്റെ വേലയ്ക്കായി വിളിച്ചിട്ടുണ്ടെങ്കിൽ നാം നിർബന്ധമായും അത് ചെയ്യുക തന്നെ വേണം ഇല്ലെങ്കിൽ അവൻ ശാസിക്കുകയും ശിക്ഷിക്കുകയും ചെയ്യും. വിളി ഉറപ്പു വരുത്താം വിളിക്കപ്പെട്ട വേല ചെയ്യാം വിളിച്ചവനെ അനുഗമിച്ചനുസരിക്കാം.

_🌹ശുഭദിനം💐_

_Morning Inspira - വചനവായനക്ക് പുതിയൊരു മുഖം_

_By: Evg. Johnson Lazar Uppukunnu_

   _9400181794_

MORNING DEVOTIONS

 MORNING INSPIRA....✍📆_ *10.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 19 = ദാവീദ് യെരുശലേമിലേക്ക് മടങ്ങുന്നു.

➡ യിരെമ്യാവ് (Jeremiah) 13 = കേടായ അരക്കച്ചയിൽ നിന്നുള്ള പാഠം.

➡ ലുക്കൊസ് (Luke) 9: 37-56 = ശിഷ്യന്മാർക്കുള്ള പാഠങ്ങൾ.

➡ എബ്രായർ (Hrebews) 1: 5-14 = പുത്രൻ ദൂതന്മാരെക്കാൾ വലിയവൻ.

*🎯  തിരുത്തേണ്ട മനോഭാവങ്ങൾ*

    ക്രിസ്തു ഭക്തൻ്റെ ഏറ്റവും വലിയ ഉത്തരവാദിത്തം ഓരോ നിമിഷവും പരിശുദ്ധിക്കായി പരിശ്രമിക്കലാണ്. പഴയ മനുഷ്യനെ ക്രൂശിച്ചും പുതിയ മനുഷ്യനെ ധരിച്ചും ക്രിസ്തുവിനെപ്പോലെയാകാൻ ശ്രമിക്കുമ്പോൾ ആദ്യം പരിവർത്തനം ഉണ്ടാകേണ്ടത് നമ്മുടെ മനോഭാവങ്ങളിലാണ്.

     യേശുവിൻ്റെ ശിഷ്യന്മാരായിരുന്ന യോഹന്നാൻ്റെയും യാക്കോബിൻ്റെയും തെറ്റായ മനോഭാവത്തെ തിരുത്തുന്ന സംഭവമാണ് നാം ഇന്ന് വായിച്ചത്. 

    അവരുടെ ഒന്നാമത്തെ പ്രശ്നം കർത്താവിനായി പ്രവർത്തിക്കുന്നവർ അവരുടെ കൂടെ നില്ക്കാത്തതിനാൽ അംഗീകരിക്കാനായില്ല എന്നതും രണ്ടാമത്തെത് കർത്താവിനെ അംഗീകരിക്കാത്തവരോട് പൊരുത്തപ്പെടാനായില്ല എന്നതുമാണ്.

       ഇന്ന് ആത്മീയ രംഗത്ത് ഇവരുടെ പിൻമുറക്കാർ ധാരളമാണ്. സംഘടനകളുടെയും സംവിധാനങ്ങളുടെയും സ്വാധീനം ഇതിനു കാരണമായി തീർന്നിട്ടുണ്ട്.

    ദൈവജനമേ, നമുക്കിത് ചേർന്നതല്ല. കർത്താവിനായി പ്രവർത്തിക്കുന്നവർ നമ്മുടെ കൂടെയുള്ളവർ അല്ലാ എങ്കിലും അവരെ അംഗീകരിക്കാനും കർത്താവിനെ അംഗീകരിക്കാത്തവരോട് ക്രിസ്തുവിനെപ്പോലെ ക്ഷമിക്കാനും അവരുടെ യഥാസ്ഥാനത്തിനായി പ്രാർത്ഥിച്ചും പരിശ്രമിച്ചും അവരെ സ്നേഹിക്കാനും നമുക്ക് സാധിക്കണം. 

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 MORNING INSPIRA....✍📆_ *09.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 18 = അബ്ശാലോമിന്റെ അന്ത്യം.

