_🌅  MORNING INSPIRA....✍📆_ *14.07.20.*

_📖 വായന ഭാഗം 📌 പ്രധാന വിഷയങ്ങൾ_

➡ ന്യായാധിപന്മാർ (Judges) 12 = യിഫ്താഹും എഫ്രയീമും.
➡ യെശയ്യാവ് (Isaiah) 2 = യഹോവയുടെ ദിവസം.
➡ മർക്കൊസ് (Mark) 12: 18 - 27 = പുനരുത്ഥാനം സംബന്ധിച്ച സംശയങ്ങളും നിവാരണവും.
➡ ഫിലിപ്പിയർ (Philippians) 1: 27 - 30 = സ്ഥിരതക്കുള്ള ആഹ്വാനം.

*🎯  ജീവനുള്ളവരുടെ ദൈവം*
       
           ആദ്യ മനുഷ്യനായ ആദാമിൻ്റെ മുതൽ ബൈബിളിലെ അവസാന ഗ്രന്ഥം രചിച്ച യോഹന്നാൻ്റെ വരെ പേരുകളും ജീവിതവും ബൈബിൾ വരച്ചുകാണിക്കുന്നത് മാതൃകാപരമായ അവരുടെ ജീവതങ്ങളെ അനുകരിക്കാനും വീഴ്ച്ചകളെ ദൃഷ്ടാന്തങ്ങളായി കണ്ട് ജാഗ്രത കാണിക്കേണ്ടതിനുമാണ്.
 
          എന്നാൽ നാം അവരെ എന്തിനു വേണ്ടിയാണ് ഉപയോഗിക്കുന്നത്? പലപ്പോഴും അവരുടെ ദൈവമാണ് ഞങ്ങളുടെയും ദൈവം എന്ന് പറയാൻ വേണ്ടി മാത്രമാണ് നാം അവരുടെ പേരുകൾ ഉപയോഗിക്കാറുള്ളത്. പരസ്യയോഗങ്ങളിൽ പോലും അബ്രഹാമിൻ്റെയും ഇസഹാക്കിൻ്റെയും യാക്കോബിൻ്റെയും ദൈവമായ പിതാക്കന്മാരുടെ ദൈവം എന്ന് പ്രസ്താവിക്കാറുണ്ട്. അയൽവാസിയുടെ പേരറിയാത്തവനോടാണ് അബ്രാഹാമിൻ്റെ പേര് പറയുന്നത്. ദൈവത്തെക്കുറിച്ച് യേശു സാക്ഷീകരിക്കുന്നത് അവിടുന്ന് മരിച്ചവരുടെ ദൈവമല്ല ജീവനുള്ളവരുടെ ദൈവമാണ് എന്നാണ്. പിതാക്കന്മാർ ജീവിച്ച കാലത്ത് അവരുടെ ദൈവം എന്ന് പറയാൻ ദൈവം ലജ്ജിച്ചില്ല എന്നാണ് എബ്രായ ലേഖന കർത്താവ് നമ്മേ പ്രബോധിപ്പിക്കുന്നത്. പ്രിയരേ, നാം ജീവിച്ചിരിക്കുന്ന കാലത്ത് നമ്മുടെ ദൈവമായി അവിടുന്ന് അറിയപ്പെടണം. അതിനു ഉതകുന്ന വിശ്വാസവും നിലവാരവുമുള്ള ജീവിതമാകണം നമ്മുടേത്. ഓർക്കുക, അവിടുന്ന് ജീവനുള്ളവരുടെ ദൈവമാണ്.


_🌹ശുഭദിനം💐_
*Morning Inspira - വചനവായനക്ക് പുതിയൊരു മുഖം*
_By: Evg. Johnson Lazar Uppukunnu_
   _9400181794_