➡ യിരെമ്യാവ് (Jeremiah) 11,12 = ലംഘിക്കപ്പെട്ട നിയമങ്ങളും യിരെമ്യാവിന്റെ പരാധിയും.

➡ ലുക്കൊസ് (Luke) 9: 28-36 = മറുരൂപപ്പെടൽ.

➡ എബ്രായർ (Hrebews) 1: 1-4 = ദൈവം അരുളിച്ചെയ്തത്.

*🎯   പാപം തടസ്സമായത് തേജസ്സിൽ ആസ്വാദ്യമായി*

       ഇസ്രായേലിൻ്റെ ചരിത്രം കണ്ട ഏറ്റവും വലിയ പ്രവാചകനാണ് മോശെ. ധൈര്യം, താഴ്മ, ദൈവത്തിലുള്ള സമ്പൂർണ്ണ ആശ്രയം എല്ലാം മോശെയുടെ പ്രധാന സവിശേഷതകളാണ്. രണ്ടു കുട്ടുകാർ തമ്മിൽ സംസാരിക്കുന്നതു പോലെയാണ് ദൈവവും മോശെയും തമ്മിൽ സംസാരിച്ചിരുന്നത്. എന്നാൽ അദ്ദേഹത്തിൻ്റെ ജീവിതത്തിൽ സംഭവിച്ച ഒരു പാപം കനാൻ ദേശത്ത് പ്രവേശിക്കുന്നതിന് തടസ്സമായി. അനന്തരം യോർദ്ദാൻ കടക്കുവാൻ കഴിയാതെ അദ്ദേഹം മരിച്ചു.

    ഇന്ന് നാം വായിച്ചത് മേശെയും ഏലിയാവും കനാൻ ദേശത്തിലെ ഒരു മലയിൽ തേജസ്സിൽ പ്രത്യക്ഷരായി എന്നാണ് (ലൂക്കോസ് 9:31).

    അതേ, പാപം തടസ്സമായി നിന്നതിനെ തേജസ്സ് മാറ്റി, പാപം നിമിത്തം അനുഭവിക്കാൻ കഴിയത്തത് തേജസ്സിൽ അനുഭവിക്കാൻ സാധിച്ചു. ഇത് നമുക്കും പ്രത്യാശയുടെ കിരണങ്ങൾ സമ്മാനിക്കുന്നു, പാപം നിമിത്തം അനുഭവിക്കാൻ സാധിക്കാത്തവ തേജസ്സിൽ നമുക്കനുഭവിക്കാൻ കഴിയും. പാപം നിമിത്തം ആദാമിന് നഷ്ടമായവ എല്ലാം തേജസ്സിൽ എത്തുമ്പോൾ നമുക്ക് ലഭിക്കും. ഈ ഭാഗ്യാവസ്ഥ ഓർത്ത് ദൈവത്തെ സ്തുതിക്കാം, ഈ നല്ലനാളിനായി കാത്തിരിക്കാം.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

MORNING DEVOTION

 _🌅  MORNING INSPIRA....✍📆_ *08.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 17 = അഹീഥോഫെലിന്റെയും ഹൂശായിയുടെയും ആലോചന.

➡ യിരെമ്യാവ് (Jeremiah) 9,10 = അനുസരണക്കേട് ന്യായവിധിക്ക് കാരണമാകുന്നു.

➡ ലുക്കൊസ് (Luke) 9: 23-27 = ശിഷ്യത്വത്തിന്റെ വ്യവസ്ഥകൾ.

➡ ഫിലോമോൻ (Philemon) 1: 22-25 = അന്ത്യ അഭിവാദനങ്ങൾ.

*🎯   അത്യുന്നതനാൽ അഭിനന്ദനം*

       മനുഷ്യസഹജമായ ആഗ്രഹമാണ് ചെയ്യുന്ന കാര്യങ്ങൾക്ക് അഭിനന്ദനം ലഭിക്കുക എന്നത്. എന്നാൽ നിർഭാഗ്യവശാൽ പലപ്പോഴും നാം വളരെ വിരളമായി മാത്രം അഭിനന്ദിക്കപ്പെടുന്നു മറ്റുള്ളവരെ അഭിനന്ദിക്കുന്നത് ചുരുക്കവുമായിരിക്കുന്നു.

    മറ്റുള്ളവർ നമ്മേ അഭിനന്ദിച്ചാൽ അത് നമുക്ക് ആത്മവിശ്വാസം വർദ്ധിപ്പിക്കും. ഇനി ആരും അഭിനന്ദിച്ചില്ലെങ്കിലും നാം നമ്മുടെ പ്രവർത്തികൾ തുടരും.

     നമുക്ക് അഭിനന്ദനം ആവശ്യമായിരിക്കുന്നത് മനുഷ്യരിൽ നിന്ന് മാത്രമല്ല, ദൈവത്തിൽ നിന്നു കൂടെയാണ്. മനുഷ്യരിൽ നിന്ന് ലഭിച്ചില്ലെങ്കിലും ദൈവത്തിൽ നിന്ന് ലഭിക്കുന്നില്ലെങ്കിൽ അത് വലിയ നഷ്ടമാകും. 

    കണക്ക് ബോധിപ്പിക്കുവാൻ ക്രിസ്തുവിൻ്റെ ന്യായസനത്തിനു മുമ്പിൽ ഹാജരാക്കുമ്പോൾ നാം അഭിനന്ദിക്കപ്പെടുമോ? അങ്ങനെ അഭിനന്ദിക്കപ്പെടണമെങ്കിൽ നാം ഈ ലോകത്തിൽ നമ്മുടെ ദൈവത്തിലും ദൈവ വചനത്തിലും അഭിമാനിക്കണം. ദൈവം മനുഷ്യനായ യേശുവിനെ സകലത്തിലും അനുഗമിക്കണം. അങ്ങനെ ചെയ്താൽ അഭിമാനവും അനുഗമിക്കലും നമ്മേ അഭിനന്ദനത്തിന് അർഹരാക്കും.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

 🌅  MORNING INSPIRA....✍📆_ *07.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 16 = ശിമെയി ദാവീദിനെ ശപിക്കുന്നു.

➡ യിരെമ്യാവ് (Jeremiah) 8 = യിരെമ്യാവിന്റെ വിലാപം.

➡ ലുക്കൊസ് (Luke) 9: 18-22 = പത്രോസ് യേശു ആരാണെന്ന് പ്രസ്താവിക്കുന്നു.

➡ ഫിലോമോൻ (Philemon) 1: 8-21 = ഒനേസിമോസിനു വേണ്ടിയുള്ള പൗലൊസിന്റെ അപേക്ഷ.

*🎯   അറിയിക്കും മുമ്പ് അപേക്ഷ*

   വിജയകരമായ ക്രിസ്തീയ ജീവിതത്തിന് പ്രാർത്ഥന അനിവാര്യമാണ്. പ്രാർത്ഥനയ്ക്ക് ഏറ്റവും ഉത്തമമായ മാതൃക ക്രിസ്തുവാണ്.

    ഇന്ന് നാം ലൂക്കൊസ് സുവിശേഷത്തിൽ വായിച്ച് തുടങ്ങിയത് യേശു ശിഷ്യന്മാരുടെ കൂടെയിരുന്നപ്പോഴും  പ്രാർത്ഥിച്ചുകൊണ്ടിരുന്നു എന്നാണ്. യേശു പലപ്പോഴും ശിഷ്യന്മാരെ വിട്ടുകളിലേയ്ക്ക് പറഞ്ഞയച്ചിട്ട് പ്രാർത്ഥിക്കാനായി മലമേൽ കയറി പോയതായി നാം സുവിശേഷങ്ങളിൽ പലയാവർത്തി വായിച്ചു. ഏകനായിരുന്ന് പ്രാർത്ഥിക്കുന്ന ശീലമുള്ള യേശു എന്തുകൊണ്ടാണ് ഇവിടെ കൂടെയുള്ളവരോട് മൗനം പാലിച്ച് സ്വർഗ്ഗത്തിലുള്ള പിതാവിനോട് ഇങ്ങനെ പ്രാർത്ഥിക്കുന്നത്?

     പ്രിയരേ, ഈ പ്രാർത്ഥനയ്ക്ക് ശേഷമാണ് യേശു യെഹൂദന്മാർ തന്നെ തള്ളിക്കളയുകയും കൊല്ലുകയും എന്നാൽ മൂന്നാം നാൾ താൻ ഉയിർത്തെഴുന്നേല്ക്കുകയും ചെയ്യും എന്ന സത്യം വെളിപ്പെടുത്തിയത്. ആകയാൽ ആ പ്രാർത്ഥന ഈ സത്യം വെളിപ്പെടുത്തേണ്ടതിനായിരുന്നു എന്ന് വ്യക്തം. അതേ, പ്രധാന കാര്യങ്ങൾ മറ്റുള്ളവരോട് അറിയിക്കുന്നതിന് മുമ്പ് അത് ഇനി പ്രിയപ്പെട്ടവരോടാണെങ്കിൽ പോലും പ്രാർത്ഥന അനിവാര്യമാണ്. പ്രാർത്ഥിച്ച് ദൈവത്തിൽ നിന്ന് സമ്മതം വാങ്ങിച്ചും ദൈവം തരുന്ന കൃപയ്ക്ക് അനുസരിച്ചും വേണം നാം എല്ലാ കാര്യങ്ങളും ഏറ്റവും കുറഞ്ഞത് പ്രധാന കാര്യങ്ങളെങ്കിലും മറ്റുള്ളവരോട് അറിയിക്കാൻ. ദൈവം അതിനായി നമ്മേ സഹായിക്കട്ടെ.

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

 _🌅  MORNING INSPIRA....✍📆_ *06.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 15 = അബ്ശാലേം ദാവീദിനെതിരെ മത്സരിക്കുന്നു.

➡ യിരെമ്യാവ് (Jeremiah) 7 = മാനസാന്തരത്തിനായുള്ള വിളി.

➡ ലുക്കൊസ് (Luke) 9: 10-17 = യേശു പുരുഷാരത്തെ പോഷിപ്പിക്കുന്നു.

➡ ഫിലോമോൻ (Philemon) 1: 1-7 = അഭിവാദനവും നന്ദിയും.

*🎯   ഉള്ളത് കൊണ്ട് ഓണം പോലെ*

       വിശദീകരണങ്ങൾ ആവശ്യമില്ലാത്ത, മലയാളികൾ നിരന്തരം ഉപയോഗിക്കുന്ന ചൊല്ലാണ് തലവാചകം. കഴിഞ്ഞ വർഷം വരെ ഈ ചൊല്ല് പറഞ്ഞും കേട്ടുമാണ് പരിചയമുണ്ടായിരുന്നത് എങ്കിൽ ഈ വർഷം നാമത് അനുഭവിച്ചറിഞ്ഞു. ഒരുപക്ഷേ കേരളവും ലോക മലയാളികളും പരിമിതികളിൽ ഒതുങ്ങി നിന്നുകൊണ്ട് ആഘോഷിച്ച ഏക ഓണം ഈ വർഷത്തെ മാത്രമായിരിക്കാം.

      ലഭ്യമായ സാധനങ്ങൾ കൊണ്ട് ആഘോഷമായി ജീവിക്കാം എന്ന അർത്ഥം സമ്മാനിക്കുന്ന ഈ ചൊല്ല് യഥാർത്ഥത്തിൽ മനുഷ്യൻ്റെ ബലഹീനതയെയാണ് ചൂണ്ടിക്കാണിക്കുന്നത്. അതേ നാം ബലഹീനരാണ് , അതുകൊണ്ട് തന്നെ നാം നമുക്കുള്ളതിൽ തൃപ്തിപ്പെട്ട് ആഘോഷമായി ജീവിക്കാൻ പരിശ്രമിച്ചുകൊണ്ടിരിക്കുന്നു. എന്നാൽ പ്രിയരേ, നമ്മുടെ ദൈവം പരിമിതികൾ ഇല്ലാത്തവനാണ്, ബലഹീനതകൾ ഇല്ലാത്തവനാണ്. അവിടുത്തേയ്ക്ക് സാധിക്കാത്തതായി ഒന്നുമില്ല. അവിടുന്ന് ഇല്ലാത്തിനെ ഉള്ളതിനെപ്പോലെ വിളിക്കുന്നവനും ഉള്ളവയെ തൃപ്തരാകും വരെ പൊലിപ്പിച്ച് നല്കാൻ പ്രാപ്തനുമാണ്. ആമാശത്തിന് ആഹാരം ആവശ്യമാണെന്ന സന്ദേശം ലഭിച്ച പുരുഷാരവും ആഹാരം നല്കാൻ കല്പന കിട്ടിയ ശിഷ്യന്മാരും നിസഹായരായി നിന്നപ്പോൾ ഒരു ബാലൻ അവൻ്റെ കൈയിൽ ഉള്ള അഞ്ച് അപ്പം രണ്ട് മീനും യേശുവിന് കൊടുത്തു. യേശു അതു പൊലിപ്പിച്ച് അവിടെ ഉണ്ടായിരുന്ന സകലർക്കും തൃപ്തിരാകും വരെ നല്കി. നമുക്കുള്ളതിനെ യേശുവിൻ്റെ കരങ്ങളിലേയ്ക്ക് കൊടുക്കുക, അവൻ നമ്മേ തൃപ്തിപ്പെടുത്തും.

MORNING DEVOTION

  MORNING INSPIRA....✍📆_ *04.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 13 = അമ്നോന്റെ പാപവും പരിണിതഫലവും.

➡ യിരെമ്യാവ് (Jeremiah) 5 = യെഹൂദയുടെ പാപത്തിന്റെ പട്ടിക.

➡ ലുക്കൊസ് (Luke) 9: 1-6 = യേശു പന്തിരുവരെ സുവിശേഷ സന്ദേശവുമായി അയക്കുന്നു.

➡ തീത്തോസ് (Titus) 3: 1-11 = ക്രിസ്തീയ പൗരത്വം. 

*🎯   ഒരുക്കമില്ലാത്ത യാത്ര*

       യാത്രകൾ ഇഷ്ടപ്പെടാത്തവരായി ആരുമില്ല. പ്രത്യേകിച്ച് ഈ കോവിഡ് കാലത്ത് പരിമിധികൾക്ക് ഉള്ളിൽ നാം ജീവിക്കുമ്പോഴും എവിടെയ്ക്കെങ്കിലും യാത്ര പോകാൻ കഴിഞ്ഞെങ്കിൽ അത്തരം സാഹചര്യം സ്വാധീനതയിലായെങ്കിൽ എന്ന് നാം ആഗ്രഹിക്കാറുണ്ട്. അതുകൊണ്ട് തന്നെ ഒരു യാത്രയ്ക്ക് എന്തെല്ലാം ആവശ്യമാണെന്ന് നമുക്കറിയാം.

       ഒരു യാത്രയ്ക്ക് ആവശ്യമായവ എന്തെല്ലാം എന്ന് ചോദിച്ചാൽ നമ്മുടെ മനസ്സിലേയ്ക്ക് ആദ്യം വരിക ഒരുക്കം ആണ്. ജ്യേഷ്ഠനെ ചതിച്ചതുകൊണ്ട് ഓടി പോകേണ്ടിവന്ന വ്യക്തിയാണ് യാക്കോബ്. ആ യാത്രയ്ക്കുവേണ്ടി ഒന്നും ഒരുക്കാനുള്ള സാഹചര്യം അവന് കിട്ടിയില്ല, ഒരു വടി മാത്രമാണ് അവൻ്റെ കൈയിൽ ഉണ്ടായിരുന്നത് അതുകൊണ്ട് പല ക്ലേശങ്ങൾ അവനു നേരിടേണ്ടി വന്നു, അവൻ രാത്രി കിടന്നുറങ്ങിയത് കല്ല് തലയിണയായി വെച്ചാണ്. ആകയാൽ യാത്രയ്ക്ക് ആവശ്യമായ എല്ലാം മുൻകൂട്ടി ഒരുക്കുന്നില്ലെങ്കിൽ യാത്ര സന്തോഷകരമാകില്ല എന്ന് വ്യക്തം.

     എന്നാൽ യേശുക്രിസ്തു തൻ്റെ ശിഷ്യന്മാരെ ചില ഗ്രാമങ്ങളിലേയ്ക്ക് സുവിശേഷ സന്ദേശവുമായി അയച്ചപ്പോൾ അവരോട് "വഴിക്കു വടിയും പൊക്കണവും അപ്പവും പണവും ഒന്നും എടുക്കരുത്; രണ്ട് ഉടുപ്പും അരുത് " (ലൂക്കൊസ് 9:3) എന്ന് കല്പിച്ചു. യാക്കോബിന് വടിയെങ്കിലും ഉണ്ടായിരുന്നു, ഇവിടെ ഇതാ അതും ഇല്ലാതെ ചിലർ ഗ്രാമങ്ങൾ തോറും സഞ്ചരിക്കുന്നു. പ്രിയരേ, അയക്കുന്നവൻ അദൃശ്യനായി കൂടെയിരിക്കുന്നതിനാലും അവൻ ആവശ്യമായവ എല്ലാം ആവശ്യ സമയങ്ങളിൽ നല്കാൻ പ്രാപ്തനായതിനാലുമാണ് ഒന്നും കരുതേണ്ട എന്നവരോട് പറഞ്ഞത്. ദൈവവിളി കേട്ട് അനുസരണം കാണിക്കാൻ തയ്യാറായാൽ ആവശ്യങ്ങൾ നിറവേറ്റാൻ അവിടുന്ന് മതിയായവനാണ്. എല്ലാം കരുതിയാട്ട് എല്ലാവർക്കും വേണ്ടി കരുതിയിട്ട് സുവിശേഷ വേല ചെയ്യാം എന്നാണോ താങ്കൾ ആഗ്രഹിക്കുന്നത്? അതുവേണ്ട ഈ യാത്രയ്ക്ക് ഒരുക്കങ്ങൾ ആവശ്യമില്ല ആവശ്യമായവ വിളിച്ചവൻ നല്കും.

             

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

 _MORNING INSPIRA....✍📆_ *03.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 12 = പാപത്തിന്റെ പരിണിതഫലം.

➡ യിരെമ്യാവ് (Jeremiah) 4 = വടക്ക് നിന്ന് വരുന്ന നാശവും യിരെമ്യാവിന്റെ വിലാപവും.

➡ ലുക്കൊസ് (Luke) 8: 40-56 = യേശു രക്തസ്രാവക്കാരിക്ക് സൗഖ്യവും യായീറോസിന്റ മകൾക്ക് ജീവനും നല്കുന്നു.

➡ തീത്തോസ് (Titus) 2: 12-15 = പ്രസംഗ, പ്രബോധന, ശാസന വിഷയം

*🎯   രണ്ട് നാട് രണ്ട് സമീപനം*

         ഭൂതബാധിതനായ മനുഷ്യൻ ഗെരസേന്യ ദേശത്തിന് തീരാ ദുഃഖമായിരുന്നു എങ്കിലും അവർ ആ അവസ്ഥയോട് പൊരുത്തപ്പെട്ടിരുന്നു. അതുകൊണ്ട് തന്നെ ആ മനുഷ്യന് ലഭിച്ച സൗഖ്യത്തിൽ അവർക്ക് ആശ്ചര്യം തോന്നി എങ്കിലും തങ്ങളുടെ മൃഗസമ്പത്ത് നഷ്ടമായത് അവർ വലിയ നഷ്ടമായി കാണുകയും അവിടെയുള്ള രോഗികളെ യേശുവിങ്കലേയ്ക്ക് കൊണ്ടു ചെല്ലേണ്ടതിനു പകരം യേശുവിനോട്  തങ്ങളുടെ നാട് വിട്ട് പോകാൻ ആവശ്യപ്പെടുകയും ചെയ്തു.

      ഗെരസേന്യ ദേശത്തോട് വിടപറഞ്ഞ് യേശു ഗലീലയിലേയ്ക്ക് മടങ്ങി. അവിടെയുള്ള ജനം അവനെ സന്തോഷത്തോടെ കൈകൊണ്ടു. അവർ അവനായിട്ടു കാത്തിരിക്കുകയായിരുന്നു.

     ഭൗതികമായവയ്ക്ക് ഒന്നാം സ്ഥാനം കൊടുത്തതും പ്രതിസന്ധികളോട് പൊരുത്തപ്പെട്ട് ഇങ്ങനെ ജീവിച്ചാൽ മതി എന്ന് കരുതിയതുമാണ് യേശു വേണ്ട എന്ന് പറയാൻ ഗെരസേന്യരെ നിർബന്ധിച്ചത്. എന്നാൽ എങ്ങനെയും യേശുവിനുള്ള സൗഖ്യമാക്കാനുള്ള കഴിവ് കൂടുതൽ മെച്ചമായ ജീവിതം വേണം എന്ന ചിന്ത നിമിത്തമാണ് ഗലീലയിൽ ഉള്ളവർ അവനെ സന്തോഷത്തോടെ സ്വീകരിച്ചത്, അവനായി കാത്തിരുന്നത്.

     നാം ഇന്ന് ഈ രണ്ട് സ്ഥലങ്ങളിൽ ഏത് സ്ഥലത്തുള്ളവരെ പോലെയായിരിക്കുന്നു?

             

_🌹ശുഭദിനം💐_

*Morning Inspira - വചനവായനക്ക് പുതിയൊരു മുഖം*

_By: Evg. Johnson Lazar Uppukunnu_

   _9400181794_

_🌅  MORNING INSPIRA....✍📆_ *02.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 11 = ദാവീദിന്റെ പാപം
➡ യിരെമ്യാവ് (Jeremiah) 3 = ഇസ്രായേലും യെഹൂദയും മാനസാന്തരപ്പെടുവാനുള്ള ആഹ്വാനം.
➡ ലുക്കൊസ് (Luke) 8: 26-39 = യേശു ഗെരസേന്യ ദേശത്ത്.
➡ തീത്തോസ് (Titus) 2: 1-11 = സൽപ്രവൃത്തിക്കു മാതൃകയാകുക.

*🎯   നാട് പരാജയപ്പെട്ടു നസ്രായൻ ജയിച്ചു*

             ഗരസേന്യദേശത്തിൻ്റെ ശാപവും പേടി സ്വപ്നവുമായിരുന്നു ഭൂതം ബാധിച്ച ആ മനുഷ്യൻ വസ്ത്രം ധരിക്കാതെ, വീട്ടിൽ പാർക്കാതെ ശവക്കല്ലറയിൽ പാർത്തിരുന്ന അദ്ദേഹത്തെ ക്വാറൻ്റ്‌നിൽ ഇടാൻ നോക്കിയിട്ട് അതും പരാജയപ്പെടുകയും റൂട്ട് മാപ്പ് പോലും കണ്ടെത്താൻ കഴിയാത്ത വിധം അദ്ദേഹം കറങ്ങി നടക്കുകയും ചെയ്തു. എന്നാൽ നസ്രായനായ യേശു അവിടെ ചെല്ലുകയും അവനെ ബാധിച്ചിരുന്ന ഭൂതങ്ങളെ പുറത്താക്കി അവനെ ശാന്തസ്വഭാവമുള്ളവനാക്കി തീർക്കുകയും ചെയ്തു.

       പ്രിയരേ, യേശുവിന് സകല പ്രശ്നങ്ങൾക്കും പരിഹാരം നല്കാനും പുതിയ സൃഷ്ടികളാക്കാനും കഴിയും അവിടുത്തെ സന്ദർശനത്തിനായി നമുക്ക് പ്രാർത്ഥിക്കാം.

_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_

_🌅  MORNING INSPIRA....✍📆_ *01.09.20.*

_📖 വായന ഭാഗം 📌 പ്രധാന വിഷയങ്ങൾ_

➡ 2 ശമുവേൽ  (2 Samuel) 10 = ദാവീദ് അമ്മോന്യരെ തോല്പിക്കുന്നു.
➡ യിരെമ്യാവ് (Jeremiah) 1,2 = യിരെമ്യാവിന്റെ വിളി, ഇസ്രായേലിനോടുള്ള ദൂത്.
➡ ലുക്കൊസ് (Luke) 8: 16-25 = വിളക്കിന്റെ ഉപമ, യേശു കൊടുങ്കാറ്റിനെ ശാസിക്കുന്നു.
➡ തീത്തോസ് (Titus) 1: 10-16 = ദുരുപദേഷ്ടാക്കന്മാർക്ക് എതിരായ മുന്നറിയിപ്പ്.

*🎯   ശത്രുവിൻ്റെ പോരാട്ടം*

             ഏറ്റവും വലിയ പോരാട്ടമുള്ള മേഖലയാണ് ആത്മീയ ശുശ്രൂഷ രംഗം. ഓരോ ശുശ്രൂഷകനും ദൈവത്തിനായി ചെയ്യാനിരിക്കുന്ന കാര്യങ്ങളെ ചെയ്യിക്കാതിരിക്കാൻ അതിൽ നിന്ന് പിൻതിരിപ്പിക്കാൻ ശത്രുവായ പിശാച് എല്ലാ പരിശ്രമങ്ങളും നടത്തും.

         യേശു തൻ്റെ ശിഷ്യന്മാരുമായി ഗരസേന്യ ദേശത്തേയ്ക്ക് യാത്ര ചെയ്തപ്പോൾ വലിയ ചുഴലിക്കാറ്റ് ഉണ്ടാകുകയും പടകിൽ വെള്ളം നിറയുകയും ചെയ്തു. ഏതു നിമിഷവും പടക് മുങ്ങുവാൻ സാധ്യതയുണ്ട് എന്ന് തോന്നിയ ശിഷ്യന്മാർ പ്രാണഭയത്തിലായി. അവർ തിരികെ പോകാനോ മറ്റൊരു തീരത്ത് അണയാനോ പരിശ്രമിക്കാനാണ് ഈ പ്രതികൂലം എല്ലാം ഉണ്ടായത്. കാരണം യേശുവും ശിഷ്യന്മാരും ഗരസേന്യയിൽ എത്തിയാൽ തൻ്റെ പരിചാരകർ കുടിയിരിക്കുന്ന മനുഷ്യനെ ഉപേക്ഷിച്ച് അവർക്ക് പോകേണ്ടിവരും എന്ന് പിശാചിന് അറിയാമായിരുന്നു. എന്നാൽ ശിഷ്യന്മാർ ഇവ രണ്ടിനും ശ്രമിക്കാതെ ഉറങ്ങിക്കിടന്ന യേശുവിനെ വിളിച്ചുണർത്തി പ്രതികൂലത്തെ ബോധിപ്പിച്ചു. യേശു അവയെ ശാസിക്കുകയും വലിയ ശാന്തത ഉണ്ടാകുകയും ചെയ്തു.

     പിശാചിന് നമ്മേ ഭയപ്പെടുത്താനേ കഴിയു, ഒരുപക്ഷേ, ഇതോടെ എല്ലാം തീർന്നു എന്ന് നമ്മുടെ മനസ്സിൽ തോന്നുമാറ് അവൻ പ്രവൃത്തിക്കും. അത്രയുമേ അവനെക്കൊണ്ട് സാധിക്കു. എന്നാൽ ഒന്നും അവസാനിക്കില്ല, അതിനുള്ള ശക്തി അവനില്ല.

     നോക്കുക ഈ പ്രതികൂലം യേശുവിനെ അല്പം പോലും ബാധിച്ചില്ല, അവൻ അതിൻ്റെ നടുവിലും സുഖമായി ഉറങ്ങി. അവനോടു കാര്യം ബോധിപ്പിച്ചപ്പോൾ അവൻ സ്വസ്ഥത നല്കുകയും ചെയ്തു.

     പ്രതികൂലങ്ങൾ ആഞ്ഞടിക്കുമ്പോൾ ശത്രുവിൻ്റെ ശക്തി മനസ്സിലാക്കുക, യേശുവിനരികിലേയ്ക്ക് വരിക. അവൻ സകല പ്രതികൂലങ്ങളും മാറ്റി നമ്മേ പ്രയോജനപ്പെടുത്തും.


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